..الجــ الثالث والعشرون ـــــزء..
دخل المطبخ وولع النور:مشعل انت هنا..
تجمدت اطرافها وقلبها وصل حلقها سمعت صوت خطواته تقرب من عندها وقفت بسرعه ووجهها منقلب الواااان..
نايف ابتسم من شكلها لانها رابطه الطرحه على خصرها:هلا ريــــم كيفك..
ريم بلعت غصتها وبهمس:تمـام..
نايف حط يده ورا رقبته:خوفتيني عليك..
ريم رفعت وجهها مصدومه من الكلمه"خايف علي خايف علــــي انا"..
نايف حس انه احرجها:عن اذنك..<<وطلع..
حطت يدها على قلبها وجلست على الكرسي"معقـــــــوله خايف علي انا انا (دمعت عيونها ونزلت راسها بخيبة امل) اكيد خايف علي لاني بنت عمه مو لانه يحبني..<<ابتسمت على تفكيرها الغبي وهمست لنفسها..
:يحبني هاذي من سابع المستحيلات انسيه ياريم انسيه..<<ناظرت نفسها وضحكت على شكلها..
:وش بيقول عني الحين ههههههههههههههههه..
××
دق الباب ووصله صوته المبحوح:ادخل ابوسعود..
نايف فتح الباب:وش دراك انه انا..
مشعل:من دقتك للباب يالنكد..
نايف جلس جنبه:افااا انا الحين نكد..
مشعل ابتسم بدون نفس:امزح لاتصدق..
نايف:عارف المهم يله..<<ورن جواله رفعه وشاف رقـــــم غريب..
عقد حواجبه بأستغراب:رقم غريب..
مشعل:طيب رد..
نايف رد:الوو..
قالت بدلع:عاش من سمع هالصوووت..
نايف رفع حاجبه بصدمه:نعــــــــم..
مشعل بصوت واطي:افتح السبيكر..
نايف فتح السبيكر:من معاي..
:افاا نسيت صوتي..
مشعل طير حواجبه:من ذي..
نايف حط يده على فمه:بتقولين لي من انتي وإلا وشلون..
:اوكي اوكي بقول من انا بس لاتعصب..
نايف بدون نفس:خلصينــــــي..
قالت بدلع:حبيبتك فاتن..
مشعل ابتسم ودق رقبه وبهمس:هلا هلا..
نايف يحاول يتذكر قد سمع هالصوت بس وين بعدها صرخ بفرحه:هـــــــــــــلا والله..
فاتن:ههههههههههههههههههه هلا فيك كيفك حياتي..
نايف:تمااااام كيفك انتي..
فاتن:انا بخير دامك بخير حياتي كل عام وانت بخير..
نايف:وانتي بألف خيــــــر هاه كيف كندا..
فاتن:انا الحين مو في كندا..
نايف:اجل وين..
فاتن ابتسمت:بصراحه رقصك اليوم رهيــــــب..
نايف شهق:انتي في الشرقيه..
فاتن:ايه..
نايف:اسمعي بكره ضرووووري اشوفك..
فاتن:اكيد قلبوو..
××
..((الساعه 2 الفجر رجع طلال للشاليه تعبان طلع الدرج بهدوء لكن وقفه صوت غاده..
:مساء الخير..
طلال لف عليه ونزل عندها:مساء النور مانمتي للحين..
غاده:احد ينوم الحين بالله عليك المهم قول لي وش فيك..
طلال:مافيني شي..
في جايه من المطبخ وشايله صينيه فيها بوب كورن وكولا:هلا طلووول تعال فيه فيلم بيجي بعد شوي رهيــــــــب..
طلال بضيق:مالي خلق يله تصبحون على خير..
غاده:لحظه لحظه طلووول..
طلال لف عليها:نعم..
غاده:وش رايك نروح للدمام نجهز اغراضنا..
طلال:الحين..
غاده:ايه الحين..
طلال بدون نفس:عليك اوقات ياشيخه مثل وجهك..
غاده:اجل حلوووه خخخخخ..
