قالت اصعب شي قلت الانتظار
لكن اسهل شي هو المستحيل
قالت اكذب شي قلت الافتخار
لكن اصدق شي تاريخ ودليل
قالت اطيب شي قلت الانتصار
لكن اردى شي دمعات الذليل
قالت اكرم شي قلت الاعتذار
لكن احقر شي نكران الجميل
قالت اذكى شي قلت الاعتبار
لكن اغبى شي تدريس الهبيل
قالت افضل شي قلت الابتكار
لكن اتفه شي تقليد الاصيل
***
ماجا على بالي خطاك انت بالذات
لاتعتذر كافي يجي منك اكثر
مات الغرام اللي لك بداخلي مات
ماعاد ينفعك العذر لوتعذر
مقدر خلاص اتحمل اليوم غلطات
ما اكذب عليك انا بديت اتغير
بسكات اناجيتك واباروح بسكات
اببتعد.....واقول هذا مقدر
***
ودنا بالطيب بس الدهر جحـاد طيب
كل ما تخلص مع الناس كنـك تغشها
يدك لامدت وفاء لاتحرى وش تجيب
كان جاتك سالمه حب يـدك وخشها
كل ماشبيت نار المحبـه مـع حبيب
قام يسحـل فـي مشاهيبهـا ويرشها
وكل ما واجهت لك فالزمن وجه غريب
مثل ماقال المثـل دام تمشـي مشها
وذمةٍ ماهيب تنـدار للحـق المصيب
جعل قشاش الحطب لاسـرح يقتشها
***
لاترتفع بالحيل ياطير شلوى
ترى زمان البين مايرحم الريش
ماطار طير إلا على القاع دلوى
قد قالها قبلي رجال(ن) مداغيش
وترى الكبر والكذب فالرجل بلوى
اركد وخل السمن يركد على العيش
***
لو تشوفيني تجاهلـت البنات المعجبات
ماتجاهلتك وأنتي ساكنه بين اضلعي
أعتبرك القلب وجهه خامسه لاربع جهات
ينتظر لحظه على عرشه تجي تتربعي
شاف فيك اكبر حصانه في زمان الأنفلات
مانوى يخدعك وأنتي اللي نويتي تخدعي
***
يا صاحبي خذ للحبيب رسالتي
فعسى يرى بين السطور الأدمعا
بلغه أني في الغرام متيم
والقلب من حد الفراق تصدعا
***
وين انت باللي بعادك مثرن فيه؟
غايب وأحسك معي وأشوفك قبالي
طيفك اليا مر حاجة لا أراديه
اتبع سرابه واجيه اسابق ظلالي
ياللي من حروفك تغار الرومنسيه
والله قبل لافقدك فاقدك جوالي
***
توديع الأحباب مثل الموت له سكره
أدمى جروحي وشق الصدر منيا
مصير الأحزان تنساني وتفتكره
ما كل الأيام بيض وسمحة محيا
قل غيرها ما انت لا مجبر ولا مكره
لاصار ماهي غلا ما أبي لك حميا
لوفي يدي شي ما قلت الوعد بكره
حزمت حدب الضلوع وقلت لك هيا
لو كل غالي يجي دايم على ذكره
ما صرت أشوفك هناك وحبك هنيا
تقـــبلوا خالـــــص احترامـــــــــــــــي
تحـــــــــــــــــ ღ دلــــــــــــــــــع ღ ـــــــــــــــــــياتي
تعليق