إعـــــــلان

تقليص
لا يوجد إعلان حتى الآن.

ذكريــــات حلوه .. .. دخلوا وشوفوا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ذكريــــات حلوه .. .. دخلوا وشوفوا


    قوه شباب /وصبايا
    اليوم يايبه لكم ذكريات حلوه ""ياريت يرجع زمان أول ""


    تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها.



    تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه.



    تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب.



    تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج)



    تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل-



    تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
    تفاخيه وطبعا لاتفاخيه ولا قالها الله لين تطلع بلاعيمك منه.



    تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر


    تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.



    تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب.



    تذكرون لما كانوا بالصيف يسبحونا من الطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم.



    تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
    خدامتكم تلاقي اصابيعك اتعربك.....صج كانت معاناة بالعيشه.



    تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول



    تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....

    تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول


    تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه.



    تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.


    تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره.


    تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال.



    تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.


    تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه



    تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله.


    تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين
    على كل الكتاب وين الشي المهم مادري لوووول.


    تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم.

    تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت.



    تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم....واديلوووووو بريك وبانزين


    تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه.



    تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد......


    تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
    كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ.



    تذكرون كمبوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول.


    تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش (تقول فرقة التلفزيون لوووووووووووووووووووووووووول.)



    تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم....
    لووووووووووول.


    تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف.....
    ترررررن تررررررن سكشن فايف.....هاي سوبر فالكون ههههههههه.



    تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول


    تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .


    تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول.







    للأمانه منقووووووووول




  • #2
    هههههههههههههههههههههههههههههههههههههههههههههههههه هههههههههه
    ScReAmQwEeN

    وين طحتي على هالذكريات السوده لوووووووووووووووووووووووول

    ترا انا بيبي مامريت بهالسوالف بس اسمع فيها من اللي اكبر مني

    كله كوم وهذي كوم


    تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
    تفاخيه وطبعا لاتفاخيه ولا قالها الله لين تطلع بلاعيمك منه.
    اتقوا فراسة المؤمن فإنه يرا بنور الله

    تعليق


    • #3
      ياهلا ياهلا .. نورتني ..
      هههههههههههههههه اي هذي لعبتنا المفضله ايام الطفوله :)

      يعني أنت وعيت على السوني وسوني 2 :)

      أناعلى أيامي سيقه ام شريط مربع تصفق الشريط يالله يدخل هههههههههههههه



      تعليق


      • #4
        تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
        تفاخيه وطبعا لاتفاخيه ولا قالها الله لين تطلع بلاعيمك منه.


        لووووووووووووول
        للحين عندي منه

        لا وصخر الله ايام يعني حركات

        :)

        مشكوره وربي شي يهبل

        يعطيج الف عافيه

        تقبلي مروري
        عندما تحين لحظة الفراق
        تضيع منا الحروف
        يصبح الصمت رائعاً
        هنا أتوقف
        لا أعلم لماذا ..؟؟

        تعليق


        • #5
          Demon of dark
          ياهلافيج ياقلبي .. وجودج زادني شرف يالغاليه .. ..



          تعليق


          • #6
            غلاتي روعه بس كان حطيتيه في النقاش انا منزله موضوع عن الماضي:(
            ...انثى عجزت عن وصفها الحواس...

            تعليق


            • #7
              تسلميييين حبيبتي على هالموضوع اللي اكثر من رائع

              دااااايم رااااائعه حبيبتي في مواضيعج يالغاليه

              وعسانا ما ننحرم منج ولا من مواضيعج ياعسل

              ويعطيج مليييييون عافيه حبيبتي
              الله يتقبل صيامكم وقيامكم...
              ومبارك عليكم الشهر....

              ويعوده عليكم بصحة وسعادة
              εïз نسـألكـم الـدعـاء εïз

              تعليق


              • #8
                هههههههههههههههههههههههههههههههههههههههههههههههههه هه


                شخبااااااااااااااري


                اسكتي في سوالف العن ما ابي اقولها ههههههههههههههههههههههه


                اشكرج على النقل الجميل لسوالف حلوه كنا نسويها


                دمتي لنا سالمه ان شاءالله م كل شر يارب


                فمان الله


                افضل موقع للقرأن الكريم اتمنا من الجميع الزياره
                http://quranexplorer.com/

                تعليق


                • #9
                  ههههههه


                  يسلمووو ((ScReAmQwEeN))


                  عالنقل الجميل


                  :)
                  ***
                  >> مجنونة حب >> أسيرة قلبه >> مجنونة حب <<

                  ***

                  تعليق


                  • #10
                    ههههههههههههههههههههههه اغباار اغبااار

                    الله يعطيج العافيه على الموضوع القديم

                    إي والله ذكريات حلوه

                    تسلم إيدج انشالله

                    [align=center]




                    [/align]

                    تعليق


                    • #11
                      تسلمين ملكة الرعب

                      يا حلوها من ذكريات بس بس اشلون جت الفكره لتكتبينهم
                      جدا جميله الذكريات
                      ذكري جميله جدا لا انساها - الوالد يشم ايدي انا واخواني ويعلمنا شنو سوينا اليوم من مشاكل
                      ونخاف جدا اذا جت ساعه الشم عند الوالد _ طبعا عنده خبر بالمشاكل الي نسويها بس حنا نقول ابوي ساحر يعرف كل شيء هههههههههههههههههههههه

                      البهلوان
                      اذا كان هناك من يحبك فأنت محظوظ
                      واذا كان صادقا في حبه
                      فأنت اسعد الناس حظا
                      -----
                      !!][ هذيان الحروف ][!!
                      http://www.kuwait777.com/vb/showthre...35#post2330935

                      تعليق


                      • #12
                        المشاركة الأصلية بواسطة شوفو شموخي مشاهدة المشاركة
                        غلاتي روعه بس كان حطيتيه في النقاش انا منزله موضوع عن الماضي:(

                        دائماً أنتي نور مواضيعي ياشوفوا شموخي ..

                        ياغاليه إلي تشوفينه افضل سويه ..

                        على راسي ..



                        تعليق


                        • #13
                          المشاركة الأصلية بواسطة بنت فضل مشاهدة المشاركة
                          تسلميييين حبيبتي على هالموضوع اللي اكثر من رائع

                          دااااايم رااااائعه حبيبتي في مواضيعج يالغاليه

                          وعسانا ما ننحرم منج ولا من مواضيعج ياعسل

                          ويعطيج مليييييون عافيه حبيبتي

                          تسليمن يابنت فضل ..

                          الله يعافيج ياقلبي ..

                          ردودج أهيا العسل ..



                          تعليق


                          • #14
                            المشاركة الأصلية بواسطة ALz3L مشاهدة المشاركة
                            هههههههههههههههههههههههههههههههههههههههههههههههههه هه


                            شخبااااااااااااااري


                            اسكتي في سوالف العن ما ابي اقولها ههههههههههههههههههههههه


                            اشكرج على النقل الجميل لسوالف حلوه كنا نسويها


                            دمتي لنا سالمه ان شاءالله م كل شر يارب


                            فمان الله


                            هههههههههههههههههه
                            قولنا ذكرنا بالماضي الحلو ..

                            وتسلم على مرورك



                            تعليق


                            • #15
                              المشاركة الأصلية بواسطة مجنونة حب مشاهدة المشاركة
                              ههههههه


                              يسلمووو ((ScReAmQwEeN))


                              عالنقل الجميل


                              :)

                              الله يسلمج مجنونة الحب ..

                              نورتيني



                              تعليق

                              يعمل...
                              X