حب الاطفال وحب الكبار ((من واقع الحياة ))

--------------------------------------------------------------------------------

اعزائي الكرام ....
مفاهيم تغيرت وقلوب تبدلت حتى صرنا نرى الابيض اسود والاسود ابيض .....
لانميز بين الصواب والخطأ ..... ولا الصالح من الطالح ..........
انا ابي اقولكم اليوم سالفه صجيه اتبين لنا ان القلوب فعلا تبدلت وان للاطفال عالمهم الذي يوازي عالمنا ولكن مايميزه انه عالم لايعرف الكذب او الخيانه او الخداع ....
عالم ابيض وبرئ وجميل لايمكن ان نقلده او نتصنعه لانه عالم مبني على الصدق ........
(( كان في ولد وبنت خالته الولد عمرهم يتراوح بين السادسه والخامسه فقط كانو يلعبون مع بعض كأي اطفال لدرجة انهم يفكرون ببعض ويتألمون من كل قلوبهم عندما تأتي المدرسه وينتظرون الاربعاء والخميس حتى يزورو الاهل بعضهم ويرو بعض .
الولد في بعض الاحيان كان يخانق البنت وايطقها ومع هذا بعد شوي يلعبون مع بعض وكأن شي ماصار وبعد شوي يتهاوشون ومره ثانيه يردون يلعبون مع بعض ..... كل يوم يتذكرون بعض ويصرون على اهلهم انهم ايزرون بعض عشان اهما يلعبون مع بعض كانو يحبون بعض حب جنوني وحب غير طبيعي وفي احد الايام كانت البنت تلعب مع الصبي وطقها الصبي على ويها والبنت بجت وراحت عند امها وقالتلها انه طقها ورلمن سمعت ام الصبي البنت تبجي واتقول ان ولدها طقها راحت اتخانق ولدها وبعد شوي ردت البنت وقالت طقني عشان امك طقاك بسبتي مع ان الولد غلطان عليها شوووفووو التضحيه وين وصلت بين الاطفال ..... ابو البنت لمن شاف بنته متعورد وبويها اثر الطقه من ولد خالتها قال ماكو روحه لمدة اربع شهور عشان اليهال ينسون بعض ومايتعلقون ابعض اكثر وفعلا مايخلي بنته اتروح وحرمهم من بعض .... والبنت المسكينه والولد المسكين يصرون على اهلهم ويبجون انهم لازم ايشوفون بعض بس ماكو فايده قرر الاب او قرر الكبار حرمان الصغار من بعض ليعتادو على الخيانه ولينسوهم اجمل شئ بالدنيا وهي برائتهم ))
اعزائي هل من الممكن ان نكون اطفال بقلوبنا ونحب مثل الاطفال ؟؟؟
هل نستطيع ان نتلاقى بكل مشاعرنا مثل هؤلاء الاطفال الذين معروف عنهم انهم مايفهمون ؟؟؟
هل نحن افهم من هذين الطفلين ؟؟
لماذا نحن الكبار نعيش الخيانه والظلم والنكران بينما الاطفال حبهم صافي ؟؟
بالاخير يارب اصير ياهل

على فكره قصه حقيقيه والبنت والولد ايصيرون حق ارفيجي ..
منقووووووله