المساعد الشخصي الرقمي

مشاهدة النسخة كاملة : التربية الأساسية


just(:smile
09-18-2008, 03:39 AM
قووووووووة بنات و شباب التربية الاساسية

بما انه فيه موضوع للجامعة حبيت احط موضوع

للتربية الاساسية

اللي يبي يسأل عن الدكاترة يحط سؤاله هنيه ((بما انه دكاترتنا مشتركين))

و اللي مجرب الدكتور المسؤؤل عنه

يرد على اللي سأل و هكذا

و اللي عنده اي سؤال ثاني حياه

*TanTosHa*
09-18-2008, 04:24 AM
يع ــطيج العافيه وما تقصرينــ ..
بصراحه انا ماعندي أسـأله ..
بس حبيت أشكرجـ ..
..
.

موسيقيه حساسه
09-18-2008, 04:33 AM
حبيبتي مشكور على هالمبادره الحلوه منج ... :)

بس يصير موعد التسجيل ...ونسجل بسألج انشالله .. :) الجامعه خلصوو تسجيل واحنا قاعدين هههههههه

الله يعطيج العافيه حبيبتي ...ماقصرتي :)

just(:smile
09-18-2008, 04:51 AM
يع ــطيج العافيه وما تقصرينــ ..
بصراحه انا ماعندي أسـأله ..
بس حبيت أشكرجـ ..
..
.



حياج ربي تنتوووشه
و ربي يعافيج من كل شر

just(:smile
09-18-2008, 04:58 AM
حبيبتي مشكور على هالمبادره الحلوه منج ... :)
بس يصير موعد التسجيل ...ونسجل بسألج انشالله .. :) الجامعه خلصوو تسجيل واحنا قاعدين هههههههه
الله يعطيج العافيه حبيبتي ...ماقصرتي :)


حياااااج ربي موسيقية

لي هالدرجه مستعيله عالدوام

لا تخافين بنبدا الدوام عقب العيد

انت شنو تخصصج؟؟

عشان اعرف دكاترتج

موسيقيه حساسه
09-18-2008, 10:23 AM
حبيبتي انا ماقلت مستعيله ... بس الي اقوله ان الجامعه تسجيلهم قبلنا وخلصووو .. :)

انا تخصصي تربيه موسيقيه ... :)

وهذي اخر سنه .... فعندي خبره بكل دكاترت قسمي :)

________________

عاشقــ تويتي ـة
09-18-2008, 10:31 AM
كل الشكر لج حبوبة
وانا بعد عندي ترى خبره بخصوص دكاترتكم :$

وان شاءلله هالمرة كلنا دواماتنا ورا العيد 5-10 :d

kiwi
09-18-2008, 05:17 PM
انا قبل التسجيل بسئلكم عن الدكاتره

مشكوره قواج الله (:

just(:smile
09-19-2008, 01:01 AM
حياااااااكم ربي


موسيقية <<<انا تخصصي اقتصاد بس عندكم دكتور خوووش دكتور خذيت عنده ثقافه موسيقية بس ما اذكر اسمه

بس هو عازمي

و انت نفسي باقيلي سنه و اتخرج


عاشقه تويتي<<<انت شكلج بالجامعه لان احنا السحب و الاضافه يبدون عندنا 6_10 مو 5

و بعد اسبوع او اكثر حسب تسجيلج تداومين

كيوي << حياااج ربي اي سؤال و انشالله اذا انا ماعرفت الدكتور الشباب او البنات يفيدونج او اسألج عنه

موسيقيه حساسه
09-19-2008, 02:49 AM
سمايل ويييه عيل مبنى رقم 2 ... الله يعينا ويوفقنا ...ويجعل هالسنه علينا مسك الختااااااااام ... :)
سمايل اتوقع .. دكتور خالد ... ؟ "اسمر" .... صح ؟

just(:smile
09-19-2008, 03:04 AM
و الله موسيقيه

هو اسمر و يلبس نظارات بس خالد شنو يمكن اذكره


ايه مبنى رقم 2 و الرئيسي دوم موجوده فيهم

اما مبنى 3 ماعمري شفته

SuL6aN
09-19-2008, 03:10 AM
( // سـ م ـآيــل // )

//

موضوع مُفـــــيد

يـ ع ـطيج العاآفيهـ وعسآج ع القوهـ

//

يُـــــــثــــبـــــــت

’’’

موسيقيه حساسه
09-19-2008, 03:12 AM
نفسي هههههههههه انا ولامره طبيته :) لوووووووول

اسمه خالد المجرب ... اي صح هذي مواصفاته ...

kiwi
09-19-2008, 03:19 AM
بليز ابي اعرف دكاتره زينين انا بييكم هالسنه :$
اللي يعرف يفيدني

ومشكورين (:

just(:smile
09-19-2008, 03:21 AM
حيااااااك ربي بيكهام

و هذا اول موضوع يتثبت لي

بالمنتدى

منوووووور

just(:smile
09-19-2008, 03:21 AM
صصصصصصصصصح

موسيقية

هو

و الله خوووش دكتووور

just(:smile
09-19-2008, 03:23 AM
بليز ابي اعرف دكاتره زينين انا بييكم هالسنه :$
اللي يعرف يفيدني
ومشكورين (:


هلا و الله كيوي

حياااااج ربي بكليتنا

انت اي تخصص

عشان اعرف الدكاترة

موسيقيه حساسه
09-19-2008, 03:24 AM
كيوي نورت الكليه :) ....

اول كورس داومة فيه ..ماسجلت موادي ....

خذيت جدول جاهز ...

صراحه مادري اللحين اذا تغير هالنظام ولا لأ ؟

SuL6aN
09-19-2008, 03:25 AM
حيااااااك ربي بيكهام
و هذا اول موضوع يتثبت لي
بالمنتدى
منوووووور


و إن شـآء الله مآيكون الأخير

//

just(:smile
09-19-2008, 03:28 AM
يااارب بيكهام

سبحان الله الموضوع اللي تعبت عليه ساعتين

ماتثبت

و الموضوع اللي كتبته بربع ساعه تثبت

ربي لا يحرمني منكم

kiwi
09-19-2008, 03:29 AM
هلا فيج منوره بوجودج

انا قبلني عربي


؟


اي الجدول ناخذه جاهز اسبوع الياي

موسيقيه حساسه
09-19-2008, 03:34 AM
بس بمواد تخصصنا .. لج عليه شوي ... نوو شرح ... نوو فهم :)

وهو اللحين راح يروح بنين ... "هذا الي سمعته "

بس الي يبي "ثقافه موسيقيه" يسجلها على طوووووووووول عند ..دكتور (حسين محمد عوض )

a على طول .... وحبوب ونفسه حلوه وطيييب ويقدر الطالبه :)

موسيقيه حساسه
09-19-2008, 03:44 AM
كيوي ...

دكاترة قسم اللغه العربيه شديدين من ناحية الدرجات ...

بس الي جربنهم وشرحهم حلووو ... وعجبني ...
د. عايشه الانصاري... شرح ولا ارووووع ... توصل لج المعلومه بطريقه حلوه .. حبوبه وايد ... وامتحاناتها شوي صعبه بس اتساعد
د.عادل الصراف ... وااااااااايد يمدحونه سمعت عنه كل خير ...
د.عبدالمطلب زيد.. شرحه حلووو .. وطيوب ...بس وايد يكد ... جربت عنده ...مادة قرآت واساليب ... اول سنه ... دقيق بشرحه ...وحقاني بالدرجات لايزيد .. ولاينقص حسب مجهودج ...
د. السعيد عبدالله ... مصري.. ريال عود ... بس عسل صج محاضرته يشبعج بالمعلومات ..وتطلعين وانتي فاهمه ... وهم اهوو حقاني ...بس يساعد شوي ...
وهذول الدكاتره الي مروا علي بقسم اللغه العربيه... الله يوفقج حبيبتي :)

kiwi
09-19-2008, 03:48 AM
مشكوره
موسيقيه


ما تقصرين

(:

just(:smile
09-19-2008, 03:56 AM
هلا فيج منوره بوجودج
انا قبلني عربي
؟
اي الجدول ناخذه جاهز اسبوع الياي


و الله شوفي دكاتره العربي

كلهم لج عليهم

بس اذا مساندج اسلامية

فدكاتره الاسلامية اغلبهم زينين

عندج زكي و اقبال المطوع زينه

و العربي فايز الذاية هذا انا مسميته الراوي << اللي بالرسوم متحركه

ما يتكلم الا فصحه

و اذا كلمتيه عامي ما يرد عليج كأنج ما تكلمينه

بس تراه زين

و اكيد راح تاخذين مواد عامه

اخذي ثقافه موسيقية سهله حييييل

و اخذيها عند خالد المجرب اذا لقيتيه

و قسم علم النفس عندج منى الجناعي زينه

و بعد ماني ذاكره الدكاتره عدل

بس لاتاخذين عند سميره المذكوري

تراها شغل واسطات

انا اخذت عندها

مع اني مسوية بحث عدل و امتحاناتي درجاتي زينه

عطتني سي

ووحده عندها واسطه((هي قالت لنا علني )) ماخذه بالامتحان3 من 30 تخيلي

عطتها اخر شي ايه

و الله قهههههر

و عندج قسم تطور فكر تربوي و هالسوالف

الدكتور ابو بكر عبيد و لطيفه الكندري و بدر ملك(اخذت عنده اصول تربية )

