إعـــــــلان

تقليص
لا يوجد إعلان حتى الآن.

تموت عيونهم فيني .. وانا بك ميته عيني الجزء الحادي والعشرون

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تموت عيونهم فيني .. وانا بك ميته عيني الجزء الحادي والعشرون


    ..الجــ الحادي والعشرون ـــــزء..

    مشت بغرور وتكبـــــر وكأن مافيه في الارض غيرها...
    في:اقول ريم مين ذا الوقحه..
    ريم ابتسمت:هاذي مشاعل بنت عمتي..
    في شهقت:سوووري..
    ريم:اصلاً ماقلتي شي غلط علشان تعتذرين..
    مشاعل جلست بدون ماتسلم وناظرت الكل بأحتقار..
    الجده نوره عصبت:مشـــــــاعل قومي سلمي على حريم خوالك..
    مشاعل بوقاحه:مالي خلـ..
    ام راكان بأرتباك:يمه مشاعل تعبانه شوي..
    غاده بقهــــر:من جد وقحه وش ذا اللبس وجـــــــع..
    في عطتها كوع ومن بين اسنانها:انطمــــــي..
    مشاعل وقفت وطلعت فوق فتحت باب غرفه بقوه..
    مها اخترعت:عمـــــــــــــــى..
    مشاعل رفعت حاجب:انتي هنا..
    مها بأحتقار:لا هناك..
    مشاعل:هه هه تعرفين تنكتين بصراحه..
    مها بدون نفس:هه هه اصلاً ماقلت شي يضحك ياحلوووه..
    مشاعل بغرور:داريه اني حلوه ماجبتي شي جديد ههههههههههههههههههههههههه..<<وطلعت..
    مها طلعت لسانها:وووع تلوعين الكبد..<<فتحت اللاب توب ولقت العاشق"اوف لايـن"..
    :ادخــــــــل عاد افففف..
    اندق الباب:ممكن..
    مها رفعت راسها:هلا ريوووم..
    ريم جلست جنبها:خير وش فيك..
    مها مدت بوزها:ذااا قاهرني مادخل..
    ريم:انتي ناسيه ان اليوم عيد يعني مو فاظي لك ياعمتي..
    مها ضمت المخده:مشتــــــــاقة له يااختي..
    ريم ابتسمت:هذا وانتي ماشفتيه خاقه عليه اجل لو شفتيه وش بتسوين..
    مها ضربتها كتفها:هيــــــه وش هاذي خاقه لايروح تفكيرك بعيد..
    ريم:تبين تفهميني انك مو..
    مها قاطعتها بعصبيه:ريـــــمووووه..
    ريم:ههههههههههههههههههههههههه طيب لاتعصبين..
    مها ناظرتها بألم"ياليـــــت اقدر اقولك اني خاقه على اخوك"..
    ريم تلوح بيدها:الووو..
    مها:هاه معاك..
    ريم:اقول ماشفتي لمو..
    مها:لا..
    ريم وقفت:اففف لي ساعه ادور عليها وين راحت هاذي..
    ××
    تركي نزل من السياره:بروح اتحمم قرفاااان من نفسي..
    نايف:والله كلنا مو انت بس..
    الجده نوره طلعت:الله يعطيكم العافيه..
    الكل:الله يعافيك..
    الجده نوره:يله كملوا معروفكم وحطوا اللحم في الفريزر..
    تركي رفع يده:انا خلصت مهمتي..
    مشعل:عاد كنك مسوي شي..
    تركي:يكفي اني موقف معكم (باس راس جدته) يله عن اذنك..
    الجده نوره مسكته:وين وين..
    تركي:بروح اتحمم..
    الجده نوره:شيل معهم يلـــــــه صر رجال..
    تركي:تصدقين من كثر ماتقولون صر رجال بديت اشك في نفسي..
    الكل:ههههههههههههههههههههههههههههههههههه..
    تركي شال كرتون:افففف..
    الجده نوره ضربت كتفه:وجع لاتتأفف..
    تركي:آآآآآآي حاره..<<ودخل شاليه الجده نوره..
    :احـــم احم..
    الحريم تغطوا:تفضــــــل..
    تركي بأبتسامه غبيه:كنت اتمنى اقابلكم في وضع احسن من كذا لكن تجري الرياح بما لاتشتهي السفن..
    الكل:هههههههههههههههههههههههههههههههههههههه..
    ام مشعل:صايـر رجال..
    تركي بطفش:حتــــــى انتي يمه..
    نزلت وهي تبتسم وتناظره بكل وقاحه قالت بدلع:مساء الخيـــــر..
    تركي عطاها نظرة احتقار من فوق لتحت ولف على امه:يمه وين المطبخ معه..
    ام مشعل ابتسمت بفخــــر:على يمينك..
    تركي دخل المطبخ شافها حاطه راسها على الطاوله وشعرها الغجري متناثر حولها سمع صوت شهقاتها مبين انها تبكــــــي..
    انقبض قلبه وتضايــق من نفسه حس انه زودهــــــــا..
    نزل الكرتون على الارض بدون مايطلع صوت مشى لناحيتها على اطراف رجلينه ووقف وراها بالضبط...
    قال بصوته الهادي الجذااااااب:لمــــــى..
    دق قلبها بسرعه ورفعت راسها له قالت بصوت مبحوح:نعم..
    تركي جلس على الطاوله:تبكيــــن..
    لمى بحده:مالك دخل فيني فاهـــــــــم..
    تركي:لا مو فاهم..
    لمى وقفت:عمرك مافهمت..
    تركي مسك يدها بقوه ومن بين اسنانه:والله ماعرفت لك..
    لمى ناظرته بأستغراب..
    كمل:اول كل ما احاول اقرب منك تبعديني والحين يوم بعدت عنك بكيتي قولي لي انتي وش تبين بالضبط..
    لمى اكتفت بدموع نزلت انهار على خدها..
    تركي مسح دموعها:لاتبكيــــن مااحب اشوف دموعك..
    لمى تحس ان جسمها مخدر وتفكيرهـــــا انشل..
    تركي هزها:ردي علــــــي لاتسكتين..
    لمى صدرها يرتفع وينزل وانفاسها سريعه..
    تركي تركها ووقف قال والانكسار في صوته:والله يالمى مافيه إلا حل واحد على قولة رشووود إختر الحل الصعب ياتفارق ياتحب..<<وطلع..
    لمى عيونها مافارقت تركي لما اختفى عنها وكل كلمه قالها ترن في اذنها..
    غسلت وجهها وطلعت فوق بسرعه بدون محد يحس فيها دخلت الغرفه وسكرت الباب فتحت الادراج وطلعت سي دي..وشغلته..بدا صوت راشد يطرب اذنها...

