إعـــــــلان

تقليص
لا يوجد إعلان حتى الآن.

أقنعة !! بقلمي..

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أقنعة !! بقلمي..



    السلام عليكم ورحمة الله وبركاته



    ممم لا اعلم كيف ابدأ ..
    ربما لأنها المرة الأولى لكتابتي القصة
    لا افقه ابدا شيئا عن هذا الأدب سوى سلسلة
    المكتبة الخضراء
    وحكايا جدتي
    هنا سأدعكم تشاهدون
    اناس ربما يحاكون الحقيقة في عالمنا !
    على الاغلب بعض من
    ما مررت به والبعض من نسج الخيال!
    عرفت فاتي خانوم بجرأتها
    وهنا ستجدوني جريئة من خلال شخصياتي
    فليشهد العالم اجمعه اني
    بدأت خطوات اول قصة
    لي هنا معكم في عالم النت
    لأنه عاصر الكثير
    معي بما مررت فيه
    كثيرا ما تخونني التعابير
    فألجأ الى العامية وذلك اعترافا مني
    بأن اغلب ما سأرويه
    سيكون حدث في حياتي !
    ربما انا
    ربما هي
    ربما هو
    ربما الكثيرون ممن هم حولي
    القصة ستدور عن بعض
    الشخصيات الرئيسية
    ما يمرون به وكيف يكون
    هناك تسلسل الى كل نهاية بالعالم
    مع كل قصة ينتصر الحق
    اسأل الله تعالى ان يعينني في ذلك
    من لا يعرفني شخصيا
    فليعرف فقط اني اتأثر بكل ما هو حولي !
    هذا يكفيني للتعريف عن نفسي
    اتمنى ان ارى قبول منكم
    ومناقشة وتشجيع واستنكار
    ونقد وكل ما تشعرون به مع كل حلقة
    اتجاه الابطال وتنفيس غضبكم بهم بالنقد اللاذع الجرئء المحترم !





    حتى ذلك الحين استودعكم الله



    بانتظاركم

  • #2
    بانتظار الحلقات بفارغ الصبر :)


    و راح اكون من المتابعين انشالله <<< فيني ادمان قصص :)
    >

    مَـا أجمل أن يحضنگ شخص و يقول: (أنـت حـقّـي‎​ ) :$

    >

    تعليق


    • #3
      تأكدي راح تستمتعين معاي فقط اتركي العنان لخيالك
      حياج الله

      تعليق


      • #4
        مشكور على القصة

        يعطيك العافيه


        تعليق


        • #5
          عاشق القصة في الطريق هذي المقدمة ياخوي
          الشكر لله نورت :)

