هذي البنت تعرفت على شاب من خلال الترقيم ، واهي تدرس بالجامعه وكل يوم يوصلها ابوها للجامعه ، في يوم من الايام شب عليها الولد يبي يشوفها قالت خلاص بس مره وحده وتفقوا انه يوقف ينطرها بعد مايوصلها ابوها عند باب الجامعه ، وبعد ماوصلها ابوها عند باب الجامعه وراح راحت البنت وركبت مع الولد بالسياره ومن باب الفضول مدت ايدها تبي تسلم قالها الولد لا احنا المفروض الحين نستغفر عن جلستنا هذي المهم البنت وثقت في الولد حيل وهم ماشين بالسياره قالها شرايج اخطبج من اهلج قالت خلاص ووداها للجامعه مره ثانيه
المهم البنت وثقت في الولد ثقه عمياء وصارت ما تمشي الا وتفكر فيه وماتدري المسكينه ان هذا الخائن ذئب بشري بيفترس عرضها المهم وفي يوم من الايام قالها باخذج علشان تشوفين الشقه الي بنعيش فيها ان شالله قالت مو لازم الحين اذا خطبتني ... سوى نفسه زعلان وان خاطره مكسور منها رقة على حاله وقالت خلاص بكره بعد ما يروح ابوي تاخذني ونشوف الشقه .
الولد ماصدق من الفرحه شوي ويذبح نفسه .. واشرقت الشمس ويا ابو البنت الضعيف ونزل بنته وراح المهم راحت ركض لرفيجها وركبت السياره وريحت العطر مكتمه الجو قالت صباح الخير قال ياصباح الفل والعنبر والياسمين هلا بالغاليه وحرك على الشقه وهم في الطريج عرض عليها انه يفعل بها الفاحشه والعياذ بالله في البدايه ماوافقت لكن بعد ما اقنعها وافقت المهم وراحوا الشقه وانتهك عرضها الخائن والبنت انفلتت بكاء الولد مايدري شنو يسوي فيها قالها انا رايح البقاله بييب عصيرات وايي وسكر باب الشقه معاه بعد ما سكتها المهم وهو رايح للبقاله عاد البقاله بعيده راح بالسياره المهم الولد مستعيل واهو يسوق بسرعه انفجر واحد من الكفرات وانقلبت السياره جم قلبه ويت الشرطه ..
الولد ماصار له شي المهم الشرطه احجزوا الولد ...
الولد شنو يسوي البنت في الشقه والشقه مقفوله وابو البنت بيجي بياخذها بعد كم ساعه !!!
قعد يفكر ويفكر وياته فكره انه يتصل بواحد من الشباب الي معاه مفتاح الشقه ويقوله القصه ويخليه يودي البنت بيتها اتصل بواحد من ربعه وقاله القصه من طقطق الين سلام عليكم الولد قال اوكي خلاص مايكون خاطرك الا طيب وقعدت تدور في راسه الالاعيب وخطط انه يمسك البنت ويسوي فيها مثل ما سوى رفيجه
المهم اخذ سكين حتى يضمن ان البنت ماتقول لا .....
وراح الولد وفك باب الشقه البنت على بالها رفيجها المهم الولد لما شاف البنت شوي و يغما عليه ؟؟؟!!!!
تدرون شنو طلعت ....
طلعت .....
أخت الولد
مو مصدق نفسه قال انت ياخسيسه قالت اخوي تكفا سامحني والله ما اعيدها عطاها كف وقال انتي وامثالج محد يسامحهم ويطلع السكين ويطعنها في صدرها صرخت البنت صرخها هزت العماره وبعدين لما انتهى منها وقتلها قام يصارخ : (( مات الخزي مات العار ماتت الفضيحه )) وطالع مع الدريشه الا ورفيجه ياي المهم اندس الولد ورى الباب ودخل الولد وهو يصفر وينادي على البنت بسمها وتفاجأ الا وجثتها قدامه ملطخه بالدم قعد يطالع مو مصدق نفسه ومادرى الا اخو البنت طب عليه من ورى الباب ومسكه من حلجه وقال ياخاين تدري منو هذي اللي انتهكت عرضها قال لا قال اختي وغرز السكين في بطن رفيجه عدت طعنات الا والشرطه طبوا عليه ومافي يده انه ينكر الجريمه المهم اخذوه الشرطه على القسم وقال لهم كل شي بعدها بشهر انتشر خبر وفاته في الجريده قصاصاً ... لا حول ولا قوة الا بالله
*
*
القصه حقيقيه ومنقوله من أحد المواقع وليست من نسج الخيال نقلتها لكم للفائدة لكن لي تعليق مهم وهو
(( ان اخوها حينما قتلها ارتكب اكبر ذنب بعد الشرك الا وهو قتل النفس التي حرم الله الا بالحق ومن المعلوم ان دم المسلم لا يحل الا بثلاث ... الثيب الزاني والقاتل للنفس بغير حق والمرتد .... فسبحان الله ثلاثة اشخاص قتلوا وتشوهت سمعة عائلتين بالزنا والسبب..... ورقة صغيره فيها رقم ))
وصدق الله (ولا تقربوا الزنا انه كان فاحشة وساء سبيلا)هل تصدقون ان الله في هذه الاية لم يقل ولا تزنوا ولكن قال ولا تقربوا الزنا ... اي لا تقربو ولا تفعلوا كل ما يوقع في الزنا وواكبر ما يوقع في الزنا هو... الترقيم ومشاهدة المهيجات الجنسية من صور ونحوها .
الله يحفظنا واياكم .... قولو امين .
تعليق