إعـــــــلان

تقليص
لا يوجد إعلان حتى الآن.

انعدام الخوف من الاهل

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • انعدام الخوف من الاهل

    انعدام الخوف من الاهل

    موضوع عجبني ونقلته لكم

    في السابق كان الخوف من الاهل بشكل مو طبيعي يعني
    المدرسه كنا نتمنى لو يوم نغيب ونسوي سالفه على الغياب اذا جينا نصحى الصباح نحط ستين الف عله
    بطني يعورني
    راسي يعورني
    مزكمه .........
    ومع هذا يالله نغيب
    .....................................
    كان خوفنا من اهلنا شئ كلمتهم الاولى ومافيه بعدها كلام
    كنا نقول بس امر وسم ولبيه وتحت امرك
    مانعصي لهم كلمه ومانرفع صوتنا عليهم
    الاب كانت له شخصيته
    والام كمان لها شخصيتها
    مانطلع لاي مكان من دون رضاهم
    ماناخذ اي شئ من دون موافقتهم
    كنا نحس بمعنا اب وام
    .......................
    اما الحين للاسف
    الابناء حولو هالخوف الى استهتار
    يرفع صوته على ابوهم وامه ولا يهمه
    ياخذ اي يبي من دون رضاهم
    يخليهم يبكون ندم وحسره واهوا ولا هامه الي يبيه يسويه كان ماعنده اب وام
    حتى بعض البنات ماتسمع لكلمت امها بالعكس صارت البنت تدبر امها
    يمه نبي نروح لهالمكان واهيا حاضر وعلى امرك
    يمه بروح لزواج صديقتي حاضر وعلى امرك
    يمه لاتروحين لبيت خالتي لان بنتها تتكلم فيني ورفعت صوتها علي والام حاضر وتحت امرك
    المشكله لما نسال الام تقول :
    البنات تغيرو
    ليه ؟؟
    تقول يواكبو العصر ويبون يطلعون
    الله شنو دخل مواكبت العصر في انو مااسمع كلمة امي
    او ارفع صوتي على امي
    او انو اتامر على امي
    وين مهابه الام ؟؟؟؟؟؟؟؟؟؟؟؟؟؟؟؟
    حتى الاب الولد صار مايهتم لابوه يقوله ياولدي لاتمشي مع هالاصدقاء لانهم مو كفو
    يقول اصدقائي ماراح اخليهم يعني انت اعرف بااصدقاءك اكثر من ابوك
    لاقد الله لو حصل لك شئ
    منو بيخاف عليك اصدقائك والا ابوك
    ؟؟؟؟؟؟؟؟؟؟؟؟
    صراحه في هالزمن اسم اب وام
    راحت هيبتهم والله انا يضيق خاطري اذا زعلت مني الوالده او الوالد ماانام اقول لو اصحى وما اشوفهم لاسمح الله
    ولو يصحون ومايشوفوني ؟؟
    قد فكرنا بهالكلام
    اكيد لا
    والي يقهر اكثر انو البعض من الامهات قبل لايكبرون عيالهم
    يقولون البنت ماتمسك جوال ولاتطلع على كيفها
    البنت ماتلبس هيك انا بناتي ياويلهم لو يسوون هالاشياء ماعندي لف ودوران
    بس لما يكبرو بناتهم تعال شوف التغيير البنات لف على الام وقلبوها لصالحهم وماعاد لها كلمه صارو اهما الي يقولون واهيا الي

    تنفذ ...

    اترك لكم المجال في المناقشه لانو لو اتكلم ماراح اخلص لانه جد شئ يقهر
    سؤالي :
    هل فعلا الخوف من الاهل انعدم ؟؟
    هل البنات و الشباب ماعاد صارو يسمعو لاهلهم ؟؟
يعمل...
X