كم مره ماحالفك النجاح ورسبت في دراستك؟؟بصراحه ها؟؟؟

الحمدالله ولا مره

انت في اي مرحله الحين ؟وايش تخطيطك لبعدين؟

باقيلي سنه واخلص الثانويه


لو طلع لك مارد من المصباح ولك امنيتين؟شتختار؟

الأمنيه الأولى : رضي الله علي الأمنيه الثانيه : رضى الوالدين

لما تزهق شتسوي؟

اطلع افتر اي مكان

كم ساعه تقعد ع النت؟؟

بالسعات

و1ذا علق وانت منهمك حدك ايش ردة فعلك؟

اتنرفز

اذا اكتشفت انه صديقك مزيف؟شعورك بكل صراااحه؟

إلي اخلقه خلق غيره

مااصعب موقف مر عليك؟؟؟

كنت رايح البر والوقت متأخر وصادفني تفتيش وسحب سيارتي سبوع كامل

ايش افضل نك موجود في المنتدى؟وليه؟

وايد نكات حلوه فا ماقدر اجاوبك

ماهي امنيتك في الحياه؟ بس وحده >>جست ون<<<

اني انجح بدراستي وارتاح


من هو اهم شخص في حياتك؟؟؟

الوالد

متى يقتلك الفضووول؟؟؟

مرات

شنوع جوالك؟؟؟؟؟


N95 و SOny ericsson

اكتب احلى مسج عندك؟؟ ومن مين؟؟؟

أنا من دمعة اليائس تعلمت الحياة اصرار
أنا من ضحكة الحالم عرفت اش قد مأساتي
أنا أدري ما قدرت ألحق .. وصلت بآخر المشوار
ولكني قدرت أوقف بدرب الشوق خطواتي
وألاقي ضحكتي بعد الفراق وغربة الأسفار
والبس معصمك حزني وعنقك عقد آهاتي

من رفيجي

شرايك فيني؟؟؟؟؟؟؟؟؟؟؟

شي جميل

كم مره ماحالفك النجاح ورسبت في دراستك؟؟بصراحه ها؟؟؟

(الحمدلله ماعمري رسبت وكنت دائما من المتفوقات)
انت في اي مرحله الحين ؟وايش تخطيطك لبعدين؟



(أنا أنهيت دراستي وأعمل مدرسة تربية خاصة فأنا خريجة جامعة الخليج العربي تخصص *،*صعوبات تعلم*،*)

لو طلع لك مارد من المصباح ولك امنيتين؟شتختار؟

(رضا الله ورضا الوالدين)

لما تزهق شتسوي؟


(أقرأ قرأن )

كم ساعه تقعد ع النت؟؟


(ساعات من غير تحديد على حسب الظروف)
و1ذا علق وانت منهمك حدك ايش ردة فعلك؟


(أسوي رستارت وأحيانا اتنرفز وأقوم)
اذا اكتشفت انه صديقك مزيف؟شعورك بكل صراااحه؟


(عادي اللي خلقه خلق مليون غيره)مااصعب موقف مر عليك؟؟؟
(عندما فقدت جنيني الاول وهو في بطني )


ايش افضل نك موجود في المنتدى؟وليه؟


(واايد نك نيمات بس أنا اعتبر أم البيبيات من أفضل النك نيمات عندي)

ماهي امنيتك في الحياه؟ بس وحده >>جست ون<<<

(أنا أحقق غريزة الامومة)

من هو اهم شخص في حياتك؟؟؟

(الوالدة الله يطول بعمرها )
متى يقتلك الفضووول؟؟؟

(لايوجد عندي فضول)
شنوع جوالك؟؟؟؟؟

(أن نايتي فايف)

اكتب احلى مسج عندك؟؟ ومن مين؟؟؟

(أبرسل لك صدى صوتي ؛؛بعدما طول سكوتي ؛؛أبنثر لك كلام الحب وأشيل الورد بكفوفي ؛؛ياأول حب حبيته ؛؛ملك قلبي وضميته تراني لشوفتك ضامي ؛؛تعال وحقق أحلامي ؛؛أبيك تكون لي وافي تضمني لحضنك الدافئ ؛؛أقول ضمني أكثر أحس البرد باطرافي_من صديقتي ))اخر سؤال وعليه العلامه الكامله





