إعـــــــلان

تقليص
لا يوجد إعلان حتى الآن.

تموت عيونهم فيني .. وانا بك ميته عيني الجزء السادس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تموت عيونهم فيني .. وانا بك ميته عيني الجزء السادس


    ..الجـــ السادس ــــزء..

    ××في الملعب××
    الشباب يلعبون كوره..
    نايف وهو يركض:تررررررركي تقدم ماعندك احد..
    تركي يلعب وعقله مو معه..
    نايف علَى صوته:قاعد احاكي جدار انا..
    بندر يهمس لتركي:ياتلعب زي الناس ياتتفضل برا لو سمحت..
    فيصل جاء عندهم:خير وش عندك انت وياه..
    تركي جلس:مالي خلق العب..
    فيصل:ليه كمل هالشوط طيب..
    تركي بضيق:مالي خلق اقولك..
    بندر:راكان بعد اففف ياذا الراكان اللي يبي له كف..
    تركي:تضاربت معه..
    فيصل بأبتسامه عريضه :تعجــــــــبني..
    نايف جاء عندهم:وش السالفه..
    فيصل حط يده على كتف تركي:ولد عمك تضارب مع راكانووه الزفت..
    نايف جلس جنب تركي:كذا بدون سبب..
    تركي:ايه مشتهي اتضارب مع احد ومن حسن حظه ماتضاربت إلا معه خلونا نكمل بس..
    ××في غرفة البنات××
    مها:اقول من فيكم اتصلت على هديل من زمان ماسمعت صوتها..
    ريم:انا قبل شوي اتصلت عليها وتقول رايحين لمزرعة جدها في المزاحميه..
    لمى:اوووريها امس كلمتها ولا قالت لي..
    ريم:روحتهم جت فجأه حتى هي مادرت إلا اليوم..
    مها:ليه صاير لأحد من اهلها شي..
    ريم:لا بس مجتمعين هم وعمانهم بدون تخطيط كذا طقت في راس جدهم وقال تعالوا هيييييييييه انتي وياها متفقين علي..
    مها:مااتفقنا ولاشي..
    لمى بخبث:إلا وش اخبار مشعل..
    مها كانت تشرب مويه وشرقت...
    لمى تضرب ظهرها:شوي شوي محد لاحقك ترى..
    مها عيونها تدمع:كح كح هذا بدال ماتقولين بسم الله عليك..
    لمى:بسم الله عليك هاه ريوم ماكلمتيه..
    ريم:إلا ويسلم عليكم وخاااااااااااصه مهاوي..
    مها استحت وبصوت واطي:الله يسلم قلبه..
    لمى عطتها كوع وقلدت صوتها:الله يسلم قلبه هههههههههههههه..
    ريم:ههههههههههههههههههه..
    مها كشرت:اقووول العبوا العبوا هيه انتي لاتغشين..
    ××
    ..ومر الوقت بسرعه..وصارت الساعه ((2pm))..
    ام فيصل:يله مها لمى..
    ريم:خالتي تو الناس اقعدوا شوي..
    ام مشعل:ومين يقعدون عنده حتى إنا بنمشي..
    ريم:خلونا نقعد شوي..
    ام فيصل:مامليتي..
    ريم ابتسمت:لا والله مامليت قعدتكم ماتنمل..
    ام فيصل:الجايات اكثر يله انتو استعجلوا..
    مها تلبس عبايتها:يله جينا..
    ام راكان تناظر ام مشعل بأحتقار:يله نشوفك ياام فيصل على خير..
    ام مشعل تغير لون وجهها..
    ام فيصل ابتسمت بدون نفس:ان شاء الله..
    مشاعل همست في اذن ريم:والله ذا السالفه ماراح تمر على خير يابنت فهد ولا تتعبين نفسك لان نايف لي لي انا وبس..<<وراحت عنها..
    صار صوت مشاعل يرن في اذنها ناظرتها بأحتقار وهي تمشي بغرور وكأن مافيه غيرها..
    لمى باست خد ريم:يله باااي..
    ريم:بتطلعين..
    لمى بسرعه:ايه ماما ومها طلعوا الوعد اليوم على الماسن..
    ريم بضيق:لا فيني النوم ومو رايقه..
    لمى بهمس:قالتلك شي..
    ريم باستها:بعدين اقولك يله باااي وبوسي لي مها..
    لمى وهي تمشي:اوووكي (رجعت لها وهمست) اذا اتصلتي على ميشوو وصلي له سلام مها اوكي بااي..<<وركضت..
    ام نايف كانت تكلم نايف وحاطه على السبيكر..!!
    ام نايف:تعال ادخل جوا ابيك تشيل اغراض..
    نايف وهو في طريقه لقسم النساء:ياكثر اغراضك يمه..
    ريم اول ماسمعت صوته مرت قشعريره على كل جسمها...
    ام مشعل:يله ريم..
    ريم:اوكي يله لا لحظه نسيت شنطتي..
    ام مشعل بطفش:روحي جبيها انتظرك في السياره..
    ريم:اوكي..<<دخلت الغرفه وخذت شنطتها وسكرت النور إلا طلع بوجهها..
    :ريـــــــم..
    ريم شهقت:هذا انت..
    نايف:اسف خرعتك..
    ريم:لا ماصار شي يله بااي..
    نايف:كذا على طول باي..
    ريم لفت عليه وبسرعه:تأخرت على تركي والله يسوي لي سالفه..
    نايف:اوكي اشوفك على خير..
    ريم ابتسمت:بااااي..
    نايف تنهد بقوه فيها سحــــر جذاب هالبنت..
    ام نايف:نايــــــــف..
    نايف لف عليها:سمـــي..
    ام نايف:يله وإلا ودك تقعد..
    نايف:اوكي..
    ...في سيارة تركي...
    ريم ركبت:اسفه تأخرت..
    تركي:لا كان نمتي احسن..
    ريم:قلتلك خلاص اسفه وش فيك ترووووك..
    تركي:مافيني شي بس مكان فيه راكان ماعاد اطبه..
    ريم من اسم راكان ارتعش جسمها..
    ريم بخوف:ليه وش سوا..
    تركي:ولاشي (لف عليها) وش فيك وجهك منقلب الوان..
    ريم بأرتباك:هاه مافيني شي وين ماما..
    تركي:ليلى مع قيس ماتقدر تتركه لحاله..
    ريم:مين قيس..!!
    تركي:ابوك مين يعني..
    ريم:هههههههههههههههههههههههه..
    تركي:وش اخبار لمووو..
    ريم:إظاهر بدى قلبها يحن عليك..
    تركي:يحن علي خير تراني مو ميت عليها..
    ريم بنظرات خبث:علـينــــــــــا..
    تركي رمى عليها المناديل:اسكــــــــــــتي..
    ××في سيارة راكان××
    كان يدور في الشوارع مع خويه ((احمد))..<<احمد طلع صديق راكان الروح بالروح ولو عرف ان هيفاء تطلع اخت راكان لايمكن يفكر مجرد تفكير يضرها بشي..

