تموت عيونهم فيني .. وانا بك ميته عيني الجزء الثاني عشر

[غاليه بعيون مغليها]

..الجـــ الثاني عشر ـــزء..

...نايف..رجع للبيت وهو حاط شماغه على كتفه والعقال في يده مبين انه تعبان وطفشان ومايدري ليه متضايق وحاس انه مخنوق راح وجلس قدام التلفزيون غير القنوات بملل رمى الريموت ورفع جواله ودق على..
:هلا مشعل..
مشعل:اهلـيـــــــــــن بالمعرس..
نايف بدون نفس:هه اجل وصلك الخبر..
مشعل:ايه السعوديه كلها عرفت ولد عمك قناة اخبار متنقله..
نايف:مشعل انت بخير..
مشعل بأستغراب:وليه هالسؤال..
نايف:يعني مو تعبان علشان..<<وسكت..
مشعل بلع غصته:لا ولاابي تجيب طاريها..
نايف:صار شي..
مشعل بقهر:لو تقرى رسالتها كان تنقهر اكثر مني المهم ماعلينا انت قل لي وش اخبارك وش اخبار الحلوووين..
نايف:اي حلوين..
مشعل:دنوووو..
نايف بضيق:مدري عنها والله يامشعل شكلي تسرعت..
مشعل:مو انت تحبها وصاجنا فيها..
نايف:مدري وش فيني..
مشعل:شوف بصراحه دانا ماتنعاب والكل يتكلم عنها انت لو ماكنت تحبها كان خذتها لي..
نايف:وانت وش دراك عنها..
مشعل:ريم تعرفها..
نايف انقبض قلبه من سمع اسمها:ايه وش اخبار جو الخبر..
مشعل:يسلم عليك..