شرايك فيني؟؟؟؟؟؟؟؟؟؟؟

مزيونه وماعليش قصور

أختك

*،*بنت فضل*،*

كم مره ماحالفك النجاح ورسبت في دراستك؟؟بصراحه ها؟؟؟



بالدراسه عمري ما رسبت كلش ولله الحمد بس بالمعهد مره امتحان بس مو اساسي وعدته وجبت درجه كامله



انت في اي مرحله الحين ؟وايش تخطيطك لبعدين؟




ما ادرس الحين خلاص
واخطط ما اخطط لشي

الا الصحه والعافيه بس




لو طلع لك مارد من المصباح ولك امنيتين؟شتختار؟



الاولي بطلب مليار بس اقزز فيه بالسوق لوووولي

الثاني اشوف انسان ان كان يصير






لما تزهق شتسوي؟



اشبك نت





كم ساعه تقعد ع النت؟؟



انا الحين حاليا الصبح ما افضي بعد الغدا اشبك شوي لين صلاه العصر وافصل
بعد عندي التزامات بعد العصر لين اخر الليل وهذي وقتي بس

من فتره كبيره




و1ذا علق وانت منهمك حدك ايش ردة فعلك؟



لا هني اعصب وكم مره صارت فيني
بذات ما اكون مبطله الفوتوشب
واتعب ساعات واخر شي يفصل وكل تعبي يروح هدر




اذا اكتشفت انه صديقك مزيف؟شعورك بكل صراااحه؟


بالعكس ما ازعل طاف

ويجي احسن منه



مااصعب موقف مر عليك؟؟؟



وفاه الوالد



ايش افضل نك موجود في المنتدى؟وليه؟


والله

نكات كثيره تعجبني واكثر نك عاجبني حاليا خجل الورد



ماهي امنيتك في الحياه؟ بس وحده >>جست ون<<<



ما اتمني شي من هالحياه كلها




من هو اهم شخص في حياتك؟؟؟


امي
الله يخليها لي يا رب ويطول لي بعمرها



متى يقتلك الفضووول؟؟؟


علي فكره انا فضوليه جدا جدا
بس بالفتره الاخيره ما ادري ليش صار عادي عندي ما اهتم حيل





شنوع جوالك؟؟؟؟؟


E56



اكتب احلى مسج عندك؟؟ ومن مين؟؟؟

صاحبك لو وصل حد الهيام
اجودي وان تمادي اجودي ..


وانت منهو يحبك ما يلام
قبلي الريح /.. والورد الندي




رفيجتي



اخر سؤال وعليه العلامه الكامله








شرايك فيني؟؟؟؟؟؟؟؟؟؟؟




خوش بنت فديتج

كم مره ماحالفك النجاح ورسبت في دراستك؟؟بصراحه ها؟؟؟

مرتين

انت في اي مرحله الحين ؟وايش تخطيطك لبعدين؟


انا عاشره اني اتخرج وادخل الجامعه



لو طلع لك مارد من المصباح ولك امنيتين؟شتختار؟

1 - ان اكون من اهل الجنه
2- اني اتفوق ابدراستي


لما تزهق شتسوي؟


ادرس


كم ساعه تقعد ع النت؟؟

اكثر من 4 ساعات


و1ذا علق وانت منهمك حدك ايش ردة فعلك؟

اطفي واروح ادرس

اذا اكتشفت انه صديقك مزيف؟شعورك بكل صراااحه؟

شعور سيء

مااصعب موقف مر عليك؟؟؟


رحت السوق وشريتلي جم شغله وشوي قعدتة عندالمطعم طلبته عصير واله انكب علي العصير


ايش افضل نك موجود في المنتدى؟وليه؟


افضل نك رومانسي

ماهي امنيتك في الحياه؟ بس وحده >>جست ون<<<

رضا الله ورضا الوالدين

من هو اهم شخص في حياتك؟؟؟

والدي

متى يقتلك الفضووول؟؟؟

اذا واحد مار جمبه وهو يتكلم علي خفيف :)