هذولي خوووش دكاتره


و عندج طرق تدريس الدكاتره الزينين

و هذولي صعب تلقين عندهم لان البنات على طول ياخذون عندهم

نبيل العوضي

و مدالله العنزي

و عبيد الشمري

هذولي توب

ايه و قسم دراسات اجتماعية انا اخذت عند سلمان الفيلكاوي

خوووش دكتووور

------------------

و انشالله اكون افدتج شويه

و لو انه فيه دكاتره وايد ماني ذكرتهم

بس اذا عندج اسأله عن دكاتره ثانيين اسألي

SuL6aN
09-24-2008, 01:28 AM
تـم إلـ غ ـآء التثبيــــت

//

^_^

just(:smile
09-30-2008, 04:18 AM
بما انه السحب و الاضافه على الابواب

فجبت لكم تقييم للدكاترة

و كل بنت و تخصصها كما هو مكتوب بمنتدى ثاني

عشان اللي يبي يستفيد


و راح احط لكم اراء البنات بالضبط لانهم مجربين الدكاترة

just(:smile
09-30-2008, 04:20 AM
المهم بكتب لكم جميع الدكاترة اللى اخذت عندهم من زين وشين

طبعا انا تخصصي اسلامية ومساند عربي


بدر السميط - اسلامية - << بيض الله وجهه خوش انسان بس مدرى ليه يذموونه وانا كل كورس اول ما افتح التسجيل على طول ادور اسجل عنده


احمد الجمل - اسلاميه -<< حسبنا الله ونعم الوكيل ظالم بمعني كلمة ظالم بس ربي ان شاء الله ما راح يخليه


محمد نعنان - عربي - << ما شاء الله عليه بس هو انفيسه اشوى بس انصحكم بالدراسة اول باول


شكري سرحان - اسلاميه - << ما شاء الله عليه خوووووووش دكتور وبيض الله وجهه اللى تاخذ عنده ربها يحبها انسان سلس وسهل وامتحاناته سهله ماااااااااااااي


مني حسن - تكنولوجيا تعلم _ << حسبنا الله ونعم الوكيل عليها ربنا يورينا فيها يوم

عبدالعزيز الاحمد - اصول تربيه - << يعني نص ونص

خالد شعيب _ اسلاميه _ << اعوذ بالله بدون تعليق


سليمان الشطي - اسلاميه - <<< زووين بس كميه كبيرة للمنهج


عبدالله حسن - اسلاميه _ << زين بعلوم السنه النبويه وعلومها -- لكن بالحديث لا انصحكم عند غيره


هو شرحه ما شاء الله نابغه وحلو وامتحاناته دقيقة بس يبيلج حفظ اول باول


حمود العنزي - عربي ما يدرس الا خط ومعرووف << يا كرهي له كرهاااه مليغ وظالم الى ابعد حد


تخيلووو جبت بامتحاني الاول 19 والثاني 18 من عشرين ومتاكده من نفسى بالفاينل ولا غبت ولا يوم وعطانى جيد مرتفع حسبنا الله ونعم الوكيل فيه


فهد الفيلكاوي - تطور فكر تربوي - << وناااااااسه عنده تقولين خبل وفاصل بس امتحاناته سهله موووووووت وتضمنين الـ أ


مدالله سويدان - مناهج - << الله يوفقه بكل خطوه يخطوووها انسان راقي بالتعامل والاسلوب والشرح وطيب الى ابعد حد وامتحاناته سهله والمنهج سهل بيض الله وجهه وليت كل الدكاتره مثله


عيس زكي _ اسلاميه - الاحوال الشخصية << ما شاء الله عليه ربي يوفقه


هنداوي _ عربي - << انا ميح بالنحو وما احبه بس ما شاء الله عليه شرح- بس حنا وش يفهمنا وامتحاناته سهله بس احفظي المذكره وبس يجيبها مثل ما هي


السعيد عبدالله - عربي - عروووض - الله يذكره بالخير رهيب هالانسان بس حسافة راح وربنا يوفقه


محسن الصالحي - تطور فكر اسلامي - << ما شاء الله عليه زين

مشاري الحسيني - ادراه ومهارات - << نص ونص مع ان امتحاناته سهله


بدر الرميض - اسلاميه - يعنى ما يراعي كلش بالمره


عمر الكندري - اسلاميه - قصص قرأن << ما شاء الله عليه ربنا يوووفقه


حسن حموده - اسلاميه - عقيده هو احسن الدكاتره للعقيده وهو نص ونص بس امتحانه صعب ومدرى وش هو السؤال ومدرى اشلون نجحت ههههههههههههه


احمد العلي - عربي - ما شاء الله عليه امتحاناته سهله وخووش دكتور ومحترم ومحاضرته رهيبه بس من الرهبه والهيبه البعض يسقطون ههههههههههه



الحداد << دكتوره تدرس مناهج بحث مدري من وين جايبينها انحاااااااااااشوووووووووووو عنها تكفوون


نبيله المدلج - انجليزي - ما شاء الله عليها ربي يوفقها ويفتح لها كل درب خير انسانه راقيه وامتحاناتها سهله وتخليج تحبين الانقليزى


وبس

just(:smile
09-30-2008, 04:22 AM
أنا طالبة تخصص لغة عربية والمساند اجتماعيات دفعة 2005 وهذي السنة آخر سنة حقي ان شاء الله

فكة فكة راح أتخرج لوووول

احم احم

المهم

راح أقول لكم دكاترة العربي

أول شي عادل الصراف على رأس القائمة
شرحه واضح وسهل وبسيط وما يعقد الاشياء وامتحاناته سهله حيل ودايما يزيد البنات بالدرجات

محمد نعناع
اعرفي طريقته راح تاخذين امتياز عنده اللي يشرحه راح اييبه بالامتحان ولا تتغافلين عن التفاصيل

هزاع المرشد
امتحاناته سهلة وشرحة حلو يحب ينوع بالامثلة

حمود العنزي
حاولي تحسنين من خطج وبيني له انج وايد تتمرنين يحط لج امتياز

سالم خداده
فهمي معاه عدل لأنج اذا ما فهمتي ما راح تاخذين الامتياز لأن امتحاناته تعتمد على الفهم مو الحفظ

يحيى مير علم
انسان حقاني ما يحب يزيد ولا ينقص وامتحاناته تتطلب كل شي أخذتيه تكتبينه
يعني مثلا عطاج قاعدة بالملخص وعطاج الشواذ منها وعطاج 4 أمثله
بالامتحان تكتبين القاعدة والشواذ و4 أمثلة ونقص شي تنقصين

جلال مادري شنو
أخذت عنده مادة علم اللغة الاجتماعي وما فهمت طريقته بس كان يبي بحث دقيق كأن مادة بحث
أنا ما أذمه ولا أمدحه

رجب عثمان
والله زين أخذت عنده مادة قاعة بخث لغوي

فايز الداية
أنا أول شي كنت أكره وأسبه بس لمن عرفت طريقته والله صرت أمدحه
اهو طريقته شوي معقدة مادري اشلون اشرحها لكم
على كل حال راح يسافر خلاصوالدكاترة السيئين الله يستر عليهم

just(:smile
09-30-2008, 04:24 AM
الدكاتره الزينين بقسم التربيه الإسلاميه :-

عمر الكندري<<< رااااااااااااااااااااااااااااااااااااااااااااااااا اااااااااااااااااائع وإلي ماتاخذ عنده أي ماده خسرانه رائع من حيث إسلوبه وإمتحاناته وسهله وفيه شوية تفكير لكن إمتحاناته بالنظره العامه حلوه

بدر سميط<<< إمتحاناته سهههههههههههههههههههههههههلللللللللللللللللللللللل لللللللللللللللللللله جدا جدا جدا ومافي لف ودوران إلي موجود بالكتاب ينسخه لج بدون زياده أونقصان رائع هالإنسان وفيه بنات يسبونه لأنه إسلوبه شوي لكم عليه بس البنت تاخذ عن الدكتور لإمتحاناته وبصراحه سهله


شكري إبراهيم<<< إمتحاناته سهله وحلوه وإنسانه رائع بإسلوبه وشرحه

بدر الماص<<< زين وموزين بإمتحاناته الشهريه تطلع سهله وحلوه ولكن بالفاينل يصدمج بالأسئله وهالكلام موبس أنا إلي ملاحظه كل البنات

عبدالرؤوف الكمالي<<<إمتحاناته حلوه ومباشره موسهله حيل ولاصعبه حيل وسط ولكنها جيده وطيوب وإسلوبه بالشرح حلو



دكاترة الإسلاميه إلي موزينين :-

العدواني<<< كلششششش موزين إنحاشو منخ

أحمد الجمل<<< نصيحه من كل قلبي لاتااااااااخذووووووون عنده يظلم بشكل موطبيعي وصارت لي وياه سالفه ماقول غير الله يسامحه

عبدالله حسن<<< شرحه حلو لكن إمتحانته تضيع حيل تضيع

خالد شعيب<<< بعيييييييييد بعييييييييييد عنه لاتاخذون عنده كلش



دكاترة العربي الزينين :-


سالم خداده<<< قعدي بالسطره الأولى وبطلي أذونج عدل وكتبي معاه وراح يسير كل شي سهل عندج حلو شرحه وإمتحاناته

محمد نعناع<<< زين لكن يبيله تركيز كبير موشوي ومراجعه

حمود العنزي<<< ماكو غيره يعطي هالماده فتعلمي كل يوم وتدربي عالخط وراح تنجحين بالبدايه راح يكون صعب وياج لكن مع التدريب أسهل منه ماكو


إلي موزينين:-

راشد جراري<<< بالأول حسيته زين وشرحه حلو بعدين قام يخورها جان أسحب الماده



الدكاتره بالمواد العامه :-


منى الجناعي<<< زينه وإمتحاناته كله صح وخطأ ياحلوها تهبل

غنام الغنام<<< صج إنه قليل أدب حتى بكلامه لكن إمتحاناته سههههههله وكتابه مذكره صغيره

عبدالعزيز الأحمد<<< زين درسي عدل وإمتحاناته الشهريه يدمجهم بإمتحان الفاينل معروف بهالشي بس مومعناته ماتدرسين إلا أسئلة الإمتحانات الشهري لأ درسي لأنه ساعات يجيب أسئله موجايبها بالإمتحانات الشهريه

سعد الرشيدي<<< إخذوا عنده وإنتم مغمظييييييييييييييييييييييييييييييييييييييييييين راااااااائع هالإنسان حتى بإمتحاناته

سالم بوعويان<<< هالإنسان رائع وإمتحاناته سههههههله



بالنسبه للي موزينين:-

مشاعل العبيد<<< كلش وخروا عنها
منى الريس<<< غصب توكلكم الكتاب من كثر شرحها بس حبوبه حليلها إمتحاناتها موشي

موسيقيه حساسه
09-30-2008, 04:25 AM
الله يعطيج العافيه ..

