الـــــــــســـــــــــلام عــــــــــــــلـــــــــــيــــــــــكــــــم
هذي محاورة الشاعر صياف الحربي رحمت الله عليه حلال الالغاز الشعريه و صاحب القصايد الطويله
مع الشاعر القوي محمد المسعودي
صيـاف الحربي:
رحبـوا رحبـوا بضيوفكـم ياهذيـل
الـبـيـوت الـكــرام تـفــك بيـبـانـهـا
لا تقوم القيامه قبل وقت الرحيل
ليله نصـوم ونصلـي علـى شانهـا
محمد المسعودي:
نعرف اليـوم يـوم ونعـرف اليـل ليـل
مـاتــقــوم الـبــيــوت الا بـعـمـدانـهـا
والله انك عميلي ماش غيرك عميل
راح حصـنـيـهـا ويـجـيــك سـرحـانـهـا
صيـاف الحربـي :
بعد بكره تبا تشتال حملٍ ثقيـل
اسمـع السالفـه واجيـب برهانهـا
كيف اعاملك وانته ماترد الجميل
وان ذبحت الذبيحه تاكـل لسانهـا
محمـد المسعـودي :
الوكيـل الله المعبـود منـتـه وكـيـل
ألزمك بالطلـب واهـل الطلـب عانهـا
والفعل يذكرونه جيل من بعد جيل
والامـانـه سلـيـم الـعـقـل ماخـانـهـا
صيـاف الحربـي :
بايعين البضايع ماعليهـم كفيـل
ياخذون الثمن وهيـه فـي دكانهـا
وانت مريتنا طرقي وعابر سبيل
وان بدا راسها ماشفـت كرعانهـا
محمـد المسعـودي :
دلـة الهـيـل تسـبـق دلــة الزنجبـيـل
نــارهـــا والــعـــه مــاعـــج دخـانــهــا
وانت تدري وتعلم ماخلق المستحيل
نـتــرك هـزالـهــا ونــذكــي سـمـانـهـا
صياف الحربي :
جعل طيراً طلع راس الشفى مايميل
لـيـن كــل الطـيـور تـكـف جنـحـا نـهــا
وش بقى لك بعد ولعت راس الفتيل
مـابـقــى غــيــر حـبـتـهـا ونيـشـانـهـا
محمد المسعودي :
عزوتي يحتمون ويسلمون الدخيل
معـركـه حامـيـه وهـذيــل فرسـانـهـا
ودي ان الرعد والبرق يقفاه سيـل
تشرب الشجره اللي يبست اغصانها
صياف الحربي :
كان صادق على ماقلت هات الدليل
مــن يـخـاوي هـذيـل يغـنـي الحانـهـا
وانت مدري تبى شقران والا شعيل
كـلـهــا زمــــل تـوعـدنــي بنـيـبـانـهـا
محمد المسعـودي :
طول الله شليلك ياطويـل الشليـل
اخـوة المسلمـيـن تسـانـد اخوانـهـا
نجمك الجدي ولا سعد ولا سهيل
عيـش فـي كٍونهـا واخضـع لديوانهـا
تقبلوا تحياتي : كويتان
تعليق