[frame="2 80"][grade="FFA500 FF6347 008000 4B0082"]يعطيــــــــــك العافيه



الزعيم


عالموضوع الحلو والمتميز وتسلم يمنـــــــــــاك
وللأمـــــــــــــــام انشالله .



اول شي انا شايفه الزيارت للموضوع 5 وماكو اي رد يعني معقوله ماكو ولا ظاهره سيئه بالمجتمع
عالعموم انا بكتب ظاهر سيئه بالمجتمع وللأســـــــــــــف انها منتشره .............!!

ظاهرة الموضي والتقليد الأعمي :-

بصـراحه ومع احترامي للأشخاص إلي يمشون ورا الموضه ابي اعرف شنو المغزي لما تلبس لبس

واسمحولي على الكلمه مبهدل مثل البنطرون الوسيع والمشقق والسلاسل ابي اعرف شنو الشي

الحلو فيه شنو إلي شدك انك تشتريه وعجبك فيه ...؟؟ او البرموده شنو الحلو فيه وانته لابسه

وتتمشي فيه بالسوق او بالجمعيه او بأي مكان واسمحولي في شباب ريلهم تلوع الجبد وتشوف

لابس برمودا ومطلع ريله سوووووووووده انزين لابسه على شنو البياض ولا شنو ...؟

وكله كوم والتسريحات إلي هابين فيها الشباب مثل السبايكي شنو الحلو انك توقف شعر راسك

وتمشي كل هذا موضه او انك تحلق شعرك كله معاده فوق جنه قحفيه شنو الحلو بجذي ...؟؟

ولو تلاحظون اغلبية إلي يسون جذي اعمارهم صغيره او مراهقين وين الرجوله بالقصه العاديه

وين اللبس التقليدي الدشداشه او البنطرون الطويل والبلوزه السنعه وين كل هذا ..؟

وطبعا هالشي مو بس الشباب هم البنات بخصوص الحجاب واللبس الفظيع إلي انتشر هالأيام

الضيج والبدي والكات وغيرها من لبس بصراحه ماعرف اسميها حتا الحجاب صار فيه موضه

اسمها متحجبه واهيا مطلعه القذله وميشتها ومطلعه الرقبه والصدر .......؟؟ شسالفه هذا الحجاب

هذا الحجاب إلي يرضي عنه الله ورسوله شسالفه وين وصلنا .......؟؟؟ بدال مانتقدم نتأخر

وين الحشمه والستر وين العبايه ......؟؟ حتا العبايه ما سلمت من الموضه تقول انها لابسه عبايه

واهيا مخصره جسمها وكل شي يبين من كل ما اهيا ضيجه واكثر شي ملاحظته بالمنقبات طبعا مو

الكل انا اتكلم عن فئه معينه تشوفها منقبه والعبايه اللهم يكافي تستغرب اشلون لبستها من كثر

ما اهيا ضيجه انزين الحين انتي اسمج ساتره عمرج ومتنقبه ولبسه الحجاب عدل تقومين تلبسين

جذي عبايه او متنقبه والعبايه ضيجه والحجاب مطلع قذله او في بنات وانا اشوفهم دايما بالمعهد

جنها ماتدري تطيح الشيله عن راسها ولا ترفعها إلا لما احد يقولها فلانه تره شيلتج طايحه

ترد وي امبيه مادري ماحسيت وهالشي طبعا مايصير غير جدام الأساتذه ...!!


عالعموم الله يستر عليهم واسمحولي عالتطويل بالكلام ولحد يزعل مني هذا رايي .



ويسلموووووووووووووووووووووووووووووو[/grade][/frame]

[frame="6 80"]يعطيك العافيـــــه أخوي


*،*الزعيم 7*،*

على مجهوداتك الواضحه..في اختيار ك مواضيع غايه في الاهميه..

وفقت اخوي في طرحك موضوع..بل موسوعة راح تجمع ظواهر سيئه اكتسحت

مجتمعاتنا ونتمنى إزالتها ..بالوعي والتثقيف والتذكير الدائم عن الاضرار والاخطار الناتجة من ورائها..
طبعا موضوع يستحق المشاركه فيه واتمنى التفاعل من جميع الاعضاء لتعم الفائده على الجميع ..

انا اخترت موضوع اتمنى ينول على استحسان الجميع ..واقدم ولو شي بسيط الى موسوعه سوف تحتوي على ابداعات وردود قيمه ..

السرعة القاتلة في السياقه..

لما نتكلم عن حوادث المرور ومشكلات الطريق ..ما ننسى المشاكل والاسباب الرئيسيه في الحوادث

في اسباب عديده تؤدي الى الحوادث منها..
الانحراف عن الطريق بشكل غير مقصود بسبب السرعه طبعا..!!
صوت المسجل العالي..
اعتراض الطريق على الغير بشكل او بآخر (التضييق ..التنافس..السب والشتم ..)
وهذه ظاهرة وارده وتحصل في اغلب الاوقات في واقع حياتنا اليوميه..

ومع تفاهة هذه الاسباب الا انها تأدي الى نتائج خطيرة مثل..

الحوادث والخسائر الماديه..دخول السجن..الاعتداء على الاخرين..الإصابه الجسديه اللي تكون بسيطه واما ان تكون خطيرة ..وما ننسى اهم عامل المـــــــوووت..


اما اسباب السرعه:
الاندفاع والعجله من المدمنين على المخدرات والمسكرات..وهم طبعا يعانون من ضغوط نفسيه واجهاد وعدم الوعي يمنعهم عن التركيز ..

الطرق المزدحمه المليئه بالمفاجآت ..ويكثر فيها التنافس بين السائقين..

حتى حالة الطقص الحر الشديد مثلا يساعد على عصبية السائق ويخليه يسرع ..

وما ننسى بعد الا دخلهم يعتمد على السياقه مثل سائق التاكسي..يكون اغلب الاوقات عرضه للسرعه..تحت ظروف سيئه منها الارهاق ..والتذمر من قبل الزبون

المستعجل اللي يبي يوصل بسرعه ..ومايحاسب لضيق الوقت وان على السائق مشاوير عديده عليه يقضيها في وقت قصير.؟..

مايدرون ان بالسرعه ممكن طفل بريئ يفقد حياته..!!
او عائله كامله اتضيع في غمضة عين وبلمح البصر ..!!
او طفل ينحرم يعيش بين ام او ابو ..

شذنبي وانا طفله انحرم من ابوي واعيش واكبر بدونه.. كل هذا بسبب انانية وفضول

انسان عديم للمسؤليه او الاحساس بالاخرين..وغيري الكثير من اللي عاشو حرمان بسبب طيش الشباب وسرعتهم القاتله..

من جم يوم وانا بالسيارة شدني برنامج يتكلم عن السرعة ..والمذيع كان يقول ان

سوو احصائيه اتضح منها ان البنات اكثر سرعه من الشباب..واللي استغربته ان البنات كانو يتصلون في البرنامج وكأن السرعة بمثابة فخر عندهم يتكلمون بدون مبالاه..
بس هذا مايمنع ان في شباب وايد مسرعين وهذي الاحصائيه في البحرين ماخص اي دول ثانيه..

بقولكم عن حادث بنت خالتي بنفسها شافته وشهدت عواقبه..!
شاب مايتعدى عمره 21 سنه بعمر الزهور يتسابق مع ربعه وسوى حادث دعم نخله وهذي النخله طاحت على سيارته وطلعوه من السيارة بصعوبه ..والنتيجه كانت موته..

شنو استفاد من هالشي؟
ضيع نفسه وحزن اهله ومات موته بشعة والله العالم الله شلون بيحاسبه..


انا اخترت هالظاهرة لان بالفعل اتمنى انها اتزول من مجتمعاتنا وابي من الشباب وحتى البنات يتوعون الى هالمسألة الا ياما ضيعت ناس وضيعت عوائل مالها اي ذنب



في انتظار ابداعات الجميع ومشاركتهم في موسوعه ان شاءالله تتقدم بالفائده والوعي لكل من يطلع عليها..


أختكم

*،*بنت فضل*،*[/frame]

أختي حوراء ترا الموضه مو عيب وبالعكس البرموده حلوة وليش ما تبين الناس تلبسها ثانيا البرموده من زمان موجوده بس توه هبو فيها الشباب وما فيها شي اذا غيرو من استايلهم ولبسو لبس غير ....:)
قولي الي يصبغون شعرهم مو شي بس الي يسوون سبايكي عادي ...

والصراحه انا عندي ظاهره سلبيه منتشره واايد بالخليج خصوصا ...انه البنات يغاازلون الشباب او الشباب يغازلون البنات ..انا بعرف شنو فايدتها والمشكله انه الشباب من زمان يغازلون بس الحين في تطورات البنات اهما الي قامو يغازلون انا بعرف يعني ليش ولا طار الحيا منهم ؟وبعرف شلون الأم تسمح حق بنتها انه تطلع او تروح مجمع بروحها مع انه أعمارهم صغيره ..ولا تدري بنتها شنو قاعده تسوي بره ..؟طبعا هذا الشي له تأثير على البنت انه يكون عندها بوي وفريند وصديقاتها رايحين فيها وانها تكون بنيه صايعه والله ما اقول اله الله يعين الجيل الياي شنو راح نكون ..؟ والله يهدي الناس ويخليهم يهتمون بعيالهم ويربونهم تربيه سنعه

TanTosHa

أخوي الزعيم

ليش نبعد خلنا بدارنا المنتدى

التواقيع الغريبة تراها ظاهرة تعكس فلسفة الاشخاص الذين

اقتنعوا بهذه التواقيع على هذه الصورة ( لاأقول كلهم لكن

البعض هداهم الله تواقيعهم فيها نظر ) فليتقوا الله

بالتوفيق

حوراء نورتي موضوعي


مشكوورة ع الرد الحلو


بنت الفضل لو كان الكلام لي الزعيم

فتسلم ايدج

تنتوشه

عجب يعطيكم الف عافي

عجب والله انت ذكي مشكور على ملا حظاتك

الف شكر على طرحك للموضوع

وانا راي مع حوراء وبنت الفضل

ويسلمو مره ثانيه

يسلمكم كلكم

هـــ وغلأ ــلأ


بــأخوي


|؛¤ّ,¸¸,ّ¤؛|الزعيم |؛¤ّ,¸¸,ّ¤؛|



مشكور علــ_ــى هذا الموضوع الرائــع


والصراحة أنا ما ازيد ولا أقل راي عن خواتي


|؛¤ّ,¸¸,ّ¤؛|بنت فضل |؛¤ّ,¸¸,ّ¤؛|


|؛¤ّ,¸¸,ّ¤؛|حوراء_1980|؛¤ّ,¸¸,ّ¤؛|



ومشكور علــ_ـــى هذا الموضووع



أختك


§¤~¤§¤~¤§فراولــ_ــة §¤~¤§¤~¤§

يعطيج ألف عافية ع الرد

واسف ع التأخير



يالله أخلصوا مواضيعكم


وينكم


اخلصت المشاكل