شنوع جوالك؟؟؟؟؟

6680


اكتب احلى مسج عندك؟؟ ومن مين؟؟؟

يا رسايل خبريه اني وايد افكر فيه
وان تكبر وشاف نفسه والله اني
بروحي مشتريه

من ولد خالتي






شرايك فيني؟؟؟؟؟؟؟؟؟؟؟


راي انج اتوهقين الواحد بالاسئله :)

وانتي خوش بنت

كايدهم ,,,عنوسه,,,بنت فضل...عاشق مهزوم.....بو قلبين

شرفني مروركم وماتحسون كذا بدينا نعرف بعض اكثر؟؟؟؟؟

محتاجك الليله ..

يعطيج العافيه على طرحج ..

...

كم مره ماحالفك النجاح ورسبت في دراستك؟؟بصراحه ها؟؟؟

رسبت في مقرر الأحياء33 ..وكنت أنا أبي أرسب لانه المقرر كان صعب وحاسبينه لي اختياري لاني غيرت تشعيبي ..

انت في اي مرحله الحين ؟وايش تخطيطك لبعدين؟

أول سنه بجامعه الخليج ..تخصصي تسويق ..

لو طلع لك مارد من المصباح ولك امنيتين؟شتختار؟

أتمنى السعاده ..والأمان للعالم كله ..

لما تزهق شتسوي؟

أشوف تي في ...اسمع اغاني ..اشبك ..اقرا كتب ومجلات ..اكتب ..

كم ساعه تقعد ع النت؟؟

أي وقت أكون فاضيه ,,اشبكــ ..

و1ذا علق وانت منهمك حدك ايش ردة فعلك؟

اسوي رستارت..وأكيد تنبط شبدي..

اذا اكتشفت انه صديقك مزيف؟شعورك بكل صراااحه؟

الألم والانكساار والضيقه,,

مااصعب موقف مر عليك؟؟؟

وفاة أخوي الله يرحمه ..

ايش افضل نك موجود في المنتدى؟وليه؟

ماكو نك عاجبني حيل ,,

ماهي امنيتك في الحياه؟ بس وحده >>جست ون<<<

اني اتخرج من الجامعه واخذ شهاده الدكتوراه والماجستير ..

من هو اهم شخص في حياتك؟؟؟

أمي ..

متى يقتلك الفضووول؟؟؟

لمن يكون الشي متعلق فيني ..

شنوع جوالك؟؟؟؟؟

ان80

اكتب احلى مسج عندك؟؟ ومن مين؟؟؟

فديت الي له بقلبي مكانه
غريب الوصف حتى في كلامه
كثير الزين يوم اقبل وسلم
فرض حبه وتقديرة واحترامه
يداعب دقه الخافق حديثه
ويلمس جرحي الخافي كلامه
جمال الكون في نظره عيونه
وفي رقه هاذيك الابتسامه

أختي ..

اخر سؤال وعليه العلامه الكامله


شرايك فيني؟؟؟؟؟؟؟؟؟؟؟

خوش بنت وعلى نياتج ..

ويعطيج العافيه ..

وماقصرتي

^_^

كم مره ماحالفك النجاح ورسبت في دراستك؟؟بصراحه ها؟؟؟

رسبت مره وحده في مقرر نحو1 لاني دخلت الفاينل مو دارس كلش :)

انت في اي مرحله الحين ؟وايش تخطيطك لبعدين؟

الحين ثالث سنه بالجامعه الكويت- كليه الشريعه-والله مادري ودي ادش الضباط الجيش او اصير محقق




لو طلع لك مارد من المصباح ولك امنيتين؟شتختار؟

اف والله بسوي بلاوي ( الاولى بفجر في بوش وبوتين والجلبه مادري شسمها هذي رايس وهم بفجر ايران اللي قاعده تهددنا)
اما الشغله الثانيه ((راح اطبق الشريعه حرفيا في الكويت مخصوص وفي الخليج بصفه عامه))


