السلام عليكم ورحمة الله وبركاته
اضع بين أيبدكم هذهِ القصيده المتواضعه بعد هالغايب هذا الحصاد ""
واود أن تنال اعجابكم


ياهيه خـذ منـي كـلام الصعاليـك
جبته لجل تعـرف حيـاة الهفاليـت

ماكان خافـي ولا قدرتـه يجافيـك
حده سموك يـوم جيتـه ولا جيـت

هاك القصيده تعتـرف لـك بخافيـك
والعـذر كانـي قـدرت وتخلـيـت

مافيه كادي يـوم صـادف معاليـك
يعني ترا ما عرف حتـى الاتيكيـت

والدرب جابة يـم دربـك يماشيـك
ماتدري اني ماتطبـع لـو اعطيـت

طبعي ترى ماينطبـق فـي مباديـك
صعبه أفهمك وأفهم حيـاة المنيكيـت

ياهيـة عفـواً ياحبيـبـي بخلـيـك
لأني تعبت اللبـس ثيـاب الكتاكيـت

ولا اعترف في عالمك لـو اماشيـك
لأني احس أنـي غريـب وتجنيـت

حاولت اعيش العمر حولك حواليـك
بس الحقيقـه مرهـا تهـدم البيـت

يعني تـرى بحـدود ذاتـي بخليـك
مابي اعيش احلام دام العمـر ميـت

اَسف حبيبي خلنـي صـدق مابيـك
مافيني اصبر للتصنع لـو اخطيـت

في مجتمعنـا صورتـن ماتماشيـك
صوره بعيده عن خيـال العفاريـت

حاولت اعيش بداخلك واتفـق فيـك
بس الحقيقه تكشـف اللـي تمنيـت

هذا الحكي جالك تريـض بحاكيـك
ابشرح اظروفي لك اليـوم لاجيـت

أنتي طبوعك غير واللبس بك شيـك
وانـا علـى حـد الفقـر لا تعليـت

انتي بطاقـة سحـب شبيـك لبيـك
تفتـح لـك اللـي تاخـذه ماتعنيـت

والناس من حولك تراهـم حكاكيـك
بالنسبه لك انتي ترى كويتنـا كويـت

وبالنسبة لي الوضع صامت يجاريك
صدمتني فـي دنيتـي ليـت ياليـت

ماشفت دنيـا عشتهـا مـع لياليـك
دنيـا غريبـه مابهـا شـي عانيـت

دنياك هـذي ياهـوى البـال تعنيـك
لاكـن أنـا يالقلـب عنهـا تخليـت

ماحسبت ان الزمـن لـك مصافيـك
أبعتذر منـك تـرى صـدق كفيـت

انا تـرى مـن قـوم دلـة تناديـك
فيهـا طبـوع المرجلـه لاتهقويـت

يازين ياصـوت النجـر لا يداويـك
مع رشوش الهيـل لاقمـت ودليـت

تطرب لها قومن على العز تطريـك
وتحكي بها العربان مع زاهي الصيت

هذي طبايعنا علـى الطيـب ماريـك
حنا بنـي وايـل بـدو لـو تجليـت

وقبل الختام ان قلت احبك ترى اغليك
لاكن ظروف الوقت ياهـي مناكيـت

مـع السلامـه ياسمـوة معالـيـك
ابنـزع اثيابـك وابلبـس حتاويـت



اهداااااااااااااااااااااااااااااااء ؟؟