[align=center]مسااااء الخير..اعضاء كويت 777..

عسآكم جميعا بصحه وعافيه..

مانبي نطول عليكم وندخل بالموضوع دايركــت..

مع اختلاف المناسبات وتطشرها علينااا بدينا نحتار شوي بأنواع الهدايااا اللي انقدمها.. وكلنا قمنا نخترع شغلات تميزناا و نفنتق بإسلوب تقديم الهديه..


لكن مافكرت مره تكون مميز بدرجه كبيره عن غيرك و تكون هديتك معنويه درجه اولى و تنحفر بالذاكره ؟؟!

بمناسبة الفلنتاين اللي طاف .. كانت هديتي متميزه لربعي و حبايبي لدرجة اني فكرت استثمر هالفكره..

والفلنتاين الاخير انهالت علي الطلبات لدرجة اني اعتذرت للبعض ..


خلونا نقولكم الفكره ونشرحها بالتفصيل..

واللي تناسب جميع المناسبات اعياد الميلاد او الحب او اعياد الزواج ..

الخطوه الاولى عليك تختار اغنيه تفضلها او لها ذكرى خاصه بينك وبين الحب او بين الشخص اللي ناوي تهديله هالهديه..

الخطوه الثانيه نضيف صوتك ..او اصوااتكم وهالشي يبيله تعاون كبير بيني وبينك..يعني نبيك تسجل لنا مكالمه بينكم وانا بدوري راح اختار الكلمات المناسبه وادخلها بالاغنيه بس بشكل ممزوج وبشغل نظيف..

او حتى اذا ناوي بس تقول كلمه ..او تغني...او حتى تقول شعر..

ليلحين انا مشتغل على 47 اغنيه والحمدلله الكل عجبه شغلي..

كل اللي عليك تسويه :
1- اختيار الاغنيه
2- اختيار الفكره
3- تعاون بسيط بينا عشان الشغل يطلع حلو ونظيف ..

و لازم يكون قبل فتره من وقت المناسبه والاغنيه الوحده تاخذ مني يومين مو اكثر..

واذا حاب نتواصل واسمعك شغلي تقدر تكلمني ع الخاص .. وللعلم احنا نشتغل ستاف متكون من 3 شباب و بنت ..

وبدال ما تقط فوق ال100 دينار على هديه يمكن تروح مع الوقت..
مبلغ بسيط جدا جدا على اغنيه تكون بإختيارك وشرط تعجب الطرف الثاني واظمنلك هالشي..100 % لأني شفت بعيوني ردود افعال وايد ناس ..لأن شي حلوو تجمعكم اغنيه بشكل فيه نوع من الخصوصيه

والحد الاقصى للأغنيه 5 دقايق ..علشان الشغل يطلع مضبوط..

والحين انا حاضر لأي استفسار منكم..وملاحظه : للبنات بنت تتعامل معاهم يعني من هالناحيه لا تحاتين..

وشكرا[/align]