محمد ابن الذيب



سلام الله على الحضار ردة وزنها مضبوط

وابن ريفة تقـدره المطاليـق ويقدرهـا

لقيته بالحجاز يجر صوته ضايق ومبسوط

على الدرب الطويل يقدم الخطوة ويأخرها




فلاح القرقاح



ألا يا مرحبا ترحيبة التقدير والمسفـوط

عدد ما تنقلب روس النواخذ في بواخرها

أنا لا رحت وإلا جيت ما يملا علي شروط

معزز في بـلادٍ طاهـرة والله يطهرهـا




محمد ابن الذيب



ما دام أنك تعرف البحر وش تبغي بالأخطبوط

جماهيرك من أهل البحر لا تجرح مشاعرها

بعد زال القحط والشيل ندّى قاعك المقحـوط

لا ترفع منخرك والناس ترفع لك مناخرهـا




فلاح القرقاح



تحب البيع في سوق القرع ولا سوق القوط

أدور لأولـه والثانيـة لـلـي يـدورهـا

نمد لك العسل صافي وتعطينا العسل مخلوط

طبيعة والطبيعة ما ماحـدٍ يقـدر يغيرهـا




محمد ابن الذيب



وأنا مخيرك في ثنتين أما السيف ولا السـوط

جدا الثنتين واللـي مـا تناسـب لا تخيرهـا

يا شاعرنا الكبير اللي وصلنا صوتك المشحوط

تراك اللي قدح خشـم القتيلـة ليـن ثورهـا




فلاح القرقاح



إليا من شفت وجه الفهري اللي عارضه مشموط

تجـود فالعمـد واحـذر تواطـاك بحوافـرهـا

رفعت الصوت وأطيبكم غدا مثل أم خمس جنـوط

توجـه واتخـدم واجنوطهـا تاطـا توايـرهـا





محمد ابن الذيب



أنا أشوق اقحطان وخيلها تسبق من أول شوط

لكن لا ضاقت الدنيا علـي مانـي بذاخرهـا

يافرت البدو شدك منحني ولا عليـك خطـوط

موديلاتك قديمة والمعـارض مـا تسعرهـا




فلاح القرقاح



سبقتنا يا محمد والردى مثل الطلي مربوط

وكم من جولة قمنا بها ما انته بخابرهـا

لمسنا القنبلة والقنبلة عدادهـا مفـروط

ياليت القنبلة مثل الخفوت اللي نضيرهـا




محمد ابن الذيب



شهد لي جدى الله يرحمه في طرسه المخطوط

هو اللي يوم جيت ورأيته فالضلع نا شرهـا

أنا أوفك معك طاقة حرارية وتضرب شـوط

صح الله لسانك مـا يوفـي حقـك أكثرهـا




فلاح القرقاح



ما والله تسيبطون الا الى قلنا لكم سيبوط

لاهبهبت السبايا وأشهب البارود ذاعرها

أشوفه نابتٍ لك ريش وتزيد البنوط بنوط

لكن الفرصة اللي تعترض لك لا توفرها