إعـــــــلان

تقليص
لا يوجد إعلان حتى الآن.

تموت عيونهم فيني .. وانا بك ميته عيني الجزء التاسع والعشرون

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تموت عيونهم فيني .. وانا بك ميته عيني الجزء التاسع والعشرون


    ..الجـــ التاسع والعشرون ـــزء..

    وصلوا للقاعـــه الفخمـــه..
    طلع وهو يبتسم:هـــــلا والله زين انكم جيتوا..
    فيصل طل راسه من السياره:ليه فيه احد قالك ماراح نجي..
    طلال:هــــلا بالنسيب..
    فيصل ابتسم ونزل:هلا فيـــك..
    مشعل تصنع الابتسامه:هلا طلال كيفك..
    طلال:تمام الحمد الله..
    مشعل:عسى بس للحين مايعورك ظهرك من الطيحه ههههههههههههههههههههههه..
    طلال:هههههههههههههههههههههههههههه شوي..
    نزلوا وكل وحده لاهيه بنفسها..لفت والتقت عيونها في عيونه كانت تتمنى تعرف ردة فعله يوم سمع بخطبتها بعدت هالأفكار عن راسها ولفت عنه ودخلت..
    مشعل انتبه لها"الله يوفقك معه عن جد تستاهلين كل خير"..<<لف عليهم وابتسم وناظر طلال اللي عيونه معلقه على مدخل النساء..
    هزه:هيــــه يالأخو..
    طلال لف عليه:هــــلا..
    مشعل:خلاص خل السرحان عنك الحين وتعال ندخل..
    طلال ابتسم:يله..
    ××
    دخلوا القاعه اللي انبهروا بجمالها وكان من نظمها في قمــــــة الذوق..
    كانت سكري وذهبي والاضائه صفراء خافته تعيشك في عالم خيالــــــي..المدخل كان مزين بالورد جوري طبيعي لونه احمر وملفوف على ساقها الاخضر شريطه ذهبيه وسكري على شكل فيونكه اللي مكتوب عليها منصور ودلال متداخلين مع بعض بطريقه حلوه..
    الطاولات كانت على شكل دائري ومغطينها بحرير سكري وشيفون ذهبي وعليها بوكيه الورد الاحمر..والإضائه عليها معطيته شكل رهيــــــــــب..
    وقفت عند المرايه وقعدت تصلح شعرها وموضوعها شاغلها تتمنى تسمع كلمه منه يشجعها ترفض طلال تتمنى نظرة عتب او نظرة حزن تخليها تاخذ قرار بس شكل موضوعها مايهمه وبدت تشك بحبه لها وانه اصلاً مو داري عنها
    "بس لمى قالت انه يحبني مو معقوله انها تكذب علي"..<<ماحست على نفسها إلا بيد تهزها..
    :وين رايحه..
    مها:هلا انا معاكم..
    ريم ابتسمت بخبث:ايه مبين يله نمشي..
    مها:شوفي الغلوس كذا حلو وإلا احط زياده..
    ريم:لا حلــو يجنن يله امشي..
    مشت قبلها بكل دلال وغنج ودلع لفتت انظار الكل حولها صار يناظرها بأنبهار واعجاب ويسأل من بنته وهي تبتسم ابتسامه خفيه خجوله كانت لابسه فستان احمر مخصر على جسمها كانت مثل الحوريه وكان قصير من قدام وطويل من ورا..وكان فيه حلقه حول صدرها كريستال طالعه منها شريطتين تنلف حول حول رقبتها بطريقه ناااعمه وشعرها الشوكلاته مسويته تسريحه هنديه مقسوم من النص وملفوف بطريقه عجيبه خياليه حاطه ميك اب نااعم وبنفس الوقت جذاب يبرز جمال عيونها الواسعه الذباحه كانت حاطه شدو احمر وغلوس احمر وبلاشر وردي خفيــف وصندل ((الله يعزكم)) ينربط حول ساقها..كانت قمــــــه في النعومه والجمال..
    دورت على لمى بعيونها شافتها واقفه مع غاده وهديل اشروا لها وابتسمت وراحت لهم..
    :هااااي..
    الكل:هااااي..
    هديل:اهليــــن ريوم وحشتيني..
    ريم:وانتي اكثر..
    غاده بمزح وهمس:وين حرم اخوي المصون..
    ريم:ههههههههه تصلح شعرها..
    ××
    ؛؛..سعدي يوم بشروني انه بيجيني هنيا..الله لايحرم عيوني شوفته في كل جيه..؛؛

