أكره اللحظات , لحظات الوداع
تسكت وعينك لها , بوح الحروف .!
وإن خفيت الحزن , قدر المستطاع
ماقوت ساقك .. على طول الوقوف .!
ولا يعل القلب .. ف/آخر اجتماع
غير تدري ما ورا الصده , نكوف .!
وانت يامرخي على البُعد , الشراع .!
لا تسلم فرحتي , كف الصدوف .!
ولا تقول إن مالحزني , أي داع .!
جرب الفرقا معا حالك .. و شوف .!
الهجر موجع .. وللبعد إنطباع
يتركك مابين ضيق , و بين خوف .!
كل شي أحبَه بدنياي , ضاع
وكل ذكرى صعب لا مرت , تطوف .!
لا توردني على .. حد الضياع
ولا تخليني , تحت حكم الظروف .!
خابر إن قلبي على الصده .. شجاع
غير في لحظات , تلويح الكفوف .!
طالبك , لامن قرب .. يوم الوداع
لا توادعني .. و انا عيني تشوف .!
تعليق