إعـــــــلان

**غاليه بعيون مغليها** · 08-25-2011, 08:30 PM

رد: قصه غرورك صادف عزه النفس فيني الجزء الخامس

حنان فتحة الباب واستغربة من ابوها\هلا يبه بغيت شي..
ابو بدر\ايه ابيك تجيني هناك بمجالس ضروري وبسرعه..
حنان\الحين..؟
ابو بدر\ايه بسرعه يالله.
حنان\بس يبه وش تبي..؟
ابوبدر بعصبيه\بسرعه انتظرك هناك..
حنان\يالله بس بلبس شبشي واجي..
طلع ابو بدر للمجالس ولحظات ..وكانت حنان تمشي في سور الفله لجهة المجالس ..كل شي طبيعي.. وماينبئ بعاصفه قادمه ..
كل شي عادي الا..جيت ابوها لغرفتها هاذا ماعمره سواها حتى بمرضها..
لحظات وكانت حنان عند باب المجلس.. والشي الاكيد الي حاطته براسها ان ادوات الشطرنج حقته ضايعه..
وانه يبي ادورها معه.. او يبيني اقرى الجريده له اكيد مافي شي ثاني..
يوه ادخل وارتاح...
طقت باب المجلس..
ابو بدر\تفضلي حنان تعالي..
دخلت حنان بعفويه\ها يبه وش بغيت تراني متره من فوق ولادري وش عندك..
ابو بدر بهدوء\عندي انشاء الله الخير..
لفت حنان ريحت عطر نفاذه في المجلس.. لما انتبهت شافت شخص قدامها جالس وعيونه عليها ..متعلقه..
شخص ماقدرة تميزه من الصدمه وسامه والا رهبه..
حنان لفت بشكل الاكتروني واتجهت بشكل سريع لباب لما استوقفته ذراع ابوها\انتظري هاذا خطيبك ..وجاي يشوفك النظره الشرعيه
حنان\؟؟؟؟؟؟؟؟؟؟؟؟؟؟؟؟
تجمعت هول الصدمه والمفاجئه ..والرعب والحيره.. على معالمها الهادئه لتصبح متضرسه من الهضاب..
حنان\وشو..؟
ابو بدر بعصبيه\خطيبك وبيشوفك اركدي خليه يشوفك زين..
حنان\كيف؟نعم؟؟انت وش قاعد تقول..؟ ترانا مو بهايم عندك كل وحده لها قرار ..
ابو بدر\اسكتي والا والله ان تشوفي شي مايعجبس...
حنان سكتت من الرعب الي اكتساها ..وعيون ابوها الي ترعب.. عمرها ماشافت فيها نظرة حنان ..او عطف كله برود وغضب ..
ارتجف جسمها الريان من الشخص الي احتدة نظراته لجهتها ..
الشخص\لو سمحت يابو بدر ابي اجلس دقايق مع حنان...
ابوبدر وهو يناظر حنان بحده\ماله داعي تمقل فيها وانتهينا..
الشخص\دقايق بس..؟
ابو بدر وهو بالعها\طيب دقايق..
مسك ابو بدر ذراع حنان وقالها بصوت واطي وهو شاد عليها\لاتفضحيني برجال ان اقطع راسس..
تحولت الدموع المتحجره في عيون حنان..... بعد صوت الباب المعلن عن خروج ابوها من المجلس..
الى قطرات للوللو تتساقط على الخد الاسيل..
الشخص\شدعوه لها الدرجه انا شين؟؟
حنان رفعت عيونها بحقد لجهته.. للتصتدم بوسامه كافيه ان تجعلها تسقط بين يديه..
لاكن تمالكت نفسها ابوها باعها لهاذا الانسان برخيص برخيص ...
الشخص\اقعدي ياحنان ترى كلها دقايق..
حنان بعصبيه\مابي اجلس قول الي عندك وخلني اروح..
الشخص\ههههه اقوم انا اوقف عندك...
حنان ارتبكت بزياده وولع وجها نار لما وقف قدامها وصار طوله الفارع مقابلها تمام..
الشخص\اظن ان الوالد ماقالك ابد عن الموضوع ...؟
حنان\....
الشخص\طيب اقولك انا..
حنان\مو لازم الموضوع وفهمته.. وانا مابيك ..وياليت توفر على نفسك وتقول انها ماعجبتني..؟
الشخص\بس انتي اعجبتيني!!!
حنان برفعة حاجب\بس انا ؟
الشخص\انا عارف طباع ابو بدر زي اطباع ابوي تمام ..بس على العموم انتي عاجبتني وابيك...
حنان\لاوالله...مصدق روحك..؟
الشخص بصوت مايل للعصبيه\والله عاد ماعندك خيار ثاني ..ابوك مزوجني اياك ..رضيتي والا مارضيتي ..وهاذا شي خليك مسلمه فيه
حنان\وليش انشاء الله واثق بزياده..
الشخص\انا اسمي نادر الضاوي....
حنان\وبعدين..؟
نادر\ابد بس اسئلي من نادر الضاوي.... يقولون لك
حنان\ومن العالي..... وبقلون لك
نادر\ههههههههه عن جد
ابو بدر وهو داخل\اظن انك شفتها زين يالله ياحنان ...
حنان بقهر ناظرته ومشت وهي تبكي بصوت مبحوح...
ركضت حنان للفله.. وقابلها بدر الي انصدم من شكلها ..بس هي ماعطته مجال وراحت لغرفتها...
سكرة حنان الغرفه عليها وضمت مخدتها وصارت تبكي ...
نظراته ..نظرته... تحرق.. ابوي كسر عزتي عنده.. باعني باعني برخيص...كيف يسوي كذا فيني كيف..
حنا بناته كيف يبعنا كذا..؟؟ له كيف اه يايبه اه بس ها الزواج مارح يتم والي في راسك سوه...مغرور وشايف نفسه على ايش مادري
والله لو تموت ماخذك عمى بعينك ماقواك..
ابو بدر\خلاص عسى كل شي تمام..
نادر\اكيد مادام انها من نسل الاحرار..
ابو بدر\ماعليك زود بس انا اقصد الشحنة الاماس الي قلت بدخلها بسعر خاص لي ..وتراعيني في السلفيه ..
الي دفعتها عني لتجار..
نادر\خير انشاء الله ..استاذن..
ابو بدر\الله معك..
نادر وهو عند الباب \يابو بدر الاهل ها اليومين عشان الملكه بعد اذنك...