طلال وهو يكمل يطلع الدرج:يمكن بعد مانروح للرياض يله تصبحون على خير..
غاده شهقت:ليــــه..
طلال:من غير ليه..<<ودخل غرفته وسكر الباب بقوووه..
في وهي تحط الصينيه على الطاوله:وش فيه اخوك..
غاده تمددت على الكنبه:مدري عنه بس امووت واعرف ليه مانروح للرياض ..
في:يمكن علشان سالفة اليوم..
غاده:ايه يمكن (لفت عليها) تصدقين عاد كان ودي اعطي الاخ مشعل كفين على خشته ياشيخه عليه كلام يقهــــــــــــر..
في:خايف على اخته وش تبينه يسوي يعني..
غاده:بس مو يحط حرته في اخوي..
في عطتها بوب كورن:اقول كلي وانتي ساكته احسن..
××
ريم تكلم لمى:خفت منه اول ماركبت معه بس حمد الله طلع محترم..
لمى:مدري من وين طلعت لك الشجاعه وركبتي مع تاكسي وفي الليل بعد..
ريم:كلـــه منك قهرتيني بكلامك..
لمى تضايقت:سوري ريوم والله ماكـ..
ريم قاطعتها:لمووو قلتلك خلاص انسي اقول وين ميمي مالها حس..
لمى:مدري عنها بس يمكن انها تسولف مع هذا عاشق مدري وشو..
××عند مها××
ذبحني قلبي الساكت..متى قلبي عليه يبوح..<<مها..
عارف انت جبت لي الضغط والسكر والمراره..<<وحطت وجه زعلان..
:
الدنيا علمتني من تحبه لاتبين له غلاه:
ههههههههههههههههههههههههه ليه..
:
ذبحني قلبي الساكت..متى قلبي عليه يبوح:
وتضحك بعـــــد وماتدري ليه هاه..
:
الدنيا علمتني من تحبه لاتبين له غلاه:
والله مدري بس المهم لاتــزعلين جرووحتي والله مايهون علي زعلك..
:
مها ابتسمت:وانا اقــــدر..
ذبحني قلبي الساكت..متى قلبي عليه يبوح:
طيب خلاص مو زعلانه بس لاتتعودها مره ثانيه..
:
الدنيا علمتني من تحبه لاتبين له غلاه:
خلاص اوعدك ماراح اتعودها..
:
مها جلست تناظر النك ورفعت حاجبها..
كتبت:وش سالفة التوبيك..<<وحطت وجه يرفع حواجبه..
:
الدنيا علمتني من تحبه لاتبين له غلاه:
تبين تعرفين..
:
مها:ايه والله امووووت واعرف بس ماابي اقول ايه ويصدق نفسه..
كتبت:اذا تبي تقول قول ماورانا شي..
:
الدنيا علمتني من تحبه لاتبين له غلاه:
طيب بأختصار ياطويلــــة العمر انا احب..
:
مها فتحت عيونها على آخر شــــي مصدومه:يحب..<<دمعت عيونها ماتدري ليه..
كتبت واصابعها مرتجفه:اهاا طيب ناوي تتزوجها..<<ضغطت على إنتر بسرعه قبل ماتتراجع وتمسح اللي كاتبته..
:
الدنيا علمتني من تحبه لاتبين له غلاه:
ان شاء الله المهم تبين تعرفين وش المفاجأه شكلك نسيتيها..
:
مها من دموعها ماصارت تشوف شي خذت المنديل ومسحتها وهي تشهق كانت مره متحمسه للمفاجأه بس الحين كل حماسها راااااح..
يمكن ماكانت تحبه بس كانت متعلقه فيه هو الوحيد اللي يقدر يونسها وهي في قمة عصبيتها وضيقها..هو الوحيد اللي اذا تضايقت تحط حرتها فيه..<<خخخخخخخ..
كتبت وهي تبلع غصاتها:لا مانسيتها بالعكـــس متحمسه اعرف وش هي..
