ما طفت شمعتين ولا انزلت دمعة
ولا تعب هالقصيد وهو يغنيلك
ما سرقت الفكر والناس مجتمعه
ولا رقبت السما راجي هماليلك
فرقاك عادى وترى اقل من عادى
انا من الله كذا لاعفت احد عفته
ماني من يتبع للمقفين وينادي
ياعنك لاقفيت ماعيني بملتفته
والله اني كنت احبك... قبل اشوفك
شفتك وطاح الغلا... ورد وقصايد
يا حلو ضحكك... على باقي وصوفك
يا بعد غيد... قديمات وجدايد
من شربت الحب الاجمل... من كفوفك
توي اعذر من جفا نوم الوسايد
راح وقتي... ما ذبحني مثل خوفك
خلك اقوى من... هواجيس الشدايد
دخيلك لا تنسيني عيوني ما تبي تنساه
انا با اذكره لو بكرى... تناستني مشاويره
احبه... كثر ما قلت القصيد بغيبته وابكاه
وأنا ما بي بهالدنيا... حبيب مترف غيره
احبه... كثر مالج الحشا حزن على فرقاه
احبه كثر ماذب الغلا واقفى بتقديره
ابك انت وينك؟... ثلاث سنين ما شفتك
عيا عليك الغياب... وملت سنيني
من يوم ما هبت بدنياي عاصفتك
وانا مطر جيتك... ما عاد يعنيني
تعلقت فيك... رغباتي ووالفتك
ادمنت صوتك وشف قلبك... مخليني
شكرا... على كذب ضحكاتك وسالفتك
اللي لها لحين... عيت لا تهديني
شي تقوله لي... لغيري تقوله
نفس الكلام... ونفس هرج المواصيل
يوم انتهينا... يا لسنين العجولة
ما احتجت لدموع الموادع... مناديل
حب يروح وجعل ربي... يزوله
عسى عوضها... بالليالي المقابيل
تلعبين... وتجرحين وتكذبين
هذا وانتي في حياتي ملهمة
في عيوني... للموادع دمعتين
لا حكت لك عن بكاي السلهمة
ما هي مرة... ذا بحتني مرتين
والصبر... طاحت سهومه واسهمه
فارقيني والوعد صبح «ن»... حزين
من قبل لا تجهمينه با اجهمه
تقـــبلوا خالـــــص احترامـــــــــــــــي
تحـــــــــــــــــ ღ دلــــــــــــــــــع ღ ـــــــــــــــــــياتي
تعليق