ابوبدر\صار..
نادر\مع السلامه..
********
با ارض الامارات الطيبه وشعبها الخلوقين المعروفين بنبل اخلاقهم وروعت تعاملهم كانا العاشقين في اراضيها
با المطار..
عزام يدف عربة الشنط وهو يلتفت لغنج\الحمد لله على السلامه..
غنج\الله يسمك..
عزام يطالع شكلها وعيونها تللمع با الفرحه ..ماشاف ها الفرحه من قبل ...
عيونها فيها السحر الغريب ..والجميل ..والساحر ..طفله بثياب انثى.. تضج با الانوثه.. وتكتسيها البرائه ..مع الجمال الصارخ..
عزام \ايوه وين تبين نروح..؟
غنج\مدري فارس حاجز لنا باوتيل اتوقع هيلوتن..
عزام بتضايق\طيب ..
في ها اللحظه..
كان فارس يئشر لغنج الي كانت ماسكه يد عزام وتبتسم له وتئشر..
فارس\هلااااا..
غنج\هلا فيك..
سلم فارس وسلم بعدها على عزام..
فارس\كيفك ..
غنج\تمام..
فارس وهو يناظر لعزام ..وفي وجه علامات استفاهم عن جيته مع غنج.. وايدينهم مع بعض..
فارس\كيفك ياعزام..؟
عزام ببروده\بخير..
فارس\يالله نمشي للوتيل عشان ترتاحون..
عزام\يكون احسن..
طلعو من المطار على سيارت فارس متوجهين للوتيل..
فارس وهو يبتسم لغنح في السياره\يعني لو ماقلنا شغل لك هنا ماكنتي بتجين..
غنج\هههه شدعوه خلاص هاذا انا جيت..
فارس\امممم عشان الشغل..
عزام بعصبيه\اكيد عشان الشغل يعني وش تبيها تجي عشانه..
فارس بهدوء\عشاني..
عزام\ لا ياشيخ..
غنج\عزام فارس يمزح لاتاخذ الامور بجديه..
سكت عزام والتفت لجهة الشباك بعصبيه.. اما فارس فاكتفى برفعة حواجبه لغنج ..علامة عدم الفهم لتصرف عزام..
********
في الرياض
ام بدر\الظاهر انهم بناتي مثل ماهم بناتك يا سليمان ..لاتظن سكوتي في عرستك للعنود معناه اني راضيه بلي تسويه..
ابو بدر\ولاتحسبين اني من الرياجيل الي تمشيهم كلام حريمهم.. المره عندي مالها كلمه.. فاهمه ثلاثين سنه ولا فهمتي بلاس بقره ومخلفه بقر مثلس
ام بدر\لا تقول ولاتزيد العنود ماراح تاخذ الشايب الي انت تبي ترميها له ..وحنان ماهي متزوجه الا برضاها انشاء الله لو جبت لها واحدوماتبيه منت بجابرها
ابو بدر\ومن الي بيمنعني انشاء الله..
ام بدربحده\انا يا سليمان انا بمنعك...
ابو بدر دف ام بدر على الكنبه بقوه\اسمعيني ترى دمي فاير منس لاتخليني الحقس بيت اهلس تالي ها العمر ولاتجربين صبري يا ام بدر
ام بدر وهي تصيح\حسبي الله عليك انت ظالم ياسليمان الله يسلط عليك الي اضلم منك...
ابو بدر يدف راسها بيده\لاتدعين...
كل هاذا المشهد كان امام عيون جميله ..تراقب بصمت ..والعيون الكحيله تغطيها الدموع ..
حنان والعنود يناظرون الموقف من الدور الثاني ..من ناحية الدرج الحلزوني المطل على الصاله
الي تحت..
حنان وهي تشاهق\شفتي ياعنود ابوي وش بيسوي فينا...
العنود وهي تصيح\انتي على الاقل بتاخذي شاب والانا رجل في الدنيا ورجل هناك...
حنان\اه يا العنود ..ابوي ذلني عنده.. ذل ماراح يخليني ارفع عيني فيه ..وهو متكبر مره.. ومغتر مدري وش يبي فيني..؟
العنود\اه اما انا فاصغر بناته اكبر مني بسنه يارب تاخذ ابوي...
حنان بشهقات متقطعه\لاحرام عليك لا تدعين عليه...
العنود\ماتشوفين وش يسوي بامي وفينا...
حنان\انا خلاص موافقه ...
العنود\هههه ليش عندك خيار ثاني..
حنان\كنت ناويه اهرب...
العنود\وين..؟
حنان\مدري اهم شي ماخذ ذاك المجنون..
العنود\ههههه شكله هبل فيك...
حنان\شر البلية مايضحك قومي كل مقروده تدخل غرفتها..
قامو البنات وكل وحده دخلت غرفتها...
***************************
با الحديقه
ام عزام \الحين ماتقول لي وش فيه وجهك كذا كنك مضروب...
سعود\يمه انا الف مره اقولك اني ماني بمضروب ...مشترك في نادي فيه ملاكمه ..واكيد وجهي بيصير لوحة الاوان..
ام عزام\كذاااااااااب..
سعود\وليه ييمه تقولين عني كذا..؟
ام عزام\امك واعرفك.. انت لا كذبت تحرك فمك بطريقه ثانيه.. غير كلامك الي دايم ..من يومك صغير وهاذي حركتك..
سعود مات في ها اللحظه من الضحك..
ام فيصل\والله ان ماانتي بسهله يا ام عزام ..
ام عزام\عيالي واعرفهم ..يا الله علمني داخل في مضاربه ..والله لادري انك متهاوش مع احد ان اخلي عزام يمحطك با العقال..
سعود عصب وقف\يمه انا ماني ببزر عشان يمحطني...
مشى عزام وترك امه وام فيصل الي كانو يحللون السبب ورى الي ي وجه...
سعود مقهور.. ومشى بسرعه لجهت سيارته.. فتحه ولما كان بيركب لفتتته مهاوي وهي تكلم عند الاحواض..
ارهف السمع لها وهو الي مو عادته يستمع لحد بس الكلام الي يطلع من مهاوي يلفت...