:
الدنيا علمتني من تحبه لاتبين له غلاه:
طيب بتوصلك بعد دقاااايق ابيك تعطيني رايك فيها..
:
مها حطت يدينها على وجهها وتنهدت بضيق..
انفتح الباب:ريووم تسلم عليك..
مها:الله يسلمها..
لمى عقدت حواجبها:خير وش فيك..
مها ناظرتها والدموع متجمعه في عيونها:عاشق..
لمى صرخت:مــــــــات..
مها ضربتها:وجع ان شاء الله فال الله ولافالك..
لمى:آآآآح طيب وش فيه..
مها:بيتزوج..
لمى تمددت على السرير:طيب ويتزوج وش فيك متضايقه (شهقت) لايكوووون تحبينه..
توها بتفتح فمها بترد لكن طلع صوت من اللاب توب ولفت عليه شافت فايل استغربت بعدها ابتسمت بأستهزاء:يمكن يبي ياخذ رايي في زوجته المستقبليه..
ضغطت على الفايل وبعدها جت الطامه الكبرى فتحت فمها مصدووووومه ودقات قلبها سريعه..حرارة جسمها ارتفعت همست
:لااا لاااااا مستحيل..
لمى تناظر اظافرها:وش فيك ساكته ردي علي..
حطت يدها على فمها وشهقت:طـ..طلال..
لمى نطت عليها:ايــــــش..
مها مو مستوعبه لفت على لمى واشرت على اللاب توب بأصبعها المرتجف:اللي اشوفه صدق وإلا انا اتخيل..
لمى مصدوووومه:طلال..
مها ناظرت الشاشه وهي مو مصدقه ثمانيه شهور تكلم طــلال..طلال هو نفسه اللي تكرهه وماتطيقه..
لمى ناظرت في مها:وش ناويه تسوين..
مها:...............<<نبهها صوت اللاب توب..
:
اجنــــــن صح خخخخخخخخ وش رايك بالمفاجأه..
:
ردت عليه بسرعه ومن دموعها ماصارت تشوف شي..
طلال بعدين احاكيك باااي..<<وسكرت اللاب توب وحطت راسها على الطاوله..
::
قرب من الشاشه يناظر الاسم:هاذي وشلوون عرفت اسمي..<<مسك راسه من الصداع القوي اليوم ماله خلق يفكر بشي كفايه المشكله اللي صارت بينه وبين مشعل سكر اللاب توب ووقف يصلح له كوفي يخفف من الصداع..
نزل وكانت الصاله ظـــــلام ماغير نور التلفزيون راح بيطفيه شاف غاده نايمه على رجل في وفي حاطه يدها على خدها ونايمه ابتسم:هاذي اللي تقول فيه احد ينام الحين..
عدل في ومددها على الكنب وحط وساده تحت راس غاده وباسها:الله لايحرمني منكم..<<جاب بطانيه وغطاهم وسكر التلفزيون..
××
..اليــــوم الثاني..
خذت شاور سريـــــع ولبست جينز وبلوزه طويله لونها بنفسجي ولفت شال حول رقبتها وشعرها رفعته ذيل حصان ونزلت..
:مساء الخيـر..
الكل ماعدا مشعل:مساء النور..
ريم راحت وجلست جنب مشعل وهمست:زعلان علي صح..
مشعل عطاها نظره وصد عنها..
ريم باست خده بقوووه:اسفه لاتزعل مني..
مشعل:لاتتعودينها مره ثانيه..
ابومشعل:وش السالفه..
مشعل ابتسم:ابد يبه مافيه سالفه بس كنت زعلان من ريم شوي ولعبت علي بهالبوسه ورضيت..
ريم:هههههههههههههههههههههههههه..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××الريــــــــــــاض××
دخلت المطبخ:مساء الخير ماما..
ام دانا وهي تحط العصير في الصينيه:مساء النور (رفعت الصينيه ومدتها لدانا) خذي وديها المجلس..
دانا:ليه مين بيجي..
ام دانا:بيجي هذا رياض..
دانا رفعت حاجب وابتسمت:اهاا طيب وين ريناد..
