تويت
قصيـدهـ أعجبتــني للشـآعر العلمـ الكبيـر * حمـد السعيـد *
معـآني سآميــهـ .. وأبيـآت قويـه .. وصور شعريــهـ عميــقهـ وغير متكلـفهـ
بكل اختصآر .. هو الإبدآع
لكي تكتمل الروعهـ << أحضرتهـآ صوتيـهـ
ليتمـ استمـآعهـآ وقرآءتهـآ في وقــت وآحــد:)
لكمـ
http://www.movn.net/videos-action-show-id-887.htm
وجودي وجود اللي حداها الذرى والشبك
شعتهـا البـروق وذكرتهـا مرابعهـا
تكسر عبايرها وتـرزم رزيـم ودبـك
عطت عمرها لامقدم الشبـك جابعهـا
ولا تسمع ألا عوقها يوم قال أبك أبـك
ولا صبحـت لا راعـى الـذود بايعهـا
على اللي سكاكينه تحبك المفاصل حبك
وقامـت مـدورة الفقـارى تقاطعهـا
وجودي عليك ووجد حالي وياما اصعبك
ظروف حدتني عنـك مانـي بطايعهـا
أيا واحدٍ لـوك بعيـدٍ علـيّ مقربـك
سكنت العيون وكـن قلبـي منازعهـا
ولا من ذكرتك يالغلا والزمن قال إبـك
تداريك عينـي يـوم تـذرف مدامعهـا
تخاف الدموع بسيل الأشواق لا تشربك
وتفقد عيوني صورتك وأنـت طابعهـا
أنا البارحة لاني بخاسـر ولا كاسبـك
وتلعب بي الفرقا على روس أصابعها
تذكرت بيت أوحيتـه العـام ويناسبـك
وأظنـه يناسـب حالتـي ياملوعـهـا
بدون إلتزام بمذهب القافيـة والسبـك
وكـل احترامـي للقصيـد ومراجعهـا
( عسى من حداني عن وليفي وأنا باغيه
تحده ذنوبه مـا يجـي بـارد الجنـة )
على البيـت هـذا والضميـر إن بـدا يأنبك
فلي رغبة مدري متى كنـت تشبعهـا
أيا السالب اللي من عرفتك وأنا موجبك
ولا وين نفسي عن مواصلـك تمنعهـا
ياليت الليالي في مكاني شهـر تقلبـك
وأصير بمكانك وأنـت ليتـك تجرعهـا
مرارة فراقك يمكـن تحـس بمعذبـك
ونفسك عقب طول المفـارق تراجعهـا
كتبتك بعمري بس أخاف الجفا يشطبك
ولا من شطبك الوقت رح عـاد رقعهـا
زمن يا مفرق شمل الأحباب أنا بشاربك
قلوب الولايـف ليتـك اللـي تجمعهـا
كفانا قساوة خطوتك يا زمـن طالبـك
وسومك على وجيه البشر من مدامعها
حداني على طرق التوجد حبيسـة شـبك
سنا البرق ذكرهـا الولايـف وضيعهـا
سنه والصفر لا روحـت وارده تطربـك
ولكـن طويـل الوقـت عـيا يطبعهـا
وأنا مثلها رغم الجفا ما قدرت أشطبـك
عيوني على فرقـاك تـذرف مدامعهـا
[/align]
تعليق