××في سيارة تركي××
تركي:وش اخبار لمى..
ريم:ايه اطلع اطلع..
تركي:اطلع وين اروح..
ريم:اطلع على حقيقتك قول من اول انك بتوصلني علشان تسألني عنها..
تركي:اختي وعارفتني..
ريم:اقولك شكلها اليوم موطبيعي مع اني ماقعدت معها كثير بس في وقت العشاء جالسه وسرحانه وماكلت شي..
تركي ابتسم بخبث:افااا ليه..
ريم:مدري عنها وبعدين وش حقه تبتسم..
تركي:ولاشي..
ريم شهقت:اهــــــــــــــئ..
تركي نط من شهقتها:وجـــــــــــــــع خير..
ريم:لايكون سويت لها شي..
تركي ضرب راسها بخفه:عمــــــــى يعمي العدو وش بسوي لها يعني اصلاً متى شفتها..
ريم:لا بس انت ينخاف منك بصراحه..
..تركي وقف عند بيت ابومشاري:يله..
ريم:ماراح تنزل معي..
تركي نزل:علشانك بس..
ريم نزلت:الكذب حرااام..اقول شكل مشاري مو موجود ارجع..
تركي:ومين قالك اني نازل علشان مشاري..
ريم:اجل علشان مين..
تركي رن الجرس:هدوله وخوخه..
ريم:والله لو سمعك سعد بيكفخك..
..انفتح الباب..
تركي:برجلك اليمين ياعروسه..
ريم:هههههههههههههههههههههههههه..
هديل طلعت معصبه:لاااااااااااا وتضحكين بعد انتي قايله ربع ساعه ليه تأخرتي..
ريم بهدوء:سلمي اول بعدين عصبي على كيف كيفك..
هديل حظنتها:وحشتـــــــــــيني يالخايسه..
ريم تحاول تبعد نفسها عن هديل لانه حاظنتها بقووووه:آآآآي هودله خنقتيني..
تركي:ماكأنك امس شايفتها..
هديل:اربع وعشرين ساعه تحسبها شويه..
ريم:هديـــــــــــل بعدي خنقتيني..
تركي سحب ريم:مابعد شبعت من اختي انا..
خلود طلعت وشهقت ورجعت داخل..
تركي:خوووووختي اطلعي ابي اشوف شكلك بالكرشه..
خلود:استح على وجهك ياولد الخاله..
تركي:لاتنسين ان امي مرضعتك يعني عادي تفتشين لي يابنت الخاله..
خلود طلعت:ماعليه تروووك صايره انسى كثير اعذرني..
تركي:ههههههههههههههههههههه خذي لفه بالله..
خلود تخصرت:وليه تضحك قايله نكته..
تركي:شايف نكته ماشفتي شكلك في المرايه كأنك فقمه هههههههههههههههههههههههههههه..
خلود ضربت ظهره:انطم بعدين شوف شكلك انت وذا الكشه كأنك طرزان..
ريم وهديل:هههههههههههههههههههههههههه..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابوفيصل××
مها تسكر المجله:اف وش فيك انتي..
لمى حاطه يدها على خدها وماردت..
مها:لمووووو احاكيك..
لمى رفعت راسها:وشو..
مها:وشو اللي وشو وش فيك؟..
لمى خذت اللاب توب:ولاشي..
مها قربت منها وقعدت على المكتب:لمى لاتخبين علي ترى مبين عليك..
لمى تنهدت بضيق:تركي..
مها:وش فيه..
لمى شوي وبتبكي:يكرهني..
مها:ههههههههههههههههههههههههههههههه..
لمى نزلت دموعها:ماقلت شي يضحك..
مها:اللحين ليش تبكين مو انتي ماتطيقينه خلاص ارتاحي الحين ماراح يقرب منك..
لمى بصوت مخنوق:بس انا ابيه..
مها:تحبينه..
لمى رفعت كتوفها:مدري بس اليوم تخيلي شافني ولاسألني وش اخباري حتى يكلمني من طرف خشمه ماكأني لمى اللي يحبها وميت عليها..
مها:يمكن خلاص مل..
لمى:مل..
مها:ايه مل..
لمى لفت وفتحت الماسنجر..
مها:وش تسوين..
لمى:برسل له..
مها:تركي..
لمى:لا ابوي ايه تركي (حطت طرف اصبعها على فمها) طيب ياربي وش اكتب..
مها راحت لسريرها:انتي طوول عمرك خبـــــــــــــــــله..
لمى ماردت عليها وجلست تناظر اللاب توب..:وش اكتب ياربي..
مها تمددت على السرير:ماسألتي ريم عن مشعل..
لمى:اصلآ متى شفتها علشان اسألها..
مها لمعت عيونها حطت يدها ورا راسها:مشتاقة له..
لمى لفت عليها وبحماس:تخيلي انتي تاخذي مشعل وانا اخذ تـ...<<دمعت عيونها ولفت..
مها:امسكي نفسك لاتبكين مااتحملش..
لمى خذت منديل مسحت دموعها:ميمي وش اكتب له..
فهد دخل بدفاشه:لمى تلعبين معي شوط..
مها:دق الباب قبل ماتدخل لو سمحت..
فهد:اظنها غرفة لمى مو غرفتك انتي (لف على لمى) هاه تجين..
لمى وقفت وعدلت بلوزتها:اوكي يله..
مها:والـ..<<واشرت براسها على اللاب توب ولمى فهمت عليها..
لمى:بعدين بعدين..<<وطلعت مع فهد..وقابلوا فيصل بوجههم..
فيصل:مها وينها..
لمى وهي تمشي:في غرفتي..
فيصل دخل الغرفه:مساء الخير..
مها:هلا..
فيصل جلس على طرف السرير:ممكن سؤال..
مها عدلت جلستها:قول..
فيصل:وش رايك في بنات عمتي..
مها كشرت:مشاعلووه وإلا هيفاء..
فيصل مايبي يقول هيفاء ومها تنشب فيه بالأسئله:كلهم..
مها:وش حقه..
فيصل:بتقولين وإلا اروح للمى اسألها..
مها بطفش:طيب بقول..مشاعلوه خايسه وقليلة ادب...
فيصل:هييييييييييييه هيه شوي شوي مو كذا لاتنسين انها بنت عمتك..
مها:لاياحبيبي مانسيت شوف انا لو اختي كذا كان قلت رايي عنها بصراحه وماتهمني المهم الحين خلني اكمل..
فيصل بطفش:كملي..
مها:ايه خايسه وقليلة ادب وتعتبر الناس ولاشي وهي يااااااي كل شي وبقولك عن كلمتها المشهوره اللي انتشرت في الجامعه (تقلد صوت مشاعل) ومين يقدر يوصل لجمالك ياشعوله..
فيصل:هههههههههههههههههههههههه..
مها:اكمل..
فيصل:ايه كملي قاعد عندك ليش..
مها:ومغروره ونفسها في خشمها ووقحه وبايخه..
فيصل"ماشاء الله وش بتكون اختها يعني"..
مها:ولو اسولف لك عنها من اليوم للأسبوع الجاي مااقدر اعبرلك عن وقاحتها..
فيصل بطفش:اللي بعدوو..
مها:هيفاء..
فيصل:ايه..
مها:والله هيفاء مدري عنها مااجلس معها كثير بس هي شوي احسن من اختها..
فيصل رمى عليها المخده بعصبيه:وانا قاعد انتظر تخلصين القصه اللي قلتيها عن مشاعل علشان اعرف شي عن هيفاء..
مها:كان قلت لي من اول انك تبي شي عن هيفاء وبعدين ليه تسأل عنها اكيد مسويه شي غلط..
فيصل وقف:تفكيرك دايماً شين لاماسوت شي يله تصبحين على خير..
مها:سكر النور والباب وراك..
فيصل طنشها وراح لغرفته..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

مشاعل حاطه يدها على اذنها من صوت الدي جي:ايش ماااام مااسمعك..اووووكي خلاص بعدين احاكيك بااي..
منال:قفلي الجوال واخلصي من حنت امك..
مشاعل قفلت جوالها:على قولتك احسن لي..
منال:ايه وش كنتي بتقولي لي عن هيفاء..
مشاعل بحماس:تخيلي منو هيفاء طايحه على ولد وزير..
منال:هههههههههههههههههه معقوله..
مشاعل:والله بس بصراحه حظها شي هالبنت..
منال:وصيها على ابوه لي..
مشاعل:حلااااااال عليك بس يقولون انه مع زوجته شهر عسل..
منال عضت شفايفها:خساااااااااااره..
مشاعل:انا اعرف الشيبان عندي نسخه في البيت يملون بسرعه وخاصه الزواج..
منال بنظرات خبث:الشيبان مين تقصدين..
مشاعل:ابوي يعني مين..
منال"الشايب حقك بيكون لي يوم من الايام وبتشوفين ياست مشاعل"..
بشاير صديقة مشاعل مشت لعندهم وبأبتسامه:اهليـــــــــن مشاعل زين انك جيتي وإلا بتزعليني منك..
مشاعل ابتسمت غصب"طقي راسك في الف جدار":لا كل شي ولازعلك..
بشاير:والله تغيرتي طالعه قمر..
مشاعل بغرور:اصلاً من يوم يومي وانا قمر وإلا يامنو..
منال كانت تفكر بخبث ونبهها صوت مشاعل:هاه ايه..
بشاير:كيفك منال..
منال:تمام كيفك انتي..
بشاير تناظر مشاعل بأعجاب:والله انا بخير بشوفة مشاعل..
مشاعل لفت وجهها"يمــــــه بتاكلني"..
بشاير مسكت يد مشاعل:ترقصي..
مشاعل:اا..اوكي..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابومشاري××
هديل وريم جالسين في الغرفه...
هديل بحماس:إلا صدق نايف ولد عمك بيتزوج..
ريم نزلت راسها وبحزن:ايه..
هديل:امووووت واعرف مين هاذي اللي بيتزوجها..
ريم:دانا بنت خاله..
هديل:اخت ريناد..
ريم:ايه..
خلود دخلت:هاااااي صبايا..
هديل نطت:خوخه صديقتك دانا اخت ريناد بيتزوجها نايف ولد عم ريم..
خلود:حبه حبه مافهمت شي..
هديل:دانا..
خلود:وش فيها..
هديل:بيتزوجها نايف..
خلود تغيرت ملامح وجهها:نايف..
هديل:ايه نايف هذاك اللي شفناه في السوبر ماركت يااختـــــــــي عليه يجنـــــــــن ونوو بعد تجنن وش بيطلعون عيالهم..
نزلت دمعه من عيون ريم تحرق خدها طعنه ورا طعنه في قلبها خلته يتقطع لقطع صغيره صح هي ماحبته إلا من فتره قصيره لكن الحب الاول لها وصعب نسيانه..مسحت دمعتها بكمها ورفعت راسها...
:لايقين على بعض صح..
خلود مصدومه رفعت جوالها وطلعت برا الغرفه..
هديل:وش فيها هاذي (نطت على السرير) ماسألتيني عن خلوووودي..
ريم ابتسمت غصب:دق عليك مره ثانيه..
عند خلود كانت تدور في الصاله وتدق على دانا لكن ماترد..
خلود"يااااربي لايكون صاير لها شي"..<<رن جوالها..
خلود بعصبيه:وووووووووينك انتي ادق عليك ماتردين..
دانا ببرود:سوري كنت حاطه جوالي على السايلنت..
خلود:كيفك..
دانا:حمد الله بخير تمااااااااام..
خلود:يعني ماوصلك الخبر..
دانا:نايف..
خلود:ايه..
دانا تمددت على السرير وفكت شعرها اللي تناثر حولها قالت ببرود:ومين قالك اني بتزوجه..
خلود:يعني اشاعات..
دانا:لا مو اشاعه صدق نايف بيخطبني لكن ركزي على الباء بيخطبني مو خطبني..
خلود:وبندر..
دانا خذت نفس طويل:وش فيه بعد قلبي..
خلود:وش ناوي يسوي مع اخوه..
دانا:ولاشي..
خلود انقهرت:يااااااااشينك يالبارده..
دانا:وش تبيني اسوي يعني اقعد ابكي في غرفتي في الاول والاخير بطلع من بيتنا واروح بيت اللي احبه بندوووري..
خلود:تعجبني الواثقه..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

..((اليــوم الثاني))..

××في بيت ابوفيصل××
مها ولمى نزلوا يتغدون..:صبااااح الخير..
ام فيصل:اي صباح قولوا مساء الخير..
مها سحبت كرسي وجلست:متى بنروح للشرقيه..
ابوفيصل:بكره جهزوا انفسكم..
لمى جالسه تحرك العصير وسرحانه...
ابوفيصل:وش فيها حبيبتي اليوم..
مها بلقافه:والله مافيني شي..
فهد:يالملقووووفه انتي وش دخلك..
ابوفيصل:لمـى..
لمى رفعت راسها:هلا..
ابوفيصل:وش فيك..
لمى ابتسمت غصب:مافيني شي..
فيصل:انا بصراحه مستغرب ليه ساكته اكيد فيك شي..
لمى:كل وانت ساكت لوسمحت..
مها بهمس:تركي..
لمى لفت عليها وبخوف:وش فيه..
مها بنفس الهمس:مافيه شي بس اقول اللي ماخذ عقلك تركي..
لمى:ياختي خوفتيني على بالي فيه شي..
مها بنظرات خبث:وتخافين عليه بعد..
لمى لفت عنها:انتي الثانيه كلي وانتي ساكته..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت سعد××
سعد طلع من الحمام (الله يعزكم) بعد ماتحمم وينشف شعره:مسااااء الخير حياتي..
خلود ابتسمت:مساء النور كم الساعه..
سعد:الساعه ثلاث..
خلود قامت:قلبي ليه خليتني نايمه للحين..
سعد جلس جنبها وخربط شعرها:شفتك غرقانه في النوم ماحبيت اصحيك شكلك تعبانه..
خلود:شوفتك تروح التعب ياقلبي..
سعد باس خدها:تبين شي انا رايح لشغل..
خلود:مو قبل ماتتغدى..
سعد:خلاص اكلت..
خلود وقفت:ولو تلقى مااكلت إلالقمتين و..
سعد قاطعها وسحبها:تعالي احكي لي وش سويتي امس مشتااااق لك..
خلود تبي تنقذ نفسها من الموقف المحرج اللي هي فيه:مو تقول بروح لشغل..
سعد:لاحقين عليه المهم الحين انتي..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابومشعل××
صحت من النوم وناظرت نفسها استغربت هي لسه لابسه ملابسها حقت امس..وقفت راحت وغسلت وجهها وبدلت ملابسها ونزلت لصاله وصوت التلفزيون موصل آخر الدنيا..شافت تركي متمدد على الكنب وماسك الريموت ونايم..
سكرت التلفزيون وراحت تصحيه..
ريم:تروووك..
تركي فتح عيونه بصعوبه:هاه..
ريم:وش نومك هنا..
تركي التفتت للجهه الثانيه:ريــــــم مالي خلقك اتركيني انام كفايه امس كسرتي لي ظهري..
ريم تذكرت انها نامت امس في السياره وشالها تركي وجهها صار احمـــــــر:هييييييييييييييييه ليه تشيلني بزر انا كان صحيتني..
تركي صوته كله نوم:حاولت بس ماصحيتي الحين ممكن تتركيني انام..
ام مشعل وابومشعل دخلوا الصاله..
ابومشعل:صح النوم..
ريم باست راس امها وابوها:مساء الخير..
ابومشعل:مساء النور كل هذا نوم..
ريم:وش اسوي امس رجعت من بيت خالتي متأخر..
ام مشعل:يمه ريم جهزي اغراضك بكره بنمشي للشرقيه..
ريم كشرت:ماابي اروح..
ابومشعل:ليه انتي اكثر وحده متحمسه تروحين وش اللي غير رايك..
ريم بحزن باين عليها"وش اقولكم يعني ماابي اروح بسبب نايف"..
ابومشعل:ريم احاكيك..
ريم:مالي مزاج اروح..
ام مشعل:تبين جدتك تزعل منك لازم تروحين..
ريم وقفت:خلاص اوكي اللي تشوفونه تامرون على شي بروح للنادي..
ابومشعل وام مشعل:سلامتك..
ريم طلعت غرفتها رن جوالها"هاذي اول مره احس كلي عشق..آآآآه..عطني فرصه اتنفسك خاف اختنق..وياك انت تأكدت اني قبلك ماعشت..وعلى كل لحظه بدونك ياحبيبي تندمت"..
رفعته وردت:هلا لمووو..
لمى:بتروحين للنادي..
ريم تطلع لها لبس:ايه مع ان مالي خلق اروح بس يله احسن من القعده بين اربع جدران اقول وش رايك نروح سوا..
لمى:اوكي بس مين اللي بيودينا..
ريم:السواق الله يخليه ويطول بعمره شوفي تجهزي بسرعه..
لمى:اوكي بااااي..
ريم:باااي..
ريم ناظرت جوالها وغيرت الرنه يمكن احساسها خلاص تبخر وحبها انقتل وهو توه مولود..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××الشرقيــــه..الخبر××
مشعل:تخرجت من الجامعه الامريكيه في دبي..
ابوفي:ماشاء الله واشتغلت..
مشعل:لا عاطل..
ابوفي:مالقيته لك شغل..
مشعل:الشغل موجود بس انا ماابي اربط نفسي بمواعيد..

يتبـــــــــــــع..<<

[غاليه بعيون مغليها]

رد: تموت عيونهم فيني .. وانا بك ميته عيني الجزء الثاني عشر

تابـــــــــــــــــــع..<<

في:طيب اكيد الحين انت عمرك25او26ماتفكر تتزوج..
ابوفي عطاها نظره في بلعت غصتها منها..
مشعل ابتسم بألم:القاها اول..
في كشرت"الحين انا طول وعرض ومامليت عينك"..
مشعل وقف:يله انا استئذن..
ابوفي:وين ماشبعنا منك..
مشعل:والله ياعم اهلي بيجون بكره ولازم اقول للعامل ينظف الشاليهات..
ابوفي:يوصلون بالسلامه..
مشعل:الله يسلمك يله فمان الله..
ابوفي:فمان الكريم..
في وصلت مشعل للباب:عاد مو اذا شفت اهلك تنساني (ارتبكت) قصدي تنسانا..
مشعل ابتسم:لاماراح انساكم وبجي لكم كل يوم وبعرفكم على اهلي اقول في وش رايك تجين معاي شوي نتمشى..
في بأرتباك:هاه مدري لايمكن ايه خلاص طيب..
مشعل:هههههههههههههههههههه وش فيك..
في:لامافيني شي بروح اجيب جاكيتي واجي..<<وركضت وهي في نص الدرج وقفها صوت ابوها..
ابوفي:وين..
في لفت:بروح (ارتبكت) بروح اشوف الشاليهات مع مشعل..
ابوفي:انتبهي على نفسك وانا ابوك..
في:ان شاء الله.."سامحني والله مو قصدي اكذب عليك.."

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابوراكان××
مشاعل كانت لافه شعرها وحاطه خيار على عيونها وتكلم..
منال:اكيد بتجين..
مشاعل:ايه حبيبتي اكيد بجي معقوله اضيع سهره..
منال:اوكي بمر اخذك على الساعه تسع تكوني جاهزه..
مشاعل:اوكي سي يو..
منال:سي يو تو..
هيفاء:يعني مصممه تروحين..
مشاعل ترفع خياره عن عينها وتاركه الثانيه:عندك مانع..
هيفاء:لاماعندي مانع بس بجلس لحالي..
مشاعل:التهي مع ولد الوزير..
هيفاء:حاسه انك حاسدتني..
مشاعل بغرور:هههههههههههههههههه انا احسدك على ايش ياحسره..عندي انا نايف بالدنيا كلها يسوى احمد حقك ذا ويسوى اشكاله..
هيفاء عصبت:لو سمحتي لاتغلطين..
مشاعل ببرود:ماغلطت بعدين على بالك هذا حب تراه مجرد تسليه تتسلين تضيعين وقتك..
هيفاء:الله والوقت عاد وانا مو قاعده اتسلى انا احبه من جد..
مشاعل:بكيفك حياتي تحبين ماتحبين مايهمني..
هيفاء وقفت وهي بتطلع لفت على مشاعل:تعرفين قد ايش اكرهك انتي وامك وابوك واخوك اكرهــــــــــــكم كلكم اكرهكم..<<وطلعت..
مشاعل ناظرت في اظافرها:ماهمني شي ( رفعت صورة نايف وابتسمت) إلا انت ياحياتي..

..دخلت لغرفتها سكرت الباب بقوه..جلست على الكرسي وبكت في ضيقه بصدرها ماتدري من ايش تبي تطلعها..
شافت دفتر على طاولتها فتحت اول صفحه..راكان كاتب لها بخط كبير..
بحبــــــــــــك ياقميل هههههههههههه..
بلعت غصتها وفتحت الصفحه الثانيه شافت بوسه طابعتها مشاعل وكاتبه تحتها..
هذا الروج توني شاريته وحبيت اجربه طلع حلو تدرين ليش؟؟؟؟؟؟؟؟
لاني بست فيه دفتر اغلى انسانه على قلبي احبـــــك موت..
شقت الدفتر لنصين ورمته في الزباله ورمت ذكرياتها مع مشاعل وراكان لانهم بعد صاروا ذكرى..صاروا ناس غير اللي تعرفهم..غير اخوانها اللي يحبونها ويخافون عليها.....
رفعت جوالها ودقت على...
:الو هلا ريم..
ريم بأستغراب:هيفاء..
هيفاء:مستغربه من اتصالي صح بس والله مالـ...
ريم قاطعتها:بالعكس هيوووفه اتصلي في اي وقت..
هيفاء:انتي في البيت..
ريم:لا انا بطلع لنادي اذا تحبين تجين معاي حياك..
هيفاء:لا خلاص بدق عليك في وقت ثاني..
ريم:هيفاء فيك شي..
هيفاء"معقوله حاسه فيني":لا ليش..
ريم:صوتك مو عاجبني متغير..
هيفاء:علشاني توني صايحه من النوم اوكي ريووم بعدين اتصل عليك..
ريم:اوكي..
هيفاء:بااااي..
ريم:باااي..
ريم سكرت ومستغربه من اتصال هيفاء عليها هي بالذات"غريبه مالقت إلا انا تتصل علي"..<<خذت عبايتها وشنطتها ونزلت لقت تركي ينتظرها عند الدرج..
تركي:مسااااء الخير..
ريم تنزل بسرعه:مساء النور يله بااااي..
تركي مسكها:لحظه لحظه على ايش مستعجله..
ريم:ترووك اتركني تأخرت على لمى والله تسوي لي سالفه..
تركي:انا بوصلكم..
ريم وهي تعدل طرحتها:مو لله..
تركي:عاد تبيني اوصلكم وإلا بكيفك تراه عرض مايتفوت..
ريم:اوكي يله بس الله يخليك لاتسوي حركات للمى ترى واصله معها منك..
تركي"مسكينه ماتدرين انها تولعت فيني":اوكي اوعدك نمشي..
ريم:يله..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابونايف××
نايف يتقلب على سريره"وش فيني انا مو كنت بذبح نفسي بس علشان اخذ دانا وش اللي تغير الحين وإلا علشاني شفت ريم يمكن انا ماكنت احب دانا مجرد اعجاب ياارب ليه تسرعت اروح اقول لامي اني خلاص ماراح اخطبها وإلا انتظر شوي وإلا.. (صرخ) اففففففففففف..<<وشال المخده ورماها..
ام نايف دخلت الغرفه بخوف وولعت النور:وش فيك يمه ليه تصارخ..
نايف سحب البطانيه وحطها على وجهه:مافيني شي بس ابي انام..
ام نايف جلست جنبه:يمه اذا فيك شي قول لي متضايق من شي متضارب مع احد..
نايف قام وتنهد:يمه وش رايك في دانا..
ام نايف:ماشاء الله عليها جمال واخلاق وادب ماتنعاب..
نايف:طيب وش رايك في ريم..
ام نايف:ريم بنت عمك..
نايف:ايه..
ام نايف:وشو له تسأل..
نايف تمدد على السرير وحط يدينه تحت راسه:خلاص يمه انسي..
ام نايف:انت حاس انك تسرعت صح..
نايف يناظرها بأستغراب وشلون عرفت!!..
ام نايف:لاتناظرني كذا انا اكثر وحده تعرف وش فيك وش تحس به اذا ياولدي حاس انك تسرعت فكر زين ترى هذا زواج مو لعبه (وقفت) واذا تبي ريم انا ماعندي مانع تركت الحلو ورحت للي احلى منه..<<وطلعت..
نايف يناظرها لما طلعت وهو مو فاهم ولاكلمه قالتها..
ام نايف قابلت بندر وهو راقي الدرج..
بندر باس راسها:مساء الخير..
ام نايف:مساء النور بتنام..
بندر:ايه والله راسي يدور فيني يله عن اذنك..<<وطلع بس وقفه صوت نايف..
:تعــــــال بندروووه..
بندر وقف عند الباب:نعم..
نايف:بتم واقف عند الباب تعال ابيك..
بندر جلس جنب نايف:خير..
نايف عدل جلسته:يله قول لي عن اخر مغامراتك العاطفيه..
بندر"وش تبيني اقولك يعني اقول اللي احبها بتخطبها انت":انت صاير لعقلك شي..
نايف:علي مسوي لي يعني ماتحب اخوي واعرفك لو رقاصه انكسر كعبها وطاحت بتكسر خاطرك وتحبها..
بندر:هههههههههههههههههههههههههه ايه احب..
نايف بصوت عالي:واخيـــــــــــــــــراً اعترف..
بندر:وووووووووجع يوجع العدو ان شاء الله قصر صوتك..
نايف:ومين سعيدة الحظ..
بندر بمزح:الرقاصه..
نايف رمى عليه المخده:سخيـــــــــــــف..
بندر:وش فايدة هالسؤال..
نايف:بستشيرك بشي بس مامنك فايده يله قوم ابي انام..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××الشرقيـــــه..الخبر××
مشعل يتمشى على الشاطئ رافع بنطلونه وحافي وجنبه في,,..
مشعل:انتي ماعندك اخوان..
في:لا..
مشعل:وامك وينها..
في نزلت راسها وبحزن:امي تركتني وانا عمري اربع سنوات وتزوجت..
مشعل:آسف شكلي ضايقتك بسؤالي..
في:لاعادي طيب انت عندك اخوان..
مشعل:ايه تركي وريم وكلهم اصغر مني..
في تأشر بأصبعها على جت سكي موقف على الشاطئ:مشعل شوف جت سكي..
مشعل لف عليها:تعرفين تركبينه..
في رفعت راسها لانه بين اطول منها بكثير:لا..
مشعل مد يده:طيب تعالي..
في مسكت يده:وين..
مشعل سحبها وركضوا لناحية الجت سكي..
مشعل:لو سمحت..
في قاطعته:عن جد انت تبي تركب..

:
: