رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

[grade="00008b ff6347 008000 4b0082 2e8b57"]
أحب المشاركه الاولى تكون لي بما اني طرحت هذا السؤال
ببساطه متناهيه الجواب لا اعرف ...إن كان الكاتب للموضوع ذكر ام انثى
اما السبب في نفيي ب المعرفه فهو ..
التجارب التى تمر على الواحد منا مختلفه من شخص ل آخر
الإنسان الغني ب التجارب في حياته الشخصيه يكون مطلع على اسرار دقيقه
عن الجنس الآخر ممكن تنعكس معرفته على إسلوب كتابته ..
أو ممكن التجارب توصل المراة للتحدث ب إسلوب يحتوي على مفردات لا يستخدمها سوى الذكور او ان الذكر التجارب تجعله يتنازل عن بعض المفردات فيطرح الموضوع ب إسلوب عاطفي اكثر من اللزوم وحساس وبترافه لم نتعودها من الذكور أولاد او رجال
يعني وب إختصار لايمكنني الفصل بين الكاتب والكاتبه مالم يصرح الشخص .[/grade]

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

ياااسلام عليج وربي موضوع ابدااع ( صدمه ) مع انج اول مره تطرحين موضوع جدي

باد كات

انا اللي عجبني بالموضوع فكرته

وهي فكره حقيقيه وموجووده فعلا

انا من الاشخااص اللي اقدر احكم على كاتب الموضوع اذا كان ذكر او انثى ..

وهذي العمليه تحتاج تفكير عميق بالموضوع وجوانبه.؟ ولماذا كتب .؟ ومحتواه .؟

اموور كثيره تحليليه .! على فكرة ترى في اختلاف بين موضوع بالنت وموضوع مخطوط باليد .؟

يعني الصورة اللي حطيتيها ,, لوووول ( اتوقع تنفع الادلة الجنائيه ) لكن حنا يا المستخدمين للنت

او المطلعين للكتب لناا جواانب اخرى نحللهاا عشاان نوصل لشخصية الكااتب ...




ودمتي بخير

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

أو ممكن التجارب توصل المراة للتحدث ب إسلوب يحتوي على مفردات لا يستخدمها سوى الذكور او ان الذكر التجارب تجعله يتنازل عن بعض المفردات فيطرح الموضوع ب إسلوب عاطفي اكثر من اللزوم وحساس وبترافه لم نتعودها من الذكور أولاد او رجال

بالنسبه للاسلوب او المفردات المستخدمه بين الجنسين اتوقع مااتفي بالغرض هالاياام لان كل واحد فيهم

عرف مفردات الاخر .. ولكن في امور اكثر دقة مثل : نوع المواضيع اللي يطرحها الكاتب او عن شنو تتكلم .؟

طوول الموضوع قصر الموضوع .؟ طريقة الشرح فيه لفكرة او معلومة .؟ الخ ...



واسفيين ع الاطاله










ودمتي بخير مره اخري

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

من طول الغيبات جاب الغنايم

الله يا باد كات على هالغنيمه هذي ..

موضوع جميل وجديد في فكرته ..

اممممممم
بصراحه ما ادري بس اسلوب الرجل معروف عن البنت فالرجل دايما مواضيعه تحمل قوامته وثباته الفكري اكثر من المرأه .. ولا تتضح الاحاسيس التي كتب بها نصه بسهوله وهذه صفه خاصه فالرجال ..
اما المرأه مواضيعها دائما تجسد حالتها عند كتابتها لذلك النص .. وتمتاز بالشفافيه دوما وبصراحه التعبير المجرد من الالغاز والمبطنات ..

اشكرش احلا قطوه على هذا الموضوع التميز ..

تقبلي مروري ..

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

بالنسبة لي انا مما اميز بصراحة اذا كان مبهم النك نيم يعني ما ادري اذا ذكر او انثى

والكتابه مبهمه فصعب اتوصل لجنس الكاتب الا اذا اهو بنفسه صرح شنو اهو


والدليل ان في اعضاء يكتبون وبنك نيمات بنات ومن زمان وصعبه تعرفين انه ذكر


وفي بنات يكتبون بنك نيم ذكر وعادي مستحيل تعرفين شنو جنسه الحقيقي


وبالنهاية

الشاشة هذي غامضه ومبهمه امام البعض ...

وليس الكل



يعطيك العافية باد كات


ع الموضوع


اذا عندج عدسه نشوف اصابع اللي يكتبون عطينا @@


تقبلي مروري

اختك دقات قلبي

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى




[glow=ffff00]
أحلى شي دقات قلبي خذتها على مايقولون اخوانا المصريين من قاصرها وقالت ما ااعرف ونا سبقتها واعترفت اني ما اعرف افرق يبقى حنا صرنا ثنتين مقابل اختنا وصايف الكويت واخونا كويتي كبير
الل قالوا بما معناه لهم القدره عالتفريق .. معتازين عضوه متطوعه وعضو يتطوع معروفين بكتاباتهم
واسلوبهم الخاص بهم ونحطهم تحت المجهر ويحللون اسلوبهم الاخوة القادرين على التفريق بين اسلوب الانثى عن الذكر في الكتابه اقصد الكاتب والكاتبه..
ب انتظار عرض مفصل من كويتي كبير و اختنا وصايف الكويت مع طرح مثالين من المنتدى

شكرا لكم على تواجدكم المثمر



[/glow]

و

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

هههههههههههههههههههه

الامثلة كثييرة وكااتبة الموضوع احد الامثله

اشرايج نجرب عليييج ..؟


*

*

*


السؤال للجميع هل باد كات بنت او ولد ..؟ حسب تخمينكم لمشاركاتها .!

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

[glow=ffff00]
كويتي كبير تبي الصراحه .. خايفه نختار عضو ويطلع حساس وتعال فكنا منه

الرجال بطبعه ياخذها بحساسيه ان شكيت وقلت اسلوبه انثوي بيطنقر بالفصحى بياخذ على خاطره ونفس الشي البنت ل اخطيت بتقدير شخصيتها وقلت عنها رجال بتقول اشدعوااا كل هالاسلوب الانثوي ويقولون اسلوب كتابتي رجالي ؟؟ب المختصر المفيد انا و واختنا دقات قلبي شرينا راحة بالنا ..


اشرايك ب خالد ..نطبق التجربه على اسلوبه انا اقول اسلوبه انثوي ...عزت الله رحتي فيهااا باد كااااااتوووو .. اشقلت ناخذ مواضيع خالد ونحلل اسلوب الكتابه [/glow]

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

شفيكم بتذابحون

اسلوب خاص بالاناث واسلوب بالذكور

بعدين بتسوون فتنه طائفيه


بدايه مو صعب ع الكاتب طرح موضوع يبين للقارئ ان بنت الي كاتبته

ونفس الامر بالنسبه للكاتبه .....


لكن انيي حق المسأله العويصه شلون نعرف < ايدااد ابيداااد >

< هالبنيه ما ادري من وين تييب اسئله > ركزي على كلمة بنيه مو تنسين خخخخ


الموهيم ما لكم بالطويله


اذا بعرف الموضوع كاتبه ذكر << اغني للكلمات يالله صبوا هالقهوة وزيدوها هيل

واذا خاص بالانثى << اغني للكلمات عذروب خلي حسنه الفتان



< واللبيب بالاشاره يفهم >

<< متاكد



< اقدم اقتراح للادراره الكريمه بترقيه الاخت باد كات او تلقيبها >

او اهدائها وسام مكتوب عليه < عضوه اقرب الى الجنون >


بس بنظري عاقله


تشكرات

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

شكرا لكم سهالات على التعليق ونرجع للجد الجد هللا هللا عليه الظاهر بخليكم تدلون بدلوكم الذهبي وتاليها باخذ نظرة كويتي كبير على محمل الجد واقول الادلة الجنائيه هي بس اي فقط هم الذي ب امكانهم افادتنا والى ان يدلون الادلة الجنائيه بدلوهم انشاء الله اقوم ب بحث ب جوجل عن الجواب حجي جوجل مايقصّر معانا . كما انني ب انتظار ارائكم الكريمه .

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

عزيزتي باد كات


انا ماابي اخرج عن سيااق الموضوع


بس تبين الصراحه اخترت شخصيتج لانها قابله للنقاش..


*

*

*


بالنسبه للادله الجنائيه اقري توقيعي وانتي اتعرفين انهم موجودين

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى



حي الله ب الادلة الجنائية





كويتي كبير أنا أعجبك لي وساعة صدر من ناحيتي موافقه تاخذني نموذج لكن ماظنتي لي من الموضوعات اللي ممكن على اساسها نبني الحكم ..موافقه مبدئيه منّي مالم تعرض اخت او اخ غيري يحب نحلل ونحدد شخصيتهم من خلال مواضيعهم يتقدم ويتطوع ...

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

كبيييره يا القطوة

ههههههههههههههههه

ننطر المشاركات

رد: كيف تستطيع الحكم على مو ضوع ليس عليه اسم كاتبه إن كان كاتبه ذكرا من كتبه أو انثى

باد كات ولد هذا رايي الدليل كم واحد ينادي باد كات اخوي