    وش بقى ضاعت سنيني يا بعد قلبي وعيني
    اختر الحل الصعب ياتفارق ياتحب..
    لاتردد في غرامي
    لا ابتسامي دمع وسكوتي كلامي..
    افتحي ايدينك لشمسي ولهضوبي بدمعي وبشحوبي
    واعشقي الهم اللي فيني هذا كانك تبيني..
    اختر الحل الصعب ياتفارق ياتحب

    نزلت دموع حــــاره على خدها قالت بهمس:اخترت ياتركي احــــــب..
    انفتح الباب:انتي هنـــا وإنا ساعه ندور عليك..
    ريم:اوووه شكل الاخت عايشه جو..
    لمى مسحت دموعها:في وغاده راحوا..
    مها بطفش:ياذا الفي اللي ملاحقتني من مكان لمكان..
    ريم:ايه راحوا بعدين ليه الغرفه مظلمه كذا..<<وفتحت البلكونه..
    لمى غطت وجهها:يالدبــــــا سكريها..
    مها:الجو كئيب هنا خلونا ننزل للبحر..
    ريم:يله..
    لمى:انا ماابي روحوا انتو..
    ريم سحبتها:اقووول يله..
    وهم نازليـــــن قابلوا مشاعــل..
    مشاعل بدون نفس:كل عام وانتي بخيـر..
    لمى لفت عليها:تكلميـني..
    مشاعل عصبت:لا اكلم الجـــــدار..
    لمى:اهااا..<<وكملوا ينزلون..
    مها باست خد لمى بقوووه:تعجبيــــــــــــني..
    الكل:هههههههههههههههههههههههههههههههههه..
    مشاعل عضت شفايفها بقهــــــر:هيـــــــــن..
    هيفاء تسكر جوالها:اففف مايرد..
    مشاعل لفت عليها:يااختـــــي اثقلي شوي الحين بيقول ذي ميتـــــــــه عليه..
    هيفاء:ايه ميته عليــــــه عندك مانع وبعدين وش قومك من السرير مو تقولين تعبانه..
    مشاعل:عاد انتي صدقتي هذا عذر بس علشان مااروح..
    هيفاء:طيب ليه جيتي..
    مشاعل بخبث:علشــان الخطه..
    هيفاء:اي خطه..
    مشاعل وهي تنزل وعلى وجهها اكبــر ابتسامه:مو لازم اقولها انتي بتشوفينها بعينك..
    هيفاء مسكت كتف مشاعل وهمست:نايـــف..
    مشاعل:هههههههههههههههههههههههههههههه ايه..
    هيفاء ضربتها بخفه:يالخايسه شوقتيني..
    ××

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××الريـــــــــــــــــاض××

    جالسه في المرجيحه وتهزها وعيونها على الجـــــوال تقرى مسجاته كلها وكل كلمه تطعن في قلبها معقــــــوله كل ذا الحب يروح مستحيــــــل..

    ريناد طلعت للحديقه وهي لابسه بيجامه وجلست جنبها:كالعاده صح..
    دانا والدموع متجمعه في عيونها:بس مو مثل كل مره..
    ريناد:وش اللي تغير..
    دانا بكت:هو الحين من جد زعل علي..
    ريناد بمرح:ومين يقـــدر يزعل على دنووو..
    دانا:عن جد ريناد مو رايقة لك..
    ريناد:طيب وش قلتي له علشان يزعل..
    دانا:قلت له انت مو هامك شي ومبرد اعصابك وبعد سكرت السماعه في وجهه..
    ريناد:ههههههههههههههههههههههههههههههههه..
    دانا ضربتها:مو قاعده انكت..
    ريناد:الحين هذا اللي مزعلك..
    دانا بدون نفس:وش رايك انتي..
    ريناد:رايي انك ماتضايقين نفسك هو بيزعل يوم يومين شهر شهرين بعدين بيرضــــى..
    دانا:وتظنين اني بصبر يوم مو يوم نص يوم مااقـــــدر والله العظيم مااقدر..
    ريناد بخبث:ياعينــــــي على الحب..
    دانا:ياخذ ام الرواقه اللي فيك ياشيخه..
    ريناد:انا مو شيخه انا رينــــاد..
    دانا:اف رينادوه ظفي وجهك احسن لك قبل مااطلع حرتي كلها فيك..
    ريناد:طيب بظف وجهي بس بقول لك شي..
    دانا بطفش:اذا كان شي مهم قولي..
    ريناد:تعرفين رياض..
    دانا:مين رياض..
    ريناد بحماس:هذاك الرجال الرزه الكشخه اللي في شركة ابوي..
    دانا:المهم وش فيه..
    ريناد والابتسامه شاقه حلقها:بيجي بعد شووي..
    دانا:طيب وش اسوي له..
    ريناد شوي وبتتقطع:يااختــــــي يجنن انتي شفتي مشيته كيف كذا..<<ووقفت وقلدت مشيته..
    دانا:ههههههههههههههههههههههههههههههههه..
    ريناد جلست:ايوووه كذا ابيك تضحكين..
    ..((رن الجــــــــــــــــرس))..
    ريناد نطت:جا جا..
    دانا سحبتها:اقول اجلسي لايشوفك ابوي بيقول انهبلت ذي..
    ابودانا وهو يمشي:ادخلــــوا بسرعه..
    دانا وريناد دخلوا للصاله وفيها شباك كبير يطل على الحديقه...
    ابودنا:هــــــــلا رياض حياك الله..
    رياض ابتسم:الله يحييك..
    ريناد تضرب خدودها:ياويلـــــــــي ياويلي..
    دانا:ههههههههههههههههههههههههه حمد الله والشكر..
    ام دانا:وش تسوون هنا..
    دانا لفت عليها:ابد نتفرج..
    ام دانا:رينــــــــــاد..
    ريناد مفهيه مو معها قالت بهمس:تئبرني هالشنبات..
    دانا:ههههههههههههههههههههههههههههههههههههههه..
    ام دانا:رينــــــــــــــــــــاد..
    دانا هزتها بقوه:امي تحاكيك..
    ريناد انتبهت ولفت عليها:آآآي يااختي ماعندك نعومه الله يعين بنـ..
    دانا حطت يدها بسرعه وهمست:انطمـــــــــي يالفضيحه..
    ام دانا:رينــــــــــادووه..
    ريناد:سمــــــي..
    ام دانا:وين رايحة له..
    ريناد:معاكم..
    ام دانا:روحي البسي خوالك بيجون بعد شوي..
    ريناد بطفش:مشـــــــــواااار..
    ام دانا:وش مشواره يله قومــــــي بسرعه..
    ريناد وقفت وتتحلطم:افف وماجوا إلا يوم فيه المزيووون..
    دانا:هههههههههههههههههههههههه..
    ريناد رمت عليها المخده:وانتي شغلتك بس تضحكـــــين..
    ××

