إبتسم .. لاضاق صدرك لاتفكر بالهموم
زايله دنياك والله منك ماتسوى عتــب
عيشها الأيام فرحه طاير(ن) فوق النجـوم
وش بقى من العمر تحيا وأنت دمعك بالهدب
فانيـه دنياك والله مابها شي(ن) يـــــدوم
التعب راحتك فيها وراحتك هي التعــــب
لابد ان الشمس تشرق لو تغطيها الغيـــــوم
والشجر وان طال عمره لابد(ن) يصبح حطب
لو شكيت البرد والا صحت من قيض وسمـوم
لاجليـد الوقــت ترضا ولايداويــك اللهـــب
دامها الأخلاق كنزك لاتغيرك الخصــــــــوم
بين أصنـاف المعــادن دايماً ...... خلّك ذهب
م / ن
تقـــبلوا خالـــــص احترامـــــــــــــــي
تحـــــــــــــــــ ღ دلــــــــــــــــــع ღ ـــــــــــــــــــياتي
تعليق