قصه حقيقيه وليست خيال اصلها من مصر

بس الي بقولها قريتها من احدى المنتديات

وبما ان على اسمي فحطيتها لكم انشاءالله

بس تعجبكم..........




كان يا ما كان في قديم الزمان وفي سالف العصر و الأوان
**كان هناك فتاة تدعى رقيه..تتميز رقيه بجمال أخاذ فهي الأقل شطوباً بين زميلاتها وهي أكثرهن بياضاً بالنسبة للركب
وأقلهن اصفراراً بالنسبة للأسنان.
كانت تعيش سعيدة في احيالهم (مزرعتهم)وفي يوم من الأيام راح أبوها يبي يجيب العلف من لبمزرعه حاول حمل حزمة العلف عندما رفعها وجد تحتها جنياً فبخ به الجني فخر صريعاعلى خشته..
(لحظه هونت ابوها ما مات وش لون يصير لها مرت ابو)
إذا فالذي راح للمزرعه ومات اكتشفنا انها امها لكن الترجمه لم تكن دقيقه.
**ماتت ام رقيه،وشعرت بحزن غامر ماتدري وش اتسوي، فتصافقت بها الجدران...
جاء ابو رقيه لمها وقال لرقيه انا لازم اعرس
رقيه:على راحتك يبه
ابوها:خلاص انا باخذ لطيفه ارملة ابو سعد
رقيه:يبه بس هاذيك قشرا
ابوها:لا هذي اشاعات وبناتها مريم ومزنه بصيرون مثل خواتك
رقيه:اللي تبي يبه.
**تزوج ابو رقيه وبعد شهر من فلة الحجاج بدت مرت ابوها وبناتها تقل خاتمتهن ويحسرون برقيه.
ضاق صدر رقيه وسكنوها في بيت الدرج..والأبو ماله سنع بينما لطيفه وبناتها ساكنين بأحسن غرفه واللتي تطل على حوش البقر.
**دارت الأيام..والى ها كاليوم به حفله في الخب الشمالي امسويها حاكم الخب من اجل انتقاء عروساً له.
**قعدت رقيه تصيح ودها تروح.. ومرت ابوها صاكتن عليها.
**اطلعو للحفلهواتركوها، يوم صار بالليل وتمر هذيك الفاره وتلحقها رقيه بالنعله تبي تكتله...صرخت الفاره بقوة قائله:
الفاره:اصبري وش بلاتس، انتي ما تقرين قصص؟
رقيه:بلا قصص بلا هم، هالحين ابلختس بهالنعله واطير راسك
الفاره:وش بلاتس انا فاره متجنسهلأ(يعني فيها جني من اهل الارض)
رقيه:واذا صار
الفاره:انا راح اسوي لتس اللي تبين
رقيه:وش بتسوين يعني
الفاره:مثل القصه اللي بالتلفزيون ابخليك كشخه وتروحين للحفله
رقيه:يا لله ورين إذا انتي صاتزه.
الفاره:طيب جيبي لي عنز وأربع دجاج مندي(خطأ مطبعي) وقرعه نجدي، واوريتس.
راحت رقيه وجابت له كل اللي تبي.
الفاره:شرم برم لاتو فاتو جرام سرام....يوم صارت القرعه كديلاك، وصارت العنز شغاله،وصارت حدى الدجاج سواق....
وباقي الدجاج مالهن سنع فاضبطو عليهن كبسه.
افرحت رقيه وقالت: اللــــــــــــــــــــــــــــــــه بس وشلون اروح وما عندي لبس؟
قامت الفاره(نسينا انقول لكم ان الفاره تغير شكلها الى انسان) المهم قامت اسحرتها وحطت عليها ذاك اللبس:
التيور من آوت فيت(معليش دبه شوي)
والجزمه من ميلانو.
والشنطه فندي(أصليه مو تقليد)
والبوك جفنشي(ماعليش مو زي الشنطه هذا المتوفر بأسواق الجن)
**افرحت رقيه واركبت وراحت للحفله.
**قالت الفاره:اسمعي الساعه احدعش لازم ترجعين والا مانيب مسؤوله عن اللي بيصير.
**جت رقيه للحفله..يوم الفتت نظر كل الموجودين ادحيم وعليان وعزيز والبرهم كلهم فوق خششهم من الدهشه.
** الامير كان مستنزل (يطقون له طيران) قالت الجنيه اللي مع رقيه للجني اللي مع الامير:اطلع خل الامير يصحي
**نظر الامير الى رقيه مدهوشاً ماهذا الجمال اللي يشق الجبهه ، تبوسمت رقيه وقالت:تسلم الله يخليك. الامير احول وفقد التركيز، قال: ممكن ترقصين معي؟
رقيه:واخزياه والناس وش يقولون.
الامير: تكفين تراها قصه لاتخربينها
رقيه:خلاص تم.
**ارقصت رقيه مع الامير ونست الوقت، مادرت الا و المباراة اللي بالتلفزيون قاظيه..درت انها تـأخرت، كانت الساعه العاشره وثمان وخمسون دقيقه..طيط..عند الاشاره (عفواً نسينا)
*المهم........
انقزت رقيه وراحت تركض واثرها لابسه الزبيريه حقت اخوها
الصغير<<انتبهو للصغير....لان الجزمه اللي جابتها الجنيه لها ضيقه عليها.
اركضت رقيه بالدرج.. وتنقطع الزبيريه وتطيح.. والامير يركض وراها..تكرفس على جبهته وما قدر يلحقها،اخذ الزبيريه معه ورجع.
**ارجعت رقيه لبيتهم وهي مبسووووووووووووووطه .
الامير اعلن انه يبي يتزوج راعية الزبيريه.
من بكرا انزلو الحاشيه يدورون راعية الزبيريه، اكتشفو ان نص اهل الخب الشمالي تركب عليهم أي والله البلشه.
قال الأمير:معقول بأتزج خبي، جاب مستشاره وقال: وش الحل؟
المستشار: ابد طال عمرك انشوف رجلين الحريم واللي مقاسها ست واربعين تراها هي.
**راحو يدورون.......
اكتشفو ان معظم بنات الديره مقاسهن تسع واربعين و فوق.، يوم اوصلو بيت رقيه صكت عليها مرت الابو في بيت الدرجه ..لم تسكت رقيه فبدت تصارخ و تصيح<<افتحووووووولي>>
سمعها خوي الامير<<المستشار>>قال:جيبوها.
قالوا: هذي خبله.
قال:مهو شغلكم جيبوها.
**جت رقيه و لبست الزبيريه والاها قدها تمام.. فرح الخوي وراح وبشر الامير.
**تزوج الامير رقيه.. وتهاوش معها عقب شهر وطلقها
<<اي والله الخاتمه

مما ورد نسفيد الآتي:
1/القرع له فوائد عديده.
2/رقيه شخصيه مش خياليه.
3/..زين اذا كانت نعال اخوك قدك.
4/.. القرعه ممكن تتحول إلى كاديلاك.
5/..اذا بغيت تعرس لا تاخذ وحده شايفينها بعرس..وحاول انك تشوفهافي الوضع الطبيعي..والا تراك تبي تطلقها..الا اذا كانت<< مدرسه>>.

منقوووووووووووول

وشكرا

قيوووووووووووووونه

اذكروني