بسم الله الرحمن الرحيم
عزيزي العضـو عزيزتي العضوه اللي يبى يرفــع ضغــط المشرفيــن...
يتبـع التعليمــات التاليــه وسيجـد نفســه مطــرود مع التحيه::::
............................
(1)أدخــل اي منتدى واكتب أي موضــوع ماله شغل في هذا المنتدى >> الموضوع في
وادي والمنتدى في وادي,,
مثال >> اكتب موضوع رياضي في المنتدى الإســلامي,,
ويفضــل لو تكتـب عليه (( ارجــوا التثبيـت )) يكون لها طعم احسن ,,
(2) خـذ لك موضـوع توه جـديد من أي قسم >>> انسخـه واكتبـه بإسمك مره ثانيه في
نفس المنتدى ,,
ويفضــل تكتب عليـه ((( فكــره جديــده )))
<< اهنى المشرف راح يدوخ .... مايعرف وين المكـرر عشــان يحــذفه >>
(3) لا تشارك في أي منتدى ولا ترد على أحد .. وبعدين أطلب من الإدارة تحطك عضو
مميز وكل يوم أرسل (ليش الظلم والسيفون) إذا ماعطوك ويه ؟؟ :
<< صدقني اذا ماقالوا لك اقلب ويهك ... اضمن لك راح يرقوونك إلى (عضـو غثــه) >>
(4)اكتب موضوع في منتدى الشكـاوي والإقتراحــات (( الفزعــه ياشباب )) >> طبعـا
بيجيك المشرف طاير
واكتب في الموضوع (( واحــد صفــر )) ويمها صـوره واحــد يضحــك ,,
<<وفي هذه اضمن لكم الطرد السريع>>
(5)شوف لك مشرف أو مشرفه وتلزق فيه.........كل يوم إرسله رسائل خاصه تقـول له
شرايك في هذا الموضــوع... احـس انه باااايخ احذفه تكفى ,, ولا هذا الموضـوع
رهيـب ثبته تكفى ,,
<< هني المشـرف راح يكره اليوم اللي خلـوه فيه مشــرف >>
(6)دقق في إملاءات المشرفين... ورد عليهم فقط لتصحيح الإملاء ولا تجيب على كاتب
الموضوع,,,
وأأخيييراً
(7)عند تعيين أي مشرف جـديد ... أبدا بالتكلم عن الواسطة وأنه ما يستاهل ولمح أن
الإدارة ما عندها فكره وهذا ظلم ,,
>> هــذه تغنيــك عن كل الوســائل اللي راحــت
والله يموووتوووووووون قهر :P
((لا تزعلون يا احلى مشرفين وترىى الموضووع مجــرررد غشمرة))
ملاحظة: الحمدلله اني مو مشرفة جان انطررردت على طوول بسبة هالموضووع لووول
ملاحظة ثانية: اللي يجررب هالطررق يتحمل النتااايج انا مالي شغل لووول :)
تعليق