إعـــــــلان

تقليص
لا يوجد إعلان حتى الآن.

تجربه نيسان زد 2008 + تقرير مفصل وشامل ( قسم السيارات )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجربه نيسان زد 2008 + تقرير مفصل وشامل ( قسم السيارات )

    السلام عليكم ورحمه الله وبركاته
    شلونكم شخباركم
    اليوم موضوع عن تجربة نيسان زد 350
    نبداء الموضوع بسم الله
    المكينة 6 سلندر على شكل V بسعه 3500 سي سي و 327 حصان مع عزم دوران 37.9 كجم متر.
    موديل سنة 2008 تغيرت مكينته بالكامل او تم التعديل عليها لانه عدد الاحصنه حاليا صار 327 هورس باور
    والموديلات السابقه مابين 285 الا 295
    الجير اتوماتيك من 5 سرعات و العادي 6 سرعات
    ونظام ال (VDC) اللي هو Vehicle dynamic control وهو نظام مانع الانزلاق
    ونظام البريك من شركة برومبو
    و8 وسائد هوائيه
    مقاس العجلات الاماميه 225/45R18 91W
    مقاس العجلات الخلفيه 245/45R18 96W



    التسارع الرسمي للسياره هو 5.9 ثانيه
    اما بالنسبه للمواصفات فهي تعتبر من الفئه المتوسطه وكل مواصفاتها ستاندرد يعني لا يمكن اضافه ولا ازاله شي ويتم الاختيار
    ما بين نوع الجير واللون الداخلي والخارجي فقط
    والفرق في الموصفات اللي هنيه واللي في الدول الثانيه



    مسجل MP3
    شاشه معلوماتيه عن انظمه السياره
    نافيجيشن
    بلوتوث
    المرايا اللي في الوسط اتوماتيك (تعتيم اتوماتيكي)
    انا قمت باضافه عده اشياء الى السياره وهي ( شاشه، دي في دي، نافيجيشن،كاميرا للرجوع الى الخلف،
    قاعده تلفون Nokia 6230i)



    والحين اخليكم مع الصور ويكون تحت كل صوره التعليق عليها



    صورة للسياره في مدينة العين



    صورة عند المينا، وباين في الصورة الاختلاف بين موديل 2007 و2006 والي هو تصميم غطاء المحرك



    في هالصورة يبين نظام غسيل الاضواء، والرنجات هذي تنزل مع السياره من موديل 2005،
    ويبين البريك سيستم اللي هو من شركة برومبو




    صورة لخلفيه السياره واللي برأيي مضيعة هيبه السياره شوي، وباين انه نوع الاضائه الخلفيه هو LED


    محرك السياره والشي المميز انه في مساحه كبيره بين البدي والمحرك وهذا عامل ايجابي لسلامه المحرك


    في حال حدوث حادث لا سمح الله








    كرسي السايق ويفرق عن الكرسي اللي جنبه انه فل اتوماتيك (تحريك الظهر والقاعده) اما الكرسي الثاني بس القاعده



    وهنيه يبين الزر اللي يتحكم بس في القاعده، وبعد نظام التدفئه للكرسيين



    وهذي المنطقه الي ورا الكراسي على طول وتبين فيها مساحات التخزين الكثيره لتعويض غياب مساحة التخزين الاماميه، سماعه بقطر 10 انش من نوع بوز



    وهذي مساحة التخزين اللي تيجي ورا الكرسي اللي بجانب السايق، وواضح كيف حجمها كبير، وبجانبها
    سوكت للشاحن



    باب السايق واللي يختلف في تصميمه بعض الشي عن الباب الثاني



    منطقه التحكم بالنوافذ وقفل الباب



    عجلة القياده،ونظام تثبيت السرعه والتحكم بالمسجل وواضح كيف تصميمها بسيط



    ازرار التحكم بمثبت السرعه
    التعديل الأخير تم بواسطة BIG^BOSS; الساعة 10-11-2008, 06:43 AM.
    [flash=http://up.mrkzy.com/flash/uploads/5352020e68.swf]width=500 height=310[/flash]