لما تزهق شتسوي؟

ادق سلف واروح افتر ولا ادش النت او اقعد اهيجن :p



كم ساعه تقعد ع النت؟؟


والله مرات اقل من ساعه ومرات تكمل 10 ساعات متواصله

و1ذا علق وانت منهمك حدك ايش ردة فعلك؟

اقعد تكفخه بالفاره وامشي واخليه اذا ماكو شغل اما اذا عندي شغل مهم لا والله اسويله رستارت وانطر وانا اتحلطم


اذا اكتشفت انه صديقك مزيف؟شعورك بكل صراااحه؟

ماني فاهم مزيف هذي يعني مزيف في اخلاقه بكل سهوله اقوله تدل طريق اللي جيت معه ارجع معه :)

مااصعب موقف مر عليك؟؟؟

يوم صار علي حادث واختي معي واخفيت على ابوي وعلى العالم كلها سبب الحادث الصحيح وتحملت انا المسؤوليه كلها


ايش افضل نك موجود في المنتدى؟وليه؟

صاحي لهم - عيميه بدويه - العميل السري07 << كيفي برز نفسي :p



ماهي امنيتك في الحياه؟ بس وحده >>جست ون<<<

اني اتزوج واصون نفسي من عفسه هدنيا وانحرافها الاخلاقي

من هو اهم شخص في حياتك؟؟؟

والديني طبعا


متى يقتلك الفضووول؟؟؟

عندما اكون انا ثالث ثلاثه ويتساسرون بينهم وانا موجود معاهم

شنوع جوالك؟؟؟؟؟


نوووووون 70

اكتب احلى مسج عندك؟؟ ومن مين؟؟؟

والله جهازي توني مسوي له فورمات وماكو مسجات وترا قليل ما اتعامل فيها
وماكو الا بلوتوث كلها :)

اخر سؤال وعليه العلامه الكامله





شرايك فيني؟؟؟؟؟؟؟؟؟؟؟
يجوز اقول بنت ولا اقول مره (حرمه) نسل اجواد ما شفنا منش الا كل خير

هلا وغلا تنتوشه مشكوره ع المرور



العميل السري يشرفني مرورك



تحياتي

اولا مشكوره ع الموضوع

يالله نبدا بالاجابات

كم مره ماحالفك النجاح ورسبت في دراستك؟؟بصراحه ها؟؟؟
الحمدلله مابعمري رسبت

انت في اي مرحله الحين ؟وايش تخطيطك لبعدين؟
انا متخرجه من الجامعه .. والله شغلات وايد
منها اتوظف واذا ماصار اكيد بطلع امريكا اخذ ماستر ابرك من الملل .

لو طلع لك مارد من المصباح ولك امنيتين؟شتختار؟
امممم افكر وقتها
بعدين شالسالفه المارد قال 3 وانتي بس 2 ليس مسوين تخفيضات
اتغشمر :)

لما تزهق شتسوي؟
بصراحه في طرق وايد تبعد الملل والزهق
1- اقرا اقران .
2- اروح اتمشى ع البحر .. يعني اغير جو .
3- ادش النت .
4- استعبط ع اهلي بالبيت ماكو شغل .
5- اكتب شيء بخاطري .

كم ساعه تقعد ع النت؟؟
والله وايد اقل شيء 5 ساعات باليوم .

واذا علق وانت منهمك حدك ايش ردة فعلك؟
الصج اتضايق بس عادي خط البيت مايقصر اذا الدي اس ال علق
يعني مايهمني :)

اذا اكتشفت انه صديقك مزيف؟شعورك بكل صراااحه؟
طااااف مايهمني احد واكيد اهم اللي خسروا
واللي يابهم ييب غيرهم ( مع ان بالوقت هذا نادرا تلقى صديق بمعنى الصديق وهذي تجربتي انا بالحياه اغلبهم لاجل مصلحه ) .

مااصعب موقف مر عليك؟؟؟
الصراحه وقت رفعت سماعة التلفون اخر الليل وكان المستشفى متصلين يسالوني عن ابوي لان اخوي مسوي حادث ... وقتها عرفت بانه توفى بدون مايقولون لي ... الله يرحمه .

ايش افضل نك موجود في المنتدى؟وليه؟
والله النكات وايد مااقدر احدد أي واحد فيهم .

