عرض مشاركة واحدة
قديم 03-08-2009, 05:57 AM   المشاركة رقم: 1
المعلومات
الكاتب:
ScReAmQwEeN
اللقب:
♥A♥ انثى بلا قيود ♥A♥
الرتبة:
الصورة الرمزية
 
الصورة الرمزية ScReAmQwEeN

البيانات
التسجيل: Mar 2008
العضوية: 60504
المشاركات: 3,096 [+]
بمعدل : 0.73 يوميا
اخر زياره : [+]
معدل التقييم:
نقاط التقييم: 22
 

الإتصالات
الحالة:
ScReAmQwEeN غير متصل
وسائل الإتصال:

المنتدى : الوطن والأمير - اخبار مجلس الأمه الكويتي
حكم ,امثــــال بدويه

الســلام عليكم ..

شلونكم شخباركم ؟؟ !!

اول شي لازم تتقهووووووووون



,امثــــال بدويه



سمواااااااا الله يحيكم :icon_mrgreen:



اليوم طرى على بالي الأمثلــه البدويــه :D .. من المعروف ان عندنـا البدووو حكم وامثال
انرددهـا في مواقف معينه عاد قلـــت يبيلـــه انزل لكم الأمثلــه وشرح لها ..

الامثلــه تحت .. انشاءلله تعجبكم !! !!



ماضاع حق وراه مطالب
هذا المثل يُضرب عندما يكون هناك سعى وراء الحقوق أي أن هذا السعي لن يضيع ,لأنك تسعى وراء حق



الحي يحييك والميت يزيدك غبن
هذا المثل يُضرب للشخص الرزين الشقردي الذي يبعث فيك الحيوية والنشاط أما الشخص الآخر يبعث فيك الخمول والقهر والغبينة.

>معروووف ومشهووور



مسى والشيطان يخسى
هذا المثل يُضرب عندما يكون هناك أشخاص يتهاوشون في موضوع ٍ ما هنا يقول آخر هذا القول : مسى والشيطان يخسى أي تعوذوا من إبليس.



ماحار إلا كلام الريجيل
هذا المثل يُضرب عندما يقول رجل كلمة(( أح )) عند تعرضه للحرارة هنا يُقال هذا المثل أي أن الحار هو كلام الريجيل



لساكت الناكت أو السكوتي هو الموتي
هذا المثل يُضرب للشخص الذي دائما ساكت ولكنه يُخفي وراء هذا السكوت حكمة وتروّي وقوة حجة .


أدّب النساء بالنساء والبل بالعصا
هذا المثل يُضرب عندما يفكر الرجل بالزواج من ثانية ولذا إذا أردت عزيزي الرجل أن تؤدب المرأة الأولى تزوج عليها ثانية حتى تتأدب , والإبل إذا أردت تأديبها عليك بالعصا لكي تعسفها.

> لاتحقدون علــي يالبنات تراهـ مثل :icon_mrgreen:



قومٌ تعاونوا ماذلوا
هذي الحمه تنقال للقبيلة التي تتعاون فيما بينها أو حتى مجموعة معينة فإنهم لن يُذلوا بإذن الله لأن يد الله مع الجماعة.

> ياكثر ماتقولهااا امــي لصار عندنا عزايم يعني تحمسنـا :D


لحقوق تبالها حلوق
هذا المثل يُضرب للرجل الذي يسعى في حصوله على حقوقه فلابد له أن يكون صاحب لسان وصوت عال ولذا رمز للصوت حلوق.



الذيب مع طاريه
هذي الحكمه تنقال للرجل أو الشيء الذي يحضر في وقت مطلبه , مثلا كنتَ تتكلم عن شخص تريده وإذا به أمامك وفجأة تقول : الذيب مع طاريه.


نفضيه نفض الردى وان كان به نصيب ما غدى
هذي الحكمه تقال للي تبي شي وغصب اخذته


من تلزق طاح
هذي تنقال للي ما تبي المشاكل وتدور الستر


العبد في التفكير والرب في التدبير
يعني وكل امرك الله



ماخذتن خيره ومتزينتن لغيره
هذا مثل يقال للمراهـ اللي طلقها رجلها


قضي حويك وابنية
معناة اذا عندج فلوس اصرفيها لبيتج وابنية


من ضحك بالثرمان يضحك بلا سن
معناة من يضحك اولا يبكي اخرا واللي يعيب اللة يبلاة


عيب الرغى عقب الهدير
اي عيب التنازل بعد الصمود


وش لك بالداب وشجرتة
يعني شنو تبي براعي المشاكل



ام القعود للدار تعود
يعني اللي تطلقت وعندها عيال لابد ترجع



صــغــآيآآهم تســمع لغــآآيآآهم
يعنــي الســوآلف اللــي يقــولــونهـآ الصغــآر يكــونــون ســآمعينهــآ من الكبــآر





مااطـاح من النجــــوم خـف للســـما

والمعـنى ( للشخص المزعج العلـه لووولز )



