عَزّ والـي بـارقٍ حاجـبٍ حـدره كتـام .......... إرتدم نـوّه يخيـف ويخـاف ويستعيـن
هزّ الأرض براعدٍ مـن مرازيـم الغمـام .......... من صدا صوته بروس الرّواسي له رطين
فيه من سوط الغضب بارقٍ يجلى الظـلام .......... هلّ هملول الحيا من هوا شـوق وحنيـن
طاب كيفي يوم هبّـت عواصيـف الغـرام .......... مبتدا فصل الشتاء أوّل نهار من أربعيـن
في حلول مناسبتها بعـد شهـر الصيـام .......... إدفعـي يامقفيـه شـرعـوا يامقبلـيـن
من يبا يقـدر ليـا قلـت مـردود الكـلام .......... يامحبّين الذهـب ويـن صـرّاف الثميـن
يقضي الطرقي لزومـه ويعطيـه العـلام .......... وإسمحوا لي كان ماعن لزومي مرشديـن
ما بخص الديره مقيضي على وادي الهيام .......... الدبش فيها هرايـا وهـو يمشـي بديـن
لاحتمت شمس الضحى وأشقر الجنحان حام .......... إستكـنّ مـدوّج اللّيـل فيهـا مايبـيـن
ويـن درب الحـادره علّمونـي والسـلام .......... إن عرفتوها عسـى وإن غديتـم عابديـن
يامرونقـة المبانـي بتلمـيـع الـرخـام .......... لاتطير القشره اللي علـى المبنـى يبيـن
قالهـا اللـي مايقلّـد علـى ربـد النعـام .......... من دفن راسه يحسب أنّ جسمـه مايبيـن
ماأنقل القفش المكاذيب في مشـط الحـزام .......... مـع مقـادم لابتـي وأفتخـر بالطيبيـن
عزوةٍحطّت علـى أردى خلايفهـا وسـام .......... ما ينقصّهـا الـرديّ دام غيـره وارثيـن
تتمشى عبر الأجيال فـي نفـس النظـام .......... ترفع المبنى على قـوّة السّـاس المتيـن
في سبيل أمجادنا يوم أشارك لـي مـرام .......... انشدوا ضيرالمعاني عن الولـف الحزيـن
فكّروا فيهـا ومعكـم ليـا تسعيـن عـام .......... واعسى من عقب هـذا يجـي رد اليقيـن
يمكن أن المستحيله تحـرك لـي عظـام .......... لادرك التصوير فيها مـن آخركـم جنيـن
رددوهـا وأذكرونـي ليـا هـبّ الـولام .......... وجنّبوني لا مشـى سرحكـم متفاختيـن
حقكم مني مـاأدق الخـدود مـن الوشـام .......... الجـزلـه هـديـه وهزلتـكـم سمـيـن
يابني عمّي ترا الزيـف مايبنـي سنـام .......... بالتّوالـف عزكـم والتّخالـف خاسريـن
يبـذر البـذّار والخاتمـه عنـد الصـرام .......... يدري اللي مـادرا وش مـدار الناصحيـن
..
..
..
لـ /الشآعر :- فلاح بن مبرد الحميداني
تقـــبلوا خالـــــص احترامـــــــــــــــي
تحـــــــــــــــــ ღ دلــــــــــــــــــع ღ ـــــــــــــــــــياتي
تعليق