    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ××الخبــــــــــــــــر××

    طلع من الحمام ((الله يعزكم)) وهو يغني:جننتني هالبنيه وش تبــــــي وش..<<ورن جواله ((النشبه..يتصل بك))..
    :افففف شكلي مو خالص منك ابد..<<وسكره في وجهها..
    رن الجــــوال اكثر من مره رمى الجل من يده بعصبيه:ماتمل ذي..
    رد بدون نفس:خيــــــــــــر..
    البنت بمياعه:مساء الخير حبيبي..
    تركي بدون نفس:وش تبين..
    البنت:حبيبي فيك شي..
    تركي بهدوء:علاقتنا انا وانتي..
    البنت بدلع:وش فيها مثــــــــــل العسل..
    تركي:ابيها تنتهي علـــــى خير..
    البنت شهقت:ليه انا وش سويت اذا كنت مسويه شي غلط قول لي..
    تركي قاطعها:ماسويتي شي بس انا مااقـــــدر اكمل معك..
    البنت وهي تبكي:قول لي سبب واحد يخليك تنهي العلاقه..
    تركي رمى القنبله في وجهها:ابي اتزوج واللي بتزوجها احبها مو بس احبها اعشق تراب رجلينها وانا بصراحه ماابي اخونها حتى بالتفكير في غيرها لانهـــا اغلى من روحي..
    البنت بين شهقاتها وبصدمه:تتزوج..
    تركي ببرود:خلاص انا قلت اللي عندي تبين تقولين شي..
    البنت صرخت بقهر وبصوت مرتجف:ياحقيــــــــــــــر ياسافل ياخاين يا..
    تركي قاطعها بعصبيه:هيه هيه وشو خاين زوجك انا وإلا حبيبك اسمعي يابنت الناس انتي لو تكونين اخر وحده في الدنيا ماافكر اتزوجها ولا حتى اناظر خشتها اللي تخون ثقة اهلها سهل عليها تخون زوجها سمعتــــــي..
    البنت بكت بقوه وسكرت السماعه...
    تركي سكر السماعه وتنهد حس ان كان فيه هم على صدره وانزاح غمض عيونه:يـــــــــارب اغفر لي..
    ××
    وقفت قدام المرايه وقعدت تجفف شعرها:اقولك شكلها كارهتني ماشفتي نظراتها..
    غاده:ايه اكيد بتكرهك ياحلوووه انتي بتاخذين منها حبيبها..
    في تنرفزت:وش اخذه منها هو مو حبيبها اصلاً مالـــــــــــــــــت عليها..
    غاده:هههههههههههههههههههههههههههه طيب اعصابك..
    في مشطت شعرها بقوه وهي تتأفف..
    غاده بتردد:اقولك شي..
    في بدون نفس:لا..
    غاده:عن مشعل..
    في طاح المشط من يدها ونطت جنب غاده:وش فيه..