    راكان:قسم بالله مو مستحمل العيشه معهم بنتين يجبون الهم وام ماتدري وين الله حاطها..
    احمد ياخذ نفس من سيجارته:تعال عيش معاي..
    راكان:وابوك..
    احمد:ههههههههههههه ابوي لاهي مع (بأستهزاء) خالتي الجديده..
    راكان بأستغراب:خالتك..
    احمد:يعني الحلوه اللي تزوجها وطاس معها مسافر شهر العسل ياويلي..على طاري الحلوه شفت بنت ياشيخ قليله عليها كلمة جنه شي..
    راكان:وعطتك وجه..
    احمد بغرور:افكورس اصلاً تبوس يدها وجه وقفى اني ناظرت في اشكالها..
    راكان:الله على الغرور اللي ذابحك..
    احمد ناظره بطرف عينه:بس من حقي وإلا..
    راكان يناظر الطريق:اقول طف سيجارتك خنقتني..
    احمد خذ نفس وناظر في السيجاره:العيشه بدونك ماتسوى..
    راكان تنهد:والله العيشه بدون ريم ماتسوى..
    احمد:ودي اشوف ريم هاذي..
    راكان عصب:انت خير خلك مع خوياتك ولاتفكر بريم تراها مو من النوع اللي على بالك..
    احمد ببرود:اوه الاخ عصب اسفين (مد له السيجاره) خذ روق..
    راكان خذ السيجاره ورماها من الشباك:مااطيقها افهم..
    احمد ابتسم بخبث:اوكي على راحتك..<< ضغط على الدركسون بيده وبخبث..
    "اذا خلصت من الحلوه اللي عندي..جهزي نفسك يا ست ريم ههههههههههههه"..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)
    :
    :
    مــــــــــــــــــر اسبوع..
    !!..ثقيل على ناس مثل مشعــــل كان كل مكان في دبـــي يذكره بملاك..!!
    !!..ومفرح لهيــفاء اللي غرقانه بكلام الحب من احمد كانت اسعد انسانه في الدنياا..!!
    !!..ريـــــــــم بدا قلبها ينبض لنايف وتموت وتعرف نايف يبادلها نفس الشعور وإلا لا..!!
    !!..نايــــــــف عايش حياته ومتمتع بالعزوبيه..!!
    !!..بنــــــــدر وتـــــركي وفيــــصل ومشـــاري مر الاسبوع عليهم عاادي يشربون وياكلون ويطلعون وينامون وهاذي شغلتهم وعندهم كذا احسن شي..!!
    !!..هديــــــل قررت تنام عند جدها في المزرعه كانت مستانسه حيـــــل وتتمنى تعيش في المزرعه على طول وماتدري وش المصيبه اللي تنتظرها في البيت..!!
    !!..مهــــــا ماتدري وش نهاية حبها لمشعل..!!
    !!..راكــان جلس كم يوم مع احمد وكره عيشته اكثر احمد كان راعي شرب وبنات بس نار احمد ولاجنة امه وخواته..!!
    !!..مشــــاعل تفكر بخطه تطيح فيها نايف وتخليه يحبها وكانت كل يوم تطلع لسهره مع منال والوضع عاجبها..!!
    !!..لمــــــى اكتشفت انها تحب تركي وندمــــــانه على كل كلمه غلطت فيها في حقه..!!
    :
    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××
    ))..وش اخبار قلبك عسى مافارق افراحه..ادري جرحتك وشلت بخاطرك مني..
    ..خسران بعدك وقلبي ضاعت ارباحه..غلطان ادري وابي منك تسامحني..((

