1_ انا مستعد اضحي بالدنيا كلها عشانك
( لاتضحي بالدنيا كلها بس سو تضحيه صغيره ولاتطلبني فلوس)



2_والله انتي عجيبه احس مافي مثلك بالدنيا
( اي اعجبك انا بس انتا قص علي )



3_ انا ادرس قانون بس انا طموحاتي اكبر من كذا الله يهديه ابوي يعني لازم قانون
( عن التشلخ راس مالك محو اميه بس صراحه انت حافظ قانون الكوت بوسته عدل)


4_ ابوي قاطع عني المصروف يقولي اذا ماتاخذ بنت عمك مافي مصروف وانا ضحيت عشانك
( خلصني كم تبي ؟؟؟!!!)



5_ السنه الجايه الاهل يبوني اسافر معاهم سويسرا بس انا روما عاجبتني وبروحلها
( اي استانس ردت العلاقات مع العراق ادري انتا قصدك البصره سويسرا ام النخل )



6_ عاد تدرين انا من عرفتك احس روحي صرت شاعري ورومانسي والحين اكتب شعر
( العن يوم الكذبه كملها وقول صرت الحن واغني بعد ونزل شريط مره وحده )



7_ امس بالديوانيه قاعد انا والربع كان يجيبون رقم بنت يبون يفضحونها بس انا خذيت الرقم واتسترت عليها
( اهوا حل من اثنين ياانتا اللي فاضح رقم المسكينه والا صدق خذيت الرقم من ربعك عشان تسترها)



8_ انه الربع كله ايغيرون مني ويحاولون ايقلدوني
( افا كل ربعك مقزرينها طراره مثلك )



9_ امس بالمارينا وحده اتخزني بس انا ماعطيتها وجة
( يالغبي اتخزك لان شكلك غلط )



10_ عاد والله العظيم اللي كنت احبها قبلك عطيتها دم قلبي وماء عيوني بس طلعت مو كفو
( العن يومه قلبك مو قلب حشى فندق كل يوم ايحب وحده )



11_ حبيبتي هالاسبوع بروح للبحرين انا وربع
( وين رايح بوسويسرا وروما )



12_ حبيبتي انا مايهمني الشكل انا عندي اهم شي جمال الروح
( اكثر اللي ايقولون هالكلمه جياكر ويبون ايغطون عيوبهم عاد انا اهم شي عندي جمال الشكل )



13_ تدرين الدنيا ماتسوى شي بدونك الله يخليك لي ولايحرمني منك
( ادري مو انا اللي معيشتك يالحافي )



14_ والله انا ماحب اطلع الا الاربعاء والخميس ولايروح تفكيرك بعيد انا مو من الشباب اللي يغازلون
( ادري فيك مطبق هالمثل : فراره فراره وقز وطراره )




انشاء الله عجبكم ياشباب