أنكسرت من الفراق وشوف عيني
شوف عيني وأنت تدري بنكساري

كــل ما مــديت لوصالك يمينـي
رحت تتجاهل يميني مع يساري

حتى صرت أشوف جرحك في يديني
في يديني لجور صداتك مواري

حـس فيــها لا بـلاهــا حـس فيني
لاتعبرهــا لاكـن رد اعتباري

ويــــن مقفي جعـل منت بمنتويني
بالجفا والخوف وأنواع العزاري

يـا هلي يـا نصف ربعــي يـا خديني
يـا مواني غربتي يـا روح داري

يـا شموخي يـا أنكشافي يـا دفيني
يـا علوي يـا بقائي يـا أنحداري

يــا بداياتي يــا مائي يــا أكسجيني
يا أندثاري يا أعتدالي يا أزدهاري

يـا بــلادة حسـي وقــمـة حننـي
يــا أختياري لا يـاعشواء أختياري

أعشقـك مـــن عادنـي فول سنيني
لين صرت آخذ مـــع نفسي قراري

من عرفتك وأنت ثالث والديني
واللجوء أليك يعني لــــك فراري

ضمني خل الضرر بينك وبيني
الضرر مــن ضميتك شي أضطراري

خل يدينك من الجور تحميني
مـــن جمودي عيشني لين أنصهاري

كل ما ضاقت بعيني يا معيني
أبتسمت وصــار لــي ليلي نهاري

فلا سكت تروح بالطيش تحكيني
رجعــي بطبعك وبسلوبك حضــاري

ما ذبحني فيك الا انك تبيني
وما سحرني الا حكــاك الاستعـــاري

لا حكيت آحس بشيا تعتريني
ويخشع قـــلبي وتطريلــي طواري

آعشق حكيك وأحفظه يا ضنيني
حفظ أبــــن تيميه لحكي البخاري

ولا سكت أحط يدي في جبيني
وأرجي الله مــا يطـــــول بنتضاري

أدري أني عندك وأسألك ويني
داري لكــن مــا كــني بــــــداري

ليـــن شيطاني تلفظ كلمتيــني
ورحت مني مـــا تبي سمــع أعــــتذاري

ولا تبكــيني وتـــفرح عاذليني
لا تخســرني بعـــد كبـــر أنتصـــــاري

لا تخليني بعد فيضة كنيني
وأنـت خابــرني على الوصل أنتحـــاري

لا تروح بروحتك كل يجيني
مانــي مكــابر ولا حتـى مـــــــداري

أنكسرت من الفراق وشف عيني
شوف عينـــي وأنت تــدري بنكســـاري