          تعليق


          • #6
            حكاية الأقنعة ستدور عن عائلة من الطراز القديم
            ام واب و3 بنات وولد
            الاب عبدالله من جنسية عربية رجل كبير بالسن تعب بحياته من غربة وخيبة الامل في الكثير من المواقف !
            الأم دلال كويتية شخصية مركبة ستتغير مع مرور الظروف عليها
            الأبناء بالترتيب حسب المرحلة العمرية بوصف موجز لهم
            ايمان = الشخصية الشديدة الحازمة ما يهما غير دراستها
            حبيبة امها
            فاطمة = هبلة البيت الحساسة اللي ماتزعل وان زعلت يراضونها بصمونة !هالهبلة مينونة فحب ابوها
            << ولأني احب ابوي راح اروي هالقصة واعيش دور فاطمة الهبلة (:
            خالد= الولد الوحيد المدلل الحنون الى ابعد ما تتخيلون !
            دانة : هالبنت اللي ما يهمها الا نفسها ! مادية نوعا ما
            يعني نظامها انا وبعدي الطوفان!!
            كانت عائلة سعيدة ولا ينقصها شي رغم فقرها الشديد
            كان الحب يسودهم والضحك يملأ البيت
            قمة الفرح كان بخروجهم مع بعض على البحر ويفترشون الرمل وبعدها يتعشون ويردون البيت
            حتى اتى خبر حمل الأم !!
            ممم الكل اعترض ماعدا خالد << طمعان بأخ يساعده على فريق هالبنات ههههه
            دانة: لا يمكن يما تحملين انا قربت ادخل الثانوية ويصير عندي اخو صغير وع يما اي شي :/
            فاطمة:يما شنو هذا انا بتزوج والا بربي ولدج << كان كل احلامها ريال يشبه ابوها
            وبأي مناسبة تترزز عشان يشوفونها يمكن تتنيل وتتزوج على قولتها
            ايمان شافت الكل معترض قالت مع الخيل يا شقرا
            يما مايصير خو انا بالجامعة وانتي حامل وع مو خوش سالفة @@
            الأم فكرت انه الحال سيسوء اكثر بكثير مع المولود الجديد
            كنت اسمعها تتصل بخالتي ام جاسم تقولها والله شقولج يا ام جسوم ياخوفي من كلام الناس
            مرة شكبري كرشي جدامي وي حسرتي هههههههه
            بيني وبينكم ماما تعبت وايد يعني من عمر واهي مظلومة وشقيانة مرت ابوها
            من صوب ويدتي القاسية اللي اهي امها من صوب !
            تلاقينها من وين يا ام خلود ):
            تبي تنحاش من الهم تزوجت
            اول من حسسها باهميتها اللي اهو بابا يمكن
            انه ابوي حبها لكن اهي ماتت عليه للحين
            تقولي شلون ابوي كان
            يتحرش فيها واهي رايحة المدرسة
            للحين لما تسمع اغنية عبدالحليم فاتت جنبنا تذكره !
            ورغم معارضة ابوها لجنسيته وانه مو من مواخيذهم الا انها
            وافقت وقالت يا هالولد يا ما ابي احد
            عاد عقب الزواج على ما سمعت منها تقول انه تغير عن الصورة اللي حبتها من اول يوم !
            تخيلوو اللي كان يتغزل بشعرها لبسها حجاب
            بيني وبينكم ماما شعرها فلافل على قولتها ارتحت من الفير والسشوار (:
            شوي شوي لبسها عباية مع العلم انه بديرته ماعندهم عباية !
            الغيرة خلته يشك في كل تصرفاته قررت ترجع بيت ابوها !
            وتعترف انها اساءت بالاختيار لكن ما امداها لأنها تفاجأت
            بخبر حملها لأول مولود وهي اختي ايمان
            مممم صبرت وقالت انا تعبت مع مرةابوي
            مابي بنتي يكون لها
            في يوم مرة اب وتعذبها نفس ما عانت بحياتها


            صارت حياتها مملة
            يمر اليوم بين جاراتها وبس وكل وحدة ريلها يطلعها
            وترد تسولف من الفرحة الا امي ما اذكر في يوم مر
            وطلعنا فيه الا وكانت تبجي من قسوة ابوي في معاملته لها
            مرت سنة وقررت امي تتسامح من ابوها وتاخذ ايمان معاها
            فرصة اذا شاف اول حفيدة له يمكن يحن قلبه ! لأنه عاندته في يوم !
            تقول جحتني ( طردني) من باب البيت كان عيد الفطر
            وكان عبدالله ( ابوي )
            ناطرها عند الباب يقولها دلال اذا رضا عليج طلعي ناديني
            اخذ رضاه كانت محاولة فاشلة وردت امي منزلة راسها
            لأبوي ركبت الوانيت مالنا لونه احمر اذكره زين (:
            وردينا البيت


            للأقنعة بقية ..

            تعليق


            • #7
              يعطيج العافيه و بانتظار البقية :)
              >

              مَـا أجمل أن يحضنگ شخص و يقول: (أنـت حـقّـي‎​ ) :$

              >

              تعليق


              • #8
                دونت بي ساد
                حبيبتي والله الحين بنزل بارت يديد
                تابعيني
                ولا تقاطعين :)

