إعـــــــلان

تقليص
لا يوجد إعلان حتى الآن.

الشاعر الأمير بدر بن عبدالمحسن

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الشاعر الأمير بدر بن عبدالمحسن

    مجموعة قصائد


    للشاعر الأمير


    بدر بن عبد المحسن ال سعود



    ((الا الهوى ))

    ابعتذر ... عن كل شيء ...
    إلا الهوى .. ما للهوى عندي عذر ..
    ابعتذر .. عن أي شي ..
    إلا الجراح .. ما للجراح إلا الصبر ..
    إن ضايقك اني على بابك أمرّ ...
    ليلة ألم ... واني على دربك مشيت عمري وأنا
    قلبي القدم ...
    ابعتذر ... ابعتذر ... كلي ندم ...
    عن كل شيء ... إلا الهوى ...
    ما للهوى عندي عذر ...
    ا تصدقي ... ما اخترت أنا أحبك ...
    ما احدٍ يحب اللي يبي ...
    سكنتي جروحي غصب ...
    ياحبي المرّ ... العذب ...
    ليت الهوى وانتي ... كذب ...
    كان اعتذر لك عن هواي ...
    ما أقول أنا ... كوني معاي ...
    ان ضايقك اني على بابك أمرّ ...
    ليلة ألم ...
    واني على دربك مشيت عمري وأنا ...
    قلبي القدم ...
    ابعتذر ... ابعتذر ... كلي ندم ...
    عن كل شيء ... إلا الهوى ...
    ما للهوى عندي عذر ...
    الله كريم .. حبك ... يكون ...
    همي القديم ...
    وجرحي القديم ...
    والله عليم ... يا أحلى العيون ...
    ان الفراق ... جزا الفراق ...
    ابوعدك ... كان الطريق بيبعدك ...
    بامشي الطريق ...
    وكان الجحود بيسعدك ...
    مالي رفيق ...
    ابجمع أوراق السنين ... وأودعك ...
    كان الفراق اللي تبين ... الله معك ...



    ((أول الناس))

    اول الناس انتي .. وكلهم ..
    وآخر اللي عيوني .. تملهم ..
    لو تحبيني .. هذا يكفيني ..
    اسكني عيني .. ونامي ..
    انتي يانوري .. وظلامي ..
    ياقمرهم .. كلهم ..
    أعدل الناس .. وازينهم خجل ..
    واغلى من الناس .. في وقت الزعل ..
    واجمل اللي حصل لي .. وماحصل ..
    لو تحبيني .. هذا يكفيني ..




    الفجر البعيد ))



    نامت عيونك
    وصحى الليل مظنونك أغاني
    قصّت جناح الثواني غيبتك
    وصارت الساعة أماني

    وآهـ ..آهـ
    أنا حروفي في غيابك
    لا هي حكي ولا هي قصيد
    أكتب الظلما وأعيد
    وإنت يالفجر البعيد .. نامت عيونك

    إسهر معي ليلة
    حاول تحس بلوعتي ليلة
    عد النجوم وش كثرها.. ياللي بقلبي كثرها
    نام .. القمر فـ وسادتك نام
    ليتك تغير عادتك
    خل القمر ليله.. يسهر معي ليله

    أنا حروفي في غيابك
    لا هي حكي ولا هي قصيد
    أكتب الظلما وأعيد
    وإنت يالفجر البعيد.. نامت عيونك

    يا ساحر البسمه .. أساهرك نجمه
    وابسمعك كلمه .. كلمه و لو كلمه
    قم نادني .. يالله عسى تحتاجني
    وإن مر ليلي ما سألت

    وإن زاد ظلمك ما عدلت

    آهـ.. آهـ
    أنا حروفي في غيابك
    لا هي حكي ولا هي قصيد
    أكتب الظلما وأعيد
    وإنت ياالفجر البعيد.. نامت عيونك

    المسافر ,,



    لا تلوح للمسافر ..
    المسافر راح ..
    ولا تنادي للمسافر
    المسافر راح ..
    يا ضياع أصواتنا .. في المدى والريح
    القطار وفاتنا ..
    والمسافر راح ..