    مشعل كان واقف يشتري عصير بسرعه يبي يلحق على مباراة لبرشلونه..
    مشعل:بليز كويكلي..<<لف وهو منزل راسه وصدم في شي خلاه يرجع لورا..

    مشعل رفع راسه وانـــــــــصدم تجمددت اطرافه ومرت قشعريره على كل جسمه غمض عيونه اكيد هو يحلم فتحها لقاها حقيقه مو حلـــــــــم..
    ملاك واقفه قدامه حياته وعمره وروحه واقفه قدامه كان يتمنى يشوفها ويحظنها ويقول ليه سويتي كذا بس تحقق اللي تمناه صار فيه شي يمنعه..شي يصرخ بداخله
    ..هــــاذي خايـنــــــــه..

    ملاك حالها مو احسن من حاله ارتجفت عظامها وانشل تفكيرها حست ان الحياة وقفت هالحظه نزلت دموع ندم حاره على خدها ودها تصرخ احبك واموت فيك ومشتاقة لك..بس هالكلام مايفيد لان مشعل مستحيل يسامحها..
    :هاه حبيبتي خلصتي..

    يتبـــــــــــــع..<<


  • #2
    رد: تموت عيونهم فيني .. وانا بك ميته عيني الجزء السادس


    تابــــــــــــــع..<<[FONT="Times New Roman"]
    هنا مشعل نبهته كلمة حبيبتي..معقوله ملاك تزوجت او هذا حبيبها..معقوله باعت حبهم وعاشت مع واحد ثاني غيره ناظرها بأستحقار وده يقتلها كانت الدموع متجمعه في عيونه لكن جمدت قال بصوت مرتجف
    :مبروك ولو إنها جت متأخره..<<ولف عنها..
    مسكت يدها الدافيه يده البارده لف عليها وشافها من قريب بلع ريقه مسك نفسه لايتهور ويحظنها!!..