    &أشر على التصميم لسماع الصوت &

  • #2



    العدادات



    ازرار التحكم في عرض درجه الحراره الخارجيه وكم وقت شغاله ونظام حساب التسارع






    عصا التحكم في تشغيل واطفاء الانوار والضوء العالي



    دعسه البترول والبريك



    زر تشغيل واقفال نظام الانزلاق، زر تشغيل غسيل الاضواء الاماميه



    مسجل السياره وطبعا وظائفه عاديه مثل باقي السيارات
    عصا التحكم بالجير، وواضح ايضا نظام التحكم بالتكيف






    واضح من هالصوره تحويلة التلفون، والعدادات الثلاث اللي فوق اللي تعطي قراءه لضغط الزيت والكهربا واول واحد عاليسار يعطي درجه الحراره الخارجيه وعداد زمني للتسارع بالثواني، وواضح بعد الدرج اللي فوق المسجل اللي غيرته بواحد ثاني عشان الشاشه



    الشاشه وهي شغاله بالنهار وهي من شركه شارب، ونظام جارمن للملاحه







    الشاشه في وضع الرجوع الى الخلف تعطي صوره للي موجود خلفك (في النهار)



    في الليل



    منظر عام للسياره من الداخل


    التعديل الأخير تم بواسطة BIG^BOSS; الساعة 10-11-2008, 07:07 AM.
    [flash=http://up.mrkzy.com/flash/uploads/5352020e68.swf]width=500 height=310[/flash]


    &أشر على التصميم لسماع الصوت &

    تعليق


    • #3

      الاطار الاضافي في دبة السياره والعدة



      فيديو التسارع
      عاد اسمحولي كنت اصور التسارع وانا ماسك التلفون وابدل جير وقابض الستيرينج والشارع زحمه يعني بالعري متلعوز
      بس انتبهو على الازعاج الي يستوي بعد ما اطوف ال 120 كم/ساعه وكأنه الدريشه مفتوحه


      http://www.youtube.com/swf/l.swf?swf...ad_modules= 1
      وصلنا للتقيم وبحاول قد ما اقدر اكون حيادي :
      الايجابيات:
      - سياره قويه وشبابيه من الفئه الاولى وعزمها قوي
      - عمليه وقطع غيارها متوفره وباسعار مناسبه نسبيا
      - صرفية البترول فيها عاديه جدا جدا ( تعبي الخزان كامل من الصفر بـ 95 درهم اذا كان خصوصي وتكفي ل 4 ايام)
      - منظرها شرس من الامام
      - مريحه جدا في القياده حتى لمسافات طويله وكانها سياره صالون
      - قدره تجاوبها عاليه ومتجانسه
      - نظام سمعي ممتاز جدا
      - ثباتها العالي جدا جدا
      - نظام البريك فيها قوي جدا


      السلبيات:- سقف السياره من الداخل مافي اي عنصر من عناصر السلامه
      - عدم وجود درج تخزين امامي
      - التصميم في الخلف غير متناسب مع التصميم في الامام
      - الدبه صغيره
      - اصدار ضجيج مزعج عند القياده على سرعات عاليه (من الهوا الخارجي)
      - سعرها بالمقارنه لمواصفاتها تعتبر غاليه
      - التكيف فيها متواضع بالمقارنه مع السيارات اليابانيه الثانيه
      اتمنى اكون عطيت صوره شامله عن السياره وعلى اساسها اي شخص يقرا التقرير يقدر يقرر هل ياخذها والا لا
      شكر خاص للخ اف زد 350

      .
      .
      .
      .
      .
      .


