موقف بايخ ويفشل
كنا يم سوق اليمعه سوق الايرانيين وقالو اليهال نبي نشتري قطوه قلت جم سعرها ولد اخوي الملقوف قال بـ 5 او 10
قلت رخيص خلاص نخلص ونروح نجوف القطاوه ومنها نشوف السوق
ونروح السوق وزحمه ناس عالم ماتوقعت زحمه لهدرجه وشفنا محل قطاوه وايد حلو
بس زحمه احنا وقفنا برا وشفنا قطيوه مجكنمه صغيرونه جان يقول ولد اخوي ابيها ابيها قلت اي والله لونها حلو
وتيينن جان يقول الهندي بصوت واطي ومااسمع ازعاج قال 45 د.ك وانا عبالي يقصد 5 دنانير ماسمعته عدل
قلت معقوله هذي سعرها والله زين ومستانسين اخذنا القفص وبكل ثقه قلنا حطها بالقفص حسبي الله عليكم فشلتونا
جان اعطيه وبكل ثقه تامه الخمس دنانير وجان يصرخ الهندي بويهي
شنو هازا 5 بس هازا 45 دينار
انا اهني دوروني ماتلقووووووووني
< حاشتني الصدمه
قلت هذي القطيوه بـ 45 دينار
جان اقوله اي نسينا الفلوس بالسياره بس ناخذهم ونرد لك لااحد ياخذها
< ادور السياره وين وين
والي داخل يطالعونا فشله فشله موقف بايخ ويفشل
وضحكنا على الموقف واشكالنا واهما شايلين القفص وبكل ثقه حاطين القطوه يعني نبي ناخذها ماندري جم اسعارهم
بالسوق اول مره
تعليق