مهوي\سنا اناا موت فيه في الهوى الي يتنفسه.. في كل شي فيه.. بس ذبحني لما عرفت انه راعي بنات ومن ها لشي..
سعود لما سمع ها الكلمات لفت فيه الدنيا معقوله مهاوي الطاهر العفيفه البريئه يطلع ىمنها كل هاذا...
نزل من سيارته وراح لجهتها وهي مانتبهت له اي اكيد منسجمه مع الخايس الي تكلم صديقتها عنه...
مهاوي\اقولك يكلم مدري عنه اذا هو يطلع مع وحده من الصيع حقينه والا لا...
سعود بعصبيه\مهاااااااااااااااااااااااااااااااااااااااا
مهاوي طار عقلها لما سمعت صوت سعود وبخوف سكرة الجوال\نعم..
وووسعود \جيبي ها الزفت الي معك ...
مهاوي تناظر جوالها وتحطه بحضنها\لا وش صار وشفيك جايني ومعصب...؟
سعود\الحين بتعطيني الجوال واالا كيف..
مهاوي\قلت لك لا وبعدين ماتقول وشفيك...
سعود بعصبيه سحب الجوال منها\بنات اخر زمن.. من تحبين وتخبرين صديقتك عنه..؟
قولي لاكسر ها الجوال على راسك علميني..؟
مهاوي امتلت عيونها دموع\كل تبن يا الخايس انت الي تكلم وتحب مو انا..؟
سعود كان اصلن من البارحه واصل حده من الكل لف يدها \اسمعيني لو ادري انك راعية خرابيط.. ادفنك برضك صدقيني يا مها..
دفها وطاحت با الارض وركب سيارته ورمى جوالها على المرتبه الي جنبه وطلع بسيارته..
مهاوي قامت من مكانها وهي تبكي...
********
في بيت ابو فيصل
ابو فيصل\ول وش عندك ..ظ
ابو بدر\العرس ستر للمره وانا ماني دايم لهم..
ام فيصل\ياخي تعوذ من ابليس بتزوج العنود بنيتك لشايب ..
ابو بدر\ماحد يعرف صالحها كثري..؟
ام فيصل\امحق صالح..؟
ابو بدر بحده\الحين وش مدخلس في علوم الرياجيل ..انا مايذبحني الاذا الحريم الي الوحده تطلع لسانها بين الرياجيل..
ام فيصل\لا والله الي ماعاد به قدر وحشمه ..رح انت وبناتك جعلكم ماتقومون..قامت ام فيصل معصبه ودخلت فلتها ..
ابوبدر\ ودك انك ضارب على راسها مره...؟
ابو فيصل\لا ام فيصل ماتستاهل ..زوجتي وحبيتي ورفيقة دربي..
ابو بدر \ايه كبر راسها بها الكلام.. اصلن ماخلاها تمد لسانها الا دلعك لها ولبنتك..
ابو فيصل\عاد ام فيصل ومهاوي اسمح لي يا بو بدر تراهم دنيتي...
ابو بدر\اسكت اسكت...
ابو فيصل\ومن نادر هاذا
ابو بدر\ولد الضاوي.....
ابو فيصل\اي واحد..
ابو بدر\الكبير..
ابو فيصل\ابوهم اقشر وجلف والعيال والله مدري عنهم..
ابو بدر\يكفيهم القرنش الي معهم بيجون مثل الشهد...
ابو فيصل وهو يسكر ال توب\الله يكتب الي فيه الخير...
ابوبدر\ايه صدقت..
******
ماسرع الاحداث لسكان هاذا العالم الازرق..
مفاجئات..اخبار ساره واخرى حزينه..
احداث تدور في حلقات مفرغه حياتن ملكنا لاكن الاخارين لهم الحق الاكبر في ادارتها وتفقد احوالها ..
ولهم النصيب الاكبر في اصدار القرارت المصيريه فيها ..هاذي هي حياتنا ببساطه...
في دبي في مبنى ضخم منفتح منذو ايام قليله ,,,, العالي...... للتجاره الحره
غنج\ادوختني من الصبح في ها المستندات..
فارس\اها من الحين مليتي ماتقول شي ياخ عزام..
عزام الي كان جالس بجه من المكتب\ غنج بطلي دلع واقضبي الشغل من جد..
غنج بميوعه\اووووف ..
فارس يشرح لها\شوفي هاذي سيارت سبورت جديده ..شركتنا بس الوكيل الحصري لها با الشرق الاوسط ..
وقعي على استيراد كميه منها ..
غنج وهي توقع\خلاص..
فارس ببتسامه\خلاص..
عزام بتملل\طيب مدام خلصتي شغل يالله انا عاازمك..
فارس\لا انا عازمكم اثنانتكم على مطعم اكل بحري...
عزام\لا بس انا عندي مناسبه خاصه...
غنج\ايوه يالله..
فارس مسك يدها\وين رايحه وتاركتني..
عزام فك يد فارس من يدها\اترك يدها لا اشوفك تمسكها مره ثانيه كذا..
فارس\وليش..؟؟
عزام بحده\لنهاا خطيبتي اذا ماعندك مانع..
فارس فتح عيونه بصدمه\كيييييييييييف؟؟ليه ماخبرتيني..؟
غنج بتوتر\نسيت وكل شي صار بسرعه..
فارس بحده\نسيتي!!!!!
تدخل عزام وسحب يد غنج من فارس \ليش تبيها تستذن منك هذا الناقص..
فارس طالعه بصمت..
غنج مسكها عزام وطلعوا ماانتبه فارس الا على اخر كلمه من كلام غنج\ باي..
فارس رجع خطوتين لورى..
وحط يده على جبينه واستسلم لكلام الي جواته..
كذا ببساطه..كذا..
تروح من ايدي ..
وين حبي لها اللي بنيته طوب طوب طوب ..
كل هذي السنوات تحملت ثقل دم ابوها وغرورها..
واذل نفسي له عشان افوز فيها بانهايه ..
وكذا برمشة عين يضيع كل شي وينتهي بطقه اصبع ..
يجي عزام ويهدم كل شي ..ياخذها..
وهي ملكي من هي صغيره متعلقه فيني وتشوف العالم كله بعيوني ..
انا اقولها.. يمين تقول يمين ..وشمال تقول شمال.. وش صار لها..؟
وش الي غير حالها كيف قدر عزام يملكها ..وتحبه ..كيف يضيع تعبي وشغلي.. ..ظ

*************
في مكان ثاني وبتحديد في بيت ابو بدر
ابو بدر\ترى زواج حنان بعد شهر..
حنان حطت يدها على فمها وماحد علق من الجالسين على كلامه ..
ام بدر\وشو شهر البنت ماجهزناها...
ابو بدر بتريقه\لا والله ومتى انشاء الله تبون تخلصونها بعد خمس ست شهور ..
ام بدر\صادقه.. انا ..لا تقعد تتطنزعلي... مايكفي انه شافها ببجامتها ماعلمتها ولاكنك ابو لها كنك بايعها برخص..
ابو بدر وهو يوقف\هههههه انتي ماتعرفين الي بناسبه هاذا ولد الضاوي.... وواحد يطول نسبهم ويرفض بوسو ايدينكم وجه وقفى واسجدو لله سجود شكر انه جاء وخطبها
طلع ابو بدر واتجهت العيون لحنان قامت حنان بسرعه ودخلت غرفتها..
غرفتها الي شهدة افراحها.. واحزانها.. ضحكاته.. وعبراتها بتودعها ..بحكم من ابوها
جلست على السرير حطت ايديها على راسها عشان تستوعب الخبر كويس
انا بتزوج بعد شهر
ابوي ليش تعامله كذا معنا غمضت عيونها تتذكر وقوفه المستفز قدامها ماتتذكر ملامحه زين فتحت عيونها بكره قوي له ابوها دايم اهانه وذل بس انه توصل معه للها الدرجه ماكانت تتوقع يحصل لها
سمعت صوت الباب ينطق
بدر\ممكن ادخل حنو..
حنان تذكرة اخوها الوحيد.. الرومنسي الحالم.. الهادئ اخوها الي تموت عليه.. اكيد جاي يطمن عليهاز.
بدر\ممكن اكلمك..
حنان بغصه\تفضل..
دخل بدر وجلس على كرسي مكتبة حنان\حنان يمكن الحياه ماتعطيك كل الي تتمنينه..؟
حنان\اذا بتكلمني عن موضوعي فاعادي لا تضيق خلقك..
بدر\كيف ؟؟اانا اعرفك ياحنان انتي من النوع الكتوم..
حنان تحط يدها على رقبتها\لاكتوم ولا شي انا..
بدر يقاطعها\اسمعيني نادر شاب فيه كل مواصفات الزينه وانا ماوقفت بوجه ابوي لني انا راضي فيه.ز
حنان\هههههه والله لو اني ذايبه فيه يا بدر ..ابوك ارخصني عنده هاذي هي المصيبه.. انت ماحضرت عشان تعرف الذل الي عيشني فيه ابوك
بدرببحه\تحملي..

