قطع الأعناق


أجيهم اطلـب الـرحمـة وسهُـم الصـد تمنعنـــي

رموني لظلام وكيف طـفوا بعيشتـي المصباح

عجيبة يطردوني ليـه ومحداً راضي يسمعنــي

أمـانـه أرأفوا بحالـي بدنيـاي الكآبــة أوشــاح

هـدمتُ بيتـي وعيالـي وصراخ عيالي قطعنــي

أضـيق وأفــت الإحـزان صارت بالصدر أرماح

عسي ربى يسامح من بدون إحساس ضيعنــي

بعد ما طـحـت أناديكـم تعالـوا ورحموا من طاح

تفيـض أدمـوعـي بعيونـي كـأنهـا نـار تدفعنــي

عـشـان الحال وعيالـي شكيت الخلق ليت ارتاح

منين اصرف على أطفالي وأشوف الجوع يخدعني

تسكـر بـاب فـي وجهـي ودور للفــرج مـفـتــاح

قطـع أعنـاق ولا الأرزاق سيف الظلم يوجعنــي

أضحـي ومـا جنيـت ألا جحـود تزيدنـي أجراح

كسير ويـرتعـش جسمـي ودور منــه ينفعنــي

غديت التايه الضايع وقلبي من الجروح أصراح

فقيـر ويــا زمـن أسـأل ختمتـه ليـه جـوعنــي

كثيـر طعـون في صدري سببها الخنجر الذباح

شسوي دام أنـي بحيـرة وظل ألامـي تدفعنــي

دعـيـت الله يرحمنـي متـى ليـل الحـزن ينزاح

قيـاد الحـزن يقيدنـي وعرفـت أنى أنا المعنــي

يولي عيشتـي كشره وجنـود الخـوف تجتـاح

أمــوت ارحـم ولا شـوف الأهـانـه بكف تصفعنـي

عن الناس اخفي أجروحي وكشفني دمعي الفضاح

تـسـحـر راح عـن دربـي وطيـر الخيـر يودعنـي

يولي كسـروا أجناحـي احلـق كيف دون أجنــاح

طلقــات الشقـي بعمـري تصوبنـي وتطوعنــي

يدين الموت في شخـص كل شي بحياتــه راح

يبونـي يــا وطـن ارحــل وروحـي ما تطوعنـي

ظلام الكـون يكسرنـي وطفـئ نـور ألهنا وأفراح

غريبة بيعتـك هذي وبس لخاطـرك بـعـتـنــي !!