قصيدة جديدة .. وانشالله تنزل بجريدة الوطن يوم الجمعة الموافق 4/4/2008

اتمنى تحوز على رضاكم

خذ راحتك مادام لي قلب يغليك .. خذ راحتك مادام روحـي تمـنـاك

اجرح وشبعني جروحك بأياديك .. واروي بجورك خنجرك قبل فرقـاك

ياسم حالي سمها يوم الاقيك .. وشلون فـي فـرقـاك حـالي بليـاك

سبحان ربي يوم زاد الحلا فيك .. ابهى جمال الكـون صوره واعطـاك

ترسل جيوشك غدر للي يصافيك .. وانا قتيل عيونـك السـود وشفـاك

من سهم عينك كم تصوب مراميك .. وياعزتي للـي تصـوب بمرمـاك

اشعلت نيران الحشى من تغليك .. ما أصعب اللحظـات من دون رؤيـاك

تقبلو تحيــــاتـــــي