يقول بندرر بقصيده يصف فيهـآآ نفســه

يقول :


ماني وانا بندر براعٍ ولد راع**انا الحصان اللي طوالٍ حباله
إبن سلايل خير من شالت القاع**المصطفى الهادي وديع الرسالة


ماني وانا بندر ببيّاع دمه**يقطعك يا بياع دمه و مهفيه
اللي يبيّع لابسات الأزمه**ثورن يبي بيض العماهيج تغنيه


ماني وانا بندر بهيسن ولد هيس*هيسٍ يدنع عند حرمة قصيره
ليا بغيت اجلس ترى لي مجاليس**وليا بغيت انهج دروبي عسيرة


ماني وانا بندر بهيتٍ ولد هيت**هيت مقابل خمّةٍ يكرهونه
من كثر ما جرّبت وأقبلت و أقفيت**قولة هلا من لا يودّك مهونة


ماني وانا بندر على درب الأنجاس**اللي قريبٍ تفلها من لحاها
أنا بدرب الصيرمي عدم الأجناس**زيزوم روق ليا تنصّت عداها


ماني وانا بندر بنصّاي جابان**شوخ الجموس مناقرين الحليلة
ليا صار لي لازم نصيت ابو فيحان**شيخ الشيوخ مكمّلين الجميلة




ويقول :

صوتي وانا بندر طويل ليا بان ... إن ما خشيت الرب ويش اختشي له
ما ينرمي قولن على غير نيشان ... و من لا يثبّت حجته ويش هي له


ويقول لحـد دآئنيـه :

الدين واجد و الوظايف تعيسة ... و العسكرية خلت الراس شايب



ويقـول :

أنا الذي ما ابدي على الناس سرّي
من خوف سودان الوجيه تحكي به
أصبر على ظيم الدهر و التعري
من شان من يرضى عليّ الغليبة
و ابعد مجالي عن عيال التزري
من لا هوى قلبي دواه المغيبة
واخاف لي من مجلسٍ ما يذري
في جانبه بومٍ حساسه صليبه
و سوالفٍ مابين بحث و تحري
يجرح فؤادي عيّه و ابتلي به
يرضيني المقسوم خيري و شري
سبحان من لا تعلم الناس غيبه
أحدٍ على ربعه يحب التحري
للشر بلاس و خيره بجيبه
هذاك يالربع انا منه متبرّي
لو عضّني ناب الدهر ما انتخي به
من خوف يضحك لي و هو يستغرّي
يفتل حبال السّوْ ما يندري به
يفرح عليّ بكل شيٍّ يمرّي
و ان شاف يمّي خير عنّي نهيبه



ويقول :

الله من عينٍ ليا عسعس الليل عافت لذيذ النوم ما تهتني به
يا وين انا القى من يحب التعاليل يبدى بزين القول والا ابتدي به



الله من عينٍ تزايد صلفها بيّن كداها بالعروق الصخيفة
كم واحد له حاجة ما صرفها" يصد عن صرّافها لا يظيفه



الله من عينٍ طرقها صواديف عميت و يبسن العروق الصخافي
شفت الوزا بالعين من عرض ما شيف شفته و غيري ما فطن له و شافي


وهذى قصيده عجبتنـى وكل قصائـده جميلـه يقول :


يا مل قلبن كل ما مات همه دارت دواليب الدهر لين تحييه
فرّاق شمل الناس عيّا يلمه وقتن يشيب الراس من شاية فيه



يا مل قلبن تلّه الود تلّي تل الرشا من فوق ملحا جلاله
في غربها تسعين فري و مشلّي تجفل ليا سمعت ظريس المحالة
من واحدن طرق عليّه يهلّي لحق بواقِ القلب مع ما جرى له




ويقول فى آشهرر مقآطـع الحكـمـ،ــه :


أنا اللذي شفت الوزا ياسماعيل
طاوعت نفسي لين شفت الغليبة
النفس طير و الخطايا محابيل
والناس روّاي الحديث تحكي به


وانا الذي شفت الوزا يا سليمان
برد الشتا و القيظ اكلني لهيبه
مانيب اهين النفس لو كنت جيعان
ما يدنع الا الكلب عقب انزي به



ويقول فى سهيف الذرعـآن :

يا سهيف الذرعان زين الدلالي
قلبي تغير ما سمعتي صريره
صرير فرخٍ حده اقطم كحالي
طقه مقافي ريش و اخلف مطيره

يا سهيف الذرعان ويلك من العار
حتى أيش لو لعنت ماني بملعون
يستاهل اللعنات ثارٍ ولد ثار
اللي ليا جا باخر الوقت ممهون

يا سهيّف الذرعان مافي وسواس
لي حاجة بالعرش و أسعى وراها
اسجد لقادرها على غفلة الناس
أساله الجنة و نكمل عطاها


يا سهيّف الذرعان مانيب مرجوج
رجتني الايام غدرٍ و حيلة
يا بنت لولا الذي على تاسع الفوج
لاترك نجد و عزوة بالقبيلة

يا سهيّف الذرعان لو قلت لا باس
مانيب من يجري الخبيث بوريده
كم فرجةٍ من خوفها الراي ينحاس
على عيال البوم عسرٍ مديده




واذا محمد عبـده غنـى فىى بنت النـور فآآن بندرر غنـى بآآم بنت النور يقول :


يا بنت ياللي صوتوا لك بام النور
نادوك يا ام النور و اسمك منيرة
لولا الجديل اللي على المتن منثور
والا لريم الصيد صرتي خشيرة


ويقول :


يا بنت ياللي عينها عين شيهان حرّ قطامي فعوله iiعطيبه
والقرن ذيل اللي تشعشع للاكوان بنت الاصيل اللي طويلٍ iiسبيبه
و الردف يطوي الثوب و العود ريّان والخد بارق مزنةٍ iiمستجيبة
أسايلك بالله خلاق الانسان الله عليتس انتي من أيّا عتيبة ؟؟؟


ويقول فى السيارات :

من فوق فرت يوم يرخي المتوني جول القطا اللي واردن عقب iمرواس
من مارده يا عبيت شابت عيوني و من مصدره يا عبيد شاب أسود الراس




وسلامتكمم وآنشآء الله عجبتكمم قصائد الشاعر الكبير بندر بن سرور رحمـه الله


اخوكم : إبو جر1ح العضيله