**غاليه بعيون مغليها** · 08-25-2011, 08:32 PM

رد: قصه غرورك صادف عزه النفس فيني الجزء الخامس

حنان\حملي يهد جبال...
اطلق بدر تنهيده\ياحنان مو انتي لحالك تقاسين ..وتتوجعين الكل مثلك واولهم ..انا...
حنان\ها؟؟
بدر في ها اللحظه فقد الكنترول على مشاعره وده يفضفض\قاسيت من الحب الي من طرف واحد ..
والجفا واخر شي ياخذها الي اعز من الاخ.. هاذا يذبح الرجال ياحنان..
سكتت حنان ومانتبهة الا لبطاقه ماسترت كارد يمدها بدر لها..
حنان\ايش هاذي.؟؟؟
بدر\نادر عطاني اياها ..وقال تسحب الي تبي منها ومهرها بنزله على حسابها بكرا..
حنان تفاجئة من تصرف نادر وماعلقت ..
نزل بدر البطاقه على الطاوله وطلع...
تمت حنان تطالع البطاقه الي على الطاوله ..وحواجبها تعقدها بعصبيه ...مين فاكر نفسه انا في حاجته والاحاجت فلوسه
اكيد على باله اني طمعانه فيه وليش مايفكر كذا وابوي سوى الي سواه فيني شي طبيعي يحس كذا
تنهدة حنان ولفت اللحاف عليها ونامت
**************
في عجمان
كان العاشقان يحلقان بحبهم العذري بين الغيوم تحلق هي كا الفراشه بين الفراش وهو كئنه صياد يصيد له الريم
عزام\طب وش رايك بكلامي>>
غنج\لا يا غروري انا بسمي ولدي ماجد على بابا..
عزام\ايش عيدي..؟
غنج\ماااااااااااجد..
عزام\اقصد كلمه الغريبه الي ناديتني فيه..
غنج بضحكه دلع\غروري..
عزام يطالعها بهتمام\غروري؟؟وش معنى غرورك,,
غنج\ايه انت غروري ...انت ياعزام اشوف نفسي فيك ..ويركبني الغرور فيك.. ياغروري انت يا مغرور..
عزام يتئمل كلامها \ طيب اسمعي ..ترى رحلتنا بكرا لا يكون تماطلين بموعد.. ترى مو فاضي مشغول لراسي..
غنج\اوكي خلاص ياغرروي...
ناظرها عزام بحب وهي تلعب بخصل شعرها.. وتطلع لسانها له ..وهي تاكل االايس كريم با الفرواله ..
اه مدري هي الي تاكل الايس كريم ..والا... الايسكريم من حلاتها وده ياكلها ..
غنج\مممممم...
عزام يضوق عيونه\ايش مممم؟؟؟
غنج وهي ترطب شفايفها بلسانها \ههههه بارد ولذيذ,,,
عزام ابتسم ابتسامه حنونه ..وكئنه تعكس الشفافيه والنقاء الي موجود بذره منه جواته ..
حس بنفسه طفل ..صغير.. صغير معها ..اوه ياها البنت ..كيف بتجننه بحبها ..وتسحره وترجع معها طفل ...
غنج\ههههه طالع..
عزام يناظر المكان الي تشير له طفلته الصغيره ..كان هناك عرض اشبه با السرك المفتوح لاكن مصغر ..
قامت غنج وعزام يركضون كنهم اطفال لجهتهم ..ووقفو مع الناس يتفرجون.. زاحم عزام بقائمته الفارعه بين الناس..
وهو محاوط طفلته بيدنه.. لما وصلو للاماكن الاماميه.. وناظرو العروض ..
ابتسم لما شاف العيون الخضرا تلمع بقوى ..التفت للسيرك... شاف المهرج يطلع من فمه لهب وينفخه.. ويطلع لهب نار كبببببببببببير والتفت للجه الثانيه شاف كلاب تمشي على ايدينها بتدريب متقن
كان فيه قرود تقفز بشكل يضحك.. وتسوي حركات تضحك ..
وفيه كمان ساحر يطلع من القبعه قطع حرير كثيره ..بعدين يمسك الحرير.. ويحولها لحمامه مثل افلام الكرتون اوووووووووه غنج انجنت على حركاته
دق في ها الوقت جوال عزام ...وابتعد من غنج شوي.. عشان يكلم وانسجم مع مكالمته..
جوهر\طال عمرك سعود ما طلع من المجمع الا على اماكن محدوده.. يعني السوق.. والا الكليه.. او اماكن عامه ومايسهر كثير..
عزام\كويس كويس بس مثل ماقلت لك لا يغيب عن عينك اخوي واعرفه مستحيل يترك خرابيطه...
جوهر\اوامر ثانيه..
عزام\لا سلامتك ...
سكر جواله عزام...
كان الساحر يتكلم مع المتجمهرين..ز عن انه يبي شخص يحوله للحمامه... عشان يتئكدون من اعمال السحر الي سويها...
غنج بسرعه راحت لجهته\انا اناا بليز...
مسك الساحر العصى وصاريستعرض للجمهور انه مايعرف شي عن المتقدمه له...
غنج\يالله بسرعه..
مسك الساحر العصى ..وانتبه عزام في ها اللحظه لغنج ...الي انتبه في الوقت لها وهي قريب من الساحر..
بس مافهم وش بيسوي فيها...
وفجئه وقدام عينه طقت العصا بكتف غنج بخفه.. ووووووووووووووووووووتحولت لحمامه ..
تطير وطير وترجع توقف على يد الساحر ..الي صوت قهقت عبئ المكان والعالم مبسوطين..
عزام انهبل وراح لساحر يركض\الله يلعنك وش سويت وش سويت...
الساحرميت ضحك على عزام\مافي شي هاذي اللعاب خفه شف..؟؟
وضرب الحمامه من جديد للترجع غنج ..وهي واقفه كما كانت... عزام شافها وماهو مصدق طار عقله.. وقلبه ..
