بسم الله الرحمن الرحيم
::
هالموضوع دايم اتكلم فيه بيني وبين نفسي
::
واليوم قلت خل اكتب لكم اياه
واهو عدم الرضا
شكثر ما نسمع
انا حضي مو زين
انا حضي خايس
انا ولا مره استانست بحياتي
انا الله مشقيني ما يحبني
انا من دون خلق الله كل الهم والغم فيني
وشحقه انا جذي وفلانه لا
احسن مني
::
وفكره وفكره
لي هالدرجه احنا ناكرين لجميل الله سبحانه وتعالي
طيب
اذا انتي ما جبتي نسبه تدخلج الجامعه الي خاطرج فيها
غيرج ما تعلم نهائي
واذا انت سيارتك خربانه وحظك مب زين
غيرك ما يملك احد يوصله لبيته ولا عنده سياره
::
واذا انتي مرضتي يوم او يومين وزهقتي من المرض ومليتي
غيرج طريح الفراش سنوات وشهور ويقول الحمد لله
واذا انتي مطلقه ونظره الناس لج مب زينه
غيرج تزوجت مره و2 و3
وابلت بزوج مدمن او خربوطي وابتلشت بعيال
مو نهايه العالم
واذا انت مو راضي عن راتبك وتحس انك تستاهل اكثر
شوف العمال الي بالشارع
يشتغل طول الشهر
ولما سالته قال لي راتبه 18 دينار بدون تكيف وبدون اكل وبدون أي وسيله من وسائل
الراحه
واذا انت انصدمت من حب حياتك
غيرك انصدم بزوجته وام عياله بعد عشره عمر
انها تخونه
ليش ما نطالع حوالينا ونشوف ان الله..؟
فضلنا علي كثير من خلقه
ماكو احد كامل
بس في مستويات
والله لو نعد نعمه الله لا نحصيها مو كافي نتنفس ؟
ننام في غيرنا ما ينام كلش
صدقني ما تعرف قيمه النعمه الا تفقدها
فـ يا ريت كل انسان قبل لا ينطق أي كلمه جحود بحق الله سبحانه وتعالي يفكر
شكر يملك
شكثر الله معطيه ومملكه
وبعدين يقول انا حضي مب زين
انا
اطالع حواليني
عندي اهلي هذول كنز مو عندي الاسره الي تحبني وتخاف علي
الله يا زين هالنعمه لما امرض في احد يخاف علي ويداريني
مو عندي الاكل والشرب مو شرط اكون بنت عز او اغنياء
انا وبنت العز واحد انا انام ماكله وشبعانه
واهي نفسي
فـ انا باعظم نعمه
في صحه وفي اهل وفي خير
الحمد لله يا ربي شنو احسن مني جذي
امر بامزمات
اكيد امر بامزات ولا شلون راح اعرف قيمه الخير الا انا فيه
شلون اعرف قيمه اهلي الا لما افقد اعز واحد فيهم .؟
وشلون اعرف قيمه الصحه الا لما الله يبتليني بمرض ؟
واحمد واشكره درس واجر
ومنها اعرف قيمه شي طول عمري عايشه فيه ومب حاسه
شلون اعرف قيمه الفلوس الا لما احتاجها ؟
وهم درس عشان اعرف منو يوقف معاي ومنو يخليني
شفتو احنا شكثر عندنا نعم
حتي المرض نعمه
السؤال الي يطرح نفسه
ليش ما نحمد الله ;
ليش ما نشكره مهما صار
ما يعرف قيمه الشي الا فاقده
ليش ما نحمد الله ;
ليش ما نشكره مهما صار
ما يعرف قيمه الشي الا فاقده
كلمات كانت بخاطري
وقلتها هني
عنوسه ماتهاب
;
تعليق