    ..عند مها اللي كانت موقفه عند البوابه تحاول تهدي اعصابها ماتبي تلفت نظر ام رياض وغاده تحاول تكون طبيعيه ومافيه شي مضايقها ولاتبي تبين لهم انها رافضه طلال..
    فجأه حست بأحد وراها ولفت ناظرته موقف ويبتسم ويناظرها من فوق لتحت..احتقرت نظراته واحتقرته كان تظن انه محترم ومو راعي هالسوالف قالت بدون نفس..
    :خيـــر ليه تناظر..
    طلال بأبتسامه وسيعه انبهر من شكلها ونعومتها:اظن مو حرام اناظر زوجتي..
    مها"ايـــه عشم ابليس الجنه هذا وجهي اذا تزوجتك انت وخشتك" وبقرف:بس انا للحين مو زوجتك ويمكن بعد ما اكون زوجتك..
    طلال بسرعه:الله لايقوله..
    مها ناظرته بأحتقار:انت وش جابك هنا..
    طلال تنهد:جيت اشوف قليبي..
    مها كشرت ولفت مشت وهي متقرفه منه كانت متردده توافق وإلا لا بس الحين اخذت قرارها ومحد يقدر يمنعها تتراجع لان هالقرار يخص حياتها هي وبس وهي مستحيل تفرط في مشعل بعد ماعرفت انه يحبها يكفي انها انتظرته سنين..
    قابلت في وجهها ام رياض وابتسمت بأرتباك..
    ام رياض بأنبهار:هــــلا تو مانور المكان..
    مها بلعت غصتها والارتباك واضح على وجهها:منور بوجودك خالتي..
    ام رياض:وش هالحلاوه (وبخبث) والله زين ما اختار طلال..
    تصنعت الابتسامه:عن اذنك خالتي..<<ومشت وهي تضغط على شنطتها مقهوره الكل حولها يحسبون انها بتوافق على طلال والكل يشوف ان مايعيبه شــي مايفكرون فيها اهي وفي رايها واذا رفضته بيتكلمون عليها هي وبيسألون ليه وكيف رفضته
    عضت على شفايفها"افففففف وانا وش علي في الناس انا اللي بتزوج وإلا هم وهذا وجهي ياطليل ان وافقت عليك مالت عليك وعلى خشتك اكرهك"..
    طلال يتأملها لما اختفت عنه..هاذي في يوم من الايام بتصير زوجته ملكه هي وحــده بس مايدري ليش يحس من نظراتها بالاحتقار والقرف وكأنها حسسته انها مو موافقه تعوذ من الشيطان وشال هالأفكار من راسه لو كانت مو موافقه كان قالت له في وجهه وبدون تردد لانه يعرف مها وطوالة لسانها..ابتسم"وهذا اللي عاجبني فيها"..
    صحى من سرحانه على صوت خالته:انت وش موقفك هنا..
    طلال:بطلع لدلال فوق..
    ام رياض ناظرته بخبث وابتسمت:انت من جدك تتكلم..
    طلال ارتبك:ايه والله توها متصله علي تقول اطلع لي و..
    ام رياض قاطعته:ياكثر هذرتك ياشيخ يله اطلع واذا جيت تنزل انزل من الدرج الثاني خلاص..
    طلال وهو يطلع الدرج بسرعه:اوكـــــي..
    مها اللي تحاول تكون طبيعيه وبين وقت والثاني تضحك على هبال البنات ضحكه مالها طعم وطالعه بدون نفس..
    ريم بهمس:مها ابتسمي ترى الكل لاحظ انك متضايقه..
    مها:وش اسوي غصب عني..
    ريم:حاولي تكونين طبيعيه تكفين نبغى تعدي الليله على خير..
    مها بدون نفس:اف طيب طيب..
    لمى:اقول هديل وين خلود ماراح تجي..
    هديل:لا بتجي بس قبل شوي اتصلت عليها و تقول توني طالعه من المشغل مع اني اشك انها صادقه اخاف مادخل عليها الفستان..
    الكل:هههههههههههههههههههههههههههههههههه..
    جت وهي تمشي بنعومه استغربت وبعدها انفجرت من الضحك:هههههههههههههههههههههههههههههههههههههه..
    لفوا عليها بأستغراب..
    لمى:خير وش فيك..
    هديل وقفت:لا ولاشي عن اذنكم..<<راحت لرهف اللي كانت تأشر لها..
    هديل ماسكه ضحكتها:ما اقدر على النعومه..
    رهف بدون نفس:كلي تبـــــن قبل شوي طقاق انا ودلال تقول لي صيري ناعمه لو اليوم بس وهذاني احاول (كشرت) مع اني تو سلمت على صديقة امي وبدون شعور قلت لها كفك كفك حمد الله انها مافهمتها..
    هديل:ههههههههههههههههههههههههههههههههههه طيب ليه نزلتي دلال تقول وحده منكم تجلس عندي..
    رهف:جا طلال وقعد عندها وانا احترمت نفسي وظفيت وجهي..
    هديل مسكت يدها:طيب تعال اعرفك على البنات..
    رهف مشت معها بطفش..
    ××
    كانت جالسه وحاطه رجل على رجل بغرورها المعتاد كانت لابسه فستان سواريه زمردي قصير لحد الركبه ضيق يحدد جمال جسمها..وميك اب كثيف زمردي واسود يبين حدة ملامحها..شعرها رافعته كله ومنزله غرتها على وجهها..شكلها كان جذااااب بمعنى الكلمه بس مخربته بغرورها الزايد..
    حاولت تضبط اعصابها عشان العجوز اللي جالسه جنبها تلمس كتفها وتسألها:يمي انتي بنت مين..
    مشاعل بدون نفس وبقرف:بنت عبدالرحمن الـ.....
    العجوز:ماشاء الله انتي جدتك نوره..