ام دانا:راحت للسوق بسرعه يابنت خذي الصينيه ووديها قبل مايرجعون من الصلاة..
دانا خذت الصينيه وراحت للمجلس دخلت وحطت الصينيه على الطاوله وهي تدندن بصوتها الناعم:يسألني مكانه وين جوا قلبي وإلا العين مايدري حبيب الروح انه ساكن الاثنين..
××في الحديقه××
ابودانا:تفضل للمجلس وانا بروح اجيب باقي الاوراق ماعليه ياولدي بتعبك معاي..
رياض ابتسم:تعبك راحه ياعمي..<<لف ودخل المجلس جمد في مكانه اول ماشافها..
دانا تناظر جرايد مرميه على الكنب:هاذي وش جابها هنا..<<رفعتها ولفت وشهقت..
رياض بأرتباك:آآ..آسف..
دانا بلعت غصاتها قلبها يدق بســــرعه فضيعه لو جا ابوها وشافها واقفه معاه وش بيقول قالت بصوت مخنوق:لو سمحت بعد شوي..
رياض عقد حواجبه:ايـش..
دانا راح صوتها:احم..احم..بعد شوي..
رياض انتبه انه واقف عند الباب بعد بسرعه:تفضلي..
دانا ماصدقت طلعت تركض وهي ماسكه الجرايد دخلت الصاله وسكرت الباب وتسندت عليه وانفاسها سريعـــــه..
ابودانا نزل من الدرج:دانا وش تسوين هنا..
دانا بأرتباك:رحت اجيب الجرايد من الملحق..
ابودانا:طيب لاتطلعين للحديقه فيه رجال برا..<<وطلع..
دانا رمت الجرايد على الكنب وطلعت فوق..
:الله لايعيده من يوم..<<دخلت غرفتها وجلست على سريرها وهي حاطه يدها على قلبها..
انفتح البـــاب بقووه ودانا نطت من مكانها..
قالت بعصبيه:وجـــــع دقي الباب قبل ماتدخلين..
ريناد مروقه حطت الاكياس على الارض وفسخت عبايتها:وش فيك دنوو ريلاكس هدي اعصابك..
دانا:اففف حرااام عليك خرعتيني..
ريناد:سوووري (نطت) شفتي مين جانا..
دانا كشرت:ايه شفت..
ريناد:وش فيك كشرتي مو عاجبك..
دانا:وليه يعجبني (ناظرت في الاكياس) اوووه وش هذا..
ريناد:نسيتي ان زواج دلووول قرب..
دانا:يوه نسيت والله صايره انسى كثير هالايام..
ريناد"ياليــــــت بعد تقدرين تنسينه"..
دانا:الوو ريري وين رحتي..
ريناد:هلا وش قلتي..
دانا:اقول وريني وش جبتي..
ريناد وقفت بحماس وطلعت فستان نيلي يوصل لحد الركبه وسيور وتحت الصدر كريستال:وش رايك..
دانا:مرررره يجنن..
ريناد:طيب انتي متى بتروحين تشترين لك..
دانا:بتصل على خلود اليوم واشوف كانها فاظيه تروح معاي وإلا لا..
ريناد خذت الفستان:بروح اجربه..<<ودخلت الحمام ((الله يعزكم))..
دانا رفعت جوالها وناظرت في صورة بندر ولمستها بأصبعها المرتجف ونزلت دموعها غصب:احبــــك..
ريناد طلعت:حلووو..
دانا مسحت دموعها بسرعه وابتسمت:يجـــــنن بتغطين على العروس..
ريناد وقفت قدام المرايه وتنهدت:لو يشوفني رياض كان خق علي..
دانا:هههههههههههههههههههههههههه..
××
بعدت خصلتها عن وجهها:لا ماتعورني..
خالد:متأكده..
هديل:ايه متأكده..
خالد حط يده على رجلها وضغطها:وكذا..
هديل عضت شفايفها من الالم:آآآآآآي..
خالد:كله بسببي انا..
هديل:لا انت وش دخلك انا اللي ماتمسكت زين..