تسلمين وماقصرتي .. عساج عالقوه ..

:)

just(:smile
09-30-2008, 04:26 AM
دكتور موسى غضبان
يدرس الكويت والتنمية والتاريخ شرحه وايد حلو تفهمين بسرعة
حفظي الملخص وكتبيه بالامتحان وتييبين الامتياز

سلمان الفيلكاوي
امتحاناته سهلة وشرحه زوين

غانم سلطان
لازم تحفظين كل شي حتى الارقام وراح اتييبين امتياز لأن امتحاناته سهلة

سعود العنزي
زين وامتحاناته سهلة

just(:smile
09-30-2008, 04:28 AM
يحيى ميــــــــر علم ...بصراحه انسان قمه بالادب والاحترام ...أهم شي عنده انج تكونين فاهمه ...ومايجيب شي غير عن اللي ناخذه ..حتى الحضـــــــــور مو مهم عنده لأن يدري ان انتي اللي بتخسرين بالآخر ...بس بعد 9 غيابات حرمان ...لووووووول طولت السالفه ....يعطي تدريبات لغويه ..

ومن الدكاتره الزينين ...
سعود العنزي ...محاااااااااااظرته روعه ...غصب تندمجين ...بس حقاني ويحب الالتزام ..وعليه قطات نكته
عبدالناصر فخرو ...قسم الأصول ..كنت ماخذه عنده اتجاهات تربويه معاصره <<<<< هذا الدكتوووووور ماعليه كلام ...بصراحه يقدر الطالبات ويعاملهم مثل خواته...ومحاظرته عسل كلها غشمره يقلب الدرس على متعه ...وأغلب شي معتذر
وامتحااااااناته ياسلاااااااااااااااااااام ....توقعوا شنو الأسئله ؟؟

الفاينال جايب لنا ...شويه بس من الدروس والأسئله الباقيه ...
س1: اكتبي نكته .....................+س2:اكتبي سيره ذاتيه عن احد زميلاتك ................
شرايكم بالامتحاااااااان ....لما سألناه قلنا دكتور من صجك ؟؟ قااااال ليش ماتبون ؟؟ أحسن لكم وحاس فيكم تداومون بالصيف وحر لازم تطلعون من الأسئله الروتينيه ههههههههههههههههههههههههههاي ياحلاته صج صج أروع دكتووووور مر علي ..
وبعد فيه شكثر دكاتره زينين ..(قسم الاقتصاااااااد كلهم روعه ...ماعدا فاطمه خداده ...)
قسم العلووووم هاااااااجر الدغفق ههههههههههههههههاي يحليلها رقله ...القاعه هالكبر وتجيب معاها مايك مسمينها الوطواط بس شرحها اكس ..على طول تعطي أسئله بدون ماتشرح

والدكاااااااااااااتره الـــــــــ
وع وع وع عبدالله العنجري...انحاشوا لحد ياخذ عنده علم نفس معقد بمعنى الكلمه ........محاظرته كانت تنتهي 12 بالضبط ...وكان عندي محاظره 12 ونص ...بنااااااااات مايطلعنا ...كان يطلعنا 12 ونص شنوووووووو بكيفك تاخذ وقتنا بعد ...المفروض يطلعنا قبل ماتنتهي محاظرته ب10 دقايق ...نقول له دكتور بنطلع عندنا محاظراااات ...متى يمدي نلحق ...يقووووول كيفكم بس يعتبر اسئذان وبعض المرات ما يطلع

__________________

just(:smile
09-30-2008, 04:32 AM
بالنسبه لي الزينين

صافي >>اسلاميه
بدر ملك>>اصول
حسين الهدبه>>تطور فكر
عبد العزيز دهيم<<مناهج بحث طيب وايد
مدالله سويدان<<مناهج +عبيد الشمري
وليد الحمد <<اسلاميه ماشالله طيب وزين
اما المنطقه الحمرا
خالد شعيب
الهااااااام المفتي
سالم خداده
محمد الحضرم

8888888888888888888888
888888888888888888888


شافي محبوب بس مايعذر بالغياب كلش


فوزي بوفرسن بس دمه ثقيل هههههههههه

ناصر المويزري عسسسسسسسسسسسسل

حسن هندااوي زين

دكتور المكتبات سمير حسن

دكتورة الانجليزي والله نسيتها بس عايلتها العتيبي

اجتماعيات مهدي العجمي




اللي موزينين


سبيكه ناصر ماحبها سقطتني نفس الكورس بمادتين والعبت بمعدلي

منى المسلم طبعا كلهم مكتبات

ومناهج عند سبيكه بورسلي واااااااااااااااااااااي ماعندها اسلوب

__________________


**************************

******************************

ثقافه اسلاميه

وليد البذال
كلمه اينن شويه عليه ..محترم ..يقدر ظروفج...درجاته وامتحاناته سنعه بمستوى الطالب واسهل ...مافي حفظ ايات واحاديث وايد
================================

موسيقى

ماده ثقافه موسيقيه د. حسين عوض ايييينن قلتله ابي a قالي ماردج بنت الموسيقى لوووول


د عامر جعفر طيب وحبوب اسلوبه حلو بس يبي طالب مثالي يشد حيله مو يطنش وماله خلق


د.صقر الرامزي اخيييييييييه واااااااي جنه ابو مو دكتور بنتي وبنتي وغشمرررررجي المحاظره ثلاث ارباعها ضحك

====================
اصول تربيه
بدر العازمي

يونس هالدكتور يربطلكم التربيه بواقع يعني كان كله يعطينا مثال سيئ ايمنيم لوول <---شاطره احفظ

==============
د لطيفه الكندري
حبوبه هالدكتوره راقيه تونس تستفيدين منها ومن طموحها ماشالله عليها اهيا وريلها دكاتره ودرجاتها هم سنعه

===================

قرارءات واساليب
د احمد العلي
مثقف درررررجه اولى عجبتني شخصيته
كل دقيقه يقول تذكرت بيت شعر ويقوله ومذكراته صغاار ويعطي قصص ممتعه مادته جنها سوالف
على كثر ماخرعوني بماده قراءات كثر ماحبيتها عند هالدكتور
ومايظلم يعطي كل وحده وحقها بالدرجات لا يزيد ولا ينقص


=========================


موسيقى
د.سحر
اهيا زينه بس تخسسف تخيلو تقول انا يا احط a b بس
ليش الطالب ياخذ c d هذا فاشل ماله داعي ياخذهم فيعيد الماده احسن له ويتثقف مره ثانيه ويزيد معلوماته راضيييييييين بالسي شلي حارها مادري
تبينا نصير زلمات عشان ترضى الله يعيينيي مرشدتي

====================
د.نايف سهيل
حضاره اسلاميه
كميته واييييد وييب الامتحان من بين الاسطور واكملي الفراغ ملاقه الصراحه
=================
د نضال الشحمان
اسلاميه
ظالمه بالنسبه لي وبنات تخصصي سقطتنا كلنا الموسيقى أف
مع ان درجاتي بالامتحانات زينه ومسمعه الايات!!!!!!!!!!
===========================
د سميره المذكوري
شديده وتتفلسف وااايد
وكل ساعه تقول حق البنات مو بخاطركم تتزوجون عن العياره !!!!!!! شتبيييييييييين
غثتني من اول يوم محاظره
تبي البنات يشرحون فجاه لازم تحظرين درس المحاظره اليايه
تعامل البنات جنه متوسط بعد موثانويه
امتحاناتها صعبه
درجاتها زفت

just(:smile
09-30-2008, 04:34 AM
1- ابو بكر زيد ما شاء الله شرحه ابداع مو طبيعي يدخل المعلومة براسج انا كنت ماخذه عنده

تطور فكر تربوي من شرحه ارد البيت صامه المحاضرة مع ان المادة غثيثة بس اهوا يفهم ما شاء الله عليه حتى كنت ماخذه

المادة قبل عند عبدالعزيز الاحمد وسحبتها وشفت فرق الشرح بينه وبين ابو بكر

2- محمود ليله == رياضيات شرحه حلو وطريقة امتحانه فيه اسئلة اختيارية احب هالطريقة

3- احمد بو فرسن === جيولوجيا محترم ويساعد حيل

4- ناصر المويزري === علم نفس حبووب وطيب والمادة سهلة عنده

5- راكان المطيري ==== محترم وحقاني مع ان البنات ما يمدحونه بس انا اقول انه حقاني يعني درسي وما راح يظلمج

6- خالد المريفع === عجيب هالدكتور امتحاناته موضوعي اللي يدش بالمدتيرم ما يدش بالفاينل وماكو شرح


اما اللي مو زينين

مريم الراشد === رياضيات اهي حبوبه وطيبه بس مصيبتها انها فاهمه بس مو قادرة توصل لج المعلومة

يعني مو قادرة تنزل لي مستوى الطالب

__________________

just(:smile
09-30-2008, 04:41 AM
اللي زينين :

مد الله سويدان<<<النوت ماله شوية يمكن 30 ورقة و يبي برزنتيشن تقولين شي و لا ما تقولين يعطيج درجته
بدر ملك<<<اغلب الشعبة عنده a
محمد الدغيم <<<عجيب هالدكتور امتحاناته سهله و اهوا راااقي بالتعامل
مريم الراشد رياضيات <<< حرام هالدكتورة حبوبة و ماتهتم بالغياب بس اسمها تخلي ورقة تمشي عالبنات و يكتبون اساميهم و تعطي كوزات وايد و اذا غبتي فيه تعيده بدون عذر بس تبي البنات ايمعون درجات و كل مسائلها من النوووووووت و اللي شرحته
سمر ماضي<<<انجليزي طيوبة هالدكتورة و شرحها حلو



اللي موزينين
منى دبيس << امتحاناتها صعبة و كلها كتابة و مو ملتزمة وايد تتاخر و تغيب ووايد تسوووووولف



***************************
**************************

بكتب لكم الزينين اولا ..