ماهي امنيتك في الحياه؟ بس وحده >>جست ون<<<
اقول وبدون زعل بس وحده ليش شالسالفه ماخبري فيج بخيله
اكيد اتمنى رضا الله ورضا الوالدين .

من هو اهم شخص في حياتك؟؟؟
اكيد امي ابوي ربي يطول بعمرهم ويخليهم لي .

متى يقتلك الفضووول؟؟؟
الصج ناادرا بس اذا كنت قاعده بمكان وفيه انا واثنين واهم يتساسرون مو عن عدم ثقه بس لان هذا الشيء يضايقني فاحس بان في شيء غلط صاير وودي اعرفه .

شنوع جوالك؟؟؟؟؟
E60

اكتب احلى مسج عندك؟؟ ومن مين؟؟؟
اووف قمة الاحراج بس ماعليه بكتب واحد من احلى المسجات عندي :)
احبابي
هم الذين
ذكراهم
لايبارح
خيالي ...
إن صليت كانوا معي
في دعواتي ...
وإن تصدقت
اهديتهم حسناتي ...
وإن تلوت القران
رجوت
لهم
ختمات
الخوالي ...
لو تعلمون قدرهم


هم عيوني
على مد الزماني ...
من امي ربي يخليها لي .

تعبنا واحنا نجاوب زين وصلنا اخر شيء واللي عليه العلامة الكامله ..


شرايك فيني؟؟؟؟؟؟؟؟؟؟؟
صج اصعب سؤال
والله خوش بنت ماشفنا منج شيء .. :)

كم مره ماحالفك النجاح ورسبت في دراستك؟؟بصراحه ها؟؟؟

ولا مره رسبت الحمدالله .. بس أظطريت أني أعيد سنه لأني كنت مسافرا بره لظروف دراسة أبوي

انت في اي مرحله الحين ؟وايش تخطيطك لبعدين؟

ثآني ثنوي // أدبي .. باقي سنه وأتخرج
والله للحين مافكرت وشو أسوي أذا خلصت من الثانوي وأي جامعه أدخل
بس أتمنى أجيب نسبة عاليه هالسنه واللي وراها عشان تنفعني :)

لو طلع لك مارد من المصباح ولك امنيتين؟شتختار؟

أول أمنيه :- أني أتوفق بحياتي و دراستي و يكونون أهلي راضيين عني بشكل عآم
ثآني أمنيه :- أني أتخرج من الثانوي بنسبة حلوه .. هذا للي افكر فيه

لما تزهق شتسوي؟

أشبك على النت ،، أو أشوف تلفزيون


كم ساعه تقعد ع النت؟؟

مادري هالأيــآآم كم أقعد عليه


و1ذا علق وانت منهمك حدك ايش ردة فعلك؟

بعصب ،، بس عادي نادر يصير هالشي معي


اذا اكتشفت انه صديقك مزيف؟شعورك بكل صراااحه؟

أكيد بتأثر وباخذ منه موقف ,, بس من بعنا برخيص بعناه .. بحآول أنساه

مااصعب موقف مر عليك؟؟؟

مابي أفتح جروح على نفسي ألحين :)


ايش افضل نك موجود في المنتدى؟وليه؟

كثيــــر ،، مافي ببالي حد معين

ماهي امنيتك في الحياه؟ بس وحده >>جست ون<<<

غيرر الأمنيتين اللي قلتهم ،، مافي شي ببالي

من هو اهم شخص في حياتك؟؟؟

بعد أهلي وأقرباي وكل الغالين علي ،، شخص عزيز علي وبالنسبه لي مهم بحياتي حيل

متى يقتلك الفضووول؟؟؟

أذا شفت أحد متضايق أو زعلآن ،، لآزم أو يجيني فضول أني أعرف وشفيه بظبط ")

شنوع جوالك؟؟؟؟؟

ماعندي جوال لحد الحين ^_~


اكتب احلى مسج عندك؟؟ ومن مين؟؟؟

^_*

اخر سؤال وعليه العلامه الكامله

شرايك فيني؟؟؟؟؟؟؟؟؟؟؟

والله ماعرفك .. بس باين عليك خووش وحدة :)

