تويت
.gif){kind=icon}
اين براءه الطفوله
بـــــراءة الاطفـــــــال ....
على العكس راح ابدأ موضوعي بأسئله لربما تكون مجهوله بالنسبه لي و لغيـري !
ولعلي اجد الاجابه لديـــكم .... او حتى تفسير !
فتاة عمرها 12 تحب وتعشق وتسهر الليالي مع شباب ولا تنام الا على همسه !!
ولد عمره 13 سنه يكلم وبغازل ويرقم ويتحرش و (( يضبـــط )) !! !!
خلونا نروح للعالم الحقيقي لهولاء ! وين المفروض يكونون ؟؟
شلون مفروض تكون حياتهم ؟؟
هل من المفترض انه هالولد اللي عمره 12 او 13 او 14 يعرف يعني شنو حب وغرام وهيام !!
هل من الطبيعي انه اولاد بعمر الزهور يدخنون بس من اجل الاحساس بالرجوله !!
هل من المعقول انه بنت عمرها 11 سنه تقول اناا عندي boy frind !!
من وجهة نظري التي اتعصب لها بكل فخر !
انه الطفوله شيء اكبر واسمى وانظف !! من كل هلامور !
وين المتعه بأني اشوف طفل او ولد صغير او بنت صغيره مو عايشه عمرها !
طفله متجرده من البراءه ! وين معنى الطفوله بهالحاله ؟؟
لماذا اصبحنا نفتقد للطفوله ؟
اعتقد انه للتربيه عامل مؤثر في هالشيء بمعنى الاهل لما يحسسون الطفل انه اكبر من عمره
هني تصير مشكله يعني مثلاا :: البنت بعمر صغير والام تكلمها وكأنها تكلم امرأه ناضجه !
يعني طبيعي البنت بيصير عندهاا نضج مبكر قد ينعكس عليها سلبي انها تروح وتبحث وراء امور اكبر منهاا
وبالنهايه تقع فيها .... ممكن مثلاا الاب يدخن واذا قاله ولده ليش ادخن يباا قاله شفيها
اصلاا التدخين هيبه ورجوله !! هالشيء كذلك يأثر على عقلية الطفل وينمو واهو ملوث فكريـأً ...!!
السبب اللي اعتقده مهم واساسي بهالمشكله اهو البيئه نفسها ...!!
يعني الجيل الان صار الطفل تكلمه جنك تكلم رجل متزوج فاهم ويعرف كل شيء !
البنت تكلمها عن امور اكبر منهاا يمكن توصل مرحله تقول حق امها او رفيجاتها معلومات
حتى الانسان الكبير ما يعرفها !!
يعني اصبح الطفل باختصار (( رجل صغير )) ...!!!
والله العظيم انه شيء يحزن ويقطع القلب لمن نشوف البراءه والشقاوه وطعم الطفوله الجميل رااح !!
واختفى ... صاارو الاطفال يعيشون زمن ودنيا غير زمانهم ....!!
عندي جم نقطه حبيت اوضحها وانشالله توصل بنفس الطريقه اللي ابي اوصلها وما تنفهم بشكل غلط !
انا شفت ناس بهالمنتدى بأعمار صغيره وعايشين بأمور واحداااث كبيره عليهم بمراحل
يحبون ويعشقون وداشين قصة غرام طويله عريضه !! ودي اسال هالفئه سؤال!
كم عمر التجربه او الخبره اللي عشتها بهالدنيا عشان تسوي علاقات ووتحب وتعشق وتجرب امور
حتى على الكبار صعبه !
{{ .... اتمنى من كل قلبي انه نستعيد (( الطفوله الحقيقيه )) البريئه الخاليه من هالتعقيدات !
واتمنى كذلك انه اذا كان في فئه من اللي تكلمت عنهم متواجدين معانا بالمنتدى اتمنى انهم
يفهمون انه الطفوله شيء صعب تعويضه ! ولذة وطعم الطفوله احلى شعور بالدنيا 
.... }}
.... }}بالنهايه ...
لا تخسر براءة الطفوله عشان تحس بطعم الكبر ...
.gif "Smile777 (28)")
.gif "Smile777 (44)")
تعليق