على ذكرى الهوى والشوق ومعانا هوى العشـاق.......
.......هجوس الفكر تنحيبـي علـى مـا فـات جبريـه

على ذكرى الهنوف اللي لها القلب الرقيق اشتاق ........
.........يسليني نباهـا فـي الهجـوس ونارهـا حيـه

تغذينا علـى الذكـرى وعنينـا القـدم والسـاق........
.......... ونمينا وفاء حـب الهنـوف بصافـي النيـه

تعاتبنا الليال وتشكـى الايـام شيـن أفـراق ..........
........... وتجمعنا هجـوس ساريـه بأحـلام ورديـه

جرحنا ماضي الذكرى سناها للقلـوب احـراق..........
........... خذت من حب وافي في هوى شيمه رومنسيـه

أقول ان الحضيض اللي غرير وللهوى ما ذاق .........
........... يسلي هاجسه سمـع القصيـد بكـل رديـه

انا عايش على الذكرى ورجايه بالله الخـلاق............
........... يجمعنـا بعـد هجـر وفـراق بالسنافـيـه

ما دام انه سواتي يرتجـي ويراقـب البـراق ..........
......... يبا رش المزون الساريـه والسحـب صيفيـه

ولايطفي هوى الذكرى سوى ظمه من الاعماق..........
......... وهمساتـن بريـه مـا دخـل همساتنـا سيـه

خيال الذاكره باقـي وطيفـه بالفكـر منسـاق .........
......... ولا تمحى صور ذيك الهنـوف حبهـا ليـه