شي فوق الخيال.. فوق الوصف.. شسوى ها الملعون سحر عيونا وعيون الناس..
عزام سحب يد غنج ومشى بسرعه فيها برى الحشود ..الي متجمعه وغنج ميته ضحك..
عزام بعصبيه\حمامه..! حمامه...! عاد حمامه من يصدقني اذا خبرته ....
غنج\ههههه وش فيك ماصار شي اضحك عليكم ...وانا اشوف نفسي وانتم ماتشوفوني..
لا ويئشر على كتفه وانتم مبققين عيونكم ..مع ان كتفه ماعليه شي ...لا وشكلك انت بذات تموت ضحك ههههههه.
عزام\لا ياشيخه امشي قدامي مدري وش بيصير لي منك ..
غنج\ترى كلها لعب بعيون الناس ..يعني الي بعيد عن الجمهره يضحك عليهم ..
لنه يشوف لعب الساحر فيهم ..لنه يسحر عيون الموجودين قدامه بس وهاذا الي صار..
عزام\امشي ياحمامه قدامي للفندق...
غنج\ههههههههه ...
...
في الرياض
..كان بيت ابو بدر على اهبة الاستعداد لستقبال الزوار الغير مرغوب فيهم اقصد اهل نادر الضاوي
..... اليوم ملكة حنان على نادر ملكه عائليه بحته...
ام بدر\هلا والله ومرحبا..
ام نادر\اهلن..
سلمت ام نادر وخواته على ام بدر وام فيصل ومهاوي..
ا م فيصل\ياهلا والله..
ام نادر بغرور\اعرفكم انا ام نادر وهذي اخت نادر الكبيره مياره وهاذي اخته الصغيره نواره..
ام بدر وهي تناظر لشكل ام نادر هاذي وصغر سنها وتشببها شكلها ابد مايطمن\يامرحبا فيكم جميع تفضلو..
كانت مياره ونواره في قمة الجمال والغرور.. فكان لا يرضي غرورهم شي...
وكانو يناظرون القاعدات بتعالي الي خلا مهاوي يجن جنوناه..
دخلو غرفة الضيوف وجلسو بغرورهم الواضح على الكنب ...
ام بدر\كيفك يام نادر وكيف نادر ووالاهل...
ام نادر برفعة خشم\تمام...
ام نادر تقلب عيونها بقرف في اشكال الي جالسين وبعدين التفتت ببتسامه لبناتها الي كانويقلبون بجوالاتهم بتتطنيش للموجودين
مهاوي بستهبال\يممممممممممممممه
ام فيصل تناظره بحقد\نعم حبيتي
مهاوي\انا نسيت اجيب جوالي فوق
ام فيصل بحقد اكبر\روحي حبيتي جيبيه
مهاوي بهبل \ايه صح بروح اجيبه واناظر معي با المره با المطبخ تعرفون حنى يابنات كارفنا ابوي في تصليح العشا وبعد اخوي فيصل معطيني ملابسه جعله الي ماني بقايلته اغسلها واكويها اوف
البنات ماتو من اسلوبها وصارو يناظرون بعض بصدمه
طلعت مهاوي لبنات فوق
مهاوي\وعععععععععععععععععععععععععع
حنان بروعه تظن انها تقصدها\ليه والله اني حاسه ان المك اب ناعم فوق العادي
مهاوي\لا يا الخبله اقصد اهل زوجك متعجرفين مررررر?رررره
حنان\اشوى احسبك تقصدين وانا بعيش معهم بكيفهم
ام فيصل وهي تدخل الغرفه \يالله ياحنان نادر تحت يبي يشبك لك
حنلن\يمه
ام فيصل\يالله بسرعه
حنان بربكه تناظر الجميع
مهاوي\تناظر الجميع نظرة وداع اخلصي اذلفي
حنان تمشي برتباك مع`ام فيصل وهي على راس الدرج شغلو البنات الديجه الي فوق ومشبوك بسمعات في جميع البيت..
من لبس الالماااااااااااااااااااااااااااااااااااااس ...الالماسسسسسسسسسسسسسسسسسسس ..
من حول الاحلام ..احلام ...احلام ...اجمل حقيقه
كانت حلم كانت خيال.. كانت اغاني واحساس... واليوم صارت حقيقه..
بانوار عذرى رقيقه...
يطفى الحلم وتعيش انفاسه..
والماس هاذا بريقه...
مدري انا بحلم اوعلم ياناس..
وش ها الذي مبهر با الانوار ناسه...؟
كني في دنيا كلها در والاماس...
واشوف حنان اغلى دره وماسه...
كانت لابسه فستان فيروزي.. طويل.. بدون اكمام.. بشريطه فيروزي على شعرها المسيحته طالعه خيال..
منزله لعيونها تحت دخلت الصاله المخصصه للقعده مكان قدامها الا هو ...
ام فيصل\ماحبين نحرجكم نبيكم تقعدون بعدين حنا بنجيكم..؟
حنان بخوف\خالتي..
ام فيصل\استذءن...
طلعت ام فيصل وكانت عيون حنان تلحقها.
نادر\ها الحلى كله لي...
حنان مرتبكه موت وكاره الشخص الي قدامها..
نادر\تعالي قربي..؟
جلست حنان با الكنبه الموجوده جنبها ولا راحت له...
نادر\بدينا من الحين عناد ترى في العناد ماحد يجاريني..ز
حنان رفعت عيونها له بنظرة استحقار..
نادر بحدة عيونه الجذابه\تجربين...
سكتت حنان ومارد عليه ..فجئه انفتح الباب ..وقبل لا يدخلون كان نادر قام وكئنه بيشرب من كاسة المويه الي قدامه..
دخلو ام نادر وخواته وام بدر..
ام نادر وهي تبوس حنان\مبروك..
سلمو البنات عليها ببرود...
فتحت ام نادر الكيسه الي معها وطلعت علبه كبيره فتحها نادر...
