ما اعتقد في أحد ما يبي الراحة والسعادة ؟؟!
ولا اعتقد إنه في أحد يبي يكون عالة عالمجتمع صح وإلا أنا غلطانة؟؟
وهم ما أعتقد إنه ما في أحد يحلم أنه يكون غني وعنده قصور وفلووس؟؟
ولا اعتقد إنه مافي أحد يحلم إنه يكون حكيم ؟؟
مادري مليتوا من تساؤلات أو لأ؟
بس عندي آخر تساؤل أهو ...؟
في أحد بحياته ما حلم إنه يشوف الجنة؟
أنا بقولكم طريقة تعلمتها من ديننا علشان بس تشوفون اشلووون ســـــــــــــــــــــــــهـــــــــــــــــل ومافيه كلافة .. ديننا
هالتساؤلات كلها بتكون صجية بإذن العزيز يارب إذا اتبعتوا هالطريقة ..
ها تبوون تتعلمونها وإلا لأ ؟؟
لأ !!!!!!!!!!!!!!؟
كيفكم أنتوا الخسرانين
هاااا جني سمعت إيييييييييييييييييييييييي
يسسسسسسسسسسسسسسس بقولكم إياها يالله الحين
يقولكم يا طويلين العمر الآتي
...:
1- فليلزم الجنة فليلزم الصلاة
فيها صعوبة بعد 5 فروض صلهم بوقتهم وبخشووع وان شاءالله بتلاقي الوعد
2- ومن أراد الغنى فليزم الاستغفار
ها بعد هذي فيها صعوبة ؟؟ من قال صعبة ؟ بعد كلمتين "أستغفر الله" قولوها باليوم كثر ما تقدروون وان شاءالله بتلقون التيسيير و التسهيل والغنى غنى النفس والروح من الله سبحانه
3- ومن أراد المهابة فليزم قيام الليل
يمكن هذي فيها اشوية صعوبة لكن من يتعود عليها تصير عنده مثل الماي وهي على الأقل ركعتين قبل لا تنام ووراهم الشفع والوتر وكثّر الله خيرك وبتلاقي جزاك ان شاءالله
4- ومن أراد الحكمة فليلزم الصمت
هذي بعد يمكن فيها صعوبة اشوي حق الحجايين اللي ما يعرفوون يسكتون .. لكن أنا عندي طريقة تخلي الواحد يقلل من الكلام وأنا امجربتها واهي حق اللي يسوقون واللي ما يسوقون يعدلونها عشان تضبط معاهم والطريقة الله يسلمكم إهي طووول طريج روحتكم حق الشغل وإلا الكلية شغلوا قران أو محاضرة وخليكم مستمعين جيدين لها وطبعا كثر ما تسمعوون راح يقل كلامكم و ان شاءالله راح يقل الكلام الفاضي اللي ينقال مع الناس .. ان شاءالله تعجبكم الطريقة
5- آخر شي عندنا أهم شي وهو:
من أراد السعادة فليلزم قراءة القرآن
وهذا أسهل شي وطبعا يكون بتمعن و خشووع و اندماااج
وان شاءالله الله بيشرح صدرووكم ويخلي حياتكم مليانة بالافراح
وآسفة إذا طولت عليكم .. ؟
وان شاءالله ياربي حياتكم كلها تكوون وناسة وفرفشة لكن برضا الله
وبالتوفيق ياربي
..
أختكم في الله
تعليق