    ملاك والدموع على خدها انهار بصوت مخنوق:اسفه ..<< وشهقت من البكي ماهمها الناس اللي تطالع فيهم ومستغربين والرجال اللي معها يحاول يسوعب اللي يشوفه..
    مشعل ركز عيونه على يدها اللي ماسكه يده:مـ (وسكت مايحب ينطق اسمها ولايحب يناظر في عيونها خايف يضعف قدامها) الناس تطالعنا..
    ملاك صرخت:مايهمني المهم انت مشعل ارجع لي سامحني..
    مشعل يحاول يسحب يده بس هي ماسكته بقوه قال بهدوء: الحين عرفتي اني مهم ابعدي..
    ملاك بكت اكثر وشدت على يده:سامحني..
    مشعل صرخ:اكرهك ابعدي..<< وبعد يدها عنه بقوه ودفها بعيد وطاحت على الارض لف عنها وبخطوات سريعه طلع من المجمع ماركب سيارته مشى على رجليه لوين مايدري..
    الرجال ركض لملاك حط يده في يدها ووقفها:ملاك..
    ملاك تشهق:علي خلاص ابعد عني..
    شالت شنطتها وركضت لبرا المجمع وكل شي مر مع مشعل قدام عينها اللحظات الحلوه اللي جمعتهم هي اللي ضيعتها بيدها هي اللي دمرت حياتها وكفايه انه قال "اكرهك"يعني خلاص نساها تركها وهي تستاهل..حست بسكاكين تقطع قلبها من كلمته..