                تعليق


                • #9
                  في يوم حست ماما بأعراض الحمل
                  حللت والا اهي حامل فيني (:
                  تقول امي يوم ييت ويهي كان خير على ابوي حتى المؤسسة اللي كانت عنده سماها باسمي وصار كل همه اني اكون معاه
                  وانعادت سالفة امي وباباعود تبي رضاه ومارضا واحنا ماغير رايحين رادين بهالوانيت ههههههههه
                  انا وايمان على راس بعض اشكالنا تضحك بعناقيصنا ونفانيفنا
                  اذكر كل شي امي تشتري لنا نفس بعض
                  وكنا نفرق الهدوم شنو حق ايمانو وشنو حقي من المقاسات
                  اهي اضعف مني << خو من البلعة هههههه
                  ومرت سنة ..~
                  نفس الحال ..
                  وصل المعرس اخوي خلودي وفرحت امي
                  وحتى ابوي استانس اذكر انه كان يهتم بخويلد اكثر مني
                  لكن تبقى فطوم اهي الأستخبارات
                  صرنا الحين 3 مع امي وابوي
                  مواقف كثيرة مرينا فيها وايد كان يطق امي لما يدش البيت ومايلاقيها طابخة
                  او لما يدش البيت ما تفصخه دلاقه !
                  اذكر انها تلف ويهها صوب الثاني وتجعد ملامحها قرفانة من ريحة عرق ابوي
                  بس تدرون عاد على الرغم من انه ابوي يشتغل يوم كامل برا البيت الا انه
                  من يرد البيت اركض عليه وللحين ريحة عرقه احبها
                  في حين
                  انه امي وايد تلوع جبدها من يدش اذكر تقوله يلا جدامي اسبحك @@
                  ههههههههه كنا انا وخالد وامون نسمعهم يضحكون بالحمام
                  الحين عرفنا الغمندة هههههه خو كبرنا (:
                  وكنت انا احد المجندين في الاستخبارات من صوب بابا دوم يعطيني بليل
                  حلاو عشان افتن على امي وين راحت شنو قالت منو دش بيتنا !
                  امي تكفخني الصبح لما يطلع اذا قلت شي وابوي
                  يغرقني حلويات بليل
                  تدرون عاد والله ما اذكر انه في شي يسوى هالتكفخ
                  كنت وايد اجذب عشان الكاكاو والحلاو
                  تقول امي اني ام لسانين ههههه
                  امبيه شي ما يونس لكن والله ايام حلوة مع التكفخ (:
                  في يوم ابوي دخلني غرفة النوم واذكر عدل وقفته
                  ورا الباب
                  مسند الباب بريله اليمين !
                  انا طولي بالضبط لي ركبته @@
                  يقول فطوم



                  للأقنعة بقية ..

                  تعليق


                  • #10
                    تدرين من هالجزئين

                    اشوف القصه فيها تناقضات

                    بالاول الام تحب الابو و هم الابو نفس الشي

                    مرات يكرهون بعض مرات نجدهم عاشقين

                    احس فيه تناقض


                    تدرين بعدين بارد اقراها من جديد يمكن اكون غلطانه :)
                    >

                    مَـا أجمل أن يحضنگ شخص و يقول: (أنـت حـقّـي‎​ ) :$

                    >

                    تعليق


                    • #11
                      اهي بغت تتزوجه بغطاء الحب لكن بالحقيقة
                      اهي تبي الاهتمام وحنان الوالدين اللي مالقت في بيتها !!
                      لاحظي عندها مرت أبوو !!
                      ويوم خذاها من حبه لها قام يخنقها بغيرته!!!
                      فقام تكرهه
                      لا حظي فطومة نفسها ببعض المواقف تكره تصررفات ابوها !!
                      شوي لما انزل باقي البارتات راح تتضح الصورة !!
                      شكرا لأهتمامج وايد فرحت بالنقد :)

                      تعليق


                      • #12
                        هي راح تتضح الصوره اكثر مع الاجزاء القادمه

                        من خبرتي في قراءه القصص

                        غالبا تكون البدايه مبهمه بعض الشيئ و تضيع

                        عشان تجبر القارئ على المتابعه للآخر
                        >

                        مَـا أجمل أن يحضنگ شخص و يقول: (أنـت حـقّـي‎​ ) :$

                        >

                        تعليق


                        • #13
                          تدرين عاد انا ما لي بالقصص
                          اللي يطري فبالي واللي عشته بقوله وامري لله ههههههههههههههه
                          حبيت اهتمامج
                          حاليا بنزل جزء يديد :)