    يالله يا قلبي تعبنا من الوقوف ..
    ما بقى بالليل نجمة ولا طيوف ..
    ذبلت أنوار الشوارع .. وإنطفى ضيّ الحروف
    يالله يا قلبي سرينا .. ضاقت الدنيا علينا
    القطار وفاتنا ..
    والمسافر راح ..

    مادري باكر هالمدينة وشتكون ..
    النهار والورد الأصفر والغصون ..
    هذا وجهك يالمسافر لما كانت لي عيون ..
    وينها عيوني حبيبي ..
    سافرت مثلك حبيبي ..
    القطار وفاتنا ..
    والمسافر راح ..
    الموعد الثاني**
    خذاك .. الموعد الثاني ..
    نويت ... تغيب .. وتنساني ..
    مشت بك .. خطوتك لبعاد ..
    وتركت .. لدمعتي ميعاد ..
    مثل ذا الوقت تلقاني ..
    وخذاك ..الموعد الثاني ..

    أحبك .. كلها كلمه ..
    ونظرة شوق خداعة ..
    عطتني ..بالأمل دنيا ..
    غريبه .. يومها بساعه ..
    خذتني .. غصب عني لك ..
    حسبت إني قمر ليلك ..
    واثر شوفك تعداني ..
    وخذاك ..الموعد الثاني ..
    ********
    صديق الليل ..
    لو تندم .. على جرح تركته لي ..
    لا انسي قلبك المسكين ..
    حبيب جرحك قبلي ..
    ولكن سكتك تحتار ..
    ابد .. بين الندى والنار..
    والى منه قضى المشوار..
    بدا مشوارك الثاني ..

    مدري**
    أنا مدري ..
    اللهب حب.. او جوع ..
    الحطب قلب .. او السعير .. ضلوع ..
    ياترى هااليابس الموجوع ..
    وش يقول ؟!
    من يسمع الدخان ..
    او يدري باسرار الحطب ..
    من طرز سلوك الذهب .. في اغصانه ..
    من خاط بقماش الرماد.. اكفانه ..
    وهذا اللهب .. الطاغي الفتان ..
    هالقاتل الشافي ..
    من خلى في موته.. عمر ..
    لولا حروف قلتها ..
    وكانت .. شعر ..
    شبيت فـ اطرافي ..
    ((الماضي الحاضر ))
    صوتٍ شبيه الريح .. مشققٍ بأعواد شيح
    مرتّق بالدم .. معتّق بالهم زافر
    صوتٍ مثل خضر العروق اللي على ظهر الكفوف المبطيه نافر
    صوتٍ ذبيح .. يصرخ يصيح .. إبلك خذوه القوم
    بين الفزع والنوم ..
    أسرجت مهري ألف ..
    وسلّيت سيفي ألف ..
    وظهرت تحت الشلف ..
    ماكان في الشارع غير الرصيف والفجر ..
    وبواب جيراني من هالمدى راجع ..
    يحمل رغيفٍ حار .. زاد لثلاث صغار..
    للمدرسه صحيوا ولبسوا مرايلهم ..
    سنين سنين .. هالصوت الجارح الزاجر..
    يصيح بي وينك.. قطفت بساتينك ..
    وابلك خذته القوم.. خذته القوم هالابل..
    أفـّز وفي أنفي ..عـجاجة الغـاره ..
    وأصحى وفي كفي ساعه ونظاره ..
    مالي إبل أرجـوك مـالي نخيل .. لانصل ولا حـافر..
    تعبت من صوت العروق المبطيه.. ومن صمتي الفاجر..
    وأنا أخر الفرّيس ظنك ..
    أنـا أخـر الفرّيـس ..
    حسبك ياحادي العيس ..
    هذا الزمن عاري ..لاردن ولا جوخه ..
    يصهل مهر راكان ..
    وينادي ابن مهيد ..
    يوقف شعر هالبيد ..
    هذا الزمن أصمخ .. مايسمع شيوخه..
    شد الرحال .. سافر ..
    دوّر ياحادي العيس .. روض وزهر ماديس
    ولذنوبنا.. لذنوبنا غافر
    وداع يا خضر العروق اللي على ظهر الكفوف المبطيه
    يالماضي الحاضر