    علي ركض وراها:ملاك..
    ملاك لفت عليه:اتركني لحالي شوي..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××في المزرعه××
    هديل مكشره:يعني لازم اليوم اروح..
    ابوناصر(الجد):ودك تقعدين ماطفشتي..
    هديل:لااااااا بالعكس فكه من مشااري وام كرشه..
    ابوناصر:بس علشان كذا اجل روحي..
    هديل:انت ماخليتني اكمل وبعد انا مستانسه هنا معاك في هالجو تصدق احسن من جو الرياض..
    خالد ولد عم هديل دخل:مساااااااااء الخير..
    ابوناصر وهديل:مساء النور..
    خالد:يله يابنت العم الخيل جاهز..
    هديل كشرت ماتطيق خالد ماتدري ليه:اوكي (قامت وباست راس جدها) عن اذنك يبه..
    ابوناصر:اذنك معك وانتبهي وانا ابوك..
    هديل ناظرت في خالد تبي تقهره وبدلع:ان شاء الله من عيوني..
    خالد يناظر اظافره ومو لمها اصلاً..هديل انقهررررررررت..
    طلعت مع خالد وتتحاشى تحاكيه لان لو حاكته بتسبه ولو سبته بيرد عليها بعشر..
    خالد:ياختي سولفي..
    هديل لفت عليه:شوف ترى انت اللي بديت..
    خالد:وش بديت فيه..
    هديل:ولاشي..
    خالد:بزر..
    هديل:الحين انت ورا ماتظف وجهك للرياض..
    خالد: لاني داااااايماً اجي لهون في الاجازه..
    هديل كشرت:لهون هاه انت اللهجه بالسعودي ماتعرف تحكي كيف بالبناني تكفى خلك على لهجتك ارحم..
    خالد بهدوء:اوكي..
    هديل طلعت عيونها:خيييييييييييير..
    خالد:طيييييييييييييييييير..
    هديل:نازل عليك الوحي وش هالادب..
    خالد:لاني بفقدك مو انتي بتروحين اليوم..
    هديل توردت خدودها ابتسمت وتحولت بسمتها لضحكه:هههههههههههههههههههههه..
    خالد:هههههههههههههههههههههههههه..
    هديل:هههههههههههههههههههههههههه الحين ليش إنا نضحك..
    خالد:مدري اسألي نفسك ضحكتي وضحكت معاك..
    هديل تركب الخيل:لااكيد انت شارب شي..
    خالد:بس نسكااااافيه والله مو شي ثاني..
    هديل:متأكد مافيه شي..
    خالد ركب الخيل البني:والله مدري شربته وبس..
    هديل:شفت انك ماتدري وين الله حاطك فيه..
    خالد رااااااايق:شايف من زمان (ركض بالخيل) يللللللللللللللله هدوووو..
    هديل"ياحلوها من فمك" وركضت وراه وبصوت عالي:مارااااااااااح تسبقني..
    خالد يعلي صوته لانها بعيده عنه:نشوووووووووف..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××في بيت ابومشعل××
    ريم نزلت جوالها:وبعد مايرد..
    ام مشعل حطت يدها على صدرها:يمه ولدي..
    ابومشعل:وش فيك اماني يمكن الولد حاط جواله على السايلنت وإلا ناسيه في مكان..
    ام مشعل:لاهو اصلاً صوته مو طبيعي اكيد صاير له شي..
    ابومشعل:وش بيكون صاير له يعني استهدي بالله..
    ام مشعل صارت تدور مثل المجنونه:ياااااويلي ولدي اتصلي هالمره يمكن يرد..
    ريم:ماما اتصلت عليه خمس مرات..
    ام مشعل بحزم:اتصلي انا ماراح ارتاح إلا اذا سمعت صوته..
    ريم ناظرت في ابوها وحركت شفايفها:مليت وان اتصل..
    ابومشعل:يااماني ولدك وش كبره ماينخاف عليه..
    ام مشعل:انا قلبي مو متطمن ريم يمه اتصلي على نايف وإلا فيصل اسأليهم عنه..
    ريم بلعت ريقها وبصوت مخنوق:نايف..
    ام مشعل:ايه نايف يله اتصلي..
    ريم برجاء:ماما تكفين انتي كلميه انا استحي..
    ام مشعل:وهذا وقته انتي الثانيه يله اتصلي..
    ريم ناظرت في ابوها مره ثانيه:لا عاد..
    ابومشعل:اتصلي بتقعد تحن على روسنا اتصلي بس..
    ريم خذت رقمه من الدفتر ضغطت على الارقام بيد مرتجفه ورفعت السماعه وقلبها يدق بسرعه...
    جاها صوته اللي كله نوم:ياهلا..
    ريم قلبها وصل حلقها بلعت ريقها وبصوت اقرب للهمس:اهلين نايف..
    نايف شك من الصوت عدل جلسته:ايوه مين..
    ريم ترتجف يدينها كانت ماسكه السماعه بقوه تخاف تطيح من يدها:انا ريم..
    نايف ابتسم وكأنها تناظره:اهليييييييييين كيفك..
    ريم حرارة جسمها ارتفعت رجعت شعرها ورا اذنها بأرتباك:تمام وانت..
    نايف:بخير..
    ريم: نايف مشعل اتصل عليك اليوم..
    نايف:لا والله ليه صاير شي..
    ريم:اتصلت عليه اكثر من مره مايرد..
    نايف:اوكي ريم انا بتصل على ربعه اللي معاه وبسألهم عنه..
    ريم:مشكور..
    نايف:ماله داعي تشكريني..
    ريم:باي..
    نايف:بااي..
    ريم سكرت بهدوء وكانت سرحانه بصوته نبهها صوت امها:هاه وش قال..
    ريم وقفت بأرتباك:قال انه بيتصل على اصدقاء مشعل اللي معاه هناك (تنهدت بقوه) لاتشيلين هم عن اذنك..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××في سيارة بندر××
    بندر مروووووق وبجنبه تركي اللي فيه النوم وماله خلق.. بندر حاط اغنية..لنا الله..((لمحمد عبده))..
    ))..لنا الله ياغالي من الشوق..من الشوق..وانا المولع على ناري..كيييييف بعد الموده والمحبه صرتوا تنسوني كيييييف....<<الاخ مغبر خخخخخخخخ..