      وان شاء الله نال اعاجبكم
      [flash=http://up.mrkzy.com/flash/uploads/5352020e68.swf]width=500 height=310[/flash]


      &أشر على التصميم لسماع الصوت &

      تعليق


      • #4


        وااااااااااو موضوع مميــــــــز


        بايــن انك تعبـــــــت


        متعوب عليــه يعطيــكـ الف الف عافيــــــــــــــه

        {.ثَـِـَـانكـٌـًس عـًـٌلــَىِ الاَهَـُــِـِـدَاٌءَ .}

        ِ ِِ ِِ

        لَستُ بِهَذَا الغُـــرورَ الــذِيْ { لَايُطَـــاقْ }

        ولَستُ المــرأة المُتَكَــبِرَهـ الذي لَايُعجِـــبُهــــا شـــَيءْ

        كُلْ مَــافِـــيْ الَأمـــــرْ ....؟

        أنْــــني آخَتَلــــِفْ عَنْ بَـقِــيَــــةٌ النســــــاء

        لـــِذَلِكَ لَا أحَدَ يستَــطِيعْ فهـــــمِيْ سِـــوى


        { القَـــلِيلْ مِــــنْ البَـــشَرْ }

        تعليق


        • #5
          والله تقرير ميه ميه بومبه


          وواضح ما شاءالله


          والي يبي ياخذها ياخذ جير عادي مو اوتو :p


          يثبت
          Facebook : Katolchy al

          تعليق


          • #6
            هلا والله دلوعه :)


            تستاهلون التعب والله واكثر وانا ماسويت شي تسلمين قواج الله دوم منوره ياربي
            [flash=http://up.mrkzy.com/flash/uploads/5352020e68.swf]width=500 height=310[/flash]


            &أشر على التصميم لسماع الصوت &

            تعليق


            • #7
              هلا والله تيمون :p

              تسلم حبيبي على التثبيت ولو تستاهلون اكثر


              قواك الله شمعنه العادي :p يا انته يالي تسوق عادي
              [flash=http://up.mrkzy.com/flash/uploads/5352020e68.swf]width=500 height=310[/flash]


              &أشر على التصميم لسماع الصوت &

              تعليق


              • #8
                يعطيك العافيه بيج ع الموضوع المميز والمتعوب عليه .....


                يعطيك العافيه تقرير مفصل وشامل مشكور ع الموضوع .........

                تعليق


                • #9
                  ينقل للمٌمٌيز ..

                  رَائع ..
                  New Life , New Beginnig
                  Sound of silence

                  تعليق


                  • #10
                    الله يعافيك اخوي نواف التميز اهو حضوركم حبيبي قواك الله
                    [flash=http://up.mrkzy.com/flash/uploads/5352020e68.swf]width=500 height=310[/flash]


                    &أشر على التصميم لسماع الصوت &

                    تعليق


                    • #11
                      ياهلا والله كاي يعطيج الف عافيه على نقل الموضوع الرائع حضورج الطيب قواج الله
                      [flash=http://up.mrkzy.com/flash/uploads/5352020e68.swf]width=500 height=310[/flash]


                      &أشر على التصميم لسماع الصوت &

                      تعليق


                      • #12
                        يعطيك العافيه ياغالي


                        قبل أحبك كنت أنا احب الرياض
                        ومن عرفتك زاد أنا حبي لها

                        ياللي وجهك زادها نور وبياض
                        صرت أحس انك حبيب أنوارها

                        انت مامثلك ولافيك اعتراض
                        وشوفتك ياكثر ما اشتاقها

                        لك غلا في داخلي عدى وفاض
                        ولك محبه مافي قلبي بعدها

                        الهوى والشوق وورود الفياض
                        كلهم صاروا معي عشاقها

                        المحبه حلم وعشته بالرياض
                        وللرياض ولك حياتي كلها

                        تعليق


                        • #13
                          الله يعافيك اخوي بدر قواك الله
                          [flash=http://up.mrkzy.com/flash/uploads/5352020e68.swf]width=500 height=310[/flash]


                          &أشر على التصميم لسماع الصوت &

                          تعليق


                          • #14
                            يعطيك الف عافيه وماقصرت قمة بالابداع
                            [email protected]

                            تعليق


                            • #15
                              الله يعافيك ويخليك اخوي قواك الله الابداع حضوركم
                              [flash=http://up.mrkzy.com/flash/uploads/5352020e68.swf]width=500 height=310[/flash]


                              &أشر على التصميم لسماع الصوت &

                              تعليق

                              يعمل...
                              X