إعـــــــلان

تقليص
لا يوجد إعلان حتى الآن.

الـقزز وانواع السياير عند الشباب & البنات

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الـقزز وانواع السياير عند الشباب & البنات

    السلام عليكم ورحمه الله وبركاته

    شلونكم

    :)

    وصل لي هذا الايميل وحبيت اني اراويكم ايه طبعن في بعض الاشياء فيها الواقع وانا متأكد انكم راح تنصدمون لنه مرت عليكم مثل هذي المواقف اخليكم مع الموضوع :)



    ظاهرة القز ظاهرة منتشره منذ مبطي في الكويت
    ومن خلال معاصرتي لـ هالظاهره ومواكبتي لها قدرت أطلع بـ عصارة ملخصه لـ الأوضاع الراهنه ,
    وهذي نظرة سريعة تلخص أنواع القــــــز بالديره
    القز = الفراره على البحر او الاماكن السياحيه


    إلي عنده Cayenne S
    Guys :-ما يعرف بيتهم , 24 ساعه يفتر بالشوارع وبيده الموبايل !
    تلقى يكلم وحده واهو لاحق وحده ونفس الوقت يمه وحده ! دونجوان زمانه ! ,
    وأخر شي يطر الفلوس طر حق البانزين ! :\
    Girls :-كما الريشه ! .. من تلحقها إسفطتلك .

    إلي عنده BMW 645
    Guys :-من الوهله الأولى تقول شهالزقرتي والثقيل ,
    بس خل تمر يمه بنت ! يسوي أفلام بالشارع بس عشان تلتفت عليه ! ..
    Girls :-
    العاده تكون متحجبه , أم عندها بنت توها يايبتها ! ..
    وإذا مو متحجبه تصير خبيثه ! توزع إبتسامات بدون ما تقصد ... يعني ويها بشوش !&n b sp; ,
    فـ تلقى ساتول وراها

    أما إلي عندهم Range Sport
    Guys :-عادي 4 رينجات لاحقين كامري فيها وحده جنها عبدالناصر الدرويش ..
    أغلبهم ريشه .. ونصهم من ربع Oxygen ! تلقى واهو يسوق شوي وينكسر السكان بإيده ...
    Oxygen = نادي صحي !
    Girls :-تلقى عنقوص وميك أب خفيف وشكلها ذربه .. شوي وتنكسر ,
    ومن تلحقها تشوفها ودها تضحك بس قامته الضحكه ! ...

    وإلي عنده Porsche BoxsterGuys :-ماخذها أقساط وقاط إلي وراه ودونه وراهن البيت وماخذ قرض ,
    بس عشان يقولوله بالدوانيه راعي البورش ..
    Girls :-تلقاها غشيمه .. قالت حق ابوها يباااااه ابي بورش !
    والوالد راح يابلها أرخص شي !

    أما قزيز الـ Corvette
    Guys :-
    وده يكشخ بس خاينه التعبير ! ..
    Girls :-مو كويتيه

    وإلي عنده Mercedes Cls
    Guys :-يا مغتر وداق الثقل ويكون عمره كبير ,
    يا لابس كاب ومتحطم وكاره حياته وعيشته ! تلقى ماله خلق يطل بويهك ! ;p ..
    Girls :-يا تكون متحجبه من البيت لي الشغل ومن الشغل لي البيت ,
    يا متبتبه متغلغصه بالسياره وتتب و سم !

    أما الـ Murano
    Guys :-يحاول يظبط فيه كثر ما يقدر عشان يحس إنه عنده كايين !
    Girls :-في الي تكون تكانه وما تعطي ويه خير شر , وفي إلي تسفطلك قبل لا إتركلها

    عاد ربع الـ Yukon سالفه !
    Guys :-
    الزقاره بالإيد وما بقى وحده ما تحرش فيها !
    وبالغالب يكون مغيم وحاط إيميله وره وشعار القروب وإسم عايلتهم وإسم خالته وفريجهم ووين ساكن ورقمه المدني ..
    وما بقى دوريه بالكويت ما سفطته وإسحبت الليسن منه !
    Girls :-
    كملت 18 وقالها ابوها اخذي سيارة البيت ..

    والـ Blazer
    Guys :-
    يا يكون ماله خلق قز خير شر , ماخذه حق مخيم وبر وحداق وقلص ..
    يا مقطع القز وقاط ما وراه ودونه يظبط فيه ! وأخر شي يبيعه وياخذ كابرس ..
    Girls :-
    ماخذته تتدرب فيه وتوكله أرصفة الكويت , أو حق الجامعة ما يبقى رصيف ما تشلعه ...

    وإلي عنده Charger
    Guys :-
    تلقاه نفسيه يطالعك من طرف خشمه جنك ياي تتسلف منه !
    وكل ما يصدف يصير أول واحد بالإشاره , تلقى بس تشب يشخط حد الدوسه ! ..
    Girls :-
    تلقاها تشتغل وتبي سياره حلوه , شافت إعلانها وخذتها ..
    حتى ما تعرف إسم السياره ,

    والـ BMW X5
    Guys :-
    بالغالب واحد محترم ماشي بطريجه ماله شغل بأحد مندمج بالأغنيه إلي مشغلها وكاف خيره شر ,
    يحوس بروحه ماله شغل بأحد ...
    بس بالويك إند ينقلب زقمبي ! خاصه لي يمّع ربعه بالسياره ..
    Girls :-
    نفسيه ومغروره , وساعات جيكره بس مو دايما !

    أما إلي عنده Cayenne Turbo
    Guys :-
    أغلبهم زقرتيه وتكانه وساعات مغترين ..
    بس من تشوفون واحد خفيف وكل ساعه متلفت إعرف إنه كايينه عادي بس شكل تيربو ..
    Girls :-
    متسلفته من أخوها

    والـ Bentley Gt
    Guys :-
    مايقط الكاب من راسه !
    تلقى الصبح رايح دوام لابس كاب , طالع الظهر بيتغدى لابس كاب , بالليل هم كاب ,
    ينزل من السياره لابس الكاب , يرد بيتهم بالكاب , ياكل بالكاب , ينام بالكاب ! وكلهم جذي LOL
    وكالة الزياني قامو يعطون كاب هديه حق إلي بيشتري بينتلي
    Girls :-
    على حسب ع مرها !
    تشوفها صغيره يعني ماخذتها من أبوها ولا أخوها !
    تشوفها مره عوده ! لا إتحرش فيها ترا توديك وره الشمس ! ...

    وشبيبة الـ Gallardo
    Guys :-
    هذيل 90% منهم أجار ! , و10% كل ساعه سافط مجيك عالسياره إذا حكت ولا لا
    Girls :-
    نادر , واذا إنوجد ما تطلع إلا الظهر .. مخطوره بالليل ...

    وإلي عنده Mercedes CLK
    Guys :-
    الظهر كله حاطين باقات على جنب ! وإذا خزيته داس , مادري وين الدوريات عنهم
    Girls :-
    بالغالب تكسر الخاطر على نياتها شوي وتبجي ..
    وإذا كانت متحجبه تقعد تتضحك حق الشباب بس من تحت لي تحت

    عاد الـ Camaro
    Guys :-
    يحسسك إنه راكب Bugatti ! نفسيه بشكل مو طبيعي .. ويطالعك جذي ويلف ويهه !
    وساعات إييك واحد مدشدش وشعره لي جتفه وشنبه خفيف ويكون حاط إيميله وره وبالغالب يكون الإيميل
    ( Q8eeeyCool__@ homail.com ) ..
    ويكون الإيميل بدليه , ناسي الـ t إلي بالـ hotmail ...
    ولي صار الشتا تلقى يفج كل الدرايش ويشغل ناظم الغزالي ولا أي موال عراقي مضروب
    Girls :-
    ما قط شفت صراحه

    وإلي عندهم Mustang & Nissan Z
    < FONT face='Times New Roman' color=blue size=5>Guys :-
    إلي يسوقون هالسيارتين متشابهين !
    قرعه , نفسيه , يدخنون , ضعاف , قصاصه ! , وإذا خزيته عادي يسفطلك بيتهاوش
    Girls :-
    تكون بالغلط ماخذه السياره :\ ..

    أما وانيت Silverado
    Guys :-
    تلقى ما بقى إقزوز بقراجات شويخ إلا وحطه عالوانيت !
    وتلقاه كله مستعيل ! إلي يشوفه يقول هذا بيلحق عالبورصه , وأهو بطالي خريج متوسطه ما عنده غير القهوه والدوانيه ! , وإذا بيغير سافر البحرين ..
    عاد تلقاه يمشي ويترك حق الأوادم وما بقى رصيف ما حاشه , يمشي ويحكك بهالأرصفه ويخرع الأوادم ..
    وتلقى بالغالب متين وعنده قفل منتف ! وكله قاط ويهه بالسياره إلي يمه ! ,
    والناس هابين شغل ذرابه يعلقون نجمة شوارفسكي ولا كرستاله كبيره جذي , حركات يعني ..
    هذا معلق عقاله ! يعني تقدرون تقولون رساله مبطنه إلي يتحرش فيني ألسبه بالعقال !
    وعشان يصير Cool تلقاه حاط لوقو Oakley ورى السياره ولا Nike !
    Girls :-
    ماكو بنات يسوقون وانيتات

    عاد ربع الـ Hummer فلم !
    Guys< SPAN dir=rtl> :-
    ما بقى شوارفسكيه بالكويت ما حطها عالسياره !
    تلقى السياره تبرق , تلجح اللمعة وإنت بـ بيتكم !
    عند الـ Rinag ! عالجوانب , صوب كلمة Hummer , من جدام .. من ورا ! تحت السياره .. ع ند القير !
    شدعوه عليك ؟!!! مصنع شوارفسكي يتمشى
    وعلى هاللمعة تقول واحد شكله بريئ وهادي وحده مسالم !
    تطل بالسياره ولا تشوف واحد يثل عليه جسم ولا أرنولد بزمانه ! حتى بخشمه عنده عظلات ,
    وويهه مشخّط بكل مكان ! فلم رعب يتمشى ! والله لو هالشوارفسكي إلي حاطه شاف ويهه جان كش !
    Girls :-
    عاد هابين هالأيام بالهمر , تلقاها مستانسه لان وسيع ومحد يشوف إلي داخل بس إهيه تشوف الناس !
    ميمعة رفيجاتها ومكودتهم داخل السياره وضحك عالرايح والراد ..
    واحلي شي لما أحد يتحرش فيهم أشكره يسولفون معاه

    والـ Escalade
    Guys :-
    في نوعين ,
    نوع ماله شغل بأحد ..
    هذا تلقاه ماشي 60 50 بسايده بهدوء ومسكين مبطل بس السكنات عشان ما يكسر عين إلي جدامه وهادي حده ,
    تلقى حتى مو مغيم ..
    النوع الثاني لاعب بحسبة السيارة !
    تلقى الـ Ringat كروم اللمعة مو صج ! ومعطيك زنون مشلخ إلي جدامه !
    تلقى بالإشاره إذا جدامه سياره سبورت يتعمد يبطل الزنون بعينه ! عشان يخليه يكره حياته !
    وتلقى التغييم سوبر ! ولازم داخل السياره في شي بيربري ! ..
    يا ربطه معلقها تحت الجام ! يا الكشنات , يا عند السناده , يا صوب السكان ..
    المهم لازم بيربري ! .. وساعات Gucci ! وهذيل نوعهم بواكتهم وحزمهم وجواتيهم كله تقليد
    وكله نايم عالأوادم بالشارع !
    Girls :-
    تلقاها مغيمه السياره عشان محد يشوفها وكله دايسه !

    وإلي عنده Ferrari F360
    Guys :-
    تلقاه فوق الثلاثين ..
    شكله ذرب عنده شنب متبتب شوي لابس كاب وبولو ونظاره طبيه !
    شكله كلش مو مال سياره سبورت ! تحس السياره مو راكبه عليه
    وبعضهم مغترين وهذيل زقرتيه كله داقين الثقل ...
    Girls :-
    بعد بنت وعندها فراري ! قلبي يعورني ما أقدر أقول عنها شي !

    Range Rover
    Guys :-
    أصحاب الرينجات أنواع ,
    واحد زقرت تكانه داق السكسوكه كاشخ بالغتره و ويهه سيده , شكله يوحي إنه رايح المناخ ..
    وثاني محندب من كثر العظلات ! السكان بإيده قاعد يبجي من كثر ماهو ماسكه بعنف !
    ولي خز وحده يخزها جنه يقولها ' باكلج ' !
    احس البنت لي خزها شوي وتبجي ..
    وفي نوع ثاني جنه زيتونه مرت باباي , ماادري شكلهم ما يوكلونه بالبيت ..
    عاد هالنوع الله ياهو خفيف ! تلقاه مو مصدق عنده رينج ,
    من يمر زول بنت الا طيران وراها ويوصلها بيتها بعد , وتلقاه مو شايف ويهّا يمكن !
    وساعات يلحق منقبات ! ..
    ماادري شنو شاف من ويّها عشان يحبها ويتحطم فيها ...
    Girls :-
    بنات الرينج ..
    في المتحجبه الملسونه والبايعتها نوعا ما ,
    عادي عندها لما واحد يلحقها تنزّل الدريشه تقوله :
    ' إنت شفيك مو مصدق شايف بنت ! إستح على ويهك شتبي لاحقني ' ! ..
    والنوع الثاني بالغالب تكون مو متحجبه وهاديه حدها ,
    بس ساعات لما يكون الشارع فاضي تقعد تطق رقبه لما تشتغل إغنيه تحبها
    ومو معبره الي لاحقينها ! بس بقلبها تقول وناسه خل اضحك عليهم !
    Cayenne V6
    Guys :-
    مو راضي يقتنع إنه سيارته كايين عادي مو اس ولا تيربو !
    تلقاه ح اط وره السياره Cayenne S !
    وساعات غشّم يحطون Cayenne Turbo وشكل السياره كايين عادي ..
    وطبعا إلي يحطون S ينصادون من الـ Ringat !
    أما إلي مظبط السياره بـ Ringat كبيره وصابغ الجناح ومسوي أكشنات وكاتب Cayenne S ,
    هذا محد يدري عنه ..
    بس لما يوقف يمه Cayenne S يقوله اخوي تجرب ؟! تلقى شوي يعرّق ويتبلعم !
    وبعدين يتعذر يقول والله مافيها بانزين ..
    هذا على طول ينصاد إنه كايين عادي V6 ..
    Girls :-
    قزيزه وكله ميمعه رفيجاتها معاها !
    نظام إيييي فلانه يالله طلعينا بالكايين !
    إييييي فلانه قززينا بالكايين ! إيييي فلانه خنتمشى بالكايين .
    Camry
    Guys :-
    هذا يكون على قد حاله , بعني ما عنده فلوس ياخذله موتر كشخه فـ مقزرها على كامري ..
    ومسكين بطلعة الروح ابوه إقتنع ياخذله السياره ,
    الابو كان يبيه ياخذ كولت ايام سنة الهدامه ..
    عاد قال لازم أحط لمس تي السحريه بالسياره ,
    فـ تلقاه حاط لمبات زنون من وره صوب الرقم يعني Lexus ,
    ومغيم السطابات الي وره , ومركب زينون من جدام ,
    وحاط لمبات صفر صوب الكشافات الي جدام جنه ذبانه ,
    وحاط زوايد صوب البيبان , وصابغ الـ Calipers ' غطى السفايف ' أحمر ,
    ومركب جناح وره السياره طوله مترين إلي يشوفه يقول بتطير السياره ,
    وحاط ستكرز نادي القادسيه ومعلق فنيلة القادسيه بالجام إلي وره ,
    ومعلق قرآن صغير تحت الجام و24 ساعه مشغل راب ..
    وكاتب وره السياره ماشالله ...
    وكل يوم مطيح بشارع الزينه يدور زوايد يديده حق السياره !
    وتالي الليل يروح شارع المطاعم يسفط عند تايم أوت ويطيحله بلعه ,
    Girls :-
    كل الي عندهم كامري متحجبات ... تقريبا هذا قانون متداول بالكويت ,
    ماادري يمكن وزارة الأوقاف مسوين عرض إلي تتحجب يعطونها هديه كامري !
    الصبح وقت المحاظرات , يقلبون السياره مطعم ..
    بالاشاره يطيحوله فطاير وعصير برتقال , وساعات صمون فلافل وبطاط من كافتيرية الضاحيه مع شاني ولا بيبسي ,
    واذا كانو يواعه وايد ياكلون شاورما من شويخ ,
    وعاد عقب يحلّون بكتكات ولا سنكرز ..
    وبالليل , لي لحقها واحد مزيون عنده موتر .. تخزه اكثر من ما اهوه يخزها .
    Mini Copper
    Guys :-
    تلقاه شعره طويل ومغيم السياره 30% وما يتلفت وايد , وتحس دمه خفيف حده ..
    يا كاتب وره السياره همر مسوي رجيم , يا إنتبه باص مدرسه , يا حفيد الهمر !
    جنه شاري السياره عشان يخلي الناس تضحك عليه&nbs p; ..
    ونوع ثاني يكون حاف حواجبه , ملمع الشفايف ويطالع الشباب بخجل ,
    واذا واحد سواله حركه مو حلوه وعصب , يحط إيده على خده ويلف ويهه يعني حاربتك !
    Girls :-
    كله فاصلين ! أبي تـّمر علي بنت راكبه ميني ما تضحك ماكو ..
    أشكره مأجرتها بـ ثلاثين دينار حق قزّة ويك أند ...
    S Class
    Guys :-
    يا تلقى ريال عود شعره أبيض وريحة البخور توصل عندك من كثر ما تبخر قبل لا يطلع !
    وعاد مظبط السبعه ومنزل الغتره عالجتف بدون لا ينسفها وترسها نشا ! ولا فيها ولا كسره ..
    ولي تلفت عليك يلف نص لفه ويطال عك بنظره مغروره وعقب يلف ويهه بهدوء ,
    وعقب يمسك التلفون !
    تلقى محد دق عليه بس جذي تمويه
    او تلقى سايق كاشخ بالقميص البيجي المبكر والقذله الي تلمع من بعيد ..
    والصبح يلبسونه نظاره شمسيه ,
    ولي طليت داخل السياره ولا قاعدين وره صبيين بالمتوسطه ,
    وكل واحد أمتن من الثاني وبيدهم بيبسي من هارديز , ومرتزين ..
    أشكالهم أشكره موديهم حديقة الشعب !
    Girls :-
    نوع واحد ,
    وحده جنها الشحروره صباح الشعر بوي ومسويته بف لونه أحمر وتكون كاشخه بنظارة Dior ولا Cavalli ..
    وشكلها يوحي إنها رايحه جمعية نسائيه وبتشييش الحريم على رياييلهم ,
    ومابي أظلم بختي بس شكلها مطلقه !
    Aston Martin
    Guys :-
    ساكب بالغتره والنسفه المظبوطه والعاده يمسك مسباح بإيده و حده محترم بالشارع ..
    ماشي بطريجه ونادر ما يتلفت !
    إلا بالإشاره يعطي بو نظره وعقب يسوي روحه لاهي بالموبايل ولا بالمسجله ..
    بس إذا ش اف بنت ودشت قلبه ! تشتغل العياره ..
    يلحقها بس بدون ما يبين لها إنه لاحقها !
    نظام اووه شهالصدفه انا رايح نفس المكان ..
    وراها وراها , تلف ويلف وراها ..
    عاد ما ينجك إنه لاحقها إلا لما البنت تدش منطقه !
    هني عاد ينسى السكبه ويروح يقرب يمها يحاول يكلمها ...
    والبنت مطيوره على طول تاخذ الرقم منه !
    Girls :-
    بنات الأوستن ستايل !
    يوم عنقوص , يوم كيرلي , يوم قاصه الشعر , يوم فاله الشعر ! حركات ..
    ومره اسود , مره أشقر , مره احمر .. ماشيه مع الموضه !
    والصبح إنسى تشوف شي من ويهها !
    نظارتها تقريبا 14 نظاره مدموجين ببعض
    وقزها معروف ,
    الصبح غدى بـ لينوتر , عقب قزة بالصالحيه , عقب تحلّي بـ Chocolate Bar ولازم البدع !
    مرينا عندها قمة بالهلاقه , وبعدين تتمشى بالرايه لما موعد العشى ,
    عاد ترتز بـ Water Lemon ولا Burger Boutique ..
    وجنطتها تقريبا أكبر من جنطة خدامتنا أول ما يت البيت !
    وبس حاطه فيها علج وكلينكس وحمره ! وموبايلها بإيدها ..

    Touareg
    Guys :-
    تلقاه مركب فوق السيارة سلة الكايين , و حاط Ringat كايين ,
    وصابغ الي حوالين الجام سلفر نفس الكايين , وكاتب ورى السياره Touareg نفس الكايين ,
    وكاتب عالجوانب صوب البيبان Touareg نفس الكايينات ,
    وحاط علامة فولكس واجن صوب المدقر هم نفس الكايينات !
    إنزين يا أخي الكريم , ليش ما خذيت كايين وفكيت عمرك يعني ؟!
    Girls :-
    بنت عندها طوارق = Miss Strass !
    الستراس بكل مكان بالسياره , السكان تارسته ستراس ,
    السياره من ورى حاطه رسمة صغيره هم ستراس وبالغالب تكون فراشه ولا دب صغير ,
    القير هم ملسبته ستراس , وطبعا كل لوقو بالسياره هم متروس ستراس ..
    وساعتها من شوارفسكي وهم كلها ستراس ,
    وتراجيها دوائر كبيره جنهم حلقات بصل برجر كنج وهم ترسها ستراس ,
    ومدالية ال س ياره هم ترسها ستراس ..
    ومرّه وحده ضحكت ولا عندها ضرس حاطه فيه ستراس ,
    ' لا ترى أتغشمر مو صج , بس عادي يسوونها '
    وإذا كانت متحجبه عينك تنكسر لما تحاول تطل بالسياره !
    ما تدري تلقاها من السكان ولا من القير ولا من الساعه ولا من السياره ولا من لفّتها !
    تلقى اللفّه بيضه وشكل الستراس جنهم نمل متيمعين على حبة عيش ..
    بس يا حلاتهم بناتنا , كشخه والله
    Grand Cherokee el Qadem
    Guys :-
    تلقى ما بقى باج إنتخابي ما علقه تحت الجام !
    وورى حاط شعار المستقله !
    أو إييك واحد يكون ماخذه حق حداق وحق طراده !
    فـ عدة الحداق كلها بالسياره .. ومن بعيد بس يقرب يمك تشم ريحة ز فره !
    هامور يتمشى مو شروكي ..
    Girls :-
    ما اشوف وايد بنات يسوقون شروكي
    Maybach
    تلقى السياره مغيّمه من وره ..
    وإلي يسوق واحد زقرتي , أسمر كبير شوي , يثل حده ! ساكب بالغتره , ملامحه دمويه ..
    وما يتلفت لو شنو ! لو يصير إنفجار يمه هم ما يتلفت ..
    نفس حرس بريطانيا إلي يلبسون أحمر ماكو !
    المهم تشوفه تقول أووووف شهالواصل هذا ! زقرت وسكبه ويسوق مايباخ , لا يحوشك ..
    فجأه يسفط ,
    وينزل من السياره ويروح ويفج الباب إلي وره !
    ولا ينزل واحد جنه بو جسوم إلي بمسرحية سيف العرب بس إنه كاشخ شوي ونظيف ..
    ولا يطلع بو سمره سايق حق بو جسوم ! ..
    عاد مايباخات الكويت معدوده عالاصابع وكل أصحابها ش سمونه !
    مو زين يوصلهم خبر وأروح طلحه انا !
    Luxes LS
    Guys :-
    نفس سكبة الشايب إلي راكب الـ S بالظبط ...
    بس الفرق الوحيد إنه هذا راس ماله هالسياره ! فـ خايف عليها بشكل مو طبيعي ,
    ولي سفطها بالبيت يغطيها , وما يخلي الخدامه تغسلها ,
    وكل ثلاث أيام يوديها محطه غسيل يغسلونها ..
    Girls :-
    متحجبه وحمقية وكشخه حدها ,
    ورايحه نفس الجمعية النسائيه إلي رايحتلها ام شعر أحمر !
    ريلها عضو مجلس أمه وقاعده تفكر تنزل الإنتخابات اليايه عناد بريلها بس !
    Altima
    Guys :-
    هذا يسمونه بو هبه ..
    قالو نبيه أخضر راح حط ستكرز كبر بيتهم نبيه اخضر !
    قالو نبيها 5 راح كتب نبيها 5 بالبرتقالي ..
    قالو بنسوي مظاهره عند اتحاد الكره راح حط صورة احمد اليوسف وعليها X !
    توفى الشيخ جابر الله يرحمه راح حط صورته ,
    عينوا صباح الاحمد أمير راح شال صورة الشيخ جابر وحط صورة الشيخ صباح !
    مرزوق الغانم نزل الإنتخابات راح حط على سيارته , إنتخبو مرزوق الغانم !
    واهو مو بدائرة مرزوق الغانم , وبدون يعني ما يقدر يصوّت !
    قالو يبيله لمبرغيني حط صورة لمبرغيني ! قالو يبيله طياره حط صورة طياره ..
    الناس هبوا بمجلة الديره راح حط ستكرز الديره !
    الناس هبوا بكنتاكي راح حط صورة الشايب !
    وبين كل هالستكرزات الي حطها ستكرز واحد ظل ثابت وليلحين ما إنشال ..
    وإهو ' إذكر الله ' !
    والسياره لونها أبيض وكاتب ' إذكر الله ' بالاصفر !
    Girls :-
    إحترت بـ بنات الألتيما ! لانهم أشكال وألوان ..
    إلي ما تعطي ويه ,
    وإلي شوي وتنزل وتركب وياك من كثر الخز ,
    وإلي شعرها لي ترجيتها وتخزك ' فيه شي يالحبيب '!
    وإلي عمرها عمر أبرهه الحبشي لو كان عايش ورافعه الرقبه لي فوق ومسطله بالشارع وتلف عليك بدون ما تدري ...
    يعني وايد فئات صراحه , قوطي مكنتوش

    Jaguar Xk
    Guys :-
    يا إييك خال فارش بالسياره , الراس مدقوق صفر بموس !
    من كثر ما تلمع القرعه إنعكاس السكان مبين فيها !
    وماسك السكان بإيد وحده .. وإذا تعب يسوق بصعبه الصغير بس من كثر ماهو راهي ,
    أو إييك و احد شكله زقمبي , زقرتي بس زقمبي ..
    Girls :-
    شحلاتهم والله ..
    باربيات باربيات إلي يسوقون الـ Xk ,
    اتييك وحده شقره مملوحه مالها شغل باحد ماشيه بطريجها ,
    تلقاها منمدجه براشد ولا الجسمي , ووراها طابور كلهم متنحين فيها ..
    واهي ماشيه على أقل من مهلها ولا معبرتهم ..
    أو وح د ه متحجبه لابسه شيله عليها ستراس لمعه خفيفه وماسكه التلفون وتتحجى وتبتسم واهي تسولف بروحها مالها شغل بأحد ,
    وهم لاحقينها ساتول وإهي عادي ولا هامها ..

    Land Rover
    Guys Girls
    هالمره راح تكون النقطه مشتركه بين البنت والصبي ..
    السؤال إلي يطرح نفسه للي يسوقون اللاند ,
    ما في تي شيرت نص جم ؟! إنزين جم طويل ؟ ..
    ليش مصرين تلبسون حفر ؟! ..
    لما يمر يمي لاند ما أشوف إلا ويه وزند ! ..
    إنزين قول البنات يعني زندهم مقبول وفي نوع من الإغراء ..
    بس شباب الله يهداكم شفيكم ! تطـلّع غابات الأمازون حق الناس ليش ؟!
    ترا فيه ناس تعبانه بالشارع , وفي ناس عندها أمراض وهالمناظر تأثر فيها ..
    بروحها جامة السيارة شكبرها ! يعني المسائل كلها مبينه ..
    خفـّوا عالأوادم شويه مو قاعدين بأكوا بارك إحنا ,
    Colt
    Guys :-
    تلقى نظاره طبيه أم إطار أدعم متين وجامتها قاعة بطل ,
    ومتقلقص بقميص الزرارات جنه عادمينهم من كثر ماهو ضيج !
    وشعره بالنص تصحر , وعاليمين واليسار إزدهار معماري !
    والويه كله خدود ولما يضحك مركب ضرس ذ هب والباجي سود من الزقاير ..
    ولي يه يمك بالإشاره ينزل الدريشه ويقولك ' حزرتك هيّه فين قمعية الروزه ؟! '
    وأحنا أصلا واقفين باشاره شارع الخليج ! ..
    إنزين إنت أوصل المنطقه أول بعدين إسأل عن الجمعية !
    ولي طلّيت بالسياره تلقى دفاتر مقططه وكتاب مكتوب عليه , علم الفيزياء !
    لا يحوشك !
    Girls :-
    منقبه وشاخطه حد الدوسه ! ولي بغت تحذف تسوي فلم أكشن بالشوارع ,
    هرنااااات تشتغل عليها واهي لا عالبال ولا عالخاطر !
    حتى ما تلتفت تشوف في احد يمها ولا لا ..
    وعقب لما توصل مجمع الأوقاف تسفط وتنزل , وعادي إذا ما لقت مسفط تطق رصيف ! < BR>هذي عندها كولت وطاقه فيها رصيف ! لو عندها همر يتراوالي تسفط فوق المجمع ..
    [flash=http://up.mrkzy.com/flash/uploads/5352020e68.swf]width=500 height=310[/flash]


    &أشر على التصميم لسماع الصوت &

  • #2
    واااااااااااااااااااو موضوع يهبل وايد

    والتعليق بصراحه حلو ويضحك

    يعطيك الف عافيه اخوي دائما مميز

    تقبل مروري
    عندما تحين لحظة الفراق
    تضيع منا الحروف
    يصبح الصمت رائعاً
    هنا أتوقف
    لا أعلم لماذا ..؟؟

    تعليق


    • #3
      لووووووووووووووووووووووووووووووووووول

      والله فنان ومبدع صايد الحركات وبصراحه
      تحلييل منطقي 100%

      يعطيك العافية بق بوس
      ماقصرت
      اتقوا فراسة المؤمن فإنه يرا بنور الله

      تعليق


      • #4
        ياهلا والله ديمون التميز حضورج الطيب قواج الله واسعدني حضورج دمتي بلف خير :)
        [flash=http://up.mrkzy.com/flash/uploads/5352020e68.swf]width=500 height=310[/flash]


        &أشر على التصميم لسماع الصوت &

        تعليق


        • #5
          لوووووووووووووووول

          بو قلبين منور حبيبي اسعدني حضورك الطيب قواك الله اخوي :)
          [flash=http://up.mrkzy.com/flash/uploads/5352020e68.swf]width=500 height=310[/flash]


          &أشر على التصميم لسماع الصوت &

          تعليق


          • #6
            ههههههههههههههههههههههههههههههههههههههههههههه

            هههههههههههههههههههههههههههههههههههههههههههه

            هههههههههههههههههههههههههههههههههههههههههههه

            بطنــــــــــــــــــــــــــــــــــــــي

            يعني صراحه تقييييم ناجح وتقرير مفصل وموفق عن أهل القز هني عندنا وشنو نوعياتهم

            الله يقطع بليسك يا BIG BOSS ضحكتني والله

            يسلمووو يسلمووو على هالموضوع الروعه والله


            بحفظ الرحمن
            مات حبك

            بعد لا تسأل عليه

            مات حبك

            أنتا هذا اللي تبيه

            مات حبك

            روح وانثر له ورود

            وابكي يا خاين على اللي صار فيك

            انتهى اللي بيننا ولا تظن أعود

            ما بقالك عندي صدق اي وجود

            انتهيت وبعد شاللي ترتجيه

            مات حبك

            كيف سميتك حبيبي

            وكيف حبيتك سنيني

            الفرق واضح واكتشفته

            انتا وين وانا وين

            يا خسارة عمري كله ودمعتي وقلبي الحنين

            بلحظه بعت سنين حلوه

            حتى غيري بتشتريه

            تعليق


            • #7

              الغالي

              { بج بوس }
              منور القسم العام أبهالطله

              ويعطيك العافية و
              حسبي الله على عدوكـ
              عورني بطني من الضحك
              ههههههههههههه

              تسلم يالغالي
              دمت في أمان الله

              .•:*¨`*:•. .•:*¨`*:•.
              ::: بنت فضل:::
              0..................0
              *-:¦:-*
              الله يتقبل صيامكم وقيامكم...
              ومبارك عليكم الشهر....

              ويعوده عليكم بصحة وسعادة
              εïз نسـألكـم الـدعـاء εïз

              تعليق


              • #8
                ههههههههههههههههههههههههههههه

                إي والله يابهم 100%


                الله يعطيك العافيه

                [align=center]




                [/align]

                تعليق


                • #9
                  لوووووووووووووول
                  تســــــــ BIG^BOSS ـــــــــــــلم
                  ع التحليل الخفيف اللي مثل طلتك

                  تعليق


                  • #10
                    لوووووووووول

                    اشوه سيارتي مو موجوده معاهم :p


                    يعطيك العافيه بيج بوس :)
                    !! With You

                    تعليق


                    • #11
                      لووووووووووووووووووووووووول
                      نآآيس و الله

                      مشكور عالموضوع الحلو
                      ..

                      تعليق


                      • #12
                        Girls :-
                        منقبه وشاخطه حد الدوسه ! ولي بغت تحذف تسوي فلم أكشن بالشوارع ,
                        هرنااااات تشتغل عليها واهي لا عالبال ولا عالخاطر !
                        حتى ما تلتفت تشوف في احد يمها ولا لا ..
                        وعقب لما توصل مجمع الأوقاف تسفط وتنزل , وعادي إذا ما لقت مسفط تطق رصيف ! < BR>هذي عندها كولت وطاقه فيها رصيف ! لو عندها همر يتراوالي تسفط فوق المجمع ..



                        ياكثـــــر هالنموذج...

                        بصراحــــه ..طاحوا عيوني أقرا

                        بس موضوع..غايه بالروعــــــه

                        جداً مميز وواضح متعوب عليـــــه

                        ويعلم ربي استمتع بقراءته..

                        تسلـــــم..

                        ومن زمـــان عن هالمواضيع الابداعيه منك ومن امثالك


                        تُشكر كثيراً


                        تقبل تحياتي خيوو بقبوق

                        :)
                        التعديل الأخير تم بواسطة عزتي في شموخي; الساعة 02-05-2008, 02:27 AM.
                        تعلمت الظلآم أحيان وجهه لِـ الضيآ صآحب !

                        تعليق


                        • #13
                          لوووووووووووووووووووول الطيوب دوم الضحكه ياربي منورني اي والله تقرير ناجح ههههههههههههههه قواك الله اخوي واسعدني حضورك الطيب
                          [flash=http://up.mrkzy.com/flash/uploads/5352020e68.swf]width=500 height=310[/flash]


                          &أشر على التصميم لسماع الصوت &

                          تعليق


                          • #14
                            لوووووووووووووووووووووووووول بنت فضل دوم ياربي الضحكه هذي اسعدني حضورج والنور نورج ونور الموجودين قواج الله اختي :) منوره
                            [flash=http://up.mrkzy.com/flash/uploads/5352020e68.swf]width=500 height=310[/flash]


                            &أشر على التصميم لسماع الصوت &

                            تعليق


                            • #15
                              لوووووووووول عاشق مهزوم منورني ودوم الضحكه حبيبي اسعدني حضورك :)
                              [flash=http://up.mrkzy.com/flash/uploads/5352020e68.swf]width=500 height=310[/flash]


                              &أشر على التصميم لسماع الصوت &

                              تعليق

                              يعمل...
                              X