    مشاعل شوي وبترجع على وجهها:ايه..
    العجوز:ياحليلك انتي مخطوبه..
    مشاعل ناظرتها وهي فاتحه عيونها على اخر شي:عندك احد تخطبينه لي..
    العجوز ابتسمت:ايه ولدي الله يحفظه..
    مشاعل بغرور ناظرتها بأحتقار واشرت عليها بقرف:انا اتزوج ولدك انتي ياعجوز النار وووع قرف مالت عليك وعلى ولدك..<<وقفت ومشت بغرور وهي تبتسم بأستهزاء على شكل العجوز اللي انقلب الواااان..
    جلست جنب امها وهمست:افففف ليتني ماجيت..
    ام راكان عطتها كوع:انطمي لحد يسمعك..
    مشاعل تأشر بلامبالاة:اووووه اقول (وهي تناظر القاعه) شكل ابودلال كااااش..
    ام راكان:ايه شفتي مالت علي وعلى حظي خذت ابوك ذا المنتف..
    مشاعل تفكر بخبث:ماما سمعت ان طلال كاااش وعنده شركات وعمارات بس عمه اللي يدير املاكه..
    ام راكان:في راسك شي..
    مشاعل بدلع ماصخ:بصراحه مام طلال مايتعوض ومهيوه الخايسه ماتستاهله..
    ام راكان ناظرتها بنص عين وبتهديد:شوفي اذا فكرتي مجرد تفكير تتقربين من طلال بيكون شغلك عندي فاهمه..
    مشاعل هزت رجلها بقهر:افففففف..
    ام راكان:اختك وين..
    مشاعل رفعت كتوفها بدون اهتمام:مدري عنها..
    ××
    هيفاء اللي كانت قاعده لحالها ومنزله راسها للجوال وتبتسم لدرجة لفتت انتباه اللي حولها..كانت لابسه فستان اسود حرير وشيفون يوصل لحد ركبتها وملفوف حول خصرها شريطه عنابيه على شكل ورده..شعرها الاسود مموج وحاطه ورده عنابيه جنب اذنها بطريقه ناااعمه وحلوه..حاطه ميك اب ناعم شدو سموكي اسود وعنابي وغلوس عنابي وبلاشر خفيف كان شكلها مـــــره يجنن..
    رفعت راسها ولفت وناظرت حولها واللي كانوا منتبهين لها لفوا عنه وضحكوا بصوت واطي انقهرت وضربت رجلها في الارض وقفت ومشت مرت جنب الطاوله وسكتوا عن الضحك ابتسمت بأستهزاء وعطتهم نظرة احتقار لفت عنهم بغرور ورجعت شعرها عن كتفها بدلع..شافت امها ومشاعل ومرت خوالها جالسين راحت وجلست جنب مشاعل..
    :هاااي..
    مشاعل:اهلين وينك..
    هيفاء بهمس ومبين في صوتها الفرحه:كنت اراسل احمد..
    مشاعل:حتى هنا..
    هيفاء بدلع:حتى لو كان فوق سطح القمر اقول وين بنات خالك..
    مشاعل تأشر عليهم براسها بدون نفس:شوفيهم هناك..
    هيفاء لفت وطاحت عيونها على ريم اللي كانــت في قمة الجمال والنعومه والذوق مافيها تصنع ولافيها غرور"ماينلامون الشباب يوم انهبلوا عليك"..
    قالت تبي تقهر مشاعل:تصدقين عاد راكان وريم لايقين على بعض..<<ورفعت يدها لوجهها لاتقوم مشاعل وتكفخها..
    مشاعل عطتها نظره خلتها تكره اليوم اللي انولدت فيه وبقهر:بتسكتين وإلا وشلون..
    هيفاء ماسكه ضحكتها:سووووري..
    ××
    بمكااان ثاني في غرفتها المظلمه واللي يتخللها انوار الشارع من الشباك..جالسه في سريرها وضامه رجلينها لصدرها وتبكــــي بحرقه والم..في ليله ضاع كل شي انهدت احلامها وانتهت حياتها..كان بطنها يألمها بس المها النفسي غطى على كل الآمها الجسديه..في هالوقت محتاجه لاحد تفضفض له يساعدها تطلع من هالمصيبه ومن الفضيحه اللي حطت نفسها فيها بس محد راح يرجع لها شرفها وكرامتها اللي ضاعت تحت يدين انسان مايعرف الرحمــه..
    انفتح الباب وارتاعت وتراجعت لورا بخوف لدرجة انها طاحت من على السرير وهي ضامه بطانيتها لصدرها وتبكي وترتجف..
    ولعت النور وارعبها شكلها شهقت وهي حاطه يدينها على فمها:نـــــــوف..
    نوف بكت بصوت مسموع وبشكل يقطع القلب..
    ركضت لها منال وقربت منها لكنها صرخت بصوت مرتجف:بعـــدي عني..
    منال بخوف:نـ..وف انا منـ..ال..
    نوف ضمت بطانيتها وتراجعت لورا وشفايفها البيضاء ترتجف:بعدي عني بعدي عني..<<وقفت فجأه وركضت للحمام ((الله يعزكم)) وسكرت الباب نزلت راسها للمغسله ورجعت لدرجة انها تحس ان امعائها تتقطع من الالم صرخت وهي ماسكه بطنها و استسلمت لدموعها وكل ماله وصوت بكيها يزيد..
    منال تدق الباب بخوف:نوووف نوووف الله يخليك افتحي تكفيـــن..
    نوف جلست على الارض وهي ماسكه بطنها وترجع دم وتبكـــــي بألم وحسره وخوف اول كانت تلعب بأعراض الناس على كيفها ومحد يحاسبها والحين مصيبه تجر وراها مصيبه تلعب فيها على كيفها ولاتقدر توقفها ولاحتى تحمي نفسها..
    منال تزيد دق الباب وماتسمع رد بس تسمع صوت بكي نوف وهي اللي عمرها مابكت ولاهزها شي وش فيها وش صاير لها..
    :نوف تكفيــــن اطلعي تكفيــن نوف اطلعي وإلا بتصل على ابوك..
    نوف تصرخ في داخلها"ابوي هو اللي بسببه مشيت في هالطريق اكرهـــــــــــــك الله لايسامحك دنيا وآخره الله لايسامحك"..<<وقفت وهي تترنح وتسند يدينها على الجدار فتحت الباب وعيونها حمرا ووجهها اصفر وملابسها متقطعه بطريقه غريبه ومرعبه وهذا يدل على شي واحد مافيـــه غيره..
    منال تراجعت لورا وهي حاطه يدها على فمها وانفاسها سريعه:نوف انتي انتي..
    نوف ابتسمت بألم:ايـه (نزلت راسها وقالت بصوت فيه كره فظيع) من احمد..
    منال شهقت بقوه:احمــــد..
    نوف جلست على السرير وبصوت مبحوح:كنت ابي منه خدمه وسواها لي بس ماكنت اظن انه يبي يسوي (تغيرت نبرة صوتها وقالت بقهر) حقيـــــــر..
    منال انهارت جنبها مصدومه:مستحيـــل..
    نوف رفعت رجولها وضمتها لصدرها:انا استاهل (شهقت من البكي) حتى ملاك ملاك صديقتي واختي اللي ماجبتها امي جريتها معي في هالطريق وضيعتها وماتت بسببي..<<دفنت راسها بين رجولها وبكـــت دم بدال الدموع..
    منال بلعت غصتها:طيب وش ناويه تسوين الحين مع احمد..
    نوف بأشمئزاز كرهته وكرهت حروف اسمه:ولاشي..
    منال بعصبيه:يعني وشلون ولاشي نوف لاتجنيني..
    نوف صرخت بقهر:يعني وش تبيني اسوي هو مصورني بكاميرا فيديو وهددني اذا فتحت فمي بكلمه راح ينشر الشريط وبتصير فضيحتي على كل لسان..
    منال وقفت ومسكت راسها ودارت في الغرفه وهي تفرك يدينها ونوف نفس جلستها وتبكي..
    منال لفت عليها وتخصرت وهي تهز رجلينها بقهر:لو اني منك كان قتلته وريحت نفسي..
    نوف:وش راح استفيد تكفين كل شي ضاااع..
    منال:بس ابرد حرتي شوي..
    نوف تذكرت كل شي صار مع تركي وعشان هالشي التافه ضاعت حياتها كلها كان عاميها الحقد والكره وبسببها انشل وحرقت قلب امه وشبت نار القهر في صدر ابوه وهو كيف حياته الحين كيف عايش وبيرجع يمشي وإلا لا..
    تمددت على السرير وتغطت بالبطانيه وهي ترتجف احساسها بالذنب يقتلها ويعذبها ويحملها فوق طاقتها دفنت راسها في المخده اللي تبللت بدموع الندم والحســره..
    منال جلست جنبها:نوف خلاص انسي..
    نوف من تحت الغطا وبصوت مبحوح:انسى هو هذا شي ينسي وإلا بكيفي اقدر انسى..
    منال:لا بكيفك انا عندي لك سهـ..
    نوف قاطعتها بعصبيه وهي ترفع الغطا:انتـــــــي وش فيك ماتحسين وإلا غبيه ماتفهمين اقولك خلاص انا ضعت وضاع شرفي تقولين لي سهره (آشرت على الباب) انقلعـي عني انقلعـــــــي..
    منال وقفت وببرود:انتي اللي ضيعتي نفسك وش دخلني انا تحطين حرتك فيني..
    نوف صرخت وهي تبكي:انقلعـــــــــي عني..
    منال ارسلت لها بوسه:اوكي ابنقلع الحين باااااااي ياحلو..<<وطلعت..
    نوف بقهـــــر وقفت وبكت بهستيريا رفعت عطر ورمته على المرايه وتكسرت ورمت الاشياء اللي على الطاوله بقهر وحرقة قلب..طاحت على الارض ويدها انجرحت من العطر..رفعت يدها اللي تلوثت بالدم لشعرها وشدته وهي تبكـــــي قهر وآلم وحسره ونــــــدم..
    ××
    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    في مكاااان بعيد في بلد العشاق كانوا مع بعض يتمشون في شوارع ايطاليا ويضحكون والفرح مالي قلبهم..
    علي وهو ماسك الكاميرا ويبتسم:يله ابتسمي..
    رزان ابتسمت ومالت بجسمها وضحكت:هههههههههههههههههههههههههه..
    علي:قلت ابتسمي ماقلت اضحكي..
    رزان بدلع:وانت وش عليك اضحك وإلا ابتسم..<<قربت من الكاميرا وباستها..
    علي ورزان:ههههههههههههههههههههههههههههههههه..
    علي سكر الكاميرا:هاه وين تبينا نروح..
    رزان مسكت يده وحطت راسها على كتفه:اي مكان المهم اني معاك..
    علي لف يده حول خصرها:الله لايحرمني منك..
    رزان:ولامنك..<<فجأه حست بدوخه مسكت بلوزة علي وغمضت عيونها بقوه..
    علي بخوف:حبيبتي فيك شي..
    رزان ماسكه راسها:دايخه..
    علي:تعالي تعالي..<<سندها عليه وجلسها على كرسي وراح يجيب لها عصير جا بسرعه ومده لها..
    :خذي اشربي قايلك قبل مانطلع كلي لك شي بس ماسمعتي الحكي..
    رزان تبعد العصير عنها:لالا ما ابي..
    علي:لا تعاندين..
    رزان بتعب:ما اعاند بس عن جد ما ابي..
    علي:طيب قومي نروح للمستشفى..
    رزان:ماله داعي..
    علي وهو يعض على شفايفه:لاتعاندين يله قومي..<<مسك يدها ووقفها..
    وبمزح:آآآآخ ثقيله..
    رزان والضحكه في صوتها:سخيـــــف..
    علي ابتسم:عسل على قلبي ياقلبي..
    رزان ابتسمت بتعب..ووقفوا تاكسي وركبوا..وعلي خايف على رزان اللي وجهها اصفـر..
    رزان ابتسمت على شكله تحبه وتموت فيه وتتمنى اللي في بالها يصيـــر عشان تكتمل فرحتهم..ضغطت على يده اللي ماسكه يدها وكأنها بتضيع منه لو تركها..
    همست:احبـــــك..
    علي:وانا اموت فيك..
    ××
    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    نرجع للرياض وقاعة الرجال..الشباب فالينها ويرقصون..
    منصور:تصدقون شباب فيني رقصه..
    الكل:هههههههههههههههههههههههه..
    فيصل:اصبر لما تصير معها وارقص انت وياها على راحتكم..
    منصور حمر وجهه:عن جد تفكيرك شيــــــن..
    فيصل:اموووت على اللي يستحون..
    منصور لف على مشعل:ولد عمك مخه منسم بصراحـــــه..
    مشعل:من زمان توك تدري..
    منصور ناظر مشعل لحظااات كان واضح عليه التغيير 180 درجه وكأنه نسى ملاك ابتسم بأرتياح وقال:اقول مشعل ماودك تتزوج..
    مشعل يضبط الغتره:خلني القاها اول..
    منصور:حلوو يعني فيه نيه تتزوج..
    مشعل:ايه اكيد اجل بجلس عزوبي لما اعنس..
    منصور:ههههههههههههههههههههه..
    رائد جا وهو في كامل كشخته ابتسم لمنصور ومنصور بدوره وقف وابتسم..
    رائد:مبروك منك المال ومنها العيال..
    منصور:الله يبارك فيك عقبالك..
    رائد:آميـــــن تدري عاد مو مصدق انك بتتزوج حتى ما اتخيلك جالس وعيالك ينططون حولك..
    منصور كشر:ليه ان شاء الله..
    رائد:مدري شكلك مايأهل..
    الكل:هههههههههههههههههههههههههههههههه..
    رائد سلم على مشعل بحراره:مشتاقيــــن..
    مشعل ابتسم:وإنا اكثـر..
    نايف جالس يناظر الشباب ووده يقوم:شباب واحد منكم يقوم معاي..
    مشعل:انا ماراح اقوم اخاف تخرب الكشه خخخخخخخخ..
    نايف كشر ولف على فيصل:فصيل تقوم..
    فيصل رفع كمومه ووقف:يله..
    نايف ابتسم ووقف دق اللثمه ورقص ويا فيصل..
    منصور يناظرهم ورجله تحكه خخخخخخخ:ياشيخ ودي ارقص..
    مشعل:قوم احد ماسكك..
    منصور:لا وش تبي الناس يقولون عني انهبل يوم عرسه..
    مشعل ماقدر يتحمل منظر الرقص يشهي بصراحه خخخخخخخخخ وقف ودق اللثمه ورقص..
    رائد وقف يرقص..
    منصور بقهر:حتى انت..
    رائد:اجل بقعد اقابل خشتك..
    منصور عض شفايفه بقهر:اشوف فيكــم يوم..
    ××
    كانت جالسه ومرتبكه وخايفه وتفرك يدينها بتوتـــــر..
    هديل:ياحيــــاتي رحمت يدك..
    دلال بقهر:ممكن تسكتين افففف وينك ياخلود لو كنتي فيه كان ماصارت هاذي حالتي..
    جت من وراها وتأشر على فمها يعني اسكتوا حطت يدها على كتف دلال:اجل فاقدتني..
    دلال ارتاعت والتفتت وصرخت:خلــــــــــــود..
    خلود ابتسمت:ابي اذني هههههههههههههههههههههههه..
    دلال دمعت عينها ووقفت وحظنتها بقوه:كنت داريه انك بتجين..
    خلود:ايه مبين..
    دلال بعدت عنها ودموعها متجمعه في عيونها..
    خلود:تكفين لاتبكين..
    دلال ضغطت على يد خلود:خايفـه وقبل شوي حطيت حرتي في طلال..
    خلود:لاتخافين خلك طبيعيه وابتسمي (غمزت لها وبخبث) عاد اذا رحتي معاه فرغي طاقتك كلها فيه..
    دلال حمر وجهها ودفتها:هاهاها بايخـــــه..
    ××
    كان جالس على الكنبه ورافع رجله على حافتها وكالعاده ماسك سيجارته وياخذ نفس طويــــل وينفخه في الهوا..
    بنظر الناس اللي حوله مافيــه عيشه احلى من عيشته هاذي..
    مال..حريه..شرب..خدم حوله مثل النمل..بنات على كيفه ومثل الخاتم في اصبعه يلعب فيه واذا مل منه يرميه..يسحب من البنك مبلغ وقدره ويحطه في شي مايستفيد منه شي ومحد يقدر يحاسبه..
    قصـر واسع مايسكن فيه إلا هو ويسوي انواع المنكرات فيه بلاحسيب ولا رقيب..
    ابتسم بأستهزاء وهو يناظر سيجارته:شفتي انا وانتــــي محسودين على هالعيشه..<<انفتح باب القصر ودخل وهو يلعب بمفتاحه..
    راكان:انت انجنيت تكلم نفسك..
    احمد:والله ياقربي (وبأبتسامة استهزاء) خلصت منها..
    راكان:من هي ذي..
    احمد:اللي على قولتك زبــاله..
    راكان:كيف..
    احمد:خذت اللي ابيه ورميتها مثـل الكلـ..؟؟ ياحياتي كسرت خاطري..
    راكان:وخذته منها بالقوه..
    احمد:مانفع معها الطيب..
    راكان:وظنك بتسكت لك..
    احمد:ايه بتسكت وغصبن عنها (رمى عليه كاميرا الفيديو) شوف..

    يتبــــــــع..<<




  • #2
    رد: تموت عيونهم فيني .. وانا بك ميته عيني الجزء التاسع والعشرون


    تابــــــــــع..<<
    راكان يشوف وهو فاتح عيونه من الصدمه..ماكمل تقرف من اللي يشوفه ورمى الكاميرا في حظن احمد:وعاجبك اللي تسويه..
    احمد:لو كان مو عاجبني كان ماسويته..
    راكان بقرف:طيب انطم الله يخليك تراك قرفتني..
    احمد:ههههههههههههههههههههه بس اموت واعرف انت صديقي وطول الوقت معي وماتأثرت فيني..
    راكان تغيرت ملامح وجهه للضيق"بلاك ماتدري آآآآآه والله لو تدري باللي انا فيه كان تركت المصاخه اللي تسويها"..
    احمد:الووووو وين رحت..
    راكان انتبه والتفت له وحب يغير الموضوع:اقول من زمان ماسويت سهره غريبــه..
    احمد:بيني وبينك مالي خلق والسوق هالأيام مو ماشي مثل ما ابي بس قاعد احظر نفسي لشــــي رهيــب..
    راكان:وشو..
    احمد قاله كل شي وهو يبتسم بخبث واستهزاء..
    راكان:من جدك انــت البنت اول مره تطلع معك وشلون بتسوي لها كذا..
    احمد:بصراحه ما اقدر امسك نفسي ولا اقدر اقاوم هالبنت بالذااات..
    راكان:ودي اشوفها ذي اللي سيطرت على عقلك..
    احمد غمز له وبخبث:ابشر بسعدك خلني اخلص منها وبعدها برميها عليك وانت سو فيها اللي تبي..
    راكان بعصبيه:احمدوووووه انت عارف اني ما احب هالأشياء..
    احمد ببرود:طيـــــب طيب هد اعصابك ماقلنا شي..
    راكان تنهد بضيق:اففففف..
    ××
    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    مسكت يده وقلبها طااااير للسما من فرحتها نزلت دموع فرح على خدها وهي تضحك ودها تصرخ بفرحه..
    انا حاآآآآآآمل..
    ناظرت علي وهي تبتسم:مو مصدقه..
    علي ابتسم:مبروك ياقلبـــــي يتربى بعزنا..
    رزان حطت يدها على بطنها وهي تضحك:ودي اعرف بنت وإلا ولد..
    علي:ههههههههههههههههههههههه تو الناس لاتستعجلين على رزقك..
    رزان رفعت راسها وعيونها تلمع بفرحه:شوف اذا كانت بنت انا بسميها واذا ولد انت اللي بتسميه..
    علي جلس قدامها وهي ضاغط على يدها:طيب وش ناويه تسمينها حظرتك..
    رزان بلعت غصتها:ملاك (ابتسمت غصب وتصنعت الفرحه) ملاك علي الـ....... كشخه صح..
    علي لاحظ تغير وجهها بس سوى نفسه ما انتبه لها علشان مايسألها وش فيك وتقلبها مناحه:ههههههههههههههههههههههههههههههههه لا شكل اثآر الحمل بدت..
    رزان تمددت على السرير وهي حاطه يدها على بطنها:ملوكه تسمعيني ابوك هذا ودي اذبحــــه..
    علي كشر:افاااا قلبتي علي الحين ملوكه امك هاذي ودي (التفت على رزان اللي تناظره بقهـــر وابتسم) ودي اقطع خدودها..
    رزان رمت عليه المخده وفي صوتها الضحكه:خلاص عاد..
    علي:ههههههههههههههههههههههههههه..
    ××
    (!@#$%^&*!@#$%^&*)
    تمــوت عيونهم فيني..وانا بك ميته عيني..
    ..رومانسيه..خياليـــه..
    (!@#$%^&*!@#$%^&*)