خالد حط عينه في عينها خلت هديل تنحرج ويحمر وجهها نزلت راسها وقالت بصوت اقرب للهمس:ليـه تناظرني كذا..
خالد تنهد:انتظرك تقولين شي..
هديل:مثل ايش يعني..
خالد:اي شي..
:هديـــــــــــــــل..
هديل وقفت"جيتي في وقتك":عن اذنك دلال تناديني..
خالد:اذنك وخشمك معك..
هديل:ههههههههههههههههههههه..<<ولفت عنه واحت بتفكيرها لعالم ثــــاني عالم بس فيه هي وخالد اللي تملكها وخذ قلبها من مكانه..
:هديــــــــــــــــــــــل احاكيك..
هديل ارتاعت:وجع شوي شوي ابي اذني انا الله يعين منصور عليك..
دلال حمر وجهها:اقول بس بلا كثرة حكي وروحي تغدي..
هديل بنظرات خبث:منصـــــــور..
دلال اللي انقلب وجهها مية لون صرخت:هديــــــل..
هديل دخلت الفيلا وهي تضحك..
رهف:خير وش فيك تضحكين..
هديل تأشر بيدها والضحكه في صوتها:ولاشي ولاشي..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
جلست ترتب الاكل على الطاوله جا وراها ولف يده حول خصرها وهمس في اذنها:مساء الخير حياتي..
رزان حمر وجهها ونزلت راسها:مساء النور (بعدت عنه بسرعه) بروح اجيب باقي الاكل..
علي سحبها لحظنه:بس انا شبـــــــــعان..
زادت نبضات قلبها ومرت قشعريره على كل جسمها:بس انا جوعانه..
علي بعد عنها:اوكي بخليك تاكلين بس انا اللي اوكلك بيدي..
رزان بسرعه:لا خلاص مو جوعانه..
علي:هههههههههههههههههههههههههههه (مسك يدها وجلسها على الكرسي) حبيبتي غمضي عينك ولما اقولك فتحي افتحي..
رزان غمضت عيونها:يله..
علي آشر بأصابعه قدام عيونها:كم هاذي هههههههههههههههههههههه..
رزان:يله علي والله حمستني..
علي مد لها ظرف:يله فتحي..
رزان فتحت عيونها وشافت الظرف:ايش هذا..
علي:افتحيه وشوفي وش فيه..
رزان خذت الظرف وفتحته بعدها دمعت عيونها وابتسمت ووقفت وحظنته بأٌقوى ماعندها:تدري انت بنسبه لي ايش..
علي:ايش..
رزان:انت حبيبي و حيــــــاتي وقلبي وعمري ودنيتي كلها..
علي كشر:بس..
رزان ابتسمت:وش تبي اكثر من كذا..
علي:ابي عمرنا مانفترق..
رزان دمعت عيونها وبعدت عنه:لاتجيب طاري الفرقا ان شاء الله عمرنا ما نفترق..
علي:ان شاء الله المهم ياقلبـــي وش رايك في ايطاليا ترى لو ماعجبتك اغيرها..
رزان:مايهم عجبتني ماعجبتني المهم اني معاك..
علي حظنها:يابعد قلبي انتي..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
نزل وهو حاط الفوطه على كتفه وشعره مبلول وماسك كوب كابتشينو ..
شافته ماقدرت تمسك نفسها راحت عنده وشالت الفوطه ونشفت شعره:انت ماتحس بالبرد..
راكان ناظرها بطرف عينه ورفع كوبه يشرب:وانتي وش عليك فيني..
مشاعل رمت الفوطه على الارض:هذا جزاي بعد خايـفــــــه عليك..<<ومشت لكن سبقها ومسك يدها وضغط عليها..
مشاعل تألمت:آآآآآآي بعد..
راكان ناظرها بأحتقار ومن بين اسنانه:لاترفعين صوتك علي سمعتــي..
مشاعل بتحدي:لا ماسمعت..
راكان رفع حاجبه:والله..
يتبـــــــــع..<<
تعليق