    يتبــــــــــع..<<




  • #2
    رد: تموت عيونهم فيني .. وانا بك ميته عيني الجزء الحادي والعشرون

    تابــــــــع..<<

    غاده والتردد واضح في وجهها:ا..اممم..
    في بحماس:ايـــــــــــــه يله قولي..
    غاده بسرعه:قالت لي لمى انه كان خاطب..
    في بلعت غصتها:يحبها..
    غاده بجديه:مو يحبها يعشقها وهو للحين مانساها..
    في نزلت راسها وبصوت مبحوح:طيب ليه تركها..
    غاده:تقول انها خانته..
    في:وش اسمها..؟؟
    غاده:مدري ماقالت لي شوفي يافي اذا مشعل ناسيها كان تشوفين عياله الحين ينططون حوله بس هو رافض الزواج نهائياً..
    في نزلت دموعها:علشانها صح..
    غاده شهقت:في تبكين..
    في حظنتها بقوه وبكت بحراره..
    انفتح الباب:اووه وش السالفه فيلم هندي هنا..
    في بعدت عن غاده وهي منزله راسها..
    طلال مشى لعندها:افاااا في حبيبة قلبي تبكي مين اللي زعلك علشان اذبحــــــــه لك..
    في"اييييه علشان اموووت":محد زعلني..
    طلال يأشر على غاده:اكيـــــــــــد هاذي صح..
    غاده كشرت:دايماً ظالمني لا مو انا..
    في رفعت راسها له وعيونها حمرا قالت وهي تبتسم غصب:علشان انتو بتبعدون عني تعودت عليكم..<<وبكت..
    طلال مسح على شعرها:يابعـــــد قلبي انتي خلاص لاتبكين..
    ××
    ريم ومها ولمى يتمشون على البحر...
    مها تمشي على ورا وريم ولمى قدامها:غثنـــــــــــــي متى يروح بس..
    ريم:لالا وش يروح علشان ياخذ غاده وفي معاه..
    مها كشرت:والله في عندها ابوها يعني بتقعد على قلبـــــــي..
    ريم:انا بس بعرف شي واحد وش ذا الكره الفظيـــــــــــع لها..
    لمى بعفويه:علشان مشـ..
    مها قاطعتها بصرخه:لمـــــــــــــــــــــى..
    لمى انقلب وجهها:سوووري..<<وغمزت لريم وريم فهمت عليها..
    ريم:الحين وينهم..
    مها بأستغراب:مين..
    لمى وريم ناظروا بعض وضحكوا:ههههههههههههههههههههههههههههههههههههههههه..
    مها انقهرت:هيه هيه مافيه شي يضحــــــك علشان تضحكون..
    ريم:بصراحه مدري وش بيصير فيها هاه لمى نقول لها..
    لمى:اخاف يجيها سكته قلبيه ههههههههههههههههههههههههههههههه..
    :هااااااااااااي..
    مها لفت وكشرت وهمست:وووووع..
    ريم ولمى:هههههههههههههههههههههههههههههههههههه..
    في وغاده:ضحكونا معكم..
    ريم والضحكه في صوتها:نضحك على شي سخيف اقول غاده عن جد انتو بتجون للرياض..
    غاده ابتسمت:ايه وان شاء الله بكره بروح للدمام انا وطلال نجهز اغراضنا..
    لمى:عاد اتصلــــــي علينا بنجي نرتب معك..
    غاده:لا اخاف اتعبكم معاي..
    لمى:تعبـك راحه..
    ريم:اقــول بنات مليـــــت من القعده هنا وش رايكم نطلع للملاهي..
    مها:بس عسى مايصير معنا مثل ذيك المره..
    لمى:اووكي بس مين بيودينا فيصل ومشعل طالعين..
    ريم ناظرتها بخبث:افااا وتركي وين راح..
    لمى حمر وجهها:اتصلي بس اتصلي..
    ريم اتصلت وانتظرت بعدهـــا كشرت:الخـايس يرن ولايرفعه بعدين قفله في وجهي..
    لمى ابتسمت بنصر"احســـــــــن"..
    غاده رفعت جوالها:خلاص بتصل على طلال..
    مها شهقت شهقه البنات نطـوا منها..
    لمى ضربتها:عمــــــــى خرعتيني وش فيك..
    مها"لا تكفووووووون إلا ذا طليل":يعني مافيه غير طلال..
    غاده وعلى وجهها اكبــــر علامة استفهام:ليه وش فيه طلال..
    ريم ابتسمت:فيه الخير والبركـــه..
    مها بهمس:اييييييه مره..
    ريم عطتها كوع ومن بين اسنانها:فشلتيــــــنا..
    غاده اتصلت على طــلال:الووو..
    طلال وصوته كله نوم:خيـر..
    غاده بصوت واطي:النفسيــــه زفت..
