حبيت اطرح اليوم قضيه اجتماعيه يعاني منها الكثير من الناس

وبصراحه يحز بخاطري هالموضوع واللي يتبعون هالعنوان

اقروا الخاطره اللي انكتبت وبعدين اتكلم انا

مهما طريق العمر تاه ،،(هذا ولد عمج!!!)
(هذا نبض دمج!!! )(هذا ف عثراتج من حقه يضمج!!!)
(ويكفيج من همّج!!!)
(هذا ولد عمج) أدري ولد عمي قريب!!
وادري هو اقرب لي!! )،،(ومن دوووون اي تفكير)
(وماهو لأجل تقصير!!)(لا لا حشى والله!!)
(وديني وربي) انه عزيز الشان
انه كفو عندي!!)
لكنها (لقلوب!!)
(ولأن ) ) ماله بي نصيب!!! )
ايامي ماكانت معاه !!
احلامي ما هي في رجاه!!
( وهذ الغريب !! )
( نعم ،، نعم هذا الغريب!!)
(اهو الذي مني قريب!!)
ويسري مع دم الوريد!!!
في خافقي عايش وحيد !!
وانه هو اقرب مالقريب!!
احسه هو مني قريب!!!
ولي مني وفيني

قريتوا الخاطره وفهمتوا اكيد اللي فيها

القضيه اهي رفض البنت ولد عمها لأجل الغريب

وترديدها للعباره هذه ( بنت العم لولد العم مع ان الغريب اقرب!!! )


ادري بتقولون لي هذه عادات وتقاليد قديمه واننا بعصر الحضاره والثقافه

قديمه مو يعني اننا نتخلى عنها وعصر الحضاره مو معناه اننا ننسى عاداتنا

وتقاليدنا اللي تربينا وتربوا اجدادنا عليهم والحضاره بالفكر والثقافه

واللي يقول حضاره وبتابع آخر صرخات الموضه

وكل ما قصر وضاف الفستان زاد مفهوم الحضاره عندها

لا يا اخواني الحضاره هو انك تتقدم وتتطور فكريا وعلميا في حياتك

مو معناه انك تتخلى عن قيمك وتقاليدك اللي هم اساسك واساس كل شخص اصيل


فيه بنات يقولون ما نتزوج ولد عمنا لان الاقارب عقارب ؟؟

ليش يما الاقارب عقارب ولد عمك اقرب لك وأولى وعلى قولتهم ( دهنا في مكبتنا )

إذا ولد عمك على اخلاق وحسن السيره والسلوك ليش ترفضين ؟؟ ليش ماتبينه ؟؟؟

ولد عمك اذا كان على حلق بيكون اعطف وارق الناس عليك اكثر من غيره مهما كان يكون

و هذا الشي في الاغلبيه لا اعمم انا ولا اقصد الاجبار لكن قبل ترفضين شوفي ولد عمك

تأمليه هو يصلح لك ما يصلح ...


وفيه بنات وشباب يقولون هذا تخلف ان بنت العم لولد العم ؟؟

لا مو تخلف هذه عادات وتقاليد مو انتي ولا اهو يحكم بعاداتنا وتقاليدنا بــ هالحكم

والبنت في بعض الاحيان بيدها الاختيار تقدر ترفض براحتها حسب تفهم الوالد معاها

وساعات البنت لها الحق في الرفض إذا تنافى فيما قلته في انه حسن الاخلاق


وفيه بعض البنات يقولون الغريب اولى واقرب واحنا نحبه ؟؟


شدراج انه اقرب واولى انه قال لج كم حجوه حلوه خلاص صار فارس الاحلام وحبيب الروح

والفؤاد و اهو اغلى الناس واهو الاول والاخير وتسوين فيها وفيه ورومانسيه ماابي غير خلاص

انتحر اذا مااخذت هذا....

قولي لي جم وحده و وحده طاحت وراحت عفتها والسبب هالكلام ؟؟

الشباب هالايام صاروا مثل الذئاب يجذبك بالكلام العسل ويدخلك دنيا ثانيه دنيا ولا احلى

انتي نفسك تقولين العيشه بدون هالولد ما تسوى خلاص ما في حيره هذا هو اللي ابيه


وجذي يتسهل عليه الطريق لأخذ اعز ما تملكين


وهالكلام مو ينطبق على الكل بس في هالايام نادر جدا تلقين اللي يصونك ويقدرك وصريح معاك


ويقولون مافي اثنين مجتمعين الا وثالثهم الشيطان هالايام بدون الشيطان كل شي ماشي عدل


واعرفوا يابنات الحلال انكم لما تتلكمون مع الغريب بخلوه

هذا معناه انك خنتي اهلك ونزلتي من هيبتهم وقدرهم

وتخلين هالشخص يلف ويدور ويتلاعب بك على كيفه


ليش تخلينه يسوي جذي وانتي لو تمشين على الصلاة المستقيم

بتلقين الف شخص وشخص يتمناك ويبيك بالحلال واولهم ولد عمك

فأتقي الله في نفسك وفي اهلك

اتقي الله في نفسك وفي اهلك

وقبل تقررين وتسوين اي شي فكري لا ترمين نفسك في دوامة الضياع

فكري كيف بتكون صورتك جدام الناس وجدام اهلك لو مشيتي في هالدرب


فيه بنات ينجبرون على ولد عمهم غصب عليهم لإرضاء الوالد والعم ؟؟

يااختي انتي انجبرتي في هالحاله وسواء رفضتي ولا شنو ما سويتي

راح تنجبرين على ولد عمك غصب وانتي منا تبينه

اوكي لا تطيحين كلمة ابوك وخليك بنت اصل

واقبلي بالامر الواقع

وحاولي قدر ما تقدرين انك تتقبلينه في حياتك

والله يوفقك ان شاءالله

ويوفق كل بنت اصيله ويستر عليها

واسمحولي اخواني على الإطاله

انتظر ردودكم