    (( الوله ))



    يطري عليه الوله .. وأطري على باله
    يامرحبا لاضوى خلي على بابي
    هجيت حدب الضلوع ونوخ جماله
    لاجله بكت دمعتي ولأجله ضحك نابي
    وكل ما ضحك لي لمحت النور في آماله
    والى تجهم سترت السقم بثيابي
    وكل ما شكى من عنى همه وغرباله
    أقول لعل به جرحٍ من أسبابي
    طال الحكي ما لقيت الوصل بوصاله
    لاني حبيبه ولا هو أقرب اصحابي
    ناديت طاري المحبه مالنا وماله
    بالحيل أنا وانت ربع وكننا أغرابي
    يا زين كانك حزين .. فحالتي حاله
    بكفيك همك وأنا بصبر على مابي
    لو الشجر له نصيب فـ بارد ظلاله
    ماحرق القيض جفني وأنت فـ أهدابي





    التعديل الأخير تم بواسطة رافض الحب; الساعة 01-31-2009, 11:02 AM.

  • #2
    يعطيك العافيه اخوي رافض الحب




    وصح ألسانك


    [align=center]




    [/align]

    تعليق


    • #3
      صح بدنك اخوي عاااشق

      وتسلم على مروك الجميل

      تعليق


      • #4
        صح لسانك

        تسلم على القصيدة

        يعطيك العافيه


        تعليق


        • #5
          الله الله الله
          صح لسانك ولسان شاعرها لا هنت

          والاحلى والاروع ان من تغنى بهذه الكلمات محمد عبدو

          تحياتي لك


          عاشقٌ في الله قُدسيٌ هوايا ,, لا اعي نزوات حمقى ,

          لا ولا تلك المنايا الطائفات على سمايا

          إنني الصمت المقفى وسياط اخرست ثكلى وعذرى .

          تعليق


          • #6
            تسلم خوش مختارات من قصائد الامير بدر بن عبد عبد المحسن ..
            ذوق .. يعطيك العافيه ..




            تعليق


            • #7
              يسلموووو على المرور اخوي سهالات


              ودمت بخيرر

              تعليق


              • #8
                الله يعافيك سكريم كوين

                وتسلم على المرور الجميل

                ولك تحياتي

                تعليق


                • #9
                  صح لسآن شاعرها الكبير الامير

                  بدر عبدالمحسن

                  قصائد مرهفه الاحاسيس والمشاعر

                  تسلم يمناك ع الااختيار الراقى

                  دمت بكل ود
                  [flash=http://www.7fz.net/uploads/files/7fz-804aef5a95.swf]WIDTH=490 HEIGHT=277[/flash]

                  تعليق


                  • #10
                    يسلمووو شموخ على المرور

                    تعليق


                    • #11
                      البـــدر

                      مهــنـدس الكلمـه

                      الشـاعر الامـيـر

                      المـتواضـع

                      البـدر .. حـيـثُ يـكـتمـل الـبـدر


                      لا تشد القيد ...
                      تجرح يدي ... أو تجرح القيد ...
                      قيدك غدى يوجع يدي ...
                      سجني أنا انت ... وسجنك أنا ...
                      والحب ... الحب عبدي وسيدي ...
                      لا ... لا تشد القيد ...
                      دمي ... جرى ... دمك ...
                      همي إني اشوفك في يدي ...
                      وإلاّ يدي همّك ...
                      في معصمي صرت ...
                      إنت السجين في معصمي ...
                      وكانك تصبرت ... أنا مقوى الصبر ...
                      دمعي في عيني ... وصرختي تملا فمي ...
                      سجني وسجاني ... أحزانك احزاني ...
                      وشلون ابنساك ... وشلون تنساني ...
                      محبوس في عيونك دمع ...
                      وزنزانتي ... تقطيبة الحاجب ...
                      وحاول توارى في الجفا ...
                      يا وجهه الصاحب ...
                      بتشوف نفسك في يدي ...
                      قيدٍ رقيق ...
                      قيدٍ سلب حريتي ...
                      ليته طليــق ...
                      يا صاحبي ... ما به ابد قيدٍ طليق ...
                      لا ... لا توجع يدي ...
                      سجني انا انت ... وسجنك انا ...
                      والحب ... الحب عبدي وسيدي ...