                          تعليق


                          • #14





                            في يوم ابوي دخلني غرفة النوم واذكر عدل وقفته ورا الباب
                            مسند الباب بريله اليمين ! انا طولي بالضبط لي ركبته @@
                            يقول فطوم منو اليوم زار ماما ؟
                            مادري ليش خفت يمكن لأني ماعرف
                            منو اللي شفته سلم على امي وباسها؟
                            قلتله مادري بابا
                            ابوي : فطوم اوديج يابابا hungry bunny
                            << يغريني فديته
                            جان اقوله ريال طويل خشمه كبير ههههههه
                            تغيرت ملامحه!
                            لكن قام يلح علي !
                            منو ليش شكو ؟ متى ؟ شكثر قعد مع امج ؟
                            زين وين قعد معاها !!
                            للحظة الياهل المرعوب فيني من تصرف بابا
                            تحرك
                            جان اقوله يعني مفتش وحيد يابابا
                            مممممم ياني كف بيده اللي
                            لو حطها على ويهي تغطيه كله ماشاء الله
                            تراااااااااااااااااااااااااااخ !
                            ويهي طق بالطوفة
                            حرام بابا شنو سويت وبجيت
                            وراح على امي !!
                            وي حسرتي ما انساه شلون كان يشد شعرها الى غرفة النوم !
                            تخيلته وحش !
                            كرهته للحظة
                            لدرجة اني تركت الحلويات ورا باب غرفة نومنا ورحت نمت تحت السرير !
                            خالد وايمان كانو يكرهوني لأني فتانة
                            فجأة خالد اللي اصغر مني بسنة يسبني يقول انتي حمارة كبيرة
                            انتي ماحبين ماما ماحبين نفرح كله هاوشينهم هاوشينهم <<< 5 سنوات
                            من يومه مبلتع لوووول
                            ايمان : انتي ما تحبينه انتي مو اختنا اصلا احنا ربيناج لما لقيناج بسلة عند الباب
                            رحت ابجي بالحمام !
                            كنت اكلم نفسي ياترى صج اللي قالوه
                            انا حمارة كبيرة
                            امبيه انا شسويت ماما طلعت من غرفة النوم
                            خشمها فيه دم @@
                            ابي انحاش من نفسي
                            مادري وين اروح
                            شنو هالشيطان اللي كان بداخلي وانا ياهل
                            اف اف كرهت شغلى الاستخبارات من يومها !
                            ابوي يومين قافل علينا الباب وامي لامتنا وتبجي
                            << جيكو شنو قلت ؟
                            لامتنا يعني انا مع ايمان وخالد(:
                            يعني الحمدلله انا بنتهم مو مثل ما قالت ايمان
                            ثاني يوم بليل
                            دخل بابا علينا ومعاه هدية كبيرة
                            باس امي
                            قالها انتي الغالية يا ام خلود
                            وغمزلي عباله اني احبه وراح احضنه نفس
                            كل مرة يرد من الدوام
                            مارحت طبعا ركضت تحت السرير وانا اقول
                            في نفسي يارب يلحقني ويراضيني بالحلاو
                            الغريب انه بعد دقايق من وصول بابا دخل
                            الريال الطويل ابو خشم كبير !
                            باس امي بحضور ابوي@@
                            مادري ليش احس البوس ماكان حق غير بابا
                            يمكن لأني ماعرفت اهل امي !
                            على طول ركضت اوخره عن امي وخر
                            هذي امنا يابقرة يا خشمك كبير
                            تدرون بوخشم عوود هذا منو ؟
                            هذا خالي احمد
                            فديته يه باباعود طرشاه عشان يراضي امي ويبلغها ان باباعود عازمنا على بيتهم حزة الغدا
                            امي من الفرح قامت تبجي وخالوو احمد بجا !
                            يؤ ويمان بعد @@
                            بس عاد ترا والله ابجي
                            والا اقولكم ترا بجيت ولما لمحت خالد من بعيد قاعد يطالع الهدية ركضت اقوله مو انا اختكم شوفني ابجي
                            انته ما تبجي انته مو اخوي بس انا اختك
                            سوالف يهال
                            اما الهدية الكبيرة وسالفة عزيمة بابا عود
                            بقولها لكم بالتفصيل لأنه كان عالم غريب علينا
                            صراحة


                            وللأقنعة بقية ..

                            تعليق


                            • #15
                              ههههههههههه و الله ضحكت على اخر شي


                              يعطيج العافيه و لازلت متابعه:)
                              >

                              مَـا أجمل أن يحضنگ شخص و يقول: (أنـت حـقّـي‎​ ) :$

                              >

                              تعليق

                              يعمل...
                              X