كانت الشبكه عباره عن طقم كامل وتاج صغنيون كان كله الاماس والتاج احجار كريمه....
لبس نادر الشبكه والتاج وهو يقرب منها ويدخله بشعرها\هاذا ترى مصنوع خصيصن لك..
حنان\...
ام بدر\الف مبروك.
ام نادروالبنات\الف مبروك..
نادر\الله يبارك فيكم..
قعدو بعدها يضحكون ويصورن ويقطعون التورته وحنان مافي الا كلمات بسيطه..
***************
في عجمان الساعه 9
غنج في الاوتيل مع عزام
لا بروح غرفتي اتحمم وانااااااااام دايخه..
عزام \والله انا بعد هلكان...
كل واحد منهم راح لجناحه مودع الثاني بموعد بكره ...ولاكن الاقدار لا تترك العشاق دون لووعة فراق
دخلت غنج تحممت بعدها طلعت.. وكانت مصححه وطاير منها النوم ..فتحت التلفزيون وصارت تقلب با القنوات ..
شافت الساعه كانت11اوففففففف...
دق جوالها بنغمة فارس..
غنج\هلااااا..
فارس \وينك..؟
غنج بغرفتي...
فارس\طيب روحي الحين لعزام في اوراق ابيه يطلع عليها ضروري..
غنج\اي اوراق..
فارس\اوراق مافهمتها وهو له خبره فيه يالله الحين ...
غنج\طب هو اكيد نايم ..
فارس\بدق عليك بعد شوي ابيه هو يرد علي باي..
سكرة غنج وقامت بتملل \اووووووووف من ها الفارس...
راحت لعند جناحه وصارت تدقه بدلع وبنغمه...
بعد لحظات انفتح..
غنج فتحت عيونها بقوهههههههههه..
غنج\مين انتي..؟
البنت\اني حبيتي الي منو..
غنج ترجع لورى تتاكد من رقم الجناح\الا هو..
ناظرة في البس الخالع الي شايفته...
غنج\بعدي من وجهي...ودفتها..
دخلت غنج مثل المجنونه.. دخلت شافت عزام نايم ...
مسكت عزام\ياااااااااخين يااااااااااخاين...
صحى عزام من الهز العنيف ..الي تهز غنج.. وانصدم من شكلها الرهيب والدموع الي ماليه عيونها \قول ان الي اشوفه حلم كابوس
عزام يفرك عيونه ..يشوف حولينه ..وحده ثانيه اقل شي مولابسه اصلن ناظرها بصدمه\منو هاذي..؟
غنج بصراخ \تسئل يا الخاين اسئل نفسك هااااااااااذي منو..
عزام يناظر ببلاه\مدري بس صدقيني...
غنج\اسكككككككككت
عزام بعصبيه\غنج لا ترفعي صوتك انا قلت لك ماعرفها..؟
غنج بصياح\لا وانا مطلو ب مني اصدق ياااخاين...
وراحت للمومس وصارة تظربها\الله ياخذك الله ياخذك وياخذه...
المموس اشتبكت با الايدي مع غنج\ولك بعدي عني ...
عزام شال غنج من ورى وصارة تضرب المموس برجوالها الى ان طلعها عزام من الجناح...
فكها عزام والتفتت له وصارة تضربه على صدره \الله ياخذك الله ياخذك ...
مسك عزام يدينها \ والله العظيم مادري عنها والله الع ظ ي م ...
غنج بقهر\بعد عني شفت بعيني مااااحد قالي بعددددددددد...
عزام\اصبري ياغنج افهمي كيف تصدقين اني اسوي ها الحركات...
غنج بصياح\ها الممومس وش تسوي عندك ش تسوي ابفهم ابفهم...
عزام مسكها من كتوفها\ياحبي افهم...
بعدة غنج ايدين عزام ودفت منها ...
طلعت غنج برى طلعت تبكي جروحها ..تبكي الخيانه بكل معانيها تبكي موت الحبيب بنسبه لها تبكي غباءها تبكي كل ذرة حب فيها
عزام صار يلحقها مثل المجنون\غنج انا ماني بخوان...؟
غنج\عزام بعد عني لا طلب لك السكرتيه الحين واسوي لك فضيحه ...
طلعت غنج تركض برا الاوتيل حامله معها جروحها.. والالمها.. وخيانتة حبيبها لحبها الي صانته بروحها..
عزام بدء يستوعب خروجها لحقها..
عند مدخل الاوتيل ..
غنج\تاااااااااااااكسي..
وقف لها سيارة ليموزين وفتحة الباب مسك الباب عزام وحاول ان يسكره لاكن هي فتحته..
غنج\خلني عزام ارحل ماعاد لك بعد الليله في حياتي وجود...
عزام\اسمعيني والله العظيم انا...
غنج بصراخ\اسكتتتتتتتتت
وركبة غنج السياره وتحركت السياره بسرعه..
تابعها عزام بعيونه الذابله بحزن كبير لن تمسحه السنوات طاح على ركبه والدموع تغلبه\اه يادلوعتي ليه ماتصدقين..
....في مكان ثاني
في التاكسي
مدام وين تبين تروحين
غنج بعبرات\برج العرب..
صاحب التاكسي بصدمه\عفون بس ملابسك..
غنج بحده\برج العرب...
انصاع لها وانطلق بها لبرج العرب..
&في الاوتيل
المدير\سيد عزام انا مقدر انفعالك لاكن انا اوكد لك انك في فندق محترم والبنت الممومس الي تتكلم عنها مادخلت ابد في هاذا الاوتيل
عزام بعصبيه\يعني كيف انشقت الارض وبلعتها
المدير وهو يشوف قزازة وسكي مفتوحه على الطاوله\اسف لاكن انت متئاكد انك لم تشرب شي
عزام بنفعال اكبر\اطلع برا وانا اقابل مسئولك