    بندر يررد الاغنيه ويهز رجله:ياخوي وش فيك..
    تركي:انت اللي وش فيك يالمغبر..
    بندر:انا بأحسن حااااااااااال..
    تركي:مبين بس ليش ان شاء الله..
    بندر لف عليه:دنو حبي بترجع اليوم من جده..
    تركي:والله مبروك..
    بندر:وراك تقولها من طرف خشمك..
    تركي:ويهمك المهم انها بترجع..<<ورن جواله..((التافهه))..يتصل بك..
    تركي:افففففففف..
    بندر:خير..
    تركي مد له الجوال:قل لها تركي ماااات..
    بندر:هههههههههههه ليه ياخي رد عليها..
    تركي:توني خالص من النشبه والله مو رايق لهاذي..<<ورن جواله..
    بندر بطفش:نفسها..
    تركي:لا هذا هتلر عمك..
    بندر:هههههههههههههههههههه..
    تركي:الو هلا والله بالغالي كيفك يابوالشباب..
    ابومشعل:هلا وينك..
    تركي:مع بندر ندور في الشوارع خير يبه فيه شي..
    ابومشعل:اتصلت على اخوك..
    تركي:اي اخو..
    ابومشعل:كم عندك من اخو انت..
    تركي:ايه مشعل لامااتصلت خير يبه فيه شي..
    ابومشعل:انت وش فيك من اتصلت ومعلق على خير يبه فيه شي..
    تركي:هههههههههههههههههههههه لا بس مو العاده تتصلون فيني..
    ابومشعل:طيب مع السلامه..
    تركي:سلام..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××في بيت ابوراكان××
    ام راكان:اخوك ذا وينه من اسبوع ماشفته مسافر..
    مشاعل تبرد اظافرها:اذا انتي امه ولاتدري عنه تبين انا اللي ادري..
    هيفاء ماسكه جوالها والابتسامه شاقه الحلق:مسااااااااااء الخير يا اكبر من يرفعون الضغط في الدنيا..
    ام راكان:وش ورا هالابتسامه غريبه..
    هيفاء جلست وهي مروقه اخر روقان:اوعدك هالابتسامه ماتفارق شفاتي..
    مشاعل:حاكيتيه وش قال..
    ام راكان مستغربه:حاكته مين..
    هيفاء بارتباك:مام هذا راكان (وناظرت مشاعل بقوه حركت شفايفها بدون صوت):اوريك..
    مشاعل اشرت بيدها بلامبالاة:فكينا..
    ام راكان بأنفعال:وهو وينه ليه مانشوفه..
    مشاعل:ويهمك مام اذا كان موجود وإلا مو موجود مو انتي طول عمرك ماسألتي عنه..
    ام راكان عصبت:وانتي وش دخلك ولدي وكيفي..
    راكان دخل بعد ماسمع اخر الكلام:لا مو كيفك..
    ام راكان وقفت:راكان وينك..
    راكان يشم ملابسه ريحتها سجاير:اف انا رايح اتحمم..
    هيفاء:راكان تدخن..
    ام راكان حطت يدها على صدرها:هاذي اخرة تربيتي..
    راكان ضحك بأستهزاء:هههههههههههههههههههههههههههههه تربيتك تضحكين على نفسك انتي انتي صح ولدتيني بس خلصت مهمتك ورميتيني عند امك يعني انا ولد نوره مو اسماء..
    ام راكان بصدمه:رااااااااااكان وش تقول..
    راكان ببرود:اللي سمعتيه بعدين انا ماادخن هذا واحد من ربعي اصلاً لو كنت ماادخن مدمن مخدرات بيهمك..<<وطلع لغرفته ومشاعل لحقته..
    ام راكان جلست:وش قاعد يقول ذا..
    هيفاء ببرود:يقول لو كنت ماادخن مدمن مخدرات بيهمك هههههههههههههههههههه..
    ام راكان بعصبيه:اسكتي انتي..
    هيفاء:هههههههههههههههههههه..
    ::
    ..في غرفة راكان..
    راكان يفسخ تيشيرته:وانتي وش حقه واقفه..
    مشاعل:بسألك وين كنت..
    راكان خذ فوطته:مالك دخل..
    مشاعل ميلت فمها وبدلع:راكان..
    راكان يبي يخلص منها:كنت عند واحد من ربعي ليه تسألين..
    مشاعل قربت عنده وعيونها تلمع:لان البيت من دونك مايسوى..
    راكان ابتسم بألم:اصحي يابنت انا اخوك..<<ودخل الحمام..
    مشاعل مسكت مخده صغيره وعضتها بقهر..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××في المزرعه××
    هديل وهي على الخيل:شفت سبقتك..
    خالد:ترى عشانك بتروحين اليوم خليتك تسبقيني..
    هديل:تذكرني بمشاري اذا لعبنا البلاي ستيشن و فزت عليه يقول ترى انا اللي مخليك تفوزين..
    خالد:تلعبين بلاي ستيشن ياخطيرررررررررره..
    هديل بحماس:ايه واشجع بعد بـ << شهقت ـ..
    خالد نط من شهقتها:خير انتي فيه شي..
    هديل نزلت من الخيل بسرعه وركضت:مباراة برشلونه راااااحت علي..
    خالد عصب:خرعتيني على بالي فيك شي..
    هديل عجبتها"فيك شي" حست انه خايف عليها ابتسمت"وااااااااااو عاد ياناس تخيلوا يحبني خخخخخ"..
    دخلت الغرفه وفتحت التلفزيون غيرت القنوات وحطت علىart sport..
    خالد:هاه لحقتي عليها..
    هديل نطت وبقهر:لاخلصت الله ياخذهم..
    خالد:بيعدونها مليون مره لاتشلين هم..
    هديل مكشره:مااحب اطالع اعاده..
    خالد:خلاص بتصل عليهم اقول لهم يعيدوا المباراة بس لاتزعلين..
    هديل لفت عليه:ههههههههههههههههههههه..
    خالد عصب:الحين وش حقه تضحكين قايل نكته انا..
    هديل:اذا طالعت وجهك اضحك مدري ليش ههههههههههههههههههههههه..
    خالد كشر:لهالدرجه انا شين..
    هديل بأنفعال:لابالعكس (تداركت نفسها وابتسمت منحرجه) اقصد مو شين..
    خالد يناظرها بخبث وهو مبتسم:ايه..
    هديل رفعت جوالها تبي تنقذ نفسها من الوضع المحرج اللي حطت نفسها فيه
    :هاااي ريناد كيفك شفتي المباراة رحتي لجده والله ههههههههههههههههههه..
    ريناد:شوي شوي هدوله وش فيك..
    هديل طلعت من الغرفه وتنهدت:اوووه الحمد الله بغيت اروح فيها عاد ويصدق نفسه..
    ريناد:وش السالفه والله مو فاهمه منك شي..
    هديل بهمس:بعدين اقولك يله الحين بااااي...

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××الامارات..دبي××
    ::
    منصور معصب:اشغلنا الله يشغله (سكر جواله) مايرد اففففففففف..
    رائد:ياخوي روق ماتستاهل السالفه كل هالعصبيه..
    منصور:طيب على الاقل يدق يطمنا المشكله ان جوله يدق ومايرد..
    رائد:يمكن ناسيه في مكان انت هد نفسك الحين..
    منصور جلس:هذاني هديت..
    ::
    ))..لاتخاف من الزمان..الزمن ماله آمان..
    خف من اللي كل آمانك..
    بيديه وتامنه..
    ..لوحبيبك ماوفى لك..لوحبيبك فيك خان..
    ايش ترجي من زمانك..
    النتيجه باينه..((

    كان واقف يرمي حجره ورا الثانيه في البحر..يحس ان قلبه مقبوض..بلع غصته وهويتذكر شكلها..ودموعها على خدها..
    ناظر في يده اثار يدها ودفاها المتمسكه فيه بقوه لسه موجوده..
    يحبها..يعشقها..بكل مافيها..خلاص مل من التفكير..ومل وهو يحاول ينسى..
    ..قطع تفكيره صوت جواله اللي رن اكثر من 18مره..رفعه..منصور..يتصل بك..
    رماه في البحر..ولف بيرجع للمجمع..وبيرجعها وبيرجع حبه..
    دخل للمجمع بخطوات سريعه يدور عليها..راح للكوفي شوب..