عبير الهولي بس يحبون الشغل
عزيزه اليتيم بس تحب الشغل
محمد عوض أ وانتى مغمضه اهم شي الحضور
جوهره المحيلان: انتى ماتغيبين من كثر ماتينن هالدكتوره
منى دبيس: كنت احبها وزينه بس طلعت مو شي .. يعني نص ونص
مشاري الحسيني: فلمم امتحانه يا صح يا غلط بس ساعدني وايد بالفاينل وحليو .. الحين اسلم عليه مايعطي ويهه !!
المويزري: والله زين يعني عادي بس مادري ليش مستذبحين عليه !! كنت اتنرفز من شرحه مايحب يطلع بره الموضوع ..
ماجده خليفه : حليوه وطيبه وتونس ولمن تتحجى حدها تونس ..
عبدالعزيز الاحمد: اول كورس لي فكنت احبه يسولف وجذى وامتحاناته الشعبه الاولى نفس الثانيه فكان كله غشش المهممممممم الحين كبرت فهمت واستوعبت انه يبالغ بالكميه !!!!
أحمد الهولي: عجييييييييب طيب حبوب والله والله دشي الامتحاااااااااان وألفي ... مايحب كلام الكتب اى شي تكتبينه وخلاص
اللوغاني: مال تعليم وتعلم نسيت اسمه هم طيب وحبووووووب بس عطاني نتيجه ماستحقها بس اتم احترمه واحبه


**************************

****************************
****************************

خالد المريفع تكنولوجيا التعليم يهبل ...
سالم بوعويان مشكلات تدريسيه يهبل بس الله يهبل بس الله يهديه يبينا نحفظ اكثر من 6 نقاط..
عبدالرحيم الكندري مناهج بحث يهبل يهبل يهبل اموووووووووووت عليه هالدكتووور انسااان رااقي...
سامية السناافي مناهج مادري يعني ..
عواطف عويهان بدنيه ماتعطي درجات
خالد الشعيب يهبل هالدكتوور يعطي درجات يهبل يهبل وامتحاناته سخييييييييفه
عبدالله العازمي هالدكتووووووووووووووور عجيييييييييييييييييييب مدخل ال التربية
عبدالمحسن الخرافي رياضيات لايحوووووووووووووووشك
لطيفه الكندري تهبل تهبل عسل ياناس تهبل
مصطفى جوده عربي تدريبات لغويه ياحلوه هالدكتور يهل

*********************
************************

just(:smile
09-30-2008, 04:43 AM
أنا بذكر الدكاترة الي نقول عنهم و نعم الدكتور (( يعني الزينين ))

* هناء المرزوق ... تربية بدنية -_- و نعم الدكتورة طيبه و حبيبه و أخلاق و تحب البنت الي تسولف معاها امتحانات المتيرم نفسهم حق الفاينل بس تضيف عليهم .
* جليلة حسن ... تربية بدنية -_- هذي الدكتورة حبيبة تنحط على الجرح و يبرى و امتحاناتها سهله و كميتها حلوه .
* مصطفى جوهر ... التربية البدنية -_- يعطي صحة سوالفه واجد و يتطنز بس كمية الامتحان قليلة و احفظي الي تنوتينه بس و إذا عطاج امتحان حلي على قد السؤال و لا تزيدين علشان ما ينقصج " عكس الدكاتره " .
* سلطانه الشطي ... تربية بدنية -_- حبيبة و تتفهم الوضع و تعطيج حقج بالضبط بس ها لازم تتدرسين كل شي حق الفاينل حتى الرسومات الموجودة بالكتاب و صدقيني إذا ما غبتي و حضرتي تعطيج بونص ..و الله يوم أخذت عندها كنت متأكده إني أطلع ب d بس و الله من فضل الله ثم مجهودي و حضوري عطتني b+
* غنيمة حيدر ... تربية بدنية -_- حبيبة ما تقولين دكتورة تقولين أمج و نصوح و محاضرتها حلوه و خفيفه بس لازم تشرحين الدرس لأن عليه درجة و بعد تعطيج 50 أو 30 سؤال تدرسينهم و 10 منهم يجونج بالفاينل و كل امتحاناتها جذي أه نسيت أهم شي الحضور عندها و تتفهم وضعج و تقدرج .
* عبلة فرحان ... تربية بدنية -_- حليوه بس تمصلحي عندها حيل مو شويه و إذا قالتلج هذا لا تدرسينه لا تصدقينه لأن كل شي تعطيج ياها معاج حق الفاينل .
* سعود الدويسان ... تربية بدنية -_- خووووووش دكتور و نعم الأخلاق بس لا تغلطين عليه ما يحب التصرفات ، أهم شي عنده الحضور و إنج تشاركين معاه ولا بعد يخليج تحسين انج من صج أبلة لأنه يقولج ها أبلة خالتي عمتي .
* نفين ... تربية بدنية -_- و الله لو أقول من اليوم لي باجر مراح أكفي و أوفي و الله هذي الدكتورة حبيبة و طيبه و خلوقه و و و و و و و إخذوا عندها و تعرفون .

أدري تقولون هذي ما بقى أحد بالبدنية ما مدحته بس مو كلهم لأسف

التخصصات الثانية :

*عيد الهيم ... درسني مناهج بحث -_- ما شاءالله عليه خلوق درجه أوله و طيب ولا بعد ترى يستحي و إذا كنتي قاعدة أخر شي ما تسمعين صوته بس طريقة امتحاناته يوم أخذت عنده كان مقسم السكشن حق 6 مجموعات و يقول حق كل مجموعة من صفحة كذا الى صفحة كذا طلعوا منها 6 اسئلة و، بعدين كل مجموعة تقول اسئلتها حق المجموعات الثانية و هذا امتحانج ، هم أرد و أقول يا حظ الي ياخذ عنده .
* بدر العازمي ... درسني تطور فكر تربوي -_- نفس ما قالوا البنات و امتحاناته سهله و حلوه ولا يساعد بعد بالدرجات ما يقصر معانا .
* حسين الهدبه ... درسني محو أمية -_- دكتور طيب و محاضرته تهبل بس ما يحب السوالف الجانبية و امتحان الفاينل حلو و واضح .
* محسن الصالحي ... درسني تطور فكر تربوي -_- ما شاءالله عليه هذا الدكتور محاضرته خفيفه ولا بعد امتحان الفاينل صدمنا قال عندكم 5 اسئلة بس والله الامتحان 4 اسئلة سألنا و قال الخامس اكتوا سؤال من عندكم و جاوبوا عليه و لكم درجة كامله للسؤال .
* بدر العازمي ... درسني تشريح أهو دكتور تبع العلوم -_- و الله الدكتور يستحي منا و كان حليو معانا بس بنات العلوم ما يمدحونه بس و الله ادرسي الي يعطيج و انتبهي معاه و تضمنين a بإذن الله بس شنو يحب يسولف عن نفسه حييييييييييييييييييييييل مو شويه .
* محمد أشقر ... درسني قراءات و أساليب -_- ما شاءالله عليه يحب يغير جو اللغة العربية بسوالف تخليج تضخكين هههههه (()) احفضي المذكرة و تضمنين a إن شاءالله .
* ياسين طه ... درسني ثقافة علمية -_- صج الكمية وواااجد بس إهو الدكتور الوحيد الي يعطيج امتحانات موضوعيه أما الباجي يعطونج مقالي و كافي المادة حده ثقيلة بس إخذي عنده أحسن واحد حتى بنات العلوم يمدحونه حيييل مو شويه .
* الشيخ نبيل العوضي ... درسني طرق تدريس عام -_- محاضرة قصدي الشحر أول 10 دقايق و الباجي سوالف و كان الكمية عبارة عن 4 صفحات ورق فلوسكاب بس ولا الامتحاناته تكون مرتبه مثل ترتيب الأوراق الي كاتبتهم . ما أقول إلا ياحظي و حظ البنات الي خذوا عنده .

just(:smile
09-30-2008, 04:44 AM
قسم العلوم:
د.منى سلامين تدرس بيولوجيا وعلم الحيوان عندها نوت انسي الكتاب وماعليكم منها تقولكم درسوا الاثنين
اهيا تقول جذي لان رئيسة القسم وصتهم تقولهم جذي اهيا مره قالت هالكلام
(تموت بالرسمات وتييب كل شي بالامتحان ماتخلي شي بالنوت)
وامتحانتها موضوعيه وساعات على حسب المزاج تييب مقالي بس المقالي خفيف
وبالفاينل امتحانها موضوعي
وتييب رسمات بالامتحانات ترسمين وساعات تكتبين البيانات
بس محاضراتها تنوم
تخيلو الجو شلون صاير تسكر التريكات وتفتح البروجكتر
( جنج مسكره تريكات غرفتج وفاتحه الابجوره)
واذا كان المختبر بارد ودكم بكمبل وتنامون وصوتها ينوم
أنا جم مرهادوخ و احس عيوني بتكسر والله
ومره وحده كانت قاعده ورا ومتنقبه نامت بالمحاضره لوووووووووووول


د.منى أبو عاصي تدرس كيميا عجييييييييبه
انا خذيت عندها ماده بالكورس الصيفي وسحبتها بس الكل يمدحها
وشخصيتها طيبه وعسوله وتحترم الطالبات وتقدر ظروفهم وتساعدهم ماشالله عليها