    ..في قاعة النساء..
    لمى تشرب عصير وجنبها ريم اللي صدعت راسها من كثر ماقالت قومي نرقص ولمى ماتبــــي..
    لمى حطت الكاس على الطاوله بعصبيه:ريمووووه قلتلك ما ابي ماتفهمين..
    ريم:تكفين خمس دقايق بس..
    لمى بعناد:لا..
    ريم كشرت:كلي تبـــــــن..
    لمى:شكراً..
    مها:ههههههههههههههههههههههههههههههه وش فيكم..
    ريم:اقولها قومي ارقصي تقول لا مالت عليها اقول مها تعالي نرقص..
    مها سندت جسمها على الكرسي وسوت حركه بيدها بملل:لا مالي خلق..
    ريم عضت شفايفها بقهــــر:افففففف..
    مها بضيق:اقول ريم ظنك عمك بيغصبني على طليل..
    ريم مكشره:وانا وش يعرفني ابوك وإلا ابوي اففففف..
    مها تنرفزت:انا غلطااانه يوم سألتك يالنتفه..
    ريم:بس ابي افهم انتي ليه رافضته والله الولد ماينعاب لو كان خاطبني كان وافقت على طوووول..<<ايه هين خخخخ..
    مها:تبينه خذيــــه حلالك..
    ريم"لا شكراً عندي من يكفيني خخخخخخخ":والله الشيخه باعت الرجال..
    مها بدون نفس:بايعته من زمااان..
    ريم:طيب مهيوه لاتبينين لغاده وإلا لخالته انك رافضته خلي خالتي هي اللي تقول لهم احسن..
    مها:تصدقين عاد خالته واثقه اني بوافق على ولد اختها الخاااايس شفتي حتى اسمه ما ابي انطقه ووووع قرف..
    ريم:ههههههههههههههههههههههههههههههههه حرام عليك..
    مها:حرمت عيشة العدو وع ما احبه اكرهه مقــــــرف افففف..
    ريم ببرود:طيب طيب اعصابك..
    مها ودها تقوم وتتوطى في بطنها:تدرين وشو..
    ريم:وشو..
    مها:انا غلطانه يوم جلست معـــك..<<وقفت ومشت وآشرت لها ام رياض تجي عندها انقلب وجهها ولفت على ريم اللي تضحك..
    مها انقهـــــــرت وتتوعدها بيدها..
    ريم تأشر بيدها بلامبالاة:روحي والقلب داعي لك ههههههههههههههههههههه..
    مها انقهرت وسمعت ام رياض تناديها لفت عليها وتصنعت الابتسامه وجلست..,,
    ××
    نزلت من الدرج بسرعه وهي حافيه وماتناظر قدامها وصدمـــــت فيه شهقت ورفعت راسها انقلب وجهها مية لووون هاذي ثاني مره تنحط في موقف محرج معاه..
    دانا وهي تلف عنه وتطلع الدرج بسرعـه..
    ابتسم ورفع صوته علشان تسمعه:شوي شوي ماراح اكلك..
    دانا ماقدرت تمسك نفسها ولفت عليه وبأستهزاء:هاهاها ماتضحك..
    رياض:ماطلبت منك تضحكين..
    دانا بدون نفس:لا والضحكه بعد فيها طلب وماطلب تصدق توني ادري..
    رياض:والله بس هذا الخبر قديم..
    دانا بقرف:ياثقــــــــل دمك..
    رياض حط يده على قلبه:عسل على قلبــي..
    سمعوا صوت الباب ينفتح وبسرعة البرق دانا وصلت غرفتها سكرت الباب وهي تلهث..
    ريناد:هاه جبتي صندلك..
    دانا تلقط انفاسها:لا ماجبته..
    ريناد تنرفزت:اجل وش رايحه تسوين..
    دانا جلست على السرير تهدي اعصابها:شفت هذا مدري وش اسمه..
    ريناد صرخت بفرحه:ريـــــــاض..
    دانا عصبت:وجــــــــع قصري صوتك..
    ريناد مسكت يدها وسحبتها:يله يله ننزل..
    دانا مدت رجلها:انزل كذا..
    ريناد تخصرت:اففف اقول نادي سوماتي وقولي لها تجيبه لك بسرعــــــه..
    دانا رفعت السماعه:طيب وش فيك طايره..سوماتي جيبي صندلي الاسود شوفيه في الصاله كويكلي بليــز..<<سكرت ولفت على ريناد اللي تنطط قدامها..
    :دانووووه يله خلصينا..<<خذت عبايتها وشنطتها ومشت لناحية الباب وتنرفزت يوم شافت دانا جالسه وحاطه رجل على رجل وتنفخ على اظافرها..
    :دانووووووه ووجع بصير مثل عمتي امل والسبب انتي..
    دانا بدلع:من حسن حظك اذا طلعتي مثل عمتي وام زوجي مستقبلاً..
    ريناد انقهرت:اقول مو وقت احلامك الورديه الحين خلصينا ابي اكحل عيوني بشوفته..
    دانا انقرفت:وع مدري وش عاجبك فيه..
    ريناد ولعت:لو سمحتي لاتغلطين بعدين هو احلى من حقك ذا..
    دانا تلعب بخصلات شعرها بدلع:بندوري لاتقارنينه بحقك هذا اصلاً مافيه مجال للمقارنه..
    ريناد تدور شي تخبط دانا فيــه..
    دانا:ههههههههههههههههههههههههههههه..
    اندق الباب ودخلت الخدامه وهي ماسكه الصندل..
    ريناد سحبته منها ورمته على السرير جنب دانا:يله البسيه خلصينــــــا..
    دانا تلبس صندلها:اففف ترى اقلقتينا روحي انزلي (وبأستهزاء) وكحلي عيونك بروميو..
    ريناد ابتسمت:لا استحي (مدت بوزها) هاه خلصتي يالبطه..
    دانا وقفت:ايه يله يله صدعتي راسي افففف..<<خذت عبايتها وشنطتها وطلعوا وهم نازلين من الدرج..
    ريناد مسكت دانا:يمـــــه قلبي..
    دانا بدون نفس:رينادوه بعدي ابي امشي..<<دفتها عنها ونزلت بخطوات سريعه..
    ريناد تلحقها بسرعه:دانوووه وقفي..<<طلعوا للحديقه اللي كان جالس فيها ابودانا ورياض..
    ابودانا انتبه للبنات:هاه طالعين..
    دانا تناظر ريناد المفهيه واللي متمسكه فيها بدون نفس بعدها رجعت تناظر ابوها:ايه يبه طالعين..
    رياض اللي كان مشغول بالأوراق رفع راسه بسرعه يوم سمع صوتها..
    ابودانا:انتبهوا على نفسكم..
    دانا كشرت وهي تشوف رياض يناظرها من فوق لتحت"عن جد وقح":ان شاء الله يله مع السلامه..<<مشت وسحبت ريناد معها..
    رياض يراقبها لما طلعت واختفت عنه وعيونه تعلقت على الباب..
    ابودانا هزه:ريــــــاض..
    رياض انتبه وابتسم بأرتباك:سم طال عمرك..
    ابودانا:وين وصلنا..
    رياض ببلاهه:نعـــــم..
    ابودانا ابتسم:لا شكلك مو معي..
    رياض:هاه لالا معك..
    ××
    ..في قاعة الرجال..
    الشباب بعد مارقصوا رموا نفسهم على الكرسي بتعب بعد ماسوو جهد مو طبيعــــي..
    نايف:تدري وش مشتهي الحين..
    مشاري:وش مشتهي..
    نايف:مويـــــه بارده احط رجلي فيها آآآآآآخ..
    مشاري:اقول وراك تراجعت عن الخطبه..
    نايف ابتسم"لو قلتلك ليه اتحدى اذا صدقتني":حسيت انها ماتناسبني..
    مشاري:قالتلك شي..
    نايف:مثل ايش يعني..
    مشاري:يعني انها ماتبيك وكذا..
    نايف:لالا اصلاً هي ماتدري اني ناوي اخطبها..
    مشاري:وش عرفك يمكن امك وصلت لها الخبر..
    نايف:ما اظن بس يمكن هو..<<يقصد بندر..
    مشاري:من هو ذا..
    نايف تورط:هاه لامحد..
    مشاري يناظره بشك:متأكد..
    نايف خاف من نظرته:لا فيه اتصال بصديق خخخخخخ (وقال يصرف الموضوع) اقول متى سفرتك..
    مشاري:بعد اسبوعين ونص وإلا ناسي إنا بنسافر مع بعض..
    نايف تنهد بضيق:بيني وبينك ماودي اسافر قلبي تعلق في السعوديه واهلها..
    مشاري لف عليه:انت وش سالفتك اليوم تتكلم بالألغاز..
    نايف:انا اتكلم بالألغاز وإلا انت اللي مخك مقفل (غمز له) وإلا عند الحبايب..
    مشاري كشر:اشك انك صاحي اي حبايب..
    نايف بخبث:يمكن وحده خطفت قلبك قول ترى مالك إلا نايف..
    مشاري بدون نفس:هاهاها تنكت حظرتك..
    نايف يضبط الغتره:لا استهبل..
    مشعل اللي جا عندهم:هاه وش اخبار الرقص معكم..
    نايف:يسلم عليك..
    مشعل يناظره بشك:لا انت متغير فيك شي..
    نايف"بلاك ماتدري عن اختك اللي هبلت فيني خخخخخخ":لا انا بكامل قواي العقليه والجسديه بس يمكن علشاني حالق الشنب خخخخخخخخ..
    مشعل:خخخخخخخخ بايخه..
    نايف:عارف..
    ××
    ؛؛..علمتني يا ابوي معنى السعاده..واهديت لي من طيب قلبك قلاده..
    فيك الوفا يلقى وطن هو بلاده..وانت الوطن اللي عشت به رافعه الراس..؛؛