    الكل:هههههههههههههههههههههههههههههههه..
    طلال:خير وش قلتــــي..
    غاده:اقـــــــول يابعد عمري ياحياتي ممكن تودينا الملاهي..
    طلال عصب:ومتصلــــــه علشان تقولين ودنا الملاهي مافيــــــــه..
    غاده:بليــــــز الله يخليك والله البنات مالين من القعده..
    طلال عقد حواجبه:اي بنات..؟؟
    غاده:لمى وريم و..
    طلال قاطعها بسرعه:ومها معكم..
    غاده ناظرت مها بأستغراب:ايه معنا..
    طلال:اوووكي يـــــــله شوفي اذا ماشفتكم عند السياره صافين بعد خمس دقايق مافيـــه روحه..
    غاده بفرحه:ياحبــــــــــي لك..<<وسكرت في وجهه..
    :يله يله بنــــات يقول اذا ماشفتكم صافين عند السياره مافيــــه روحه..
    مها ابتسمت بخبث"طيـــــــــب اوووووريك يالحافي"..
    ××في غرفة طلال××
    طلال نط من سريره ولبس جينـــــز كحلي وتيشيرت رمـــادي ضيق مبينه جسمه وعضلاته وقف قدام المرايه وحط جل:لجـــــــل عين تكرم مدينه يابــــعد قلبي يامها..
    ××
    نزل كوب الكوفي بصدمه:قل والــــــــــــــــله..
    تركي:والله وش فيــــــك..
    بندر:انـــــــــــــــت..
    تركي كشر:لا جدتي (قال بجديه) انا خلاص مليـــــــــــت من ذا الحركات البايخه عن جد يابندر تخيلت امي واختي مكانهم وش بيكون موقفي ساعتها..
    بندر اول مره يلاحظ الجديه في وجه تركي ابتسم بفرحه:الله يديمها من نعمــــــــــــه..
    تركي ابتسم:آآآمين هاه وانت..
    بندر:انا وشوو..
    تركي:انت ودانا اتصلت عليك..
    بندر:لا..
    تركي:ولا انت اتصلت عليها..
    بندر:لا..
    تركي عصب:وش ذا البــــــــــرود اللي عندك ياخــــــي..
    بندر:وش تبيني اسوي اتصل عليها بعد ماقالت انت ماتحس وانت مدري ايــــــش وانا قاعد ومتعذب علشانها..
    تركي:تبي الصراحه الصراحه وإلا بنت عمها..
    بندر:لا ابي بنت خالها..
    تركي تنرفز:بندروووووه..
    بندر:ههههههههههههههههههههه خلاص هدي يله قل اللي عندك..
    تركي:عن جد انت ماتستاهلها..
    بندر:افاااا..
    تركي:ياخــــــــي انت لوووح ماتحركت ولاسويت شي..
    بندر نزل عيونه وهو متضايق من كلام تركي وقعد يطق اصابعه على الطاوله..
    تركي:عارف زعلـــــــت الحين..
    بندر رفع راسه وهو مكشر:لا مازعلت (وقف) يله نمشي..
    تركي:لا انا بقعد شوي..
    بندر:اوووكي (مشى واشر له بيده) ســـــــلام..
    تركي بنفس الحركه:ســلام..
    ركب السياره وهو حاس ان هموم الدنيا كلها على راسه..
    ××
    طلال قعد يعطــــر السياره..
    في:خلااااااااص طليل خنقتنا..
    طلال:اذا كانت سيارة ابوك تكلمي..
    في:افففف..
    ××في شاليه ابوفيصل××
    ريم:يلــــــــــه مهاااااااا..
    لمى:اففففف وش قاعده تسوي هاذي..
    مها نزلت وهي ماسكه جزمتها في يدها وعبايتها وشنطتها قالت ببرود:يانعــــــــــم..
    ريم:بســـــــرعه خلصينا تأخرنا على الولد..
    مها جلست ولبست جزمتها:ينتظـــــــر وش وراه..
    ريم:لا هو على كيفنا..
    مها:والله محد ضربه على يده وقاله إلا غصب تودينا هو اللي وافق..
    لمى:اففف يله استعجلــــــي..
    مها وقفت قدام المرايه ورفعت شعرها ذيل حصان وقعدت تحط غلوس..
    لمى تنرفزت:مهــــــــــــا..
    ريم:اقوول خلينا نطلع قبل مايروحون عنا وهي بكيفها خليها تعفـــــــن هنا..
    لمى:يله امشي..
    ريم ولمى ركبــــوا السياره:سلام عليكم..
    طلال:هلا وعليكم السلام..<<ناظرهم من المرايه بأستغراب..
    :مها ماراح تجـي..
    البنات استغربوا كيف عرف ان مها مو موجوده..
    لمى:لا بتجي بس..<<تفشلت وسكتت..