محمد بهزاد:أخذت عنده نشاط زراعي كل البنات a وخذيتها بالكورس الصيفي
وماكوا دراسه بس بالفاينل كله شغل ونزرع
واهوا مادرسنا وقليل مااييلنا
ومحضرات المختبر اهما اللي يجابلونا ويسجلون الحضور والغياب
واهم شي الحضور والغياب بس وايد كرف كنت بعد النشاط الزراعي عندي محاضره وراها علطول
وفي النشاط الزراعي بس اللي تخلص شغلها تروح انا كنت اخلص امبجر
وانا كنت ارد البيت آخذ شاور اغير ملابسي وارد الكلية مره ثانيه وكنت كلا اتاخر عن المحاضره
شسوي مااقدر اتحمل تلوع جبدي
في بنات يقولني توج بشاط زراعي كنتي لابسه غير متى غيرتي قتلهم رحت البيت تسبحت وييت
وبترى بيتنا بعيد عن الكلية موقريب
والفاينل امتحانه مقالي بس انا والله مادرستله كنت احل الاسئله من خلال شغلي بالعملي وفي اشياء معلومات عامه وشغلات تأليف بس اخذت a الحمد الله



د.عبدالعزيز الاحمد ماادري د.أحمد عبدالعزيز نسيتخذيت عنده اصول تربية
********
ويقول انا احب االلي يناقشوني بالمحاضرات واللي تتناقش معاه يحط عليها حطه
اتذكر مره قال انتوا جيل ماتقرون كلا تلفزيون وموبايل ونت بعدين قال في أحد عنده سؤال أو تعليق
انا قتله دكتور تدري ليش في ناس ماتقرا كتب مثل اول ترى التلفزيون مفيد في مواضيع بدال لانقراها بالكتب قاعدين تتعلم عنها بالتلفزيون بالمقابلات والبرامج الثقافيه هوا قعد 10 دقايق يرد علي بعدين سكت ومن يومها حافظ اسمي وحاط علي حطه


د.منى الجناعياخذت عندها مدخل الى علم النفس
ماشالله عليها اخلاق ومحترمه ومحاضرتها تونيس كلها سوالف
وتطلب منج تسوين برينتيشن وحقانيه لا تظلم احد وامتحاناتها موضوعيه


د.خيريه تدرس رياضيات
ماتفهم ونفسيتها x *** وماتقدر البنات ****
مااواطنها بعيشت الله

د.فاطمه ماادريشنو اسمها الثاني
اهيا حنطاوبه وضعيفه وكلا تلبس عباة اسلاميه
تدرس رياضيات
ولا مره اخذت عندها بس البنات يموتون عليها مجاميعها بسرعه تسكر
ووايد تفهم اسلوبها بالتدريس مثل اسلوب الابلات تصلح الدفتر واهيا تتعمد تسوي جذي
علشان تعود البنات على التدريس
وتعطي كويز وامتحاناتها مباشره واتذكر رفيجتي تقول انا ماادرس للامتحان الا بنفس اليوم
واييب a لانها تفهم وتدرسج بالحاضره

just(:smile
09-30-2008, 04:47 AM
( تربية فنية )
الاغلبيه ترى زينين زعابي الزعابي
نبيل الفيلكاوي
سعود الفرج
عبدالمحسن الصايغ <-- بس شوي شغل
سالم بو رسلي بالنسبة حق تصميم 4 احسن من غيره و صج كراف بس تصميم 4 اهي الماده كراف و بو رسلي كريييم بالدرجات
رضا عامر
و مرته عبير
محمد البحيري مسكين مايدري عننا و نغيب و نحضر الساعه 9ونص و المحاضرة 8 و عاااادي و الشغل خفيف و بسيط
معادن في دكتورين يعطونهم وليد العنزي و المصري نسيت اسمه اثنينهم زينين
محمود متولي مادري محمد متولي دكتور الخشب متعه معاه هالماده
جاسم عبدالقادر جمعه

الي ما حبيتهم
فريدة علي :\ لا اسلوب لا تعامل لا درجات و كراف بس صراحه تطلعج مسويه شل يسوى بس يعني مادري ماحب الي ما يعرف يتعامل ماقدر
نادية جاد آآآخ هالدكتوره تيننج ماتدرين شنوووو تبي و كله مو عاجبها و ساعات تقط عليج حجي (مره قالت حق رفيجتي قوقعتج جنها جزمه مو قوقعه دي شبه وشك ) رفيجتي بجت مسكينه مادري مادري تغث و درجاتها زوينه عامةً
عبدالله المهنا لازم تاخذون عنده في ماده محتكرها و هالماده انتي و حظج فيها والله من صجي احس بالسحب يحط الدرجات و ديييييييييييري بالج تفكريييين بس مجرد تفكير تغشين يعطيج حرمان بدون كلام و يوقفج كورس
عبدالله الحداد يدرس نظري ملل ملل ملل ملل و يكتب و ماتدرين شسالفه و تنامين نصيحه لا تاخذون عنده تحليل رسوم اطفال اخذوها عند جاسم عبدالقادر جمعه اينن :\

just(:smile
09-30-2008, 04:49 AM
رياض اطفال
سميرة المذكوري .. كانت زينه بس يقولون اختربت يعني أسلوبها لكم عليه شويه .. الغياب والحضور طبعا مهم عندها والامتحانات نص ونص يعني مرات تعر تييب سؤال مادري من وين .. نحاسه
منى دبيس .. هم زينه مافيها شي بس لا تعصب يما تخرع .. يعني توقعي تطردج مره وحده تزفج تنفس عليج لا تحط عليج تروحين فيها لوووووووول
عبدالرحمن الاحمد .. محاضرته زوينه لا باس فيها بس الكميه اسمح لي وامتحاناته نص ونص لا سهله ولا صعبه
حياه المجادي .. تهبل هالدكتوره كلمه عسل شويه عليها صراحه تخترعين بالبدايه لما تطلب منج شغلات بس بعدين تعطيج a مثل الورد
مشاري الحسيني .. والله زين بالنسبه حق غيره لا باس فيه كميته شوية وامتحاناته سهله
محمد الدغيم .. فيه بنات يمدحونه بس نظامه تعالي كلميني خل اعرفج عدل بين البنات لان طبعا من الزحمه مايعرف كل بنيه وشسمها

just(:smile
09-30-2008, 04:52 AM
انجليزي

د.ايمان العطار:
اسلوبها معاج حلو وحبوبة وتراعي الظروف
بس مشكلتها انها تتعمق حيل بالمادة اللي تدرسها خصوصـًا الأدب literatur .
كنت ماخذة عندها "مقدمة في الادب" ونفسيتي تعبت حيل من هالمقرر لاني ماعرفت اسلوبها
وشنو المطلوب نكتبه بالامتحان وتوقعت أســقـط بس الحمدلله عطتني B+
وخذيت عندها قـراءة بأول كورس لي وكان مقرر خفيف وعطتني A او B ما أذكر

د.سلوى الدرويش:
نفس الشي اسلوبها حلو مع الكل وحبوووبة واسلوبها بالتدريس فضيـع وافكارها جديدة و تونّس
خصوصا بمقرر المحادثة كان كله لعب وامتحان المدتيرم كان برزنتيشن والفاينل حدده سخيف ومحد توقعه
كان عبارة عن رقم تختارينه وتطلع لج صورة وتكلمي عن هالصورة !!!!!! تخيلوا بس حدده بدعنا
ونسيت جم عطتني..
بس الشهادة تنقال انها حقانية ومحترمـة مع اني سمعت بنات يقولون انها ماتحب البدو وماتعاملهم
زين .. بس اللي شفته غـيـــــــــــــــــــــــــــــــررر وماقصرت بمعاملتي مع اني بدوية بس ماعندها هالنظام
بس هي موزينة مع الكسالة واللي مايبون يدرسوون

وخذيت عندها المقرر المليق الكتابة وخذيت C وهالمقرر لو كنتي ماتعرفين تكتبين موضوع عدل ماراح
تمشين لو كنتي عند احسن دكتور

د.بدرية الحجي:
حبوبة بعد بس انها سيــــدة Straight ماعندها لف ودوران يعني اذا ماسلمتي الهوم وورك بوقته رااااح عليج
وتحاسب حتى على مكان الدبوس اذا كان يمين او يسار وتنقص من درجاتج عشان دبوس حطيتيه يمين
وتحب تسولف بس عطتني C+ وما الومها لان المادة نفسها موشي "كتابة متقدمة"

بس شفت قريداتها بمادة "اللغويات التطبيقية" حـدددده عجيبة الاغلبية كانوا A / B وبس جم
وحده C وتشجعت آخذ عندها هالمقرر بس خايفة من كلام البنات اللي ماقدموا زين عندها .