إذا كثروا الرعيان ضاعت الغنم
يعني الشغلة إذا اشتغل فيها أكثر من شخص خربت



من حبك لحاجه يبيها ابغضـك لاقلت مـالك " شغل " فيها
.يعني من حبك لمصلحه تركك إذا خلصت



لا تعابي العوبه اتعابيك تحط كل بلاها فيك

يقال عن المرأه الخبيثه الي تقلب مثل الحيه وتقلب السالفه على الي يناجرها


لعنبو خبري بالصخبري
تنقال حق اللي يصروخ (( الجذاب ))



سبع بيوتن لافتهم بضحويه ساقت الفرجان في مركاض ساعه
تنقال للمرأه الدواجه الي كل برهـ البيت


اصبر عليهم جمره واحصدهم ثمره
تقال للأم الي كل تشتكي من اذيت عيالهااا وشطانتهم


> كل اقولهااا الأمــي اذا زعلــت علينــا :D


ضحك على الرجال بحب خشومها
يمعنى اذا تبون من اهلكم اي شي حبواا خشومهم يسونه لكم
لوووولز


يتهيا له رجل قالت عور
تقال للشخص اللي كان يبي حاجه ولما صارت حاجته ماجازتله او قام يتعنفق


نفع ثنيه لهله
>هذي سالفه قديمه
ثنيه بنت بدويه وكل ما سوت شي تنفع اهلها راحت وخربته عمرها ما اصلحت شي فيقولون : للوحده اللي الي تبي تنفع وللاسف وينها ووين النفع لووولز نفع ثنيه لهله





مهف مقيط ورشااه
تقال عند روحة الشخص اللي ماله قبول او منغثين منه



ضيّع صيدته بعجاجته
تقال للشخص اللي ضيّع او خسر شغله يسويها بسبب طفاقته



المنسدح مايخلى
تقال للشخص المسالم وناشبين في حلجه ومايخلونه بحاله بحاله



الضب مايعرف ربه لين يسلقى
يقال للشخص اللي يلف يمين ويسار وتمشينه سيده



طب رفله وافق عافيه
تقال لشخص الي مايعرف بشغله وتضبط معاهـ صدفـه

> بالعربي طنازهـ :icon_mrgreen:



المكتوتي منه الموتي
يعني دايم الانسان الساكت يكون وراه بلاوي متلتله




الاسم لي والغبوق لمريم
يعني عندما يكون الشيئ لك بالاسم فقط والاستفاده للغير




طبخن طبختيه يالرفله اكليه
>واااااااااااااااااااضح




زلت الفزعة وابونا يحتزم

معناه ان وقت الحاجة خلصت وابوانا اللي نبي فزعته للحين ماخلص لبسه وحنا ننطره
يقال اذا طلبت شغله ووصلت لك متأخـر




الدنيا ما بتغني عن الآخرة
> واضح يعني لاتسعى بدنيا وتنسى الاخرهـ



يرزق الدود في الحجر الجلمود
معناهـ ان الرزق عند الله




إذا كان الكذب بينجّي ، الصدق أنجى
تقال للي يسوي الخطأ ويعترف انـه مخطي



اعزم وأكرم وأكل العيش نصيب
يقال عندما تكرم الضيف وتوجبه واهووو يرفض او يعتذر



اللي بيمشي على رجليه لا تحلف عليه
بمعنى لا تحلف بيمين وتقسم بالجذب عشان برئ شخص



أهل السماح ملاح
يقال عندما يسامح احدهم الاخر متناسي زلته وخطأهـ
.


جارك القريب ولا أخوك البعيد
جارك القريب ينفعك ويوقف معاك كانه اخووو لك



الضيف إن أقبل أمير وإن قَعَد أسير وإن قام شاعر
يقال لضيف > يعني مدحـه



امهات القبورهـ
>وهذي سالفه قديمه
ان في اخت كل ماطلب منها اخوهااا تروح البير وترويه منه تتعذر الان مالها خلق
وتقول لااا انا اخاف لمن اشوف عكس صورتي بالماي واهوو مسكين يرضى ويسكت
ولمن يصير ليل هالاخت تروح المقابر وتفتش القبور وطلع الكفن وتخيطهم اهدوم وتبيعهم
عاد الاخووو استغرب اخته كل مالها افلوسها اتزيد فكر بيوم يسوي نفسه نايم ويعرف سالفتها
المهم يوم صار ليل راحت هالاخت تفتش القبور وطلع الكفن طاح عليهاا اخوهااا وجكهااا وقال (( امهات القبورهـ )) يعني تقولين اخاف من صورتي بالماي وانتي تفتشين القبر لووولز
يعني تقال للمرأهـ العيارهـ

> ياكثر ماتقولهااا امي :icon_mrgreen:


وسـلامتكم :D > زين خلصتي



للامانه الفكره منقوله والباقي مجهودي



p;l












عرض البوم صور ScReAmQwEeN   رد مع اقتباس