    مها جت تركــــض ركبت السياره وخبطت بالباب تبي تنرفز طلال:سووووري تأخرت..
    طلال يناظرها من المرايه بخبث:لا عادي خذي راحتك..
    مها عضت شفايفها مقهــــوره"ياخذ ام النظرات ياشيييييخ"..
    طلال شغل المسجل ورفع الصــــوت على آخر شي..
    ثلاث ايام مَرن في حياتي غير..ثلاث ايام عشت الحب واغليتك..
    ثلاث ايام واتهجى كلام الطير..كلام اعذب من اعذب من تفديتك..
    رسالة حب شاهدها غلا وتعمير..على فؤادي تربع واسكن في بيتك..
    اقول انا شقد انا عطشان وانت البير..دلو فكري نضح من كلمتي ليتك..
    حبيبي والعطا يحتاج للتقدير..اذا صرحت انا اللي حيك وميتك..
    ثلاث ايام لكن مدري ش التفسير..بس ادري من ثلاث ايام حبيتك..
    ::
    طلال ركز المرايه الاماميه على مها ناظرها بخبث وهو يبتسم..
    مها عقدت حواجبها:معقوله يقصدني بهالاغنيه..
    لمى بهمس:ايــــش..
    مها انتبهت انها تفكر بصوت عالي قالت بأرتباك:هاه لا ولاشي..
    ××
    ××في سيارة مشعل××
    فيصل صرخ:مشعلووووووووه وقف وقف..
    مشعل فرمل بقوووه:خير وش فيه..
    فيصل بأبتسامه غبيه:فيه عرضه هنا وش رايكم ننزل..
    مشعل عض شفايفه مقهور:ووووووووجع ان شاء الله كل هالصراخ علشان عرضه على بالي فيك شي..
    نايف مسك رقبته:اذبحـــــــــــك..
    فيصل بعد يد نايف:خنقتني..
    مشعل:هاه وش رايك نايف ننزل..
    نايف تلثم:يله والله فيني رقصه..
    ..ونزلــــــــوا..
    آآآآه ويلاه ياوجدي على الصاحب اللي...مات من قبل لايسعد بغاية شبابه..
    ناحل الخصر غض العود ماهو من اللي..ينقض العهد غير الموت غدا بي..
    مشعل غمض عيونه تذكر مــــــــلاك..
    مــــــــلاك..
    تردد اسمها في اذنه..وش كثر مشتااااق لها..متى بينساها ويعيش حياته متـــــى..
    تذكر الكلام اللي مكتوب في الورقه"انسى الملاك الاسود اللي باعت شرفها برخيص"..
    طعنته هالكلمات..انســـــاها يامشعل خلااااااص هي خانتك هي باعتك انساها..
    "وقلبي ذا وش يفهمه"..
    نايف:مشعلووووه وين رحت..
    مشعل كمل رقص:زين انك مانسيت رقصنا ياولـــــد كندا..
    نايف:وانا اقــدر انسى..
    ::
    فسخت نظارتها وابتسمت:والله وحشتنــــــــي..<<ركبت السياره..
    :يله راجووو..
    شهقت:لحظه لحظه هيه انتي يالخبله ليه ماسلمتي عليه..
    فاتن:ياختــــــي مره اليوم مالي خلق بكره بتصل عليه وبواعده في مكان..
    نجود انقهرت:فاتنوووه لاتطلعيني من طوري الولد بيطير منك افهمــــــي..
    فاتن رفعت كتوفها بلامبالاة:ويطير احد ماسكه..
    نجود انقهرت:ياربييييييييييه وش فيك انتي يبي لك كف..
    فاتن قاطعتها بعصبيه:شوية ادب لو سمحتي نسيتي من تكلمين فاتن بنت راشد الـ... بنت الوزير..
    نجود:والنعم والسبعة انعام على عيني وعلى راسي (باستها) بليييز لاتزعلين..
    فاتن بقرف:خلاص مازعلت افف بس بلاش هالبوسات اللي مالها داعي..
    نجود:طيب يافاتن يابعد قلبي نايف مايتعـــــوض جمال واخلاق وثقل وفلوس ومو ناقصه شي..
    فاتن:طيب ورا ماتاخذينه لك انتي دامه عاجبك..
    نجود كشرت:عاد هو بيناظر في خشتي فاتن لاتضيعين سنتين على الفاظي استفيدي منه وبعدين سمعت انه بيتزوج انتي آولى فيه من هاذي اللي بيتزوجها..
    فاتن رفعت حاجب وفكرت بخبث:اييييه والله انا آولى..
    نجود صرخت بفرحه:يابعــــــــــد قلبي كذا تعجبيني..<<وقربت منها بتبوسها..
    فاتن اشرت لها بقرف:قلتلك ماله داعي..
    نجود كشرت:اييه صح نسيت..
    ××
    ××في المقهى××
    قاعد يناظر الناس اللي حوله وعقله مو معه"وش بيكون ردك يالمى لي تكفيييين لاتحطميني زياده تكفين لاتجبريني ارجع للطريق اللي ماشفت منه غير الهم"..<<التفت وشاف بنات يناظرونه وصرخوا..