المدير بهدوء\عفوا بس انا من راي انك ماتكبر السالفه وتشمها الصحافه فانت شخصيه مهمه واظن سمعتك تهمك
رمقه عزام بنظرة حائره والتزم الصمت..
استذن المدير وطلع مع السكروتيه
....غنج\معك موبايل
الشخص صاحب التكسي\ايوه
عطاها الجوال ودقت على فارس
الو
فارس بنوم\نعم
غنج بشهقه\فارس انا غنج وانا تحت انزل لي بسرعه..
فارس\ليش وش صاير كنك تصيحين..؟
غنج\بسرعه ..
سكر فارس التلفون وهو يعلن عن ابتسامه هاديه..
نزل وهو عند باب الاوتيل..
اشر له صاحب التاكسي..
صاحب التاكسي وهونازل لفارس\السلام عليكم..
فارس يناظر غنج من بعيد\وعليك السلام اش صاير..
الرجل صاحب التاكسي\البنت مو طبيعه ابد وهي لابسه بجامه و...
فارس يمشي بسرعه ويناظرها مع شباك التاكسي وهي تهتز وفي عالم ثاني غير ها المكان
فارس\غنج..
غنج\....
فتح الباب وسحبها.. ومالت معه مثل غصن الشجره.. بعد ماتحركها الريح ...تهتز مع الريح اللي تحركها..
بشكل من دون كنترول معه.. ..ودخلت مع وصرخ على الرسبشن انهم يطلعون لجناحه طبيب...
دخل جناحه وكانت كاقطعة جليد بين يده لا حياة فيها..
فارس\غنج ..
غنج\....
فارس يضم كفوفها الصغار الي اصبحت جليد في جليد.. ..
ضرب خدودها بيده بس مافي استجابه..
عيونها الزمرديه ..ماصارت حتى ترمش الا خفيف.. وبسرعه شاف الدموع المتحجره جوات عيونها ..
لها الدرجه الصدمه قويه عليها وماقدرت تتحمل لها الدرجه ..
شوي ودخل الطبيب..
الطبيب\خير انشاء الله
فارس \مممم خطيبتي ..تعبانه حيل دكتور بسرعه شوف وش فيها..
الطبيب\طيب ممكن تبعد شوي افحصها..
,,,,,,,,,,,,
في الرياض
العنود\حنان تصدقين زوجك امس يخقق..
حنان وهي تاكل الايسكريم\ هههههه امحق..
العنود\ليش..؟
حنان\مغرور ..
العنود\طيري بس..
حنان\الا مكن ابوي سكت عن سالفتك..
العنود\اسكتي والله اني على اعصابي..
حنان\ههههههه..
مهاوي وهي جايه لجهتهم\السلام..
البنات\هلاااااااا.
مهاوي\بنات غنج دقت عليكم..
البنات\لا,,ليش.
مهاوي\ادق عليها ماترد..
العنود\تلقينها مع عزام ناسيه نفسها...
حنان\مدري يمكن..
العنود\وش فيك خايفه عليها...
مهاوي\مدري شفت البارح لها حلم الله يستر عليها بس..
العنود تعوج شفايفه\تطمني بسبع ارواح الي مثلها ينافسون شعيب في عمره..
مهاوي\اسم لله عليه وش ها اللسان الي عليك يبث السم اوووووووف...
,,,,,
باالامارات
عزام يمسك راسه بين رجوله\كيف صار كذا هي الحين وين؟
انا لازم اشوف وينها فيه ,,مافيه الا فارس ادق عليه...
مسك جواله ودق عليه لحظات وجاء رد عليه..
الو..
فارس\خير..
عزام ببحه\بلا لف ودوران غنج عندك..
فارس بهدوء اقرب للستهزاء\ايه عندي..؟ انت وش مسوي فيها؟؟ انت ماتئمن عليها؟؟ صدقني عزام لو ادري ان الدعوه فيها انت صدقني موتك على ايدي..
عزام بخوف\غنج كيفها؟؟
فارس\\ارتاح قضيت عليها البنت فيها انهيار بس صدقني انتظرها لماتصحى وقتها بس اوريك شغلك...
عزام\لا تقعد تهدد الموضوع سوء تفاهم وبنحله...
فارس\هههههههه ماظن ورقمي هاذا لا عاد تدقه..
قفل فارس الخط بوجه عزام
عزام انفجر منه وضرب جواله الكرسي الي كان قدامه
انهيار تام لهذين العاشقين فراق لا يكون له لقاء فا الخيانه تهدم صروح الحب مهما علا شموخها وتعالت قسمات الحب بين ثنياها ..انتم معي في المبدا فا الخيانه لايمكن ان نغفرها فل نتفق بلمبدا اما التفاصيل فئترك لكم الحكم فيها فانتم فيها القضاه وانتم الحكام والخصمان فيها هم العاشقان
ماذا توتقعون يحصل لهاذان العاشقان اذا انهار صرح الحب تحت الخيانه؟
ابو بدر يمثل شريحه نراها امامنا ونسمع عنها وتتمثل شخوصها تتراقص امام عيني وتستفزني اكتب ولو نبذه عن جزء بسيط عن شخصيتهم الظالمه والمتجبره والقاااااااااااااااااااسيه بلا رحمه
ايه الزمن قف ,,,,,فمامك الحب يعلن انتحاره........................................... .............

**عاشق الحزين** · 08-25-2011, 08:57 PM

رد: قصه غرورك صادف عزه النفس فيني الجزء الخامس

شـكــ وبارك الله فيك ـــرا لك ... لك مني أجمل تحية .

**ohh baby** · 08-31-2011, 03:55 AM

رد: قصه غرورك صادف عزه النفس فيني الجزء الخامس

thank you

إعـــــــلان

قصه غرورك صادف عزه النفس فيني الجزء الخامس

قصه غرورك صادف عزه النفس فيني الجزء الخامس

تعليق

تعليق

تعليق

تعليق