إعـــــــلان

تقليص
لا يوجد إعلان حتى الآن.

محاورتي مع اخي الغالي سحمي الهاجري ..... يعلهــــاااا خيــــره ......

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • محاورتي مع اخي الغالي سحمي الهاجري ..... يعلهــــاااا خيــــره ......

    السلام عليكم ورحمة الله وبركاته



    اتمنا من الله ان تقبلوني كصديق لكم



    واول مشاركه لي معكم بنقلي لمحاوره جرت بيني وبين سحمي الهاجري



    وكان البادي بها سحمي الهاجري



    ادعكم معها




    ((((( سحمي الهاجري ))))




    ألآ يامعجب أرحب وأقرب وياعلها خيره...بغيت آخذ معك طاروق يامعجب على الماشي

    ترى الغالي ليا منه تغلى قل تقديره...ولاكن ياعسى الله يلعن المرشي مع الراشي






    ((((( يعلهــا خيــره ))))





    يدوم اًلك البقا يالهاجري ياطيب السيره...وانا لامن زهمني رجل جيته واخزي اللاشي

    يابو ماجد تراه ياعميلي بس تأشيره...وسفرهم من الديره وواشي يتبع الواشي






    ((((( سحمي الهاجري ))))





    نبآ ناخذ معك مشوار لالفه وتدويره...على الله تعطف الناقه على الله يرضع الحاشي

    ليا منها جفتك الدار ديره من بدل ديره ...ترى الأقصاد بالتقصيد وخذ العلم بالكاشي






    ((((( يعلهــا خيــره ))))





    ليا منا سرينا كل رجالن وتدبيره...وخل أم الحوير عنك واحذر طلقت اكلاشي

    ماقول اقصور باهل الدار به جلسه وتعميره...وانا اقول ونعم للقرم والا الدون ماعاشي






    ((((( سحمي الهاجري ))))




    ألآ ياجار ياجار السعد ياطيب الجيره...أنا وياك نبغا نتفق وندهور الغاشي

    يامعجب من يقصر لازم يحاسب بتقصيره...ولآ يلقى السعد ياكود قلباً كنه الشاشي






    ((((( يعلهــا خيــره ))))





    ترا عرف النشاما ربح مانحسب مخاسيره...وكان انك تبا تغزي غبشنا الصبح مغباشي

    انا قاضي لزومي واحمد الله ماحمد غيره...ومن فضل الله الخلاق بافضل خير معتاشي




    ((((( سحمي الهاجري ))))





    توكلنا على الله والعضم يبشر بتجبيره...غبشنا ياعميل الخير مغباشاً بمطراشي

    بنغزي صوب داراً يبشر أبذله وتدميره...مادام أنك لزومك قاضياً في غرفت أنعاشي




    ((((( يعلهــا خيــره ))))




    انا بقضي على اللي من طرفهم شاعب ابعيره...وباشوفك وش اللي تفعله حذراك تنحاشي

    على اُكالت الخنزير على شرابت البيره...وخل اللي رميته في عشر طلقات رشاشي






    ((((( سحمي الهاجري ))))





    وأنا بقضي على اللي عاكساً للسير في سيره...وأسوقه سوقت المسيوق لين يدش حواشي

    عسى من ياكل الخنزير يشبع من خنازيره...ولايرجع مدير المدرسه بالوقت فراشي






    ((((( يعلهــا خيــره ))))




    انا من فوق قبن بالوغا كرت مناخيره...ولاشفتك تسوق الا غنايم عم عماشي

    ترا ذولا بشر ياصاحبي مابقلبهم غيره...وانا مالي بهم كله عسا ماينوشك الناشي





    ((((( سحمي الهاجري ))))





    يامعجب لاتفكر صوبكم هجمه وتمريره...طلبتك فزعتاًلك ماطلبتك بطش بطاشي

    ودار العز يبشر بعد تدميره بتحريره...ولاتحتار يابيطار من بيطار غشاشي






    ((((( يعلهــا خيــره ))))





    ترا الرجال لا كثرت همومه زاد تفكيره...وانا سيفي ترا من دون تلع ارقاب الادباشي

    ترا راحت ودار ابها الزمن ويا مقاديره...لها من فوق نص قرنن وكلن صابه اخراشي








    وسلامتكم



    لكم كل الود والاحترام والتقدير






  • #2
    ..

    يعلها خيره


    محاورة طيبه اخوي
    امتعتنا فيها

    كل الشكر لك
    وحياك الله عضو عزيز بينا

    ..
    ..


    ولا تمش فوق الارض إلا ( تواضعـــًـا )
    فكم من تحتها ( قوم ) هم منك أرفع

    فإن كنت في عــز و حرز و متعة
    فكـم مات من ( قوم ) هم منك أمتع

    ..

    تعليق


    • #3
      ][®][^][®][.. يعلها خيره ..][®][^][®][


      ربي يعطيك العافيه على المجهود الرائع

      وعلى المقابله الروعه

      لاخلا ولاعدم يارب

      اختكـ ...((.. دلوعة ماما ..))

      تعليق


      • #4
        السلام عليكم


        أخوي الغالي يعلها خيره


        لاهنت ووجهك أبيض طال عمرك


        أخوك

        تعليق

        يعمل...
        X