                      ** ** **

                      ادفن يدي .. تحت الثرى
                      واسقيها من جفني ارق ..
                      يذبل مابين اصابعي ..
                      عشب و ورق ..
                      ادفن يدي .. فوق الثرى ..
                      يلفها برد وسموم ..
                      واحس بعروقي يبست ..
                      ما توصل عروقي الثرى ..
                      ولا تشرب عروقي النجوم
                      وينبت على جفني سهاد ..
                      يذبل ورا صدري الشجن ..
                      اشقق اوراق الزمن ..
                      وانام ..
                      في حلقي الليله جفاف ..
                      شربت أيامي .. ومضت ..
                      واللي بقى جرحي الوفي ..
                      في خاطري باب يرد ..
                      وسراج دوبه ينطفي ..
                      اغطي الظلمه بظلام ..
                      كل ما اشد اصابعي ..
                      على العيون المتعبه ..
                      جرحٍ ينام .. وجرحٍ شعر بي وانتبه ..
                      قام وتبعني لشرفة ظلمه بعيد ..
                      جاني يقاسمني السهاد .. جاني قصيد ..
                      ادفن يدي تحت الثرى .. فوق الثرى ..
                      واعيش انا بباقي يدي ..
                      نصفٍ يموت .. ونصفٍ درى انه يموت ..
                      يا سيدي .. ربي انا نقطه فـ بحر ..
                      علمني كيف اهوى الحياه ..
                      علمني كيف اهوى القدر ..
                      علمني بإماني اكون ..
                      يارب .. اكثر من بشر ..



                      ** ** **

                      جمرة غضى .. أضمها بكفي
                      أضمها حيل . .
                      أبي الدفا .. لو تحترق كفي
                      وأبي سفر لليل
                      بردان أنا تكفى .. أبي احترق بدفا
                      لعيونك التحنان .. فعيونك المنفى
                      جيتك من الإعصار .. جفني المطر .. والنار
                      جمرة غضى
                      والله الجفا برد .. وقل الوفا برد
                      والموعد المهجور ما ينبت الورد
                      ياحبي المغرور .. ياللي دفاك اشعور
                      رد القمر للنور .. واحلى العمر .. في وعد
                      بردان .. بردان أنا تكفى.. أبي احترق بدفا
                      يا أول الحب .. شفتك أنا مره
                      واهديت لك قلب
                      ورديت لي جمرة
                      ومن يومها كان الرحيل
                      وليل الشتا .. القاسي الطويل
                      وآه يا الحنين
                      لليل باب له حارسين
                      برد وسحاب


                      رافـض الحـب

                      أجـدت الأخـتيـار
                      .كـف عـن الصـراخ .. !!

                      إلـزم الصـمـت ..

                      الصـمـت .. الصـمـت .. الصـمـت ..

                      فقـد أغتـلـت الحـلـم .. !!




                      بَـَارُوّنـّي , , ! !






                      تعليق


                      • #12
                        تسلم كويتي قديم

                        على الحضور الراائع

                        ولك تحياتي

                        تعليق


                        • #13
                          مشكووووووووووووور

                          ويعطيك العافيه


                          تقبل مروري

                          تعليق


                          • #14
                            تسلم اخوي عاشق حزين على المرور الراائع

                            ولك تحياتي

                            تعليق


                            • #15
                              انتهيناا

                              يسلمووو على المرور

                              تعليق

                              يعمل...
                              X