    :وااااااااااااااااااااااااااااااووووو..
    البنت الاولى:ياويل قلبـــــــــي مااصدق اللي اشوفه معذب البنات قدامي..
    البنت الثانيه:يمه يمه بنااااااات الحقوني بمووووت..
    تركي عطاهم نظره احتقار ووقف ومشى لعندهم..
    البنات صرخوا:جـــــــــــا جا..
    تركي يناظرهم من فوق لتحت بأحتقار وهو منقرف:تفووو عليكم يااللي ماتربيتوا..<<ومشى عنهم..
    البنت الاولى كشرت:يارررررربي على شوفة النفس على ايش ماادري..
    تركي سمعها ولف عليها:من حقي اشوف نفسي دام قلبي تملكه (قال ببطئ) بنت متربيه..
    البنت:شوفوا مين يتكلم عن التربيه..
    البنات:ههههههههههههههههههههههههههههههههههههههه..
    تركي عصب قرب منها ومسكها من طرف عبايتها:يابنت الـ...؟؟ الزمي حدودك لاتخليني اسوي شي ماشفتيه في حياتك كلها..
    البنات خافوا ومشوا..
    البنت صرخت:عمـــــــــى بتتركوني لحالي معاه..
    تركي دفها عنه:يله انقلعــي واذا شفت خشتك مره ثانيه قسم بالله ماتشوفين خير..
    ××
    ××في الملاهي××
    ريم ولمى صرخوا:وااااااااااوووو الشوايه..
    مها:عمى قصري صوتك انتي وياها..
    في:بتركبونها..
    ريم بحماس:ايه اكييييد اجل جايين هنا ليش يله يله لمووو..
    مها:وبتتركوني لحالي..
    غاده بحماس:لا وش نتركك تعالي اركبي معنا..
    مها:لا بصراحه انا اخاف وخاصه من الاماكن العاليه..
    :خلاص انتو روحوا وإنا بنتظركم هنا..
    مها لفت شافت طلال موقف وراها بالضبط قالت بهمس:مو ملاحظ انك قريب مره..
    طلال انتبه وبعد:اووه سوري ماانتبهت..
    مها:اصلاً انت ماتدري وين الله حاطك..
    طلال ابتسم:لا ادري حاطني قداام ملاااك على الارض..
    مها رفعت حاجبها مستغربه من هالجرأه وقدام البنات:هيه وش هالحكي لاتنسى البنات واقـ..<<وسكتت التفتت حولها مالقت البنات كلهم ركبوا الشوايه وهي واقفه لحالها معاه..
    طلال:ههههههههههههههههههه الحين انا اللي ماادري وين الله حاطني وإلا انتي..
    البنات صرخوا:ميمــــــــــــــــــــــي واااااااااااااااا..
    مها تأشر على رقبتها وصرخت:اليوم انتو مقتولين مقتولين..
    البنات ضحكوا مع انهم ماسمعوها:ههههههههههههههههههههههههههههههههه وااااااااا..
    طلال دخل يدينه في جيوبه:هاه مدامنا فاظين وش رايك نتمشى مع بعض..
    مها رفعت حاجبها:لاااا انت واثق من نفسك بزياده انا اتمشى معك انت..
    طلال:ايه معي انا ليه مو عاجبك..
    مها:لا ماعجبتني ولاراح تعجبني..<<ومشت..
    طلال:لحظــــه مها..
    مها لفت عليه وبدون نفس:بليييز لاتلحقني ابي اتمشى لحالي..<<ومشت بخطوات سريعه وبعدت عن المكان بعدها لفت..
    :اووه مابغى يفك عنـــــي وش ذا الناس ياربـــي مثل هذا ماشفت نشبـــه في الحلق..
    :اشربي مويــــه..
    مها لفت وشهقت..

    تعليق


    • #3
      رد: تموت عيونهم فيني .. وانا بك ميته عيني الجزء الحادي والعشرون

      [align=center][align=center][table1="width:95%;"][cell="filter:;"][align=center]لووووووووووول
      يامها ما ظنتي طلوول رااح يخليج بحالج ..
      المهم نكمل القصه ..
      تحياااتي
      دموووع
      [/align]
      [/cell][/table1][/align][/align]
      [align=center]



      http://www.shbab1.com/2minutes.htm[/align]

      تعليق


      • #4
        رد: تموت عيونهم فيني .. وانا بك ميته عيني الجزء الحادي والعشرون

        ننتظر البقية غالية

        لك كل الشكر

        تعليق

        يعمل...
        X