السلام عليكم



يقول المثل طالع الناجي كيف نجى لا تطالع الهالك كيف هلك

بمعنى سو الشي اللي يرضي الله قبل ارضاء عيون الناس ولا ارائهم

يعني البنات اللي يسوون كذا تتوقعين ليش .؟!

صح علشان تلفت انتباه الشباب ولا علشان يقولون عنها حلوه هذا الشي اظنه حرام المرأه تظهر مفاتنها لا وفوق كل هذا اذا غازلها الراجل تسوي نفسها شريفه وتقول استح على وجهك .!!!


طيب انتي ما استحي ولا خفتي من ربج شلون تبين الشباب يستحون الحيا مطلوب من المرأه اكثر من الرجل والمرأه فتنه اذا ما سترت نفسها تعرض نفسها للمضايقات من الشباب بكل النواحي طبعا ً الشباب انواع في منهم اللي لو انه مو ملتزم يستحي ويخاف ربه وفي منهم اللي مايستحي ولا يخاف ربه وفي من البنات اللي بجمالها وبمكياجها تفتنه اللي يخاف ربه وتكسب ذنبه وذنبها واكثر هالنوعيه اظنها من اللي يطلق عليهم اسم كاسيات عاريات مذكورات بالقران

وانا استغرب من اهلهم شلون يخلونهم يطلعون بهالاشكال عيب وحرام

وعلى فكره البنات كل يوم طالعين بنوع جديد من انواع التبرج والتعري مو كلهم في الزين الشين بس انا اتكلم عن الفئه هاذي اللي تتبع الموضه بدون تفكير كن الله ما خلق لها عقل تميز فيه الصح من الخطاء

اسأل الله العلي القدير ان يهديني اولا ً ويهدي اخواني وخواتي المسلمين

قوهـ

//

انا اشوف ان المكيـآج أو كما يقال ( الميك اب ) شي ع ـآدي

و ح ـلآت البنيه بالميك اب بس بشرط انه ما يكون وآيـد .. .. ..

//

Thanks alot

SuL6aN

السلام عليكم

شكرا لك أختي على طرحك لهذا الموضوع (الشائك جداااا)

وأنا في رأي الخاص أن البنت أو المرأة التي تفعل هذا الفعل فهى بكل بساطة إنسانة ناقصة

يعني هناك نقص في شخصيتها وعدم ثقة بمظهرها

فتلجأ للمكياج الذي هو في نظري وسيلة خداع , لأنها سوف تخفي عيوب موجودة فيها

وتظهر محاسن تفقدها ,وهذا هو الخداع بعينه.

أما بنسبة لخروج البنات بلمكياج إلى الأسواق فهذا شر فوق شر

لأنه سوف يزيد من الفتن فوق راس الشباب والشباب مو ناقصين فتن على راسهم أكثر

وشكرا على الموضوع

والسلام عليكم ورحمة الله وبركاته

آنا ريـــآل

هـــــــلآ باللــــــــووز :)



اشحلات الموضوع يبيله قرقه اشويه :p



المكياج حلو ومو حلو اشلون.؟



حلوو تحطينه خفيف يعني كحله حق عنوني وقلوووس حق شفايفي *_^



وموحلو تحطينه واايد يعني ميكب فوللل يغيّر ملامحج



خصوصا وقت الطلعات مثلا رايحه مجمع تتسوقين او جمعيه


شكلي يصير غلط والكل بيعلّق سواء كانت طريقت الميكب محليتْني او عافسه ملامحي :p



وسوالف ميكب كامل حلوو حق عرس او حفلة ميلاد عشان تدخلين عليهم نيو لوك :)



وعندي لج موضوع ثاني بعد موبس مكياااج الحين حتى ترنجات قاماو يلبسون وملابسهم الداخليه تبيّن وااي فشلتي



ولا موضوع ثاني بعد هلشعوور كشّه بففف وسبريه وتمليس اصماخها عوود وتلاقينها عنونه



ياربي شتقولين وشتخلين شباب الديره راحاو وطي من هالبنات الشيتونات :p:p

الله يهديهم ويكبر مافيهم *_^



ثانكس عالموضوع الازقرتيــش *_^

طــف طــف *_^

اممممم ..