    كانت قاعده في وسط السرير وضامه رجلينها لصدرها وعيونها معلقه على الفراغ قدامها ودموعها تنزل على خدها..
    فارقتها امها وتركتها والحين بيفارقها مشعل اللي مستعده تعطيه روحها وقلبها وعمرها كله بس اكتشفت انه انسان عديم احساس..اناني..ومايحب إلا نفسه..
    لانه علقها فيه بكلامه المعسول والحين تركها وحب مها اللي كانت ماتعني له إلا بنت عم وبس..لكن الحين تغير الوضع بعد ماعرف انها بتروح لغيره يحاول يعلقها وبعد ماترفض طلال وتخسره بيتركها..
    هذا كل ماكانت تفكر فيه الحين..ماتدري وش اللي ينتظرها بعدين..*_^..
    فتحت الدرج وطلعت البوم صورها هي وابوها والصور كلها كانت في بريطانيا البلد اللي عاشت فيه بقية عمرها بعد ماطلق ابوها امها..كان ابوها يبعدها عن امها اللي اصلاً ماكانت سائله عنها والسبب الثاني بسبب شغله هناك..
    كانت في سن المراهقه عايشه بين ناس فري وفي مدرسه مختلطه علشان كذا هي جريئه وكل شي عندها عادي..تربت على يدين خدم وهاذي اكبر غلطه غلطها ابوها في حياته لو انه متزوج وتربت على يد مرة ابو عربيه مسلمه ماكانت هاذي حالتها ولاسمحت لنفسها تطلع وتجي مع مشعل وتمسك يده وكأنه شي عـــادي ومتعوده عليه..
    سكرت الالبوم ورمته على سريرها كرهت ابوها هاللحظه تحس ان الذنب كله عليه واهو اللي وصلها لحاله..
    شالت هالآفكار من راسها ووقفت دخلت الحمام ((الله يعزكم)) وناظرت وجهها ودموعها اللي اختلطت مع الكحل الاسود..رفعت يدها وفكت شعرها اللي تبعثر على كتفها..فتحت المويه وغسلت وجهها اكثر من مره علشان يروح الميك اب..جففت وجهها وربطت شعرها ونزلت..شافت ابوها جالس في الصاله وماسك ملف..
    ابوفي انتبه لها وفصخ نظارته الطبيه:مارحتي للزواج..
    في جلست وبدون نفس:مالي خلق..
    ابوفي عدل جلسته وناظرتها بتفحص:حبيبتي تعبانه فيك شي..
    في تصنعت الابتسامه:لا يبه مافيني شي..<<وقفت ولفت عنه تخفي دموعها اللي نزلت على خدها تحبـــه وماتقدر تستغني عنه هو عزوتها وتاج راسها وهو اللي عايشه عشانه حتى لو انه بعدها عن امها اكيد يبي مصلحتها..
    ابتسمت ومسحت دموعها هو اكبر هديه لها في هالحياة وعوضها عن كـــل شي تحتاجه..
    لفت عليه وجلست جنبه وهي تسحب الملف من يده..
    ابوفي:عطيني اياه..
    في:مافيــــــه سولف معي ترى مارحت للزواج عشانك..
    ابوفي:ايه العبي على غيري..
    في:ههههههههههههههههههههههههههههه..
    ××
    ملت من القعده وقامت ترقص مع هديل والحريم يصفقون لهم بحراره..ريم لفت بنعومه وهي تبتسم..
    هديل قربت من ريم وهمست:اقول شكل مالي داعي..
    ريم:لا لك داعــــي هديلوه ارقصي وانتي ساكته..
    هديل:لا ياحبيتي ارقص على الفاظي يله بترك الكوره لك خخخخخخ..<<ونزلت وريم مقهوره منها..
    ابتسمت بدون نفس وهي تكمل رقص والحريم يناظرونها ويذكرون اسم الله عليها..خلصت الاغنيه ونزلت وهي تمشي بنعومه جلست ونفسها موصله..
    :اكرهـــــــك يالخايسه..
    هديل:هههههههههههههههههههههه هذا جزاي بعد خليتك تاكلين الجو..
    ريم بدون نفس:شكراً شبعانه..
    الكل ماعدا ريم:هههههههههههههههههههههههههه..
    ريم تهز رجلينها بقهر:ايه اضحكوا اضحكوا وش عليكم مارقصتوا لحالكم مثل الجني مثلي..
    الكل:هههههههههههههههههههههههههههههههههههههههههه..
    ××
    مسك يده وضغط عليها و صرخ بألم:آآآآآه..
    الدكتور:تألمك..
    تركي يعض على شفايفه:شوي..
    الدكتور:المفروض اسوي ليدك مساج بين فتره لفتره..
    تركي كشر:يعني بطول القعده هنا..
    الدكتور ابتسم:ليه مليت منا..
    تركي قال بدون مجامله:مو شوي كثيــــــر ابي اطلع مليت..
    بندر قال بسرعه قبل مايقوم تركي ويكفخ الدكتور:دكتور ماعليك منه تراه يمزح..
    الدكتور:لا عادي كل الناس اصلاً يملون من المستشفى حتى لو كانوا قاعدين فيه يوم..
    تركي:ايه والله صادق انا مدري وشلون طلعت دكتور قلبك قلب اسد مو انسان..
    بندر عطى تركي نظره يعني انطم:دكتور ماعليك منه..
    الدكتور:هههههههههههههههههههههههههه لاعادي شكله مل من جد..
    تركي كشر:لا قاعد امزح معك انا..
    بندر بسرعه:تركـــــي..
    الدكتور طلع وهو ميت ضحك على تركي"الله يكون بعونك"..
    تركي بدون نفس:خيـــــر..
    بندر:طبيت في حفره يالدب حمد الله اني معك وإلا كان نادى الحراس ورموك انت وقشك برا..
    تركي:تدري وش اللي كنت اتمناه وماصار لي..
    بندر:وشو..
    تركي:انك مو قاعد معي لو كنت مو فيه كان انا الحين وقشي برا..
    بندر كشر:تراني بعد مثل حالتك منثبر معك بين اربع جدران يعني كلنا في الهوا سوا..
    تركي بضيق:بس انت تقدر تمشي وتطلع وتجي اما انا..<<وناظر رجله المشلوله..
    بندر:انت سمعت الدكتور قال بعد ما تلتئم جروحك بتبدا العلاج الطبيعي ويمكن بعد عمي فهد يرسل اوراقك لألمانيا..
    تركي:ايه هذا وجهي اذا سافرت..
    بندر:ليه بعد..
    تركي:اذا بتعالج بتعالج في السعوديه وإلا بتزوج واسافر..
    بندر ابتسم:انت من جدك تتكلم بتتزوج لمى..
    تركي بلع غصته وبضيق:مو لمى..
    :


    تعليق


    • #3
      رد: تموت عيونهم فيني .. وانا بك ميته عيني الجزء التاسع والعشرون

      [align=center][align=center][table1="width:95%;"][cell="filter:;"][align=center]وي عيل يبي منووو ..
      يالله برووح اركض على تكملت القصهـ ..
      تحـياتي
      دمـوع
      [/align]
      [/cell][/table1][/align][/align]
      [align=center]



      http://www.shbab1.com/2minutes.htm[/align]

      تعليق


      • #4
        رد: تموت عيونهم فيني .. وانا بك ميته عيني الجزء التاسع والعشرون

        الله يعطيك الف عافية

        على القصة


        ننتظر البقية

        تحيتي و تقديري

        تعليق

        يعمل...
        X