    :لو سمحت شفت ((وشلون اشرح له ذا)) شفت بنت كانت واقفه هنا قبل ساعه تقريباً لابسه بنطلون ابيض..
    الجرسون رفع راسه:هيدا انتِ وينك العصير تبعك..
    مشعل عصب وصرخ:الحين انا قاعد اسألك تقول لي عصير..
    الجرسون خاف:اسف اسف البنت اللي كانت هون طلعِت بتبكي..
    مشعل راح من قدامه معصب..
    الجرسون:شو يااستاز العصير..
    ركب سيارته وسكر الباب بقوه ضرب بيده الدركسون وصرخ:غبــــــــــي انا غبي..
    مشى بسرعه كان بيسوي حادث بس الله ستر..دخل للفندق بتعب وضايقه فيه الوسيعه..
    رائد وقف:هذا هو جاء..
    منصور معصب:وينك انت لي ساعه اتصل عليك..
    مشعل بتعب:ممكن تأجلون كلامكم لبعدين..
    رائد:ياخي خوفتنا عليك..
    مشعل دخل غرفته:تصبحون على خير..
    منصور صرخ:شفت إنا خايفين عليه وهو لاعادي عنده..
    رائد مسك كتفه:هد شوي يمكن صاير معاه شي اتصل الحين على نايف وطمنه..
    منصور رفع جواله:راحت علينا المباراة..
    رائد:ههههههههههه وهذا اللي هامك..
    منصور هز راسه بأيوه:الو هلا نايف..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××في بيت ابوفيصل××
    لمى تلعب مع ابوها شطرنج:هههههههههههههههااااي فزت قلتلك انت لايكمن تهزمني..
    ابوفيصل:بنلعب مره ثانيه ونشوف..
    لمى:ايه خلاص اوكي بس اقولك من الحين إنسحب..
    ام فيصل:بدينا بالتخريف المبكر..
    ابوفيصل:مين تقصدين..
    لمى:تقصدك انت..
    ابوفيصل:داري تحسبيني مافهمت..
    فيصل دخل:مساااء الخير..
    لمى بحماس:تعااال شوف ابوك انهزم مرتين..
    فيصل:افاااا افااا يابوفيصل تهزمك بنت..
    ام تركي:تعال فيصل تقهوى..
    فيصل جلس جنب ابوه:مو مشتهي يابوفيصل حط هاذي هنا..
    لمى:بلا تغشيش..
    ابوفيصل:انتي وش عليك حاطه حرتك بعجوز..
    لمى:هههههههههههههههههههههه..
    فيصل باس راس ابوه:لاااا يبه توك انت بعز شبابك..
    ابوفيصل:هذا الحكي السنع..
    ام فيصل:لاتكبر راسه بهالحكي وبعدين يصدق..
    ابوفيصل:وانتي وش حرررررك..
    ام فيصل:ابد ماحرني شي بس لايكذب عليك الولد..
    فيصل ولمى ناظروا بعض وضحكوا:هههههههههههههههههههههههههههههه..

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××في بيت ابونايف××
    نايف:اوكي مشكور يله سلام..
    بندر دخل راااااايق:صبااااح الخير..
    نايف:مسااااء الخير الدنيا ليل..
    بندر:صباااح النور..
    نايف:مسااء النور ياعمي وش فيك قالب الليل صباح..
    بندر رمى نفسه على الكنبه:مستانس..
    نايف:على ايش..
    بندر:كذا..
    نايف:مشعل ولد عمك ضايع بس لقيناه..
    بندر:ضايع ههههههههههههههههههههه..
    نايف:قصدي نتصل عليه مايرد اكيد وراه شي..
    بندر:وش عليكم منه يمكن حاب يجلس لحاله لاتزعجونه..
    ام نايف دخلت:جهزوا نفسكم اليوم خالكم بيجي..
    بندر طلعت عيونه:احلــــــــــــفي..
    ام نايف:يعني اكذب عليك..
    بندر:لايمه حشاااا..<<نط عيها وحب راسها..
    نايف:مجنون ولدك..
    ام نايف:وانا اشهد انت وش فيك..
    بندر يرقعها:لايمه بس اشتقت لخالي عن اذنكم good night..<<وطلع لغرفته بسرعه..
    ام نايف:انت بتطلع اليوم..
    نايف يناظر جواله:ماازنش..
    ام نايف:طيب لاتطلع اقعد مع خالك..
    نايف هز راسه:اوكي..الو..
    ريم بصوت متقطع:اا..لــ..لو..
    :


    تعليق


    • #3
      رد: تموت عيونهم فيني .. وانا بك ميته عيني الجزء السادس

      [align=center][align=center][table1="width:95%;"][cell="filter:;"][align=center]يأ سلأم ..
      نكمل القصه ..
      تحيااتي ..
      دموووع
      [/align]
      [/cell][/table1][/align][/align]
      [align=center]



      http://www.shbab1.com/2minutes.htm[/align]

      تعليق

      يعمل...
      X