[align=center]كيف تجعل الناس يحترمونك .... ناس يقولون بالعنف .. و ناس يقولون لا تعطيهم ويه
انا اقول هذا كله غلط
...
انا عن نفسي اسوي اشياء بسيطه و ما توقعت ان النتيجه بتكون جذي
لكن
هذا الي صار >>> الكل يحترمني كبير و صغير و لله الحمد
...
الخطوات او الطريقه
1 - الابتسامه : و هي سر عظيم و شي جميل ... ابتسم في وجه اي احد تشووفه
2- الضحك : قلل من الضحك (القهقه) لأن الضحك يقلل من الهيبه و اكتفي بالابتسامه اذا قدرت
3- اذا احد طلب منك شي و تقدر اتسويه لا ترده وسويه بس اذا ما تقدر تعذر منه و بين له السبب
4- لا تطلب من احد اي شي ... الا اذا كنت محتاجه بشده
5- اسمع للناس لي الأخر و لا تقاطعهم ... و لا تعلق علي كلامهم الا لما يخلصون
6- الي يحاجيك لا تعطيه ظهرك ... واذا التفت علي شخص ثاني معاكم رد بسرعه و طالعه ...و ابتسم بوجه و اهوا يتكلم .. و بين له ان فيك فضول لمعرفه الي يبي يقوله حتى لو ماكان عندك فضول
7- لازم قبل لا تعلق علي كلام الشخص الي جدامك
8- احترم رايه ... بس بين رايك بطريقه ما تزعله
9- و اذا صار جدال حااااااد حاول تخفف من الجدال او تنهيه عشان لا تصير مشكله من موضوع عادي
10- عامل الناس مثل ما تحب انهم يعاملونك
11- قدم النصيحه بشكل ما يزعل او يزهق الشخص
12- لا تواجه الناس علي الكبيره و الصغيره ... و تنطره يعتذر منك ... واجهم علي شي يستاهل و اذا صار تضارب بالكلام ... يعني سمعت ان شخص قال كلام و لما سألت غيره قال لأ ما قال اهني اتصير المواجه ... عشان لا ينظلم أحد
13- اذا زعلت من شخص لا تتغلى عليه اكثر من اللازم .. اذا دق و يبي يراضيك رد عليه و كأن شي لم يحدث ... لان كلنا بالدنيا اخوان
14- كن ايجابي و لا تحبط من معنويات الشخص لأنك اكيد ما تحب يهبط معنوياتك
15- اذا حبيت شخص قوله انك تحبه ... اني احبكم في الله يا شباب و بنات كويتـــ777
16- رد الطيب بالطيب ... و كن انت اكثر من يعطي و لا تنتظر انك تاخذ ...
17- اذا كان الشخص يتكلم عن شي انت ما تعرف فيه شي ... خليه يعلمك ... و يفهمك .. و لا تسوي روحك فاهم لأنك راح تتوهق
18- اذا كنت تعرف عن موضوعه تناقش معاهـ و فيده و استفيد منه

و دمتم سالمين
تجربتي الخاصه و بقلمي
[/align]