كم مره ماحالفك النجاح ورسبت في دراستك؟؟بصراحه ها؟؟؟
الحمد لله ولا مرره طول عمري من الاوائل و ماباجي إلا سنه و اخلص دراستي والله يتممها على خير :)

انت في اي مرحله الحين ؟وايش تخطيطك لبعدين؟
أنا في الصف ثاني ثانوي
والاشياء اللي اطمح لها أنه اكمل دراستي و ادش التخصص اللي ابيه اللي أهوا التصميم

لو طلع لك مارد من المصباح ولك امنيتين؟شتختار؟
مافي في بالي شي محدد .... انا افكر لآخرتي و ماتهمني الامور الدنيويه واايد ....

لما تزهق شتسوي؟
أمممممم اكثر شي وبصراحه أغني بالبيت و ارقص لحد مايزهقون مني و يزفوني :)
وبعد اقعد على النت
و اقرأ كتب ومجلات و جرايد و كل مايقع تحت يدي :icon_wink:
و اطلع اروح السوق أو المطعم أو البحر اتمشى و اشياءجذي تروح عن النفس

كم ساعه تقعد ع النت؟؟
في ايام الاجازه ماكو وقت محدد يعني تقدرين تقولين نص اليووم أما ايام الدراسه ساعه ونص أوساعتين ....

و1ذا علق وانت منهمك حدك ايش ردة فعلك؟
ههههههه ماكو اشبك من خط البيت ..

اذا اكتشفت انه صديقك مزيف؟شعورك بكل صراااحه؟
مع الاسف اكتشفت هالشي و صار لي قبل مده أكيد بالاول حسيت أني متحطمه والدنيا مسوده بعيني بعدين أكتشفت انها ماتستاهل اللي اسويه عشانها ... و قطعت علاقتي فيها والحين حدنا بس السلام ....
وترى من تجربتي الدنيا بدون صداقه احلى خصوصا في هذا الزمن نادرا مايكون الصديق بمعنى الصديق ....

مااصعب موقف مر عليك؟؟؟
لمن عطوني خبر بان اخوي الوحيد توفي في حادث وما اتوقع انه فيه اصعب منه بيمر علي لاني وبكل صراحه بعدي مو مستوعبه الخبر مع انه السالفه صار لها تقريبا خمس سنوات

ايش افضل نك موجود في المنتدى؟وليه؟
اممممممم من البنات احب نك الدلع مبتليني ومن الشباب امممم
راح الامل و دستور الحزن

ماهي امنيتك في الحياه؟ بس وحده >>جست ون<<<اني مااظلم احد

من هو اهم شخص في حياتك؟؟؟
في كثير مامي وبابي و اختي الكبيره Demon of Dark
و خواتي الباجي بعدها و ولد خالتي الصغنون فديته ومااقدر استغني عنه

متى يقتلك الفضووول؟؟؟
ولا مررره لدرجه أن الناس مستغربه شنو اسم ولد اختي البيبي اليديد بالعايله أقوول لهم والله ماسالت ...
ماامزح ترى لهذي درجه احس ولا مرره ..

شنوع جوالك؟؟؟؟؟
N73

اكتب احلى مسج عندك؟؟ ومن مين؟؟؟
نحن لانرسل لمن نعيش معهم
بل نرسل لمن يصعب علينا العيش بدونهم
أنت من النخبه المضيئه في حنايا الفؤاد , والاجمل في فيض الذاكره
لا املك لنبلك إلا الدعاء ليحفظك المولى من كل أذى .
من بنت عمتي .. فديتها ..واهيا الحين تدرس بكندا و ربي يرجعها لنا بالسلامه ..

اخر سؤال وعليه العلامه الكامله
شرايك فيني؟؟؟؟؟؟؟؟؟؟؟
لووول علامه كامله عيل أقول لو يخلونج معلمه جان خوووش ...
مايبيلها أخت عزيزه وغاليه و أممم مع اني مااعرفج بس بنت بلادي و مبين عليج حبوبه وااايد

و يعطيج العافيه خيتووو ع الموضوع الحلوووو
ولمزيدج الرائع

دمت بود

مشكورين حبايبي على المرور واتمنى انه الموضوع عجبكم

تحياتي