ليلك نثر عطره على شاطىء النيل
وانا ضواني ليــــل نجـــــد وسريتـه
يامطـــوّل الغيبات يامااطـــــول الليـل
توّي دريـت انّـه ســــــــــواد وجفيتـه
أثر النجوم اكثر من الجـــدي وسهيل
نجــــمٍ كتـب همّي..ونجـــــمٍ محيتـه
ياصاحبي عطشان..عطشان لك حيل
مظـــمي وهمّـال الســــهـر ماقويتـه
رد الســـــلام لمترفــــــات المنـاديـل
كحـــل العيون ودمــعك اللـي نسـيتـه
الدرب ميــــت والخطـــــــاوي مقاتيـل
وان لاح طيــــفك مت فيــــــه وحييتـه
الله على الضحــــــكه نهار المواصيــل
هــــاك النهار اللــــــي بعمـري فديتـه
قبـــل اتقــــهوى مـن كسـالا مظاليـل
قبل الســـــلام وقبــــل جانـي وجيتـه
ضم الحشـــا واكســـر جمود التفاصيل
مـــاعندي اغـــــلى من خفـوقٍ كويتـه
لمصـــافحك كف وقصيــــد وهلاهيـل
امـا زبنــــك القلـــــب ولاّ خذيــــــتـه
لــويغـــــري القمـــرا ذبـول القناديـل
بعــــت النهــــار لجيتــــك واشتريتـه
يوم انتثر عطــرك على شاطي النيل
انا ضواني ليــــــل نجــــد وسريتـه!!
الشاعر / مساعد الرشيدي
تعليق