د. أحمد سـاهـــر :

هالانسان موطبيعي يجننو كل مقرراته تهبـل وحلوة حساااافه عليه بس راح الكورس اللي طاف
الله يوفقه وين ماراح .. كان يعطي مواد اللغويات وهو اللي مؤلف الكتب اللي ندرسها بالمقرر
يعني خابز المقرر عدل وتحسين انه فااااهم كل شي مو بس مادته
وحيل رااقي بالتعامل ... مع اني تضايقت مرة لما قال :"انا ما أييد النقاب واعتبر انه موضروري ومافرضه الاسلام عالمرأة" بس قال آخر شي اتمنى محد يزعل لانه هاذي وجهه نظري فقط لاغير
وصج اثبت هالكلام لما عطاني بكل مقرراته AAA لاني استاهل وادرس ودرجاتي بالامتحانات حلوة

د. امل العدواني :
توووني مخلصة مادة EFL/ESL عندها وعطتني C+ والحمدلله موزعلانه لاني بدّعت بالمدتيرم والفاينل
بس البرزنتيشن مالي كان تمــاام والحمدلله
ومن ناحية اسلوبها بالتعامل ما اقدر اوفيها حقها لانها حيييييل عسل... حتى هي دايما تقول انا بهالمقرر بس تآخذ راحتي بالمحاضرة واضحك بس بالمقررات الثانية تخـــرع بس حتى لما تروحين لها
بالمكتب موطبيعية حيل تجنن.. أحبهـا هالانسانة رااقية بكل شي

د.عبدالمحسن دشتي:
مادري عنه بس احس انه يخرع مع ان بنات وااااااجد مدحووه لي ويقولون حيل يجنن
بس هم حسافه عليه لانه راح مع د.احمد ساهر
القسم ظلمة بدونهم

د.الهام السليمي:
هااادية جدا وحبوبة وتعطيج حقج ولا ناقص مليييم واحد ومحد ياخذ عندها مادري ليش مع ان نظامها
يعجبني بس القاعه دايما فاااضية ماتتعدى 13 بنت .. و نظامها تشرح بالمحاضرة وتكتبين معاها وامتحاناتها مااااتطلع من النوت .. واسلوبها جدااا بسيط
خذيت عندها مقرر "ادب الطفل" وعطتني B+

د.رحيـمـة أكـبـر:
بنات واااااااااااااجد سبوها وقالوا انها كلللش مووزينة بس اللي شفته العكـــس تمامًاااااا
اسلوبها عاادي و بسيط .. ماتضحك بالمحاضرة وملتزمة بالمقرر اللي تدرسه
وحسيت ان اللي ظالمها كتاب المقرر "علم اللغة الاجتماعي" كان حيل كبيرر ويخررع ماينفهم
بس كانت تلخص لنا الجابتر "الفصل" اللي تبيه بثلاث او اربع ورقات بالكثير ...
بس قبل ماتعطينا التلخيص كانت تعطينا ورقة فيها 8 او 9 اسئلة لازم نجاوب عليها من الجابتر
وتناقشنا فيه بالمحاضرة وبعدين آآخر المحاضرة توزع علينا التلخيص وامتحاناتها ماتطلع من التلخيص نفسه
وماكو شي مطلوب من الكتاب..
وتختار واحد من الجابترات نجاوب على اسئلته ويسير هووم وورك و درجته من 10

والحمدلله عطتني A مع ان البنات اللي معاي درجااتهم كانت موو حلوة كللش C/D/F
وآنا الوحيدة اللي كنت A مع اني ماكنت متوقعه هالدرجة كلللللللللش بس الحمدلله هذا من فضل
ربي ثم دعوات امي الله يخليها لي

د.فاضل العثمان:
ماخذيت عنده وماااااااااااابي آخذ عنده لانه مبين عليه كلللش موزين ومحد مدحه بالمرة
ويقولون البنات انه ماااكو اسلوب ونفسية بعد !!!!

د.خالد شقـير:
مسجلة عنده مادتين الكورس الجاي ان شاءالله والكـل يمدحه .. حدده يهبل بالاسلوب واالامتحانات
والله يوفقنا عنده الكورس الجاي مع ان المواد اللي ماخذتهم حدده غثيثين

just(:smile
09-30-2008, 05:01 AM
اما الحين ايي حق تخصصي الحبيب(اقتصاد منزلي)

و راح اكتبة لكم انا عن تجربه

هاني حلمي<<< خووش دكتور بس يقولون تغير

لان انا خذيت عنده اول كورس و كاااااان عسل و بما انه اول كورس فما يعرف يتعامل ويا البنات عدل فممصخينها معاه وي


هيفاء العنجري<<خوووش دكتورة بس امتحاناتها لا يحوشك

موزة المقهوي<<هالدكتوووورة عسل عسل عسل و الله تهبل مدري ليش البنات يذمونها بس يبي شغلها اول باول عشان لا يتراكم عليج

نوال بوفرسن<<هم هالدكتورة عسسسسسل تهبل ماخذه عندها كذا مادهكلهم ايه اخذت فيهم


احمد امين<<< هذا عاد شي اذا ماتحبين تداومين اخذي عنده صج ياخذ الغياب بس اي شي و اذا المحاضرة ساعتين ياخذ منها ربع او نص ساعه بس بعض المرات يمدد لي ساعه ما ياخذ اكثر

فاطمة خداده << هذي عاد تأسيس انا ما خذهه عندها تفصيل عجيبة بس الحين غيرو التخصص فمدري اشتعطي

just(:smile
09-30-2008, 05:07 AM
د.عبدالناصر فخرو(أصول تربية) ... قدوة و معلم فاضل ..مجتهد و مثابر في مجال تخصصه و الصراحة نجم بكل ما تحمله الكلمة من معنى...صحيح إن بعض الطالبات كانوا يشتكون من تكاليفه و لكن في الكفه الثانية علمنا مهارات كثيرة و كان يوازن بين الجانب الديني و الدنيوي الله يوفقه يارب وين ما كان و يحقق له كل طموحاته لإن هلدكتور شاف الكثير و الكثير و بالفعل يستحق المكانة اللي أهوا فيها .

د.أحمد ساهر(لغويات -لغة إنجليزية-)...إنسان راقي لأبعد حدود و رجل علم حتى لو كان عنده بعض الإنتقادات للبعض السلوكيات في مجتمعنا إلا إنها صحيحة نسبيا يعني للأسف البعض مو الكل خلق فجوة بينا و بين أشقائنا العرب فهلشي وارد إلا إنه كان و مازال أفضل دكاترة القسم الله يوفقة وين ما كان .

د.إنعام خضر ( مناهج بحث)...صحيح إن محاضرتها جامده و لكن هي بكل بساطة موسوعة عربية تمشي على الأرض...راقية في تعاملها مع الطالبات ...تحاكي العقل و المنطق معا ...يا بنات خصوصا اللي يتذمرون من بعض الدكاترة بشكل عام راعو السن رااااااااااااااااعو السن ثم راعو السن..في عمر معين الواحد يكو مثل الطفل و يحب يسمع كلمات الثناء و الإطراء و إنه يحتضن الإنسان اللي جدامة بالصبر ..فلازم تراعون هلنقطة و هلكلام ترى بشكل عام لإن في بنات يشتكون من الدكاترة اللي سنهم كبير.

د.راوية الحميدان(تكنولوحيا التعليم-مقدمة في الحاسب التعليمي)...دكتورة مميزة و لها نشاطات واسعه في مجالها و دايما تسعى للتطوير مو مثل غيرها من الدكاترة اللي بس يكتفي باللي وصله...بالعكس إهيا نشيطة و حقانية و تحب مجالها.

د.أبوبكر عبيد زيدان(تطور فكر تربوي-تطور فكر تربوي إسلامي)...صاحب فكر و مؤلفات ...الماده عنده سلسه و و صحيح إن إسلوب محاضرته كلاسيكي إلا إنه ينقل الصورة التاريخية بإسلوب حلو و مبسط.

د.إيمان العطار(قراءة-مواد الأدب الإنجليزي)....دكتورة صاحبة فكر مميز و إسلوب راقي في المعامله و صاحبة إسهامات كثيرة في مجال الادب الإنجليزي ...موادها تحتاج لطولة بال و صبر و أعتب على اللي خصلت الكورس بتقدير ضعيف تحججا إنها ما قهمت طريقتها لإن بكل بساطة إهيا ترحب بكل الأسئلة و راح تاخذ بإيد كل وحده حاسه إن في طريق نجاحها بعض العثرات.

د.خالد فتحي(ثقافة موسيقية-منتدب)....فنان بمعنى الكلمة..راقي في التعامل لأبعد الحدود ...صبور و أتذكر أيامها كان السكشن فل يعني نص سكان الصين كانوا عندنا بلا مبالغة و كان السكشن لا يمد بصلة لطالبات أكاديميات اللي تتعلج و اللي تمسج و اللي تسولف و لكن بصبره و هدوئه المميز كسب ود الجميع ..للأسف الناس الزينة ما تطول في كليتنا المصون صاحبة الصيت الفذ...و لكن فعلا كان ملتزم بأخلاقيات المهنة و بالدين بشكل خلاني بالفعل أحترم الفن و أقدرة يعني مو كل اللي في المجال موزينيين و نقطة على السطر.


د.عمر الصانع(طرق تدريس-مناهج-حلقة بحث لغة إنجليزية)...
فاهم مادته عدل و شرحه مفهوم إلا إن منهجه داثر و لكن الحق بقال إستفدنا منه وايد أرجو إن يي دكتور يسانده في هلمهمة الشاقه لإن صارله زمن بروحه يعطي هلمواد...اسلوبة عتيج حيل و هلمواد محتاجه شخص يكون فرش عشان يعلم الأساليب اليديدة في التعليم و لكن ما أنكر جهودة و مثل ما يقول المثل عتيج الصوف و لا موكا فرابتشينو


الدكاترة اللي أحترمهم وايد بعد و أقدرهم و لكن للأسف ماكانوا قادرين يوصلون المعلومة بشكل مرضي و محتاجين لسنوات عشان يكونون فعلا دكاترة سوبر على قولة القايل:

د.مدالله سويدان(مواد تربوية)....محاورات هشة و شرح رخوي و لكن الحق يقال إنه طيب و حبوب و لكن خلي الطيبة على صوب و إحنا في هلمرحلة هذه كطالبات محتاجين لدكاترة عندهم حصيلة قوية من العلم و أمثلة قوية و لقدوة تنور طريجنا الطويل...أهوا دكتور ممتاز بالمفهوم التقليدي و دكتور أقل من العادي في المفهوم الاكاديمي.

د.سلوى الدرويش(لغة إنجليزية)....محاضراتها فيها جانب كبير من المرح و الإستفادة من النشاطات بس في نفس الوقت في ثغور لو تقدر تسدها راح تكون ناجحة بكل ما تحمله الكلمة من معنى ()هههههههههههههههههههههههههههههههههههههههههههههههه ه ههههههههههههههه

د.نشوى راشد(لغة فرنسية)....محد يقدر إنه ينكر إنها ثروة و لكن محتاجه إنها تصبر أكثر و ما تعلق تعليقات هدامة إتجاه البنات و لا الصراحة إهيا طاقة لكن محتاجة إنها تكون صبورة أكثر و تخفف شوية من السرعة في الشرح لإن مهما يكن الفرنسي لغة يديدة و ما أقول غير الله يرحم أيامك يا د.إيهاب!

just(:smile
09-30-2008, 05:09 AM
و انشالله اكون يبت لكم اغلب الدكاترة

و يبت لكم كذا راي بكذا دكتور عشان لا نظلم الدكاترة

و شكراا

SuL6aN
09-30-2008, 05:09 AM
سـ م ـآيـل

//

يـ ع ـطيج العافيهـ ع الجهد المميز

وعسآج ع القوهـ

//

يُثـــبت حتـى إشـ ع ـآرٍ آخر

:d

just(:smile
09-30-2008, 05:12 AM
هلا و الله بيكهام

و الله يقويك يارب

موسيقيه حساسه
10-06-2008, 04:07 PM
هاااي just smile شلونج :)

اليومـ تسجيلي الساعه 10 بليل الله يستر .. ان شاءالله في مواد ..

انتي متى تسجيلج .. لقيتي مواد ؟

just(:smile
10-06-2008, 05:35 PM
هلا و الله موسيقية حبيبتي

الله يوفقج

انا باجر تسجيلي 1 الظهر

و انا مابي شي غير الورشة جدولي حلوو 16 وحده و 6 مواد الحمدلله

موسيقيه حساسه
10-06-2008, 05:52 PM
هلا فيج حياتي ..

انا سجله من ذاك الكورس 8 وحدات مالقيت وان شاء الله القا اليوم مواد ..

وانا بعد ابي ورشه ذاك الكورس لقيتها مغلقه ..

bo 3ly
10-06-2008, 09:40 PM
عيني عليكم بارده مجتهدين

انا مادري اذا دكاترتنا نفس دكاترتكم بس ياليت تعلموني للعلم انا مستجد ومادري عن شي ::))
إذا نفس الدكاتره ظبطونااا اي دكتوره زشت << :p

just(:smile
10-07-2008, 12:43 AM
عاد موسيقية لي سجلتي ورشه

ما اوصيج دزيلي رساله خاصة و قوليلي عند منو ماخذتها يمكن تصيرين معاي



هلا و الله بوعلي و الله مدري اذا دكاترتنا نفسكم اسأل المستمرين

هم اخبر

بس انا اشوف صبيان يجون يدورون دكاترتهم عندنا

kiwi
10-07-2008, 05:58 AM
السلام
بليز ابي منو يعرف شي عن
الدكتوره : فوزيه التركيت << مدخل الى علم النفس
والدكتور : خالد شعيب << ثقافه اسلاميه
؟!
وشكرا :$

just(:smile
10-07-2008, 01:00 PM
كيوي و الله ما اعرفهم

اسالج عنهم
و اردلج خبر

just(:smile
10-07-2008, 01:32 PM
كيوي

سالت بنات و يقولون

فوزية التركيت ترى وايد زينه

بس خالد شعيب

ما يعرفونه
لي وحده عرفته اردلج خبر

kiwi
10-07-2008, 02:17 PM
مشكوره يالغلآ زين ريحتيني
طلعت وحده من اللي يدرسوني زينين :)



يعطيج العافيه

مجنونة حب
10-07-2008, 04:51 PM
((just smile))


يعطيج العافية حبيبتي على الموضوع الجميل والمفيد


و عساج عـ القوة


^_^

موسيقيه حساسه
10-07-2008, 05:02 PM
هلا حبيبتي .. امس سجلت ورشه بس لقيتها هيئه تدريسيه مايندرى منو .. وان شاءالله وياي فرصه حلوووه انتعرف عليج :)


بس للاسف ثقافه علميه ماحصلت مغلقه ضايق خلقي اليومـ رحت ابي اضيفها بس ماحصلت الدكتوره الي بضيف عندها بروح باجر وان شاءالله احصلها ..

just(:smile
10-07-2008, 09:50 PM
هلا و الله كيوي

انت تامرين

مجنونه حب و لو ماسوينا شي

كله عشان نفيد بعض

موسيقية

انااااااا ماااااا لقيييتهاااااااااا

اهئ اهئ اهئ

باجر باروح للتسجيل و يسجلولي اياها انشالله

موسيقيه حساسه
10-09-2008, 08:03 PM
هااااي just smile حبيبتي اشلونج ..

اتصدقين امس رحت للتسجيل بضيف "ثقافه علميه" .. قالولي اخذي لا مانع من الدكتور وانضيفج .. رحت للدكتوره الي ابي عندهاا كلمتها عشان اضيفني جان تقولي ماضيف ولا طالبه بس .. قلت لها انا خريجه وريتها الميجر شيت مالتي مني مناك مارضت تخيلي اتقولي مو مشكلتي .. وارجع التسجيل يوقولون مانقدر انضيفج كلمي رئيسة قسمـ العلومـ .. رحة لها ولا زحمة بناة اغلبهمـ يبون ثقافه علميه و عفسه وهي صاكه غرفتها واي ونفسيتها بدون لا اتكلمـ تلوع الجبد ..يأست ..

عيوني غورقة بغيت ابجي انا لازمـ اخذها مابي اتأخر و اتخرج صيفي .. مادري شسوي ..

just(:smile
10-09-2008, 08:13 PM
ههههههههههههه

ماشفتي اشصار فينا احنا

اول شي رحنا التسجيل

و من التسجيل لي الملحق عند التكنولوجيا

يقولون الورشة مو عندنا

عن مساعده العميده

رحنا للرئيسى ندورها ما لقيناها و هي قبلها زافة البنات و مشققين اوراقهم >اللي بالتسجيل<

و بعدين سوينا دراسة حاله

و على حطة ايدج انطرهم يضيفون لي هالورشة عشان اخذ عملي الكورس الياي

بس الظاهر ماكو امل

بس شنو تعبت و انهد حيلي من قلب

و مدري متى اتخرج

الله يعيناااااا

موسيقيه حساسه
10-09-2008, 08:21 PM
هههههههههههههه اهمـ شئ يشققون اوراقهمـ من القهر لوووووووووووول

والله انا بعد تعبت الوضع حده تعبان بالكليه .. وكل واحد نفسيته بخشمه ..

الله يعدي هالسنه على خير ..

just(:smile
10-09-2008, 08:24 PM
ههههههههههههههههههههه

ايه و الله الله يعينا

عاد تصدقين انا احب كليتنا بغض النظر عن فترة التسجيل

و دايما اغني

كليتي الحبيبة من بيتنا بعيده

اذهب بالصباح اليها بانشراح

موسيقيه حساسه
10-09-2008, 09:34 PM
هههههههههههههه ياعيني عليج .. عندج ميول موسيقيه وانا مادري :)

وانا بعد احبها بس لوما هالتسجيل الي اييب المرض لوووووووووول

just(:smile
10-10-2008, 02:38 AM
ايه حبيبتي اعجبج

و صوتي حليو

و بالروضة اصلا انا بالموسيقا

و عندي الاورغ مالي لي الحين

موسيقيه حساسه
10-10-2008, 02:56 PM
حلوووووووو وناسه :)




احلا شئ الموسيقى :)



خلاص اذا سوينا حفله بقسمنا بقولج تحضرين .. :)

bo 3ly
10-10-2008, 06:20 PM
((just smile))

يسلمووو يعطيج العافيه على الرد

بس باقي البناات مايردون رافعين خشومهم

ماكو مشكله اصيدكم بجمعية العديليه ياويلكم من بو علي<< :))

موسيقيه حساسه
10-10-2008, 06:39 PM
هههههههههه اخوي كلية التربيه الاساسيه بنات "بالشاميه"


:)

just(:smile
10-10-2008, 07:39 PM
هههههههههههههه

موسيقية خلاص قوليلي و انشالله اقدر احضر

بو علي البنات فيهم الخير و البركة بس يمكن ما يعرفون الدكاترة

bo 3ly
10-10-2008, 07:42 PM
ماادري يقولون كلية البنات بينها وبين كليتنا جمعية العديليه!!

just(:smile
10-10-2008, 07:46 PM
هههههههههههههههههههههه

بو علي هذي كلية البنات تبع الجامعة غييير عنا

تخصصاتهم غير عنا

التربية الاساسية للبنات عند جمعية الشامية الكبيرة

bo 3ly
10-10-2008, 08:54 PM
عيل حسبي الله عليهم باعدوو بينا ::((

مهما تفارقنا تجمعنا القلووب << :p

just(:smile
10-11-2008, 01:27 AM
هههههههههههههههههههههههههههه

بو علي هم الله يهداهم غلطانين حاطينكم بالعديلية

المفروض يحطونا احنا بدالكم اونس نصير عند رفيجاتنا بكلية البنات

q8eety
10-12-2008, 12:52 AM
هاي
شلونكم مدرسين المستقبل :p
اليوم انتخابات صح
انداوم ولا نسحب <<< تعودنا على المقررات كل ساحبين

موسيقيه حساسه
10-12-2008, 01:04 AM
هلا والله اخوي لووووووووووول .. لا انداومـ في دكاتره مايعترفون بالانتخابات .. :)

q8eety
10-12-2008, 01:28 AM
هلا فيج

اوكي بداوم
من زين الدوام محاضرة وحده ليش اقوم من الفراش الصبح ما ادري

دكاترة مايتعاملون اسبوع الي طاف وصلي انذار ما ادري ان في دوام كل يوم اروح واحوس ابي اعدل جدولي السحت

موسيقيه حساسه
10-12-2008, 01:45 AM
اي راهي محاضره وحده خلف الله علينا لوووووووول .. :)



لوووووووووووووووول عادي محد راضي عن جدوله ..



والتسجيل مافيه مواد ومحد يقدر .. في دكاتره يحسبون الغياب من وقت تسجيلك للماده ..

q8eety
10-12-2008, 01:51 AM
الجداول ابداع
ربعي معطينهم جداول فيهم ماده وحده ليش ما ادري
انا 10 وحدات وماعجبني سحبت ماده وزدت مادتين ويعطي العافية الي سوالي الجدول
متعود على نظام المقررات اروح اصرخ على رئيس الارشاد عشان ايسوي جدول و يعدلة واذا كلمته بأدب وسلمت علية ايصارخ علي ويطردني الحمدالله والشكر
اموت واعرف شمستفيدين من الغياب من اول اسبوع والناس ماسوت جدولها !!!

موسيقيه حساسه
10-12-2008, 02:07 AM
التسجيل حظك نصيبك انت و موعدك بالانترنت .. واذا ماحصلت تروح التسجيل وتصير الحرب هناك لووووووول :)



بس في خوووش دكاتره يتغاظون عن الغياب اول اسبوع .. واساسا في دكاتره مايحضرون اول اسبوع خير شر .. واحنا الي ناكلها نحضر حق ناس يحضرون و ناس كاشتين :)

q8eety
10-12-2008, 02:17 AM
انا توهقت وقت التسجيل
خط البيت قطعو على حظي مسوي صيانه مالت على البامية
خذيت لاب اخوي وال e-go ورحت الكلية ورفيج اخوي الثاني علمني شلون اسجل وسوالي الجدول
مو مهتم لنوعية الدكاترة مع ان كل ما شاف احد جدولي قالي عن دكتور الله يعينك علية مو زين اقولهم لعانه عليكم ماني مغير الماده وباخذ عنده
ناس ماتدرس وتبي كل شي على راحتها وتتحمق على العالم

الحين انا متوهق بشغله غبية
ما ادل اماكن محاضراتي مع اني وايد احوس بالكلية
على قولة امي مالت عليك ادل العديلية بكبرها مع انك طالع منها من 8 سنين ومادل شي بكليتك وكل يوم اتحوس فيها

مسيقية تخصصج مسيقى ؟؟

موسيقيه حساسه
10-12-2008, 02:31 AM
لووووووووووول الله يعينك .. اي والله صج كلامك مرات انت تاخذ عند دكتور بعضهمـ يذمه بس لي جربته انت يعجبك وترتاح منه .. يعني مو كل شي ينقال صج ..

واذا على اماكن محاضراتك اسأل بالقسمـ الي تبع مادتك عند السكرتاريه ,, ولا احد من ربعك يعرف ..




اي نعمـ موسيقى ,,
:)

q8eety
10-12-2008, 02:37 AM
كل انسان عارف نفسة ايجابل ولا نو
انا سألة رفيج اخوي عن هالدكتور قالي الله يعينك علية نوعيته شديد ويزحف بالدراسة واذا تبي تظمن عنده جابل واقعد جدام واكتب الي ايقولة وتظمن كل شي
كل شي سهلات انجابل و نهيص بالدرجات بالنهاية

انا الحين مكتبات بس ماعندي ولا ماده مكتبات كل الي عطوني ياهم شلتهم بغير التخصص

وربعي بقر مامنهم فايده بس فالحين ايدقون علي ويسألوني عن شغلات بالكلية جني مو مستجد مثلهم :|

وتصبحين على خير
بروح اخمد وراي محاظرة باجر من 10 لي 11
شوية ساعه بس غصبن علي اداوم

موسيقيه حساسه
10-12-2008, 02:42 AM
حياك الله اخوي "كويتي" ,, اذا كان عندك سؤال ولا بغيت اي شئ انا حاظرين ..



وانت من اهل الخير ,, :)

q8eety
10-12-2008, 01:30 PM
اليوم الكلية عطتني واحد صفر
عندي محاضرة الساعه 10 رحت على ال 9 ولا ماكو دوام بس انتخابات
دقيت على صاحبي ردلي فوق تحت الكلية ومشينا ومحد تصويت
الي يترجاني والي يتمنن علي اخر شي سحبت على الكل ورديت البيت محد انتخابات و عوار راس

كل واحد ايقول حق منو صوت <<< لقافه ادري :$

موسيقيه حساسه
10-12-2008, 11:13 PM
لووووووووووول عادي اليومـ صج كانت عفسه الكليه من الانتخابات ونفس ماقلت الكل صار يحبك ولقافه وتحس نفسك شخصيه مهمه اليومـ لووووووول ..



بس كان في محاضرات عادي .. والدكاتره حاظرين .. وكل شئ طبيعي محاضراتي من التسع لي الاربع وكلهمـ حاظرين ..

q8eety
10-12-2008, 11:24 PM
حسسوني اني شخصية مهمه اليوم
بس باجر ايشوفوني محد ايسلم ولا يقرب :p

اليوم ماشفت دكاترة كلش محد مداوم الكل عند البدنية مكان التصويت

منو فاز صج

اتوقع متستقبل طلابي الاتلافي

موسيقيه حساسه
10-19-2008, 09:59 PM
هااااي سمايل :)



حبيبتي بقولج ان في عندنا يومـ الثلاتا 21-10 بالقسمـ حفله بالقسمـ في عازفين فرنسين بيعزفون ..



وامتنى انج تحضرين :) .. وياريت كيويه حبيبتي تيي :)

kiwi
10-20-2008, 12:18 AM
looool
ايي من عيوني
جم موسيقيه عندنا
وحده وتيينن

فديتها والله
بس متى الوقت ؟!


:ezpi_blush:

موسيقيه حساسه
10-20-2008, 12:21 AM
واااااااااي ياقلبي انتي فديييييييييييييييييتج ...



الساعه 11 .. واذا تبين تعرفين اكثر التفاصيل في اعلان معلق بالقسمـ ..



ويه فديتج حياج الله .. صج ونستيني :)

just(:smile
10-20-2008, 07:34 AM
يووووووه موسيقية

مالقيتو الا الثلاثاء

هو اليوم الوحيد اللي عندي كرف من ال8 لي ال4 بدون فراغات بعد

خيرها بغيرها

بي يمكن امر عليكم بين المحاضرات :)

مصبنجي كؤل
10-20-2008, 08:43 AM
للحين برابعه ثانوي ثاني سنةة لو نجحت يصير خيير لووووووووول


ماعندي شي بقوله بس حبيت اشكركم ياهل الجامععات الله يوفقكم يارب

just(:smile
10-20-2008, 04:20 PM
مصبنجي

حياك ربي

و ادرس عشان تنجح

موسيقيه حساسه
10-20-2008, 04:40 PM
لااااااااء حسااافه :_(






صج كنت اتمنى انج تحضرين ..






خلاص ان شاءالله خيرها بغيرهااا واذا صار في رسايتل ولا كونسرت ببلغكمـ عشان تحضرون ..






لاتحرمونا من طلتكمـ ..






...............





وحيالله بلي داشين يسلمون :) ..






الله يوفقك :)

kiwi
10-20-2008, 06:02 PM
انا موبي ايي << :p

لوووووووووووول
عندي محاضره من 11 لما 1 بس يمكن امر عليكم 10ونص تقريبا او عشر :D

شموخ الدلع
10-20-2008, 11:51 PM
الله يعطيكم العافيه على الموضوع
بس حبيت تفيدونى بدكاتره تخصص الحاسوب واسهل مواد تخصصص ...
واحسن الدكاتلره الان حدي متوهقه بليززززززززززززززززززززززززززز

just(:smile
10-21-2008, 05:26 PM
ايييييييه و الله موسيقية

عن جد حساااااااافه

كان ودي احضر

بس يالله خيرها بغيرهاا

just(:smile
10-21-2008, 05:28 PM
و الله شموووخ ما اعرفهم

و كان بودي اني افيدج

موسيقيه حساسه
10-21-2008, 06:13 PM
قسمـ الحاسوب قسمـ يديد بالكليه .. صراحه ماعرف عنه شي ..

كان ودنا نساعدج ..





..........








سمايل حبيبتي شلونج ...؟

اليومـ كانت الحفله خياليه .. تمنيتكمـ انتي وكيويه تكونون حاضرينها ..

يالله مثل ماقلتي خيرها بغيرها .. :)

just(:smile
10-21-2008, 06:44 PM
يوووووووه موسيقية

اليوم شي موطبيعي

قلت ابي فجة شوي

امر عليكم اشوف الحفله

بس ماكوا

من محاضرة لمحاضره

و توووني راااده للبيت

kiwi
10-22-2008, 12:53 PM
:d


الدكتور : محسن الصالحي ماده تفكير تربوي اسلامي



منو يعرف هالدكتور .. وشلونه مع الدرجات :)

just(:smile
10-22-2008, 04:49 PM
و الله كيوي ما خذيت عنده

بس سمعت انهم يمدحووونه

و مدري

kiwi
10-22-2008, 08:22 PM
ثاكس سمايل


شنو تخصصج؟!
:)

just(:smile
10-23-2008, 12:27 AM
هلا كيوي

العفوو حياتي

تخصصي اقتصاد منزلي

موسيقيه حساسه
10-23-2008, 06:33 PM
فديتهااا صديقتي والله مدبرت المنزل ..




سمايل انا ان شاءالله الكورس الياي باخذ اشغال ابره وفنون الطهي مسك الختامـ :)

just(:smile
10-23-2008, 11:30 PM
ههههههههههههههههههههه

موسيقية

اعجبج بهالشغلات

و خصوصا الخياطة احبها

و التطريز شي صراااحه

البطريقة البردانة
03-10-2011, 01:44 AM
على أي أساس تاخذون رايي الشخصي و تحطونة في منتداكم ؟؟؟؟؟؟؟؟؟؟؟؟؟؟؟

أنا حطيته في منتدى كويتيات فترة اللي كنت فيها طالبة بالتربية الأساسية بالصدفة البحتة شفت موضوعي بهلمنتدى ما كان في داعي تاخذون الأراء و تحطونها من غير ما تضمنون حقوق كل وحده أو واحد كتب رأيه ..غلط اللي قام يصير