سالفه المكيآج صآرت عآدية ووآيد تكلمنآ فيهآ ..

يعني ..

اللي بتحط .. خل تحط .. كيفهآ .. شي رآجع لهآ ..

بس من وجهة نظري ..

أفضل كل شي يكون بسيط .. بعني ..

مو ضروري بكل طلعه جلسة ميك اب و حآله .. =/

يعني .. عآدي .. بدون مكيآج .. بس في نآس مآعندهم ثقة بنفسهم يقولون .. انه مانطلع حلوين ..

محد يطالعنا بعدين .. << يعني .. حق ارضاء النآس ..

و بالنسبة لي المكيآج .. شي مو اساسي بحيآتي .. < =q

و عآدي .. حتى لو كنت توني قآعده من النوم و رآيحة الجآمعه .. و لآ شي جي يعني ويهي تعباآن ما يهمني

البس نظارة شمسية و اغطي يعني .. حلو الانسان يكون طبيعي ..

و اما بالنسبة للي يحطون مكيآج .. < داشة عرض بالجمله .. بس يعني تكملة =/ !

في وآيد عندهم .. قلة ذوق .. مآكو ذوق .. جنهآ سآحرة ..

اوكي حطي مكيآج .. بس على سنع ..

و كل وآحد و رآيه .

و الأختلاف بالرأي لا يفسد للود قضية .. !

يسلمو

شي عادي ان البنت تحط ميك اب .. بس طبيعي يعني كحـل خفيف مسكرهـ
بس شباب لاااا وين قاعدين ..


تسلمين ع الطرح

ان كان الامر لا يتعدى حرية الاخرين ولا يضايق الناس فالامر يعتبر من حق الانسان ، وطالما الشي

لم يزيد عن حده فهو مقبول بشرط ان لا يكون الغرض منه ارضاء الناس فقط او اشباع رغبة داخلية

بلفت النظر او الحصول على بعض التعليقات من الشباب لارضاء الغرور الداخلي ، بالتأكيد لكل مكان

ولكل مناسبة مكياج خاص به ولكل وقت ايضا فمكياج الصباح او الظهيرة يختلف عن مكياج الليل

والانسب للوجه هو الاولى اتباعه .


عندي ايمان بأن كل شخص مسئول عن تصرفاته وله حريته الشخصية التي لا ينبغي على احد الاعتداء

عليها لانها تعتبر خط احمر ، كل شخص يعكس الصورة التي يريدها عن نفسه وشخصيته ومهما اختلفت

الاراء يبقى الامر منوطاً بشخصية الانسان التي تختلف بأختلاف توجهاته وميوله ورغباته وطريقة تعبيره

عما في داخله متأثرا بتربيته وحياته وظروف معيشته .

تبقى المرأة جميلة ببراءتها ونعومة تعابير وجهها والتي في اغلب الاوقات يأتي المكياج ليشوه هاذا المنظر

وان كانت ذكية في اختياراتها استطاعت ان تصل لدرجة الجمال الذي لا يلفت احد وكانت اذكى باستعمال

هاذا السلاح لزوجها حلالها ، لا للغير فالنفس عزيزة وغالية والبنت لؤلؤة مكنونة بعفتها وطهارتها وليس

من حق احد ان يتمتع بهذه الؤلؤة دون وجه حق .

اتوقع وصل مقصدي لكم وتوضحت اتجاهاتي ، كل الشكر على الموضوع مع احترامي الشديد

لوجهات النظر السالفة الذكر .

تحياتي للموضوع والمجهود في نقله لنا.

دمتم بحب