كذاب انا لاقلت ماني بـ ولهان ... ودي بقربك مير حدني زماني


مشتاقلك شوقن مايشتاقه انسان ... شوقن خذاني للهلاك ورماني


والله احبك قلتها بقلب ولسـان ... ويشهد علي ربي لاكذب لساني


أهواك انا واعشق خطاويك يافلان ... ولرضاك انا عشت العمر في اماني


جبت الشعر لجلك ومافيه نقصان ... أفهم كلامي وانتبـه للمعاني



شاعر وأجمل بالقصايد والاوزان ... ومامشي على مبدى لساني حصاني


فاهم وأفهم وأفتهم كل الأحيـان ... وأضبط بيوتي لو تجي في ثوانـــي


وأبدع وأعجب الي يناظر بالأعيان ... والمستمع يطرب لا هيجن لساني


هاذي معاني لخبطت كل الأذهان ... وشتت انا الموضوع وبرجـع مكاني



نويـت انا قربك ولا نبغي نطران ... يالله تعال أقرب ترا صج اعأنــي


وأعرف ترا المعنى كتبته علشان ... تعرف مدى حبي ورقة حنانـي


فعلم ترا اسمك ذكرته ولا بـان ... دقق بروس أقلام حبي عشانـي




(مـع السلامه جيت اودعك يـأفلأن ... وبكره تشوف الـي عرفتـه بزماني)




مما رآق لي