2



تحبّني ؟ آسف على بوحك
ريح الغلا .. مدري منين تهبّ

لا تحبّ ..لا تكذب على روحك
أصلاً ماهو لايق عليك تحبّ !

3



إلى متى نومك حرام ؟
تسهر عيونك دامعه ؟!

ياقلبي إتركهم ونام
بكره ورانا جامعة

4



هوّن .. على دْموع المقادير .. وتْهون
ولاّ عشاني ... خلّ دمعي لحاله !

ما خنتني .. وانا مَ علّمتك تْخون
هذي .. ترى دموع الفرح .. والنباله

نسيت بعدي ... لاتسدّ التليفون
وعرفت .. عرسك هالشهر كم بقاله !

5



لك اللي تبي دامك مفارق .. ولكن هاه ؟
تحذّر عيونك .. تشتكي من مدامعها !

نويت الفراق .. وقلت يالله : فمان الله !
عيوني تبيها .. لكن إيدي تودّعها !

6



أنا اكثر انسان .. في هذا الزمن يحلم
لاصار .. ادنى طموحه .. ماهو بـ حاصل

ما يسلم الجرح .. لولا ضيقته تسلم
دامه معى ضيق صدره [ شبه ] متواصل

كل شي ممكن مع الايام .. يتأقلم
إلاّ انه يروح للكلّيه .. مواصل !

7



خلاص مالك في طرف قلبي .. ظلال
إلى متى وانا أسمع ( أوفه ) و ( آهه ) ؟

مثل ما يحتاج العقل راحة البال
مشاعري تحتاج فترة نقاهه !

8


جيته .. بعد ما كمّل فراقنا حول ,
وانا احسبه .. في بحر الاشواق .. غارق !

اقول : ما حسّيت بفراقي ؟ .. يقول :
انا ؟ .. متى حبّيت عشان افارق ؟!