تموت عيونهم فيني .. وانا بك ميته عيني الجزء الثالث عشر

[غاليه بعيون مغليها]

..الجـــ الثالث عشر ــــزء..

××الشرقيـــــه..الخبر××
مشعل يتمشى على الشاطئ رافع بنطلونه وحافي وجنبه في,,..
مشعل:انتي ماعندك اخوان..
في:لا..
مشعل:وامك وينها..
في نزلت راسها وبحزن:امي تركتني وانا عمري اربع سنوات وتزوجت..
مشعل:آسف شكلي ضايقتك بسؤالي..
في:لاعادي طيب انت عندك اخوان..
مشعل:ايه تركي وريم وكلهم اصغر مني..
في تأشر بأصبعها على جت سكي موقف على الشاطئ:مشعل شوف جت سكي..
مشعل لف عليها:تعرفين تركبينه..
في رفعت راسها لانه بين اطول منها بكثير:لا..
مشعل مد يده:طيب تعالي..
في مسكت يده:وين..
مشعل سحبها وركضوا لناحية الجت سكي..
مشعل:لو سمحت..
في قاطعته:عن جد انت تبي تركب..
مشعل:ايه وانتي بتركبين معاي..<<وتفاهم مع الهندي وركب مشعل..
مشعل:يله..
في:وين..
مشعل:اركبي وراي..
في حمر وجهها وركبت..
مشعل مسك يدها ولفها حول خصره:تمسكي زين..
في بأرتباك:اا...اوكي..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

))..لما صبري زاد عن حده ومل..قلت ابعد يمكن القى للبعد حل..((

ريم تكلم لمى:يله لموو انا عند الباب..
لمى تلبس عبايتها:ايه طيب شوي وبطلع..<<خلصت لبس عبايتها وطلعت تركض لناحية السياره ركبت وخبطت بالباب..
:سووووري تأخرت (شهقت) ريمووووه ووجع ليه راكبه قدام عند السواق..
ريم لفت عليها:بالله عليك وش رايك فيه..
لمى شافته لابس ثوب وشماغ ومتلثم ولابس نظارات شمسيه:كشخــــــــــــــه متى جبتوه..
السواق شال اللثمه:من قبل ماتجين انتي..
لمى فتحت عينها على آخر شي مصدوووومه..
ريم:تعيشين وتاكلين غيرها ههههههههههههههههههههههههه...
تركي مع غمزه:سواق كشخه وحلووو صح..
لمى متنرفزه:لا مو حلوو..
تركي ببرود:ماعليه ماراح ازعل بأختصار مايهمني رايك..
لمى تناظره مصدومه بهالسرعه كرهها..
ريم بهمس:تركي..
تركي شغل المسجل على اغنية ((روح وروح)) لأصاله...))..روح وروح ابعد بدنياك..يامتعبن قلبي بصدك ..الدرب اللي ضحكك بكاك موت وتكوى بنار حقدك ...((...
لمى ماسكه نفسها لاتبكي كانت حاسه انها يقصدها بهالأغنيه"ليه ياتركي تكرهني بعد ماحبيتك طاوعك قلبك بهالسهوله تكرهني"..
تركي يناظرها من المرايه فسخ نظارته وحط طرفها على فمه وابتسم..
لمى نزلت دموعها غصب عنها وغطت وجهها بيدينها..
ريم بهمس:تركي خلاص..
تركي:ماسويت شي..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابوفيصل××
مها كانت تجهز شنطتها ودخلت عليها امها...
ام فيصل:هاه خلصتي..
مها تتمغط:ايه خلصت وين لمى..
ام فيصل:طلعت للنادي ولارتبت اغراضها..
مها رمت نفسها على السرير:باااقي وقت طويل..
ام فيصل وهي تطلع:تعالي ساعديني..
مها شوي وبتبكي:ان شاء الله..<<نزلت الدرج وهي تتحلطم ودخلت المطبخ وجلست فوق الطاوله...
:هاه وش تبيني اسوي...
ام فيصل:ماابيك تسوين شي بس ناظري..
مها:الحين جايبتني هنا علشان اتفرج..
ام فيصل:ايه تفرجي علشان تتعلمين..
مها:مو لازم اتعلم الله يخلي الخدامات..
ام فيصل:اذا تزوجتي محد بيطبخ غيرك لان الزوج مايحب ياكل إلا من يد زوجته..
مها مرت في بالها صورة مشعل ودمعت عينها:تو الناس علي..<<آآه بس لوتدرين اللي احبه للحين متعلق قلبه مع اللي خانته ليه ماينساها لهالدرجه يحبها و الله انا مستحيل اتخيل حياتي مع غيره..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××الشرقيــه..الخبر××
في متمسكه في مشعل بقوووه وتصارخ ومشعل يضحك عليها...
مشعل:ههههههههههههههههههههه في خلاص حرام عليك ترى اذني ابيها لسه مامليت منها..
في ماسكته بقوه:بشووووووووووووويش مشعل بشوووووووويش..
مشعل:هههههههههههههههههههه في ترى لو ماسكتي بلف وبننقلب..
في:تصدق اكتشفت شي بشخصيتك..
مشعل:ايش..
في بقهر:النذاله..
مشعل:ههههههههههههههههههههه ماتعرفين تسبحين..
في:لا..
مشعل وقف الجت سكي:يله انزلي..
في بصدمه:وشــــــــــــو..
مشعل:علشان اصير نذل صدق..!!
في بخوف:مشعل انت تمزح صح..
مشعل حط رجله في البحر:اووووه المويه بارده..
في ضربت كتفه:مشعل انت تمزح..
مشعل لف وجهه عليها:لاماامزح بس المويه بارده تخيلت شكلك فيها ورحمتك بصراحه..
في حمر وجهها بعدته عنه لانه كان قريب مرره:ايه طيب امشي..
مشعل حط رجله:تمسكي زين..
في مسكته بقوه وهمست في اذنه:بشوووويش..
مشعل ابتسم:اوكي..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في سيارة تركي××
تركي وقف عند النادي:اذا خلصتوا اتصلوا علي..
لمى بعصبيه:قصدك اذا خلصت ريم انا برجع مع..<<وسكتت..
تركي:ايه بترجعين مع مين..
لمى صرخت:ارجع مع عفريت ان شاء الله انت مالك دخل فاهــــــم..<<ونزلت وخبطت بالباب..
ريم:وين راحت هاذي باااي تروك..
تركي يشغل السياره:بااي..
ريم نزلت وركضت وراها:لمو لحظه لحظه انتظري شوي..
لمى لفت عليها وبعصبيه:الحين هذا السواق اللي بيودينا..<<ومشت بخطوات سريعه..
ريم لحقتها ومسكتها:لمووو..
لمى بدون نفس:اف خير..
ريم:لموو والله من الاساس كان السواق بيودينا بس تركي قال بوديكم وانا كنت مستعجله قلت ايه بدون تفكير وبعدين ترى هو وعدني انه مايضايقك بشي وهو مافتح فمه بكلمه ضايقتك طول الوقت ساكت..
لمى مشت:انتي مو فاهمه شي..
ريم بملل مشت وراها:اف وش تبيني افهم..
لمى لفت عليها:اخوك يكرهني صح..
ريم مسكت يدها:إلا ميت عليك..
لمى:يعني ماقالك انه يكرهني..
ريم:لا ماقال وليش يقول اصلاً هو كل يوم يسأل عنك..
لمى ابتسمت:ايه يعني بأساليبه هاذي يختبرني اذا كنت احبه وإلا لا..
ريم:والله مو فاهمه شي من اللي تقولينه..
لمى سحبتها:بعدين بتفهمين وش اخبار ميشووو..
ريم:تماااام..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابومشاري××
هديل متمدده على السرير وتكلم:احاول..
خالد بطفش:وشو احاول لي ساعه اترجاك تجين تكفين تعالي ترى فيه ناس محتاجينك..
هديل بخوف:جدي فيه شي..
خالد كشر"يعني مافكرتي إلا في جدك":لا مافيه إلا العافيه..
هديل حطت يدها على قلبها:اوووه اشوى حسبالي فيه شي طيب منهم الناس اللي محتاجيني..
خالد:محد بس انا قلت كذا علشان يحن قلبك وتجين..
هديل ابتسمت"يالبى قلبك والله":اوكي بشوف تامر على شي ثاني..
خالد:لاسلامتك..
هديل:بااااي..
خالد:بااي..
هديل سكرت وباست الجوال"اشتقت لك"..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت سعد××
ام سعد تنزل بيالة الشاهي:كيف الحمل معاك..
خلود ابتسمت:الحمد الله مع انه متعبني شوي..
ام سعد: الله يعينك طيب سعد وينه للحين نايم..
خلود:لاطلع لشغل خالتي تكفين اجلسي معاي والله امل من القعده لحالي..
ام سعد:ان شاء الله حبيبتي ماقلتي لي وش اخبار اهلك..
خلود:تمام كلهم بخير ويسلمون عليك..
ام سعد:الله يسلمهم..
خلود:خالتي انتي ناويه تقعدين هنا على طول وإلا بتروحين لجده..
ام سعد:انتي وش رايك..
خلود ابتسمت:والله ياخالتي انا رايي تقعدين هنا معاي لما اولد..
ام سعد:بس لما تولدين..
خلود:وبعد مااولد خالتي انتي تعرفين سفرات سعد كثير وانا ابقى في البيت لحالي..
ام سعد:خلاص بكره بنقل اغراضي لبيتك..
خلود:البيت بيتك ياخالتي..
ام سعد:بس اخاف اضايقكم انتي وزوجك تبون تاخذون راحتكم..
خلود:لاتضايقينا ولاشي اذا ماشالك البيت تشيلك عيونا..
ام سعد:تسلمين..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في المقهى××
مشاري:ياخوي اذا ماتبيها خلاص لاتقلق نفسك وتقلقنا معاك وبعدين لسه ماصار شي..
فيصل:قلتله بس هو مايفهم او يسوي نفسه مايفهم..
نايف يشرب ثالث كوب كابتشينو:المشكله مدري وش ابي..
فيصل يلتفت لمشاري:شفت..
مشاري سحب الكوب:ناوي تذبح نفسك انت..
نايف تنهد:اف..
فيصل:نايف ماله داعي الضيقه اللي انت فيها طنــــش وبعدين فكر في الموضوع وإلا يامشاري..
مشاري:انا رايي من راي فيصل..
نايف:الحين انتو رايكم كذا طيب قوموا نلعب لنا شوط من زمان عن البلياردو..
فيصل وقف:يله..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××الشرقيــــه..الخبر××
مشعل وفي نزلوا من الجت سكي وركضوا..
مشعل:هاه استانستي..
في ابتسمت:ايه..
مشعل:يله انا رايح الشاليه ابنااام مانمت امس زين..
في وهي تمشي:نوم العوافي بس بتعرفني على اختك ريم..
مشعل:اكيد وبنات عمي بعد..
في اشرت بيدها:بااااي..
مشعل بنفس الحركه:باااي..
..مشعل دخل لشاليهه رمى جاكيته ورمى نفسه على الكنب بتعب انتبه لصور على الطاوله شالها وناظرها حس بسكاكين تطعن قلبه تجمعت الدموع في عينه لكنها جمدت يوم تذكر رسالتها تنهد بضيق تركها على الطاوله وراح يتحمم وينام..
××في شاليه ابوفي××
في دخلت وعلى وجهها اكبر ابتسامه شافت ابوها جالس عند التلفزيون ومندمج معاه على الاخر مشت على اطراف رجلينها لما وصلت وراه بالضبط نزلت راسها وباسته بقوووووووووه..
ابوفي يحاول يبعدها عنه ولما بعدت لف عليها:هذا انتي..
غاده:ايه هذا انا يعني مين تعتقد بيبوسك غيري..
ابوفي:وش اخبار مشوار اليوم..
في:احلــــــــــى مشوار بحياتي (طلعت الدرج) بروح ابدل ملابسي بعدين احكي لك عن مشوار اليوم بالتفصيـــــل..<<طلعت لغرفتها وسكرت الباب لفت على نفسها بفرحه وهي تضحك وبعدين داخت وطاحت على سريرها وقعدت تناظر السقف وتتذكر مشعل
:حلوووو جذاب يجنن يهبل يخقق يااااربي هذا ملاك وإلا انسان..
:لا انسان..
في لفت وصرخت:غدووو..
غاده لفت على نفسها:عندك شك..
في نطت عليها وباستها:متى جيتي من الدمام..
غاده:قبل شوي كيفك..
في:تماااااام وش دراك اني في الخبر..
غاده:عمي خالد (ابوفي) قال لي يعني معقوله انتي قريبه مني ولااجي ازورك الحين قولي لي مين اللي تفكرين فيه..
في سحبتها وجلسوا على السرير:هذا ياختي واحد اسمه مشعل..<<وقالت لها السالفه كلها..
غاده بخوف:وعسى عمي الحين بخير..
في:احسن من قبل..
غاده:طيب ليش مااتصلتي علي يوم طاح عمي كان جيتك..
في:اصلاً ماحسيت بنفسي إلا ادق باب شاليه مشعل والله ماقدرت افكر بأي شي ساعتها حسيت عقلي انشل..
غاده:المهم طلع بالسلامه..
في:الله يسلمك من كل شر..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

..الساعه ((7,30pm))..
××في النادي××
ريم ترفع كاس العصير:جهزتي اغراضك..
لمى:لا..
ريم كشرت:ليه انا نفسي الحين نروح بيت امي نوره..
لمى:ايه نروح وليه مانروح عندي وقت طويل بعدين اجهز اغراضي بس مين بيودينا (بأنفعال) لاتقولين تركي ترى والله اذبحك..
ريم:لا مو تركي عنده شغل الحين السواق بيودينا..
لمى بلقافه:وشو شغله..
ريم:مدري عنه (تبي تقهرها) يمكن رايح يشوف بنت..
لمى عضت شفايفها بقهر:ريموووووه تركي اخر واحد يسوي هالحركات انتي ناسيه انه يحبني انا ولايمكن يحب غيري..
ريم:طيب طيب هدي شوي ماقلت شي بعدين انتي وش عليك منه مو تكرهينه..
لمى بأرتباك:ايه صح انا وش علي (وقفت) قومي شكل السواق جا..<<وشالت شنطتها وعبايتها ومشت بخطوات سريعه..
ريم نزلت العصير:لحظه لموووو لسه ماخلصت العصير (وشالت شنطتها وعبايتها ووقفت) لميووووه انتظري..
..ريم ولمى لبسوا عباياتهم وطلعوا..
لمى تدور السياره:شكله ماجا..
ريم:اف كله منك طلعتينا في هالبرد تراني لابسه خفيف بمووووت من البرد..
:امووت انا ولا انتي..
ريم ولمى لفوا وانصدموا..
ريم بصدمه:انــــــــــت..
راكان:وش رايك بهالمفاجأه..
ريم بأحتقار:عن جد وقاحه ولاحقني بعد لين هنا..
راكان:والحقك لسطح القمر لو تبين..
ريم ميلت فمها وبدون نفس:ومين اللي لعب عليك وقالك بروح هناك..
راكان:حلوووه وجذابه وخفيفة دم بعد صدق اني محظوظ..
ريم بقرف:تدري انك بلوى..
راكان:لا والله توني ادري منك..
ريم:رااااكان..
راكان:عيونه..
ريم تنرفزت:سخيــــــــــف..
راكان:مقبوله منك ياحلووو..
ريم لفت عنه:اف..
لمى مسكت يدها:يله ريم..
ريم مشت ووقفها صوت راكان..
:ياحياتي الوعد بكره واذا مو بكره اللي بعده واللي بعد بعد بعده واذا تبين السنه الجايه راح انتظرك وراح اجيب راسك بس انتي اصبري شوي..
ريم ركبت السياره وخبطت بالباب وبعصبيه:سخيف قذر وقح ياربي ماتخيلت توصل وقاحته كذا ولا يلاحقني بعد..
لمى ماتت ضحك:هههههههههههههههههههههههههههههه..
ريم ضربت راسها بشنطتها:وش فيك تضحكين انتي..
لمى ماسكه راسها:آآآآآآي كسر خاطري مسكين رحمته بصراحه مو قادره اتخيل شكلك وانتي معصبه..
ريم:لااااا..
لمى تقلد صوتها:اييييه..
ريم سكتت شوي وبعدها انفجرت ضحك:هههههههههههههههههههههههههههه..
لمى:هههههههههههههههههههههههههههههههههههه نروح نجيب آيس كريم..
ريم:هههههههههههههههههههههه اوكي نروح..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

راكان ركب السياره:والله لأجيب راسك..
احمد ياخذ نفس من سيجارته:اللحين هاذي ريم..
راكان:انت وش رايك..
احمد ابتسم بخبث:والله هي شكلها بالعبايه حلوو كيف بدونها..
راكان عصب:قلتلك لو تمر في طريقها بس اذبحك ولا يهمني احد فاهــــــم..
احمد ببرود:اوووه خلاص هدي ماقلنا شي (خذ نفس من سيجارته) ولد خالك هذا بعلمه كيف الادب..
راكان بأستغراب لف عليه:مين..
احمد:تركي..
راكان:ليه وش سوا..
احمد:ماسوا شي بس انا كذا ابي اربيه على طريقتي..
راكان:وش ناوي تسوي معه..
احمد:بعدين بتعرف..
راكان:احمد ماابيه يتضرر صح انا وياه بينا مشاكل بس يبقى ولد خالي واخو ريم..
احمد:قول من اول علشان ريم ماتبيه يتضرر..
راكان:اجل علشان مين..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت ابوراكان××
مشاعل تحط ماسكرا:مدري متى ارجع..
ام راكان:المهم لاتتأخرين ورانا سفر بكره جهزتي اغراضك..
مشاعل:لا ماعندي وقت اجهزها خلي هيفاء تجهزها لي وإلا اقول انتي..
ام راكان عصبت:تتأمرين علي..
مشاعل بلامبالاة:وش اسويلك شايله هم هالسفره الله واكبر بنروح مع مين..<<خذت عبايتها وشنطتها ونزلت..
:كيفك حياتي..
هيفاء لفت عليها:تكلميني..
مشاعل:وفيه غيرك جالس هنا..
هيفاء لفت عنها:انا بخير دامك بعيده عني..
مشاعل جلست جنبها:افااا اختي وحبيبتي زعلانه علي (بهمس) وإلا تزاعلتي مع ولد الوزير..
هيفاء وقفت:اف اسمه احمد لاتقولين ولد الوزير..
مشاعل:مااحب اناديه بأسمه ولد الوزير لايق عليه..
هيفاء:انا مااحبه علشانه ولد وزير انا احبه علشانه احمد ومايهمني اذا كان ولد الوزير وإلا ولد فراش..
مشاعل:غبيه بتمين طول عمرك غبيه ياماما الناس عند الفلوس يصيرون عبيد وانتي جتك الفلوس على طبق من ذهب ليه ماتستغلينه..
هيفاء:وفري هالكلام لنفسك..<<وطلعت لغرفتها..
مشاعل:حمد الله والشكر الله بلاني بأخت غبيـــه درجه اولى..<<ورن جوالها..
:اهلين منووو..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××الشرقيــــه..الخبر××
في تضم المخده لصدرها:شفتي احسه اممممممممم (وقعدت تفكر) مدري ياالله يارورو فيه شي جذاب يخليك تنجذبين له غصب عنك..
غاده تربعت على السرير:شوقتيني اشوفه..
في:بكره اهله بيجون للخبر وبيعرفني عليهم..
غاده:وانا بعد بتعرف عليهم يمكن القى لي واحد من اهله يشبه لمشعل هذا..
في تناظر السقف وتعض على شفايفها:مااظن..
غاده:لا والله الاخت رايحه فيها..
في:هههههههههههههههههههههههههه..
غاده وقفت ومدت يدها:امشي ننزل تحت مع عمي..
في مسكت يدها وهم في نص الدرج..
:إلا ماقلتي لي مين اللي جابك هنا..
:انا..
في رفعت عينها وشهقت:طلال..<<ونزلت بسرعه..
طلال:هههههههههههههههههه شوي شوي..
في نزلت دموعها:كيفك وش اخبارك مشتاقتلك مووووت..
غاده:هييييييييه لا وتغازل اخوي عيني عينك..
في مسحت دموعها وهي تبتسم:وش اسوي من زمان ماشفته..
طلال:وانا بعد مشتااااااااقلك اكثر منك كيفك..
في بفرحه مو سايعتها:تماااام..
ابوفي:بتمون واقفين تعالوا اجلسوا..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في المقهى××
نايف:تعال روح معنا..
مشاري:لا برجع للبيت فيني النوم..
نايف وقف:اوكي سلام..
فيصل وهو يمشي:بااااي ياحلووو..
مشاري:باااي..
نايف وفيصل طلعوا من المقهى..
نايف:إلا ماقلت لي متى بتمشون بكره..
فيصل:يمكن يمكن بعد صلاة الفجر..
نايف:انا ابي اكيد..
فيصل:والله مدري عن الاسره الكريمه اللي عندي متى ماخلصوا طلعنا..
نايف:طيب ترو..<<وصدمت فيه بنت متعمده تصدمه..
نايف بعصبيه:عميـــــــه انتي..
البنت بدلع:والله ياليـــــت اكون عميه علشان اصدم في الحلوين اللي مثلك مع اني اشك ان فيه احد بيطلع مثلك..
نايف بأستهزاء:لاتأكدي محد طالع مثلي..
فيصل ماسك ضحكته:نايف يله..
البنت:وااااااااو واسمك نايف بعد تشرفنا معاك دانا..<<ومدت يدها..
فيصل بهمس:لاوبعد اسمها دانا..
نايف يناظرها بأحتقار:عارفه انتي واشكالك تحت هنا..<<واشر على رجله ومشى مع فيصل..
دانا انقهرت وضغطت على اسنانها بقهر..
فيصل:ههههههههههههههههههههههههههههههههههههه لاواثق من نفسك بزياده محد طالع مثلي..
نايف التفت على البنت وضحك:ههههههههههههههههههههههههههه شوف شكلها..
فيصل غمز له:تصلح لولد عمك تروووك..
نايف:حرام عليك..
فيصل:المهم كمل سالفتك..
نايف:اي سالفه..
فيصل:متى انت بتروح..
نايف:والله على وقتك طيب انت تروح معاي..
فيصل:مدري بشوف..
نايف:اوكي شف ورد لي خبر..

(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)

××في بيت الجده نوره××
ريم ولمى جالسين عند التلفزيون يناظرون فيلم ومعاهم بوب كورن..
ريم:انا ماقلتلك..
لمى تاكل بوب كورن:وشو..
ريم:اتصلت اليوم علي هيفاء..
لمى كشرت:وش تبي منك..
ريم:مدري بس صوتها متغير هي قالت توني صاحيه من النوم بس انا ماصدقتها اكيد صاير لها شي..
لمى:وش عليك منها..
ريم:حراااام هي عاد احسن من مشاعل..
لمى:صح هي احسن منها بس يطلع منها حركاات بايخه..
ريم:عاد انا ماجاني منها شي خير شر..
..((ورن الجــــــــــــــرس))..
ريم:مين اللي جاي..
لمى نطت من الكنب:اكيـــــد مافيه غيرها..
ريم:مين..
لمى تفتح البلكونه:مها النكد..<<وطلعت تشوف ذابت على اللي تشوفه وبدى قلبها يدق بسرعه..
لمى لفت على ريم وتأشر لها:ريوووووووم تعالي شوفي لايفووووتك..
ريم نطت من الكنب:خير وشو..
لمى:.................
ريم جت عندها وضربت كتفها بخفه:هاااااي..
لمى سحبتها:تعالي شوفي..
ريم بلعت غصتها وتجمعت الدموع في عينها:الحين هذا اللي ناديتيني علشانه..
لمى تنهدت:ايه يااااااربي عليه شوفي بس الابتسامه تسدح مية بنت..
ريم طلعت من البلكونه وراحت تجلس على الكنب بدت دموعها تنزل"ليـــــه يالمى ناديتيني اشوفه انا احاول انساه وانتي تذكريني فيه"..<<حطت يدها على فمها تمنع شهقاتها سمعت صوت باب البلكونه يتسكر مسحت دموعها بأطراف كمها بسرعه..
لمى نطت على الكنب وطاح البوب كورن على الارض وشهقت:اهـــــــــــــــــــئ ياويلي..
ريم ضحكت غصب:ههههههههههههههههههههههه احسن..
,,,في الحديقه,,,
الجده نوره:وش ورا هالزياره..
نايف:افاااا يمه يعني لازم يكون ورانا شي علشان نزورك..
الجده نوره:لا بس مو العاده تزوروني العاده بس يزوروني البنات..
فيصل:اي بنات..
الجده نوره:خواتك وبنت عمك ريم..
نايف صار قلبه يدق بسرعه موطبيعيه:ريم موجوده...
الجده نوره:ايه ريم ولمى (بصوت عالي) لارنــــــــــــــي..
لارني ((الخدامه)) جت تركض:نعم ماما..
الجده نوره:روحي نادي ريم ولمى قاعدين فوق..
لارني طلعت فوق:كلام ماما كبير انزل تهت..
ريم انقلب وجهها الوان لفت على لمى:بتنزلين..
لمى وقفت تعدل بلوزتها:افكورس..
ريم كشرت:ماراح انزل..
لمى:ليه خايفه تجيك سكته قلبيه اذا شفتي المزيون هههههههههههههههههههه (مدت يدها) يله امشي..
ريم:عن جد ماابي انزل..
لمى سحبتها:اقووول يله لارني وين ماما كبير اجلس..
لارني:حديكه..
ريم:ياانك نشبه..
لمى:طيب انتي ليه ماتبين تنزلين..
ريم:كذا ماابي غصب يعني..
لمى سحبتها:ايييييييييه غصب..
..وطلعوا للحديقه..
الجده نوره:هلااا والله..
لمى ابتسمت:هلا فيك..
فيصل عطاها نظره يعني شوفي نايف قاعد بس لمى طنشت..
لمى:وااااااااااو نايف فيه هلا والله تو مانور البيت..
فيصل خزها بنظره خلت لمى تاكل تبن..
نايف وعيونه على ريم ابتسم ابتسامه وسيعه:منور بوجودك..
ريم عطتها كوع وهمست:من وين جبتي هالجرأه اللي طلعت فجأه..
لمى:من البقاله اللي جنبنا خخخخخخخخخخخ..
نايف ابتسم:ريم كيفك..
ريم بصوت اقرب للهمس:بخير وانت..
نايف بعفويه:بخير دامك بخير..
ريم رفعت عينها وتلاقت في عيونه بلعت غصه ورا الثانيه ونزلت عينها اللي تجمعت فيها دموعها..
الجده نوره:نايف متى بتمشي بكره..
نايف انتبه والتفت لجدته:هاه مدري يمكن بعد صلاة الفجر..
الجده نوره:وبتروح لحالك وإلا مع امك وابوك..
نايف:لا لحالي امي وابوي مع بندر..
الجده نوره ابتسمت:ان شاء الله قريب اشوف مرتك معك..
ريم ماقدرت تتحمل وقفت:عن اذنكم..<<وراحت تركض لداخل الفيلا دخلت الحمام (الله يعزكم) سكرت الباب وتسندت عليه بكت بصوت عالي فتحت المويه علشان مايطلع صوتها....

...ودي ابكي لين مايبقى دموع..ودي اشكي لين مايبقى كلام...
...من جروحٍ صارت بقلبي تنوع..ومن هموم حرمت عيني المنام...
...انطفت في دنيتي كل الشموع..والهنا مايوم في دنياي دام...
...غربتي طالت متى وقت الرجوع..كل عام امَني احلامي بعام...
...انا شكيت الحال محدٍ لي سموع..وإن سكت زادوني الناس ملام...
...طال صبري والزمن عيا يطوع..والرجا بااللي عيونه ماتنام...
::
××في الحديقه××
نايف عيونه على باب الفيلا مستغرب من حال ريم صوتها مره متغير يحس بشي تجاها مايدري وشو..
فيصل:يااهووووه وين رحت..
نايف انتبه:هاه نعم..
فيصل بهمس:وين رحت مع دانا صح اسرح فيها على كيف كيفك بس مو هنا..
نايف ابتسم غصب:طيب..
,,,مرت ساعتين وريم جالسه فوق قدام التلفزيون وضامه المخده لصدرها ودموعها تنزل كل مامسحتها تنزل دمعه خاينه حاره على خدها البارد,,,
:ورا ماجلستي معنا..
ريم مسحت دموعها بسرعه:وينك انتي..
لمى جلست جنبها:وينك انتي الكل يسأل عنك وخاااااااااصه نايف كل دقيقه يسأل عنك يقول وينها..
ريم بعدت عينها وركزت نظرها على التلفزيون قبل ماتنزل دموعها:سألت عنه العافيه خلينا نشوف الفيلم شوي وبيخلص..
لمى تلعب بخصلات شعرها وبتردد:ريم بعترف لك بشي..
ريم لفت عليها:ايش..
لمى:انتي تبكين..
ريم بلعت غصتها:لا..
لمى:عيونك حمرا..
ريم:من الفيلم..
لمى:تبكين علشان فيلم..
ريم:اقول ماعليك مني الحين قولي وش الشي اللي بتعترفي لي اياه..
لمى:مـها..
ريم:وش فيها..
لمى بسرعه:مها تحب مشعل..
ريم ابتسمت غصب:ادري..
لمى:تدرين وش عرفك هي قالت لك..
ريم:لا انا انتظركم تقولون بس ماقلتوا يالجاحدات هذا وانا صديقتكم الروح بالروح وبنت عمكم الوحيده..
لمى:والله انا كم مره كان ودي اقولك بس هي محلفتني مااقول لاحد ابد..
ريم:اوووريها مهيوه الحين صرت انا احد..
لمى:المهم الحين وش دراك انها تحبه..
ريم:تسأل عنه كثير اذا شافته وجهها يتغير ترتبك والكلام اللي مكتوب في دفترها..
لمى:عاد الله يخليك تكفين لاتقولي لها اني قلتلك ترى والله تذبحني..
ريم نزلت دموعها بلاشعور:انتي اللي الله يخليك قولي لها تترك مشعل لانه للحين يحب ملاك مانساها..
لمى حطت يدها على خد ريم:طيب انتي ليه تبكين..
ريم مسحت دموعها بسرعه وابتسمت:ماابكي..
لمى:ريم وش هالدموع كلها..
ريم نزلت راسها:ماابي تنصدم مها بمشعل بعدين ماابيها تدري انه للحين يحب ملاك..
لمى:انتي وش عرفك انه للحين يحبها..
ريم:صورها عنده في درج غرفته حتى خاتم الخطبه مارماه بعد يمكن ماخذ الصور معاه للشرقيه..
لمى:وشلون تبيني اقولها مها تحبه من قبل مايخطب ملاك..
ريم رفعت كتوفها:مدري بس لازم تقولي لها..
لمى:اوكي بحاول..<<ورن جوالها..
ردت:ايوه...الحين..طيب خلني اقعد شوي..اف اوكي اوكي نازله..<<وسكرت..
ريم:فيصل..
لمى:ايه يقول انزلي بروح (باست خدها) يله حبيبتي اشوفك بكره..
ريم:ان شاء الله وبوسي لي مها وفهد..
لمى مع غمزه:وفيصل..<<وجتها مخده على وجهها..
ريم بعصبيه مصطنعه:ووووووجع..
لمى:ههههههههههههههههههههههههه سوري يله باااااي..
ريم ارسلت لها بوسه:باااي..
..ريم بعد ماملت من الجلسه لحالها طلعت للحديقه تشم شوية هوا..تفاجأت بنايف جالس في الحديقه مدد رجلينه على الطاوله ويلعب بجواله..ناظرته بألم وبلعت غصتها"ياااربي كيف انساه وهو عايش فيني لهالدرجه تعلقت فيه وانا ماناظرته إلا كم مره وش معنى تعلقت فيك انت بالذات..
قطع تفكيرها صوته:ريـــــــم تعالي اجلسي الجو مره حلوو..
ريم تقدمت وجلست..
نايف عدل جلسته:كيفك..
ريم:بخير..
نايف:بس مو مبين عليك..
ريم رفعت راسها بأستغراب:نعم..
نايف لما يشوف عيونها يرتبك:لا بس اقول شكلك متغير اليوم تعبانه..
ريم:لا مو تعبانه مانمت زين (وقفت) يله عن اذنك تأخرت على البيت..
الجده نوره من وراها:وين يمه الوقت تأخر بترجعين مع السواق..
ريم:ايه..
نايف وقف:تسمحين لي اوصلك..
:
:

[~..دمــووع..~]

رد: تموت عيونهم فيني .. وانا بك ميته عيني الجزء الثالث عشر

[align=center][align=center][table1="width:95%;"][cell="filter:;"][align=center]للاسف مكرر :([/align][/cell][/table1][/align][/align]

[أحلام وردية]

رد: تموت عيونهم فيني .. وانا بك ميته عيني الجزء الثالث عشر

نتابع بصمت

لك كل الود