إعـــــــلان

تقليص
لا يوجد إعلان حتى الآن.

قصة حب حقيقية بنهاية مفتوحه....

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصة حب حقيقية بنهاية مفتوحه....

    السلام عليكم ورحمة الله وبركاته ..

    هذي قصة حب شخص سمعت قصته وحبيت اريوها لكم باسلوبه ولسانه حاله يقول..

    ========================
    بالبداية حالي حال اي شاب يدش الجات للوناسة والضحك ولتكوين العلاقات تعرفت بيوم من الايام على بنت ...

    ضفتها بالايميل وصارت بينا السوالف العابره .. وكانت مسافره فترة وترد وردت سافرت .. ويوم ردت وستمرينا بالنت اكثر واحد تسولف وياه انا واكثر وحده اسولف وياها اهي ...

    ويوم من الايام قلت لها وانا اتغشمر شرايج اعزمج على سينما وعشى .. قالت اوكي وضحكت .. وقتها انا مرتاح لهالبنت فقلت لها بغشمرة وجد بنفس الوقت اخذ رقمج ولا اعطيج رقمي .. قالت عطني رقمك ..!

    عطيها رقمي وطلبت منها دز مسج بالبداية ((المباراة تكنسلت)) عشان اعرف ان اهي وهالمسج بالذات عشان اذا احد من الاهل شاف التلفون ما يشك .. ووقتها انا ما اكلم ولا لي علاقات مع اي بنت ولا كنت افكر بتكوين علاقات كانت حياتي جامعه وكرة ودوانية وجواخير .. او احيانا اشتغل بالبيت اي شي خربان اتعبث فيه اضيع وقتي ..

    مر سبوع ما شفتها ولا تدزت مسج جان اشوفها بعد هالاسبوع وسالتها : ليش ما دزيتي قالت والله كنت بدز لكن نسيت الرقم .. قلت حلوو عطيتها رقمي مره ثانيه وقلت لها هالمره مالج عذر .. قالت اوكي .. ومن ثاني يوم ولا واصلني مسج (( المباراة تكنسلت)) انا استانست .. وكان اول مسج منها بتاريخ 16-9-2008 برمضان واستمريت يومين معاها مسجات ..

    كانت تطلب انها تسمع صوتي لكن انا ماكنت اقبل بالبداية وبعدين واحنا نسولف بالمسنجر قلت لها بسمع صوتج وكلمتها كانت (( اخيرا)) وكان تاريخ 19-9-2008...

    وكلمتها واستمريت معاها فترة بالتلفون وبتاريخ 12-11-2008 العصر وصلني مسج منها يقول ابي اشوفك اليوم بالمكان الفلاني .. انا تزهب بسرعه ورحت لها وكنا مرتبكين انا وياها حييل قعدنا ساعتين يسوون سنين وبعدها كل واحد راح ورحنا نفكر بهاليوم .. وشلون بتكون مقابلتنا الثانيه وبالفعل .. بتاريخ 28-11-2008 المقابلة الثانيه وحصل شي مميز فيها ..

    كانت علاقتنا تمشي على قدم وساق بأحسن ما يمكن لكن !!

    كان في حقيقة عني ما كانت اهي تعرفها انا بالبداية قلت لها اني يتيم واني اصغر خواني لكن انا اكبر اخواني وانا مو يتيم..الي خلاني اقول جذي لان فيني هموم ودي اشكيها لاحد لكن ماقدر اشكي لاحد لاني دايم بنظر الي حولي صلب وقوي وما اهتز لأي شي ..وغير هذا انا مو من النوع الي احب ابين ضعفي لأي شخص..فعشان جذي فكرت بشخص احبه ويحبني ويهتم فيني او على الاقل يسمعني ويفهمني..والجذبة خفت انها تكون من معارفنا او تكون من قاريبنا وتنصدم فيني.. انا الي يقولون عني هالولد بحياته ما مر عليه يوم اسود لاني اخفي مشاعري يعني اول واحد اتاثر واخر واحد يبين عليه التأثير..

    وبعد ما عرفت انها ما تعرفني حاولت اكثر من مره اقولها لكن انتظر الوقت المناسب .. انا كنت مفكر اني بعد ما ارد من مصر لاني كنت بسافر وان الشوق يغلب العتب وقتها .. وهي كانت خاشة علي امور بس مو مثل ما خشيت عليها ..

    وبتاريخ 1-2-2009 كانت سفرتي لمصر وسافرت وكنت باليوم تقريبا اكلمها 5 مرات او اكثر وردتي كانت 9-2-2009 وقبل لا ارد بيومين قلت لها انا خاش عليج شي قالت شنو وقلت لها الصراحه ما ابدت اي ردت فعل سلبية سكتت وكملت معاها الى ان وصلت للكويت ..

    يوم وصلت للكويت وتقريبا بأول يوم لي بالكويت كلمتني وفتحت موضوع الامر الي كنت خاشه عليها وقالت انها ماكانت تبي تكدرني وانا بمصر وصار كلام طويل بالاخير قالت انها ما تبي تكمل ويا واحد يقص عليها..

    أنا غلطان وطلبت منها تعطيني فرصة لكنها رفضت وانا عارف ومتأكد انها تحبني ومستحيل تزعل من شي مثل هذا ظليت اتصل عليها الى ان ردت بنت عمها .. وشرحت لي موقفها انها ما تبي تكمل وياي ..

    قلت لها انتو وين قالت انهم بمخيمهم قلت لبنت عمها انا الحين بالطريج رايح لكم حاولي انج تاخذينها لطرف المخيم بدون لا تدري .. قالت اوكي .. يوم وصلت وشافتني ماعبرت هالشي خصوصا اني اول ما اوصل الكويت من بعد ما شفت اهلي اهي اول انساان شفته وحاولت اراضيها بالاخير رضت ..

    انا رحت وكنت مستانس ظنيت انها مقدرة العناء لها ما ظنيت ان الي سويته قلل من قيمتي عندها .. ومن ثاني يوم طحت بالمستشفى اربع ايام بالعناية كان فيني سكر وارتفع الاسيتون .. كنت اكلمها بس مابي احسسها اني بعيد عنها مهما صار فيني ومهما ابتعدت عنها احب احسسها بقربي .. لكن الواقع كان العكس كنت اخليها تنفر مني ..

    طلعت من المستشفى وبعد 3 ايام من طلعتي وصلني مسج منها -- يبا من الاخر مو قادرة اتقبلك نفس قبل ومو مقتنعه انك تجذب علي واسمح لي اذا الكلام يزعل--حاولت افهم منها بالتلفون شالموضوع وكل الي فهمته انها تبي تفركش وفركشنا وكان يوم ميلادي بتاريخ 21-2 بعد اربع ايام كنا بتاريخ 17-2 يوم الثلاثاء وانا طلبت منها انها تفكر عدل وخصوصا ان يوم ميلادي قريب .. كأنها نغزة اننا نرجع لبعض بيوم ميلادي..

    ويوم ميلادي وصلني مسج منها -- كل عام وانت بخير يا بو فلان وعقبال عمر الديناصورات --انا وعدتها انها ماراح تشوف رقمي بتلفونها لانها طلبت مني اقطع المسجات وامسح كل شي فيها وانا وعدتها لاني صج ماتوقعتها رجعيه بهالطريقة .. انا رديت البيت ورديت لها الكلام بالايميل .. وانتي بخير وبصحه وسلامة ..

    وما يمر يومين الا انها تبي اعطيها بلوك وديليت ما تقدر تتحمل وجودي معاها بالايميل انا قلت عطيني انتي بلوك وديليت.. وقالت انها تبي حل يخليها تنساني الا انها تشوف غيري .. انا قلت لها ماكو حل الا انج تخلينها مع الوقت تبرد او ان نرد لبعض.. جان تتصل علي بوقتها وردينا وكان يوم اثنين 23-2 ..

    واستمريت انا معاها وكان الشك يذبحني خصوصا انا واحد مو من النوع الي يثق بأي احد شكاك .. تضايقت اهي من هالشغلة وفتحت هالموضوع وياي .. وبطلت اشك لانه هالشي يضايقها وانا مواعدها اني ماراح اضايقها بأي شي ..

    وتمر فترة تقطع عني 3 ايام وترد تقولي ان اخوها كبس عليها وانها ماتبي تخون ثقت اهلها وتبي نوقف العلاقة بهالشكل .. وفركشنا .. وبعد خمس ايام تسولف معاي بالمسنجر واحس بكلامها حنية فيه جان اقولها .. ما شبعتي دلع ما اشتقتي .. المهم واتصل عليها ونرد مع بعض

    مرتين فركشنا وردينا .. وكله انا الي ارد واصلح العلاقة.. بس هل كانت تستاهل اهي .؟؟ احكموا انتوا ؟؟

    وتمر ايام وعلاقتنا كثرت فيها النجرة والنجرة تصير بين اي ثنين يحبون بعض وشي طبيعي .. ما احلى التراضي بعد نجرة ..

    ويقرب تاريخ 19-4-2009 يوم ميلادها

    انا بطبعي احب المفاجآت احب اسوي شي مميز ما ينسي ..فكرت اهديها او احضر لها يوم ميلاد ما تنساه طول عمرها.. وحبيت اسوي المفاجأت كالتالي.. ما اقول لها شي طناش الى الساعه 7 او 8 كنت بروح فرايديز وبسوي حفلة واتصل عليها عشان تعرف ليش انا ما قلت لها كل عام وانتي بخير مع اول الناس .. مو بس جذي .. انا مسوي كيكة بأيدي والله مسويها بأيدي وكنت اشتغل على 8 تصاميم وراسم رسمة بأيدي لها ..

    قلت بالبداية حفلة فرايديز بعدين برد البيت .. وبكلمها كام بالايميل وكنت معلق زينه وكيك وشمع ومطفي الليتات واغني لها هابي بيرث دي تو يو ..

    هذا هو كان الجو الي انا محضره .. لكن اول ما صارت الساعه 12 بالليل اتصلت علي .. كلمتها ولا قلت لها أي شي وسولف معاها وكأن الوضع طبيعي جان اسكر التلفون انا صراحة توقعت اهي ناسية يوم ميلادها اليوم-مع العلم-(اهي سوت حفلة يوم ميلادها قبل موعده بأسبوعين عساس امتحاناتها) ..

    لكنها دزت لي - توقعتك انت اول واحد يقولي كل عام وانتي بخير - انا تفاجأت صراحة وضحكت وقلت لها ليش تحرقين على نفسج السوالف يعني خربت الجو كله .. جان تقول وكأنها تجذبني رقع حق نفسك.. اتصلت عليها ما ترد جهاز مغلق..

    عاد انا سويت لها الحفلة بفرايديز اتصل عليها ماردت علي صارت الحفلة حقي بروحي .. رديت البيت حاولت اتصل عليها بعد مسلسلها الي تحبه (سكرت التلفون وانا اتصل سكرت الخط) انا حاشني احباط .. وسجلت كل الي صار عساس اوريها بيوم ثاني ..

    ويوصلني بعدها بيوم مسج منها قررت انها تسامحني(ياسلام) وفوق انها مسامحتني ما كلمتني 3 ايام زياده عن اليومين الاوليين (خوش) ويوم القاها بالايميل صدفة اكلمها تقولي شكثر يعني لي يوم ميلادي وانت ما دزيت لي مسج توقعتك اولهم وكل ما وصلني مسج اقول الحين بيدز الحين ومادزيت مع اني دازة لك واحنا متزاعلين .. قلت يحق لج تزعلين وانا آسف بس انتي اعرفي ليش انا ما سويت جذي انا كنت محضر لج مفاجاه وقلت لها الجو.. قالت انا شيضمني انك صاج ؟؟

    -لو نفترض كلامها صح انا اجذب انزين الي سويته ما يخليها تسامح وتنسى ؟؟- مع اني ما نسيتها الا وانا اكلمها بيوم ميلادها ودي اقولها كل عام وانتي بخير بس قلت لا ابي العب بأعصابها شوي بعدين افاجاها بمفاجاه تريح اعصابها ..

    المهم قلت لها انا تدرين ماجذب عليج وهي قالت انت تدري انا ماجذبك ؟ طيب شمالشكلة ؟ المهم وتتقعد السالفة معاها واخير شي .. سالتها ؟ ناوية تفلين ؟ قالت مادري بس احتمال كبير أي .. (انصدمت+نقدت) قلت تبين اسهل عليج المسالة قالت ياليت قلت من يوصل المقطع(الي كنت مسوية لها) احنا انتهينا .. وقلت لها الايميل تبيني وياج ولا زحمة وتبين تقللين عددهم .. قالت ابي اقلل عددهم .. جان تقول مثل ما اختصرت انت انا بختصر عليك .. يبا خل المقطع لك وكل واحد منا بالطريج ويالله مع السلامة بلوك ديليت .. (لاتعليق)

    عندها اربع ايميلات ضايفها فيهم عطتني من ثنين بلوك وديليت وثنين مادري بس مو مبين ان ديليت ...

    انا انكر الي قاعد يصير لانه مو داش بالي قلت ممكن تمر بظروف وحطت حرتها فيني مستحيل عشان هالسبب تفركش .. بس السبب ما كان هذا برايي السبب اهو(عافني الخاطر) بس وقتها من الصدمة رافض اقبل هالفكرة ومن باجر دزيت لها مسج - مو مصدقج والله وصباح الخير- ردت - صباح النور- انا ظنيت ان فعلا ماكو شي يستاهل وحاولت اكلمها بهاليوم ولكنها انزعجت مني وحاولت مره ثانيه وردت علي- افهم استوعب احنا انتهينا فركش خلاص مابي اكمل اذا هالسبب سخيف بنظرك ترا كبير بنظري- انا هم رفضت اقبل وقعدت اقولها انا حبيبج مستحيل انتي تنسين الي بينا بهالسهولة ..

    دزت مسج مو صدمني والله معاها حق فيه بس كسرني مو صدمني لو فيه قلبي ذرة حب لها مسحها - لا تستخف ولا تنزل نفسك اكثر ترا اذا ارضى على روحك انا ما ارضى عليك- مع اني دايم اقولها عن ناس يفهمون طيبتي معاهم ضعف مني وكانت اهي تتكلم وكأنها فاهمتني تطلع اهي وحده مثلهم واخس منهم ؟؟؟

    يعني كل هقوة خير فيها انمسحت وطاحت من عيني وانكسر شي فيني لاني صج يوم تنازلت افهمت تنازلاتي مذلة واني اذل نفسي عندها ومشكلتها تدري شكثر نفسي عزيزة علي ومواقف صارت معاي اهي تعايشت وياها بالاخير بالاخير بالاخير تظن اني ذليل نفس ..

    حسافة عليها حسافة

    انا ابي رايكم بالموضوع يا اخوان

    ===================

    هذي قصة اتمنى تنال اعجابكم

    Latheeth
    أدركني الزمان فعرفت أوغاداَ لا يستحقون